हैंహైHaindavamஹிહિં
📍
Font Size:
നാരായണ സൂക്തം
ഓം സ॒ഹ നാ॑വവതു । സ॒ഹ നൗ॑ ഭുനക്തു । സ॒ഹ വീ॒ര്യം॑ കരവാവഹൈ ।
തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ ॥
ഓം ശാന്തി॒: ശാന്തി॒: ശാന്തി॑: ॥
സ॒ഹ॒സ്ര॒ശീർ॑ഷം ദേ॒വം॒ വി॒ശ്വാക്ഷം॑ വി॒ശ്വശം॑ഭുവം ।
വിശ്വം॑ നാ॒രായ॑ണം ദേ॒വ॒മ॒ക്ഷരം॑ പര॒മം പ॒ദം ।
വി॒ശ്വത॒: പര॑മാന്നി॒ത്യം॒ വി॒ശ്വം നാ॑രായ॒ണഗ്ം ഹ॑രിം ।
വിശ്വ॑മേ॒വേദം പുരു॑ഷ॒സ്തദ്വിശ്വ॒മുപ॑ജീവതി ।
പതിം॒ വിശ്വ॑സ്യാ॒ത്മേശ്വ॑ര॒ഗ്ം॒ ശാശ്വ॑തഗ്ം ശി॒വമ॑ച്യുതം ।
നാ॒രായ॒ണം മ॑ഹാജ്ഞേ॒യം॒ വി॒ശ്വാത്മാ॑നം പ॒രായ॑ണം ।
നാ॒രായ॒ണ പ॑രോ ജ്യോ॒തി॒രാ॒ത്മാ നാ॑രായ॒ണഃ പ॑രഃ ।
നാ॒രായ॒ണ പ॑രം ബ്ര॒ഹ്മ॒ ത॒ത്ത്വം നാ॑രായ॒ണഃ പ॑രഃ ।
നാ॒രായ॒ണ പ॑രോ ധ്യാ॒താ॒ ധ്യാ॒നം നാ॑രായ॒ണഃ പ॑രഃ ।
യച്ച॑ കി॒ഞ്ചിജ്ജ॑ഗത്സ॒ർവം॒ ദൃ॒ശ്യതേ᳚ ശ്രൂയ॒തേഽപി॑ വാ ॥
അന്ത॑ർബ॒ഹിശ്ച॑ തത്സ॒ർവം॒ വ്യാ॒പ്യ നാ॑രായ॒ണഃ സ്ഥി॑തഃ ।
അന॑ന്ത॒മവ്യ॑യം ക॒വിഗ്ം സ॑മു॒ദ്രേഽന്തം॑ വി॒ശ്വശം॑ഭുവം ।
പ॒ദ്മ॒കോ॒ശ പ്ര॑തീകാ॒ശ॒ഗ്ം॒ ഹൃ॒ദയം॑ ചാപ്യ॒ധോമു॑ഖം ।
അധോ॑ നി॒ഷ്ട്യാ വി॑തസ്ത്യാ॒ന്തേ॒ നാ॒ഭ്യാമു॑പരി॒ തിഷ്ഠ॑തി ।
ജ്വാ॒ല॒മാ॒ലാകു॑ലം ഭാ॒തീ॒ വി॒ശ്വസ്യാ॑യത॒നം മ॑ഹത് ।
സന്ത॑തഗ്ം ശി॒ലാഭി॑സ്തു॒ ലംബ॑ത്യാകോശ॒സന്നി॑ഭം ।
തസ്യാന്തേ॑ സുഷി॒രഗ്ം സൂ॒ക്ഷ്മം തസ്മിൻ᳚ സ॒ർവം പ്രതി॑ഷ്ഠിതം ।
തസ്യ॒ മധ്യേ॑ മ॒ഹാന॑ഗ്നിർവി॒ശ്വാർചി॑ർവി॒ശ്വതോ॑മുഖഃ ।
സോഽഗ്ര॑ഭു॒ഗ്വിഭ॑ജന്തി॒ഷ്ഠ॒ന്നാഹാ॑രമജ॒രഃ ക॒വിഃ ।
തി॒ര്യ॒ഗൂ॒ർധ്വമ॑ധശ്ശാ॒യീ॒ ര॒ശ്മയ॑സ്തസ്യ॒ സന്ത॑താ ।
സ॒ന്താ॒പയ॑തി സ്വം ദേ॒ഹമാപാ॑ദതല॒മസ്ത॑കഃ ।
തസ്യ॒ മധ്യേ॒ വഹ്നി॑ശിഖാ അ॒ണീയോ᳚ർധ്വാ വ്യ॒വസ്ഥി॑തഃ ।
നീ॒ലതോ॑യദ॑മധ്യ॒സ്ഥാ॒ദ്വി॒ദ്യുല്ലേ॑ഖേവ॒ ഭാസ്വ॑രാ ।
നീ॒വാര॒ശൂക॑വത്ത॒ന്വീ॒ പീ॒താ ഭാ᳚സ്വത്യ॒ണൂപ॑മാ ।
തസ്യാ᳚: ശിഖാ॒യാ മ॑ധ്യേ പ॒രമാ᳚ത്മാ വ്യ॒വസ്ഥി॑തഃ ।
സ ബ്രഹ്മ॒ സ ശിവ॒: സ ഹരി॒: സേന്ദ്ര॒: സോഽക്ഷ॑രഃ പര॒മഃ സ്വ॒രാട് ॥
ഋ॒തഗ്ം സ॒ത്യം പ॑രം ബ്ര॒ഹ്മ॒ പു॒രുഷം॑ കൃഷ്ണ॒പിംഗ॑ലം ।
ഊ॒ർധ്വരേ॑തം വി॑രൂപാ॒ക്ഷം॒ വി॒ശ്വരൂ॑പായ॒ വൈ നമോ॒ നമ॑: ।
ഓം നാ॒രാ॒യ॒ണായ॑ വി॒ദ്മഹേ॑ വാസുദേ॒വായ॑ ധീമഹി ।
തന്നോ॑ വിഷ്ണുഃ പ്രചോ॒ദയാ᳚ത് ॥
ഓം ശാന്തി॒: ശാന്തി॒: ശാന്തി॑: ॥
Recite with devotion and pure heart
Regular practice brings spiritual benefits