हैंహైHaindavamஹிહિં
📍
Font Size:
മഹാനാരായണോപനിഷത്
ഹ॒രി॒: ഓം ॥
ശം നോ॑ മി॒ത്രഃ ശം വരു॑ണഃ ।
ശം നോ॑ ഭവത്വര്യ॒മാ ।
ശം ന॒ ഇന്ദ്രോ॒ ബൃഹ॒സ്പതി॑: ।
ശം നോ॒ വിഷ്ണു॑രുരുക്ര॒മഃ ॥
നമോ॒ ബ്രഹ്മ॑ണേ । നമ॑സ്തേ വായോ ।
ത്വമേ॒വ പ്ര॒ത്യക്ഷം॒ ബ്രഹ്മാ॑സി ।
ത്വാമേ॒വ പ്ര॒ത്യക്ഷം॒ ബ്രഹ്മ॑ വദിഷ്യാമി ।
ഋ॒തം വ॑ദിഷ്യാമി । സ॒ത്യം വ॑ദിഷ്യാമി ।
തന്മാമ॑വതു । തദ്വക്താര॑മവതു॒ ।
അവ॑തു॒ മാം । അവ॑തു വ॒ക്താരം᳚ ॥
ഓം ശാന്തി॒: ശാന്തി॒: ശാന്തി॑: ॥
ഓം സ॒ഹ നാ॑വവതു । സ॒ഹ നൗ॑ ഭunക്തു ।
സ॒ഹ വീ॒ര്യം॑ കരവാവഹൈ ।
തേ॒ജ॒സ്വി നാ॒വധീ॑തമസ്തു॒ । മാ വി॑ദ്വിഷാ॒വഹൈ᳚ ।
ഓം ശാന്തി॒: ശാന്തി॒: ശാന്തി॑: ॥
പ്രഥമോഽനുവാകഃ ।
അംഭ॑സ്യപാ॒രേ ഭുവ॑നസ്യ॒ മധ്യേ॒ നാക॑സ്യ പൃ॒ഷ്ഠേ മ॑ഹ॒തോ മഹീ॑യാൻ ।
ശു॒ക്രേണ॒ ജ്യോതീഗ്ം॑ഷി സമനു॒പ്രവി॑ഷ്ടഃ പ്ര॒ജാപ॑തിശ്ചരതി॒ ഗർഭേ॑ അ॒ന്തഃ ॥ 1 ॥
യസ്മി॑ന്നി॒ദഗ്ം സം ച॒ വി ചൈതി॒ സർവം॒ യസ്മി॑ൻ ദേ॒വാ അധി॒ വിശ്വേ॑ നിഷേ॒ദുഃ ।
തദേ॒വ ഭൂ॒തം തദു॒ ഭവ്യ॑മാ ഇ॒ദം തദ॒ക്ഷരേ॑ പര॒മേ വ്യോ॑മൻ ॥ 2 ॥
യേനാ॑വൃ॒തം ഖം ച॒ ദിവം॑ മ॒ഹീം ച॒ യേനാ॑ദി॒ത്യസ്തപ॑തി॒ തേജ॑സാ॒ ഭ്രാജ॑സാ ച ।
യമ॒ന്തഃ സ॑മു॒ദ്രേ ക॒വയോ॒ വയ॑ന്തി॒ യദ॒ക്ഷരേ॑ പര॒മേ പ്ര॒ജാഃ ॥ 3 ॥
യത॑: പ്രസൂ॒താ ജ॒ഗത॑: പ്രസൂതീ॒ തോയേ॑ന ജീ॒വാൻ വ്യച॑സർജ॒ ഭൂമ്യാം॑ ।
യദോഷ॑ധീഭിഃ പു॒രുഷാ᳚ൻ പ॒ശൂഗ്ംശ്ച॒ വിവേശ॑ ഭൂ॒താനി॑ ചരാച॒രാണി॑ ॥ 4 ॥
അതഃ പരം॒ നാന്യ॒ദണീ॑യസഗ്ം ഹി॒ പരാ॑ത്പരം॒ യന്മഹ॑തോ മ॒ഹാന്തം॑ ।
യദേ॑കമ॒വ്യക്ത॒മന॑ന്തരൂപം॒ വിശ്വം॑ പുരാ॒ണം തമ॑സ॒: പര॑സ്താത് ॥ 5 ॥
തദേ॒വർതം തദു॑ സ॒ത്യമാ॑ഹു॒സ്തദേ॒വ ബ്രഹ്മ॑ പര॒മം ക॑വീ॒നാം ।
ഇ॒ഷ്ടാ॒പൂ॒ർതം ബ॑ഹു॒ധാ ജാ॒തം ജായ॑മാനം വി॒ശ്വം ബി॑ഭർതി॒ ഭുവ॑നസ്യ॒ നാഭി॑: ॥ 6 ॥
തദേ॒വാഗ്നിസ്തദ്വാ॒യുസ്തത്സൂര്യ॒സ്തദു॑ ചന്ദ്രമാ᳚: ।
