ஶ்ரிதானந்த³ சிந்தாமணி ஶ்ரீனிவாஸம் ஸதா³ ஸச்சிதா³னந்த³ பூர்ணப்ரகாஶம் । உதா³ரம் ஸுதா³ரம் ஸுராதா⁴ரமீஶம் பரம் ஜ்யோதிரூபம் பஜ⁴ே பூ⁴தனாத²ம் ॥ 1 விபு⁴ம் வேத³வேதா³ந்தவேத்³யம் வரிஷ்ட²ம் விபூ⁴திப்ரத³ம் விஶ்ருதம் ப்³ரஹ்மனிஷ்ட²ம் । விபா⁴ஸ்வத்ப்ரபா⁴வப்ரப⁴ம் புஷ்கலேஷ்டம் பரம் ஜ்யோதிரூபம் பஜ⁴ே பூ⁴தனாத²ம் ॥ 2 பரித்ராணத³க்ஷம் பரப்³ரஹ்மஸூத்ரம் ஸ்பு²ரச்சாருகா³த்ரம் ப⁴வத்⁴வாந்தமித்ரம் । பரம் ப்ரேமபாத்ரம் பவித்ரம் விசித்ரம் பரம் ஜ்யோதிரூபம் பஜ⁴ே பூ⁴தனாத²ம் ॥ 3 பரேஶம் ப்ரபு⁴ம் பூர்ணகாருண்யரூபம் கி³ரீஶாதி⁴பீடோ²ஜ்ஜ்வலச்சாருதீ³பம் । ஸுரேஶாதி³ஸம்ஸேவிதம் ஸுப்ரதாபம் பரம் ஜ்யோதிரூபம் பஜ⁴ே பூ⁴தனாத²ம் ॥ 4 ஹரீஶானஸம்யுக்தஶக்த்யேகவீரம் கிராதாவதாரம் க்ருபாபாங்க³பூரம் । கிரீடாவதம்ஸோஜ்ஜ்வலத் பிஞ்ச²பா⁴ரம் பரம் ஜ்யோதிரூபம் பஜ⁴ே பூ⁴தனாத²ம் ॥ 5 கு³ரும் பூர்ணலாவண்யபாதா³தி³கேஶம் க³ரீயம் மஹாகோடிஸூர்யப்ரகாஶம் । கராம்போ⁴ருஹன்யஸ்தவேத்ரம் ஸுரேஶம் பரம் ஜ்யோதிரூபம் பஜ⁴ே பூ⁴தனாத²ம் ॥ 6 மஹாயோக³பீடே² ஜ்வலந்தம் மஹாந்தம் மஹாவாக்யஸாரோபதே³ஶம் ஸுஶாந்தம் । மஹர்ஷிப்ரஹர்ஷப்ரத³ம் ஜ்ஞானகந்த³ம் பரம் ஜ்யோதிரூபம் பஜ⁴ே பூ⁴தனாத²ம் ॥ 7 மஹாரண்யமன்மானஸாந்தர்னிவாஸான் அஹங்காரது³ர்வாரஹிம்‍ஸ்ரா ம்ருகா³தீ³ன் । ஹரந்தம் கிராதாவதாரம் சரந்தம் பரம் ஜ்யோதிரூபம் பஜ⁴ே பூ⁴தனாத²ம் ॥ 8 ப்ருதி²வ்யாதி³பூ⁴த ப்ரபஞ்சாந்தரஸ்த²ம் ப்ருத²க்³பூ⁴தசைதன்யஜன்யம் ப்ரஶஸ்தம் । ப்ரதா⁴னம் ப்ரமாணம் புராணப்ரஸித்³த⁴ம் பரம் ஜ்யோதிரூபம் பஜ⁴ே பூ⁴தனாத²ம் ॥ 9 ஜகஜ³்ஜீவனம் பாவனம் பா⁴வனீயம் ஜக³த்³வ்யாபகம் தீ³பகம் மோஹனீயம் । ஸுகா²தா⁴ரமாதா⁴ரபூ⁴தம் துரீயம் பரம் ஜ்யோதிரூபம் பஜ⁴ே பூ⁴தனாத²ம் ॥ 10 இஹாமுத்ர ஸத்ஸௌக்²யஸம்பன்னிதா⁴னம் மஹத்³யோனிமவ்யாஹதாத்மாபி⁴தா⁴னம் । அஹ: புண்ட³ரீகானநம் தீ³ப்யமானம் பரம் ஜ்யோதிரூபம் பஜ⁴ே பூ⁴தனாத²ம் ॥ 11 த்ரிகாலஸ்தி²தம் ஸுஸ்தி²ரம் ஜ்ஞானஸம்ஸ்த²ம் த்ரிதா⁴ம த்ரிமூர்த்யாத்மகம் ப்³ரஹ்மஸம்ஸ்த²ம் । த்ரயீமூர்திமார்திச்சி²த³ம் ஶக்தியுக்தம் பரம் ஜ்யோதிரூபம் பஜ⁴ே பூ⁴தனாத²ம் ॥ 12 இடா³ம் பிங்கள³ாம் ஸத்ஸுஷும்னாம் விஶந்தம் ஸ்பு²டம் ப்³ரஹ்மரந்த்⁴ர ஸ்வதந்த்ரம் ஸுஶாந்தம் । த்³ருட⁴ம் நித்ய நிர்வாணமுத்³பா⁴ஸயந்தம் பரம் ஜ்யோதிரூபம் பஜ⁴ே பூ⁴தனாத²ம் ॥ 13 அணுப்³ரஹ்மபர்யந்த ஜீவைக்யபி³ம்ப³ம் கு³ணாகாரமத்யந்தப⁴க்தானுகம்பம் । அனர்க⁴ம் ஶுபோ⁴த³ர்கமாத்மாவலம்ப³ம் பரம் ஜ்யோதிரூபம் பஜ⁴ே பூ⁴தனாத²ம் ॥ 14 இதி த⁴ர்மஶாஸ்தா பு⁴ஜங்க³ ஸ்தோத்ரம் ।