ஹரிவராஸனம் விஶ்வமோஹனம் ஹரித³தீ⁴ஶ்வரம் ஆராத்⁴யபாது³கம் । அரிவிமர்த³னம் நித்யனர்தனம் ஹரிஹராத்மஜம் தே³வமாஶ்ரயே ॥ 1 ॥ ஶரணகீர்தனம் ப⁴க்தமானஸம் ப⁴ரணலோலுபம் நர்தனாலஸம் । அருணபா⁴ஸுரம் பூ⁴தனாயகம் ஹரிஹராத்மஜம் தே³வமாஶ்ரயே ॥ 2 ॥ ப்ரணயஸத்யகம் ப்ராணனாயகம் ப்ரணதகல்பகம் ஸுப்ரபா⁴ஞ்சிதம் । ப்ரணவமந்தி³ரம் கீர்தனப்ரியம் ஹரிஹராத்மஜம் தே³வமாஶ்ரயே ॥ 3 ॥ துரக³வாஹனம் ஸுந்த³ரானநம் வரக³தா³யுத⁴ம் வேத³வர்ணிதம் । கு³ருக்ருபாகரம் கீர்தனப்ரியம் ஹரிஹராத்மஜம் தே³வமாஶ்ரயே ॥ 4 ॥ த்ரிபு⁴வனார்சிதம் தே³வதாத்மகம் த்ரினயனப்ரபு⁴ம் தி³வ்யதே³ஶிகம் । த்ரித³ஶபூஜிதம் சிந்திதப்ரத³ம் ஹரிஹராத்மஜம் தே³வமாஶ்ரயே ॥ 5 ॥ ப⁴வப⁴யாபஹம் பா⁴வுகாவகம் பு⁴வனமோஹனம் பூ⁴திபூ⁴ஷணம் । த⁴வளவாஹனம் தி³வ்யவாரணம் ஹரிஹராத்மஜம் தே³வமாஶ்ரயே ॥ 6 ॥ களம்ருது³ஸ்மிதம் ஸுந்த³ரானநம் களப⁴கோமலம் கா³த்ரமோஹனம் । களப⁴கேஸரீவாஜிவாஹனம் ஹரிஹராத்மஜம் தே³வமாஶ்ரயே ॥ 7 ॥ ஶ்ரிதஜனப்ரியம் சிந்திதப்ரத³ம் ஶ்ருதிவிபூ⁴ஷணம் ஸாது⁴ஜீவனம் । ஶ்ருதிமனோஹரம் கீ³தலாலஸம் ஹரிஹராத்மஜம் தே³வமாஶ்ரயே ॥ 8 ॥ ஶரணம் அய்யப்பா ஸ்வாமி ஶரணம் அய்யப்பா । ஶரணம் அய்யப்பா ஸ்வாமி ஶரணம் அய்யப்பா ॥