തദേ॒വ ശു॒ക്രമ॒മൃതം॒ തദ്ബ്രഹ്മ॒ തദാപ॒: സ॒ പ്ര॒ജാപ॑തിഃ ॥ 7 ॥
സർവേ॑ നിമേ॒ഷാ ജ॒ജ്ഞിരേ॑ വി॒ദ്യുത॒: പുരു॑ഷാ॒ദധി॑ ।
ക॒ലാ മു॑ഹൂ॒ർതാഃ കാഷ്ഠാ᳚ശ്ചാഹോരാ॒ത്രാശ്ച॑ സർവ॒ശഃ ॥ 8 ॥
അ॒ർധ॒മാ॒സാ മാസാ॑ ഋ॒തവ॑: സംവത്സ॒രശ്ച॑ കല്പന്താം ।
സ ആപ॑: പ്രദു॒ഘേ ഉ॒ഭേ ഇ॒മേ അ॒ന്തരി॑ക്ഷ॒മഥോ॒ സുവ॑: ॥ 9 ॥
നൈന॑മൂ॒ർധ്വം ന തി॒ര്യഞ്ചം॒ ന മധ്യേ॒ പരി॑ജഗ്രഭത് ।
ന തസ്യേ॑ശേ॒ കശ്ച॒ന തസ്യ നാമ മ॒ഹദയശ॑: ॥ 10 ॥
ന സ॒ന്ദൃശേ॑ തിഷ്ഠതി॒ രൂപ॑മസ്യ॒ ന ചക്ഷു॑ഷാ പശ്യതി॒ കശ്ച॒നൈനം᳚ ।
ഹൃ॒ദാ മ॑നീ॒ഷാ മന॑സാ॒ഭിക്ലൃ॑പ്തോ॒ യ ഏ॑നം വി॒ദുരമൃ॑താ॒സ്തേ ഭ॑വന്തി ॥ 11 ॥
(ഹിരണ്യഗർഭ സൂക്ത)
അ॒ദ്ഭ്യഃ സംഭൂ॑തോ ഹിരണ്യഗ॒ർഭ ഇത്യ॒ഷ്ടൗ ॥
അ॒ദ്ഭ്യഃ സംഭൂ॑തഃ പൃഥി॒വ്യൈ രസാ॑ച്ച ।
വി॒ശ്വക॑ർമണ॒: സമ॑വ॒ർതതാധി॑ ।
തസ്യ॒ ത്വഷ്ടാ॑ വി॒ദധ॑ദ്രൂ॒പമേ॑തി ।
തത്പുരു॑ഷസ്യ॒ വിശ്വ॒മാജാ॑ന॒മഗ്രേ᳚ । 1
വേദാ॒ഹമേ॒തം പുരു॑ഷം മ॒ഹാന്തം॑ ।
ആ॒ദി॒ത്യവ॑ർണം॒ തമ॑സ॒: പര॑സ്താത് ।
തമേ॒വം വി॒ദ്വാന॒മൃത॑ ഇ॒ഹ ഭ॑വതി । 2
നാന്യഃ പന്ഥാ॑ വിദ്യ॒തേയ॑ഽനായ ।
പ്ര॒ജാപ॑തിശ്ചരതി॒ ഗർഭേ॑ അ॒ന്തഃ ।
അ॒ജായ॑മാനോ ബഹു॒ഥാ വിജായതേ ।
തസ്യ॒ ധീരാ॒: പരി॑ജാനന്തി॒ യോനിം॑ ।
മരീ॑ചീനാം പ॒ദമി॑ച്ഛന്തി വേ॒ധസ॑: । 3
യോ ദേ॒വേഭ്യ॒ ആത॑പതി ।
യോ ദേ॒വാനാം᳚ പു॒രോഹി॑തഃ ।
പൂർവോ॒ യോ ദേ॒വേഭ്യോ॑ ജാ॒തഃ ।
നമോ॑ രു॒ചായ॒ ബ്രാഹ്മ॑യേ । 4
രുചം॑ ബ്രാ॒ഹ്മം ജ॒നയ॑ന്തഃ ।
ദേ॒വാ അഗ്രേ॒ തദ॑ബ്രുവൻ ।
യസ്ത്വൈ॒വം ബ്രാ॑ഹ്മ॒ണോ വി॒ദ്യാത് ।
തസ്യ॑ ദേ॒വാ അസ॒ൻ വശേ॑ ।
ഹ്രീശ്ച॑ തേ ല॒ക്ഷ്മീശ്ച॒ പത്ന്യൗ॑ ।
അ॒ഹോ॒രാ॒ത്രേ പാ॒ർശ്വേ । നക്ഷ॑ത്രാണി രൂ॒പം ।
അ॒ശ്വിനൗ॒ വ്യാത്തം॑ । ഇ॒ഷ്ടം മ॑നിഷാണ ।
അ॒മും മ॑നിഷാണ । സർവം॑ മനിഷാണ ।
(ഇതി ഉത്തരനാരായണാനുവാകഃ)
ഹി॒ര॒ണ്യ॒ഗ॒ർഭഃ സമ॑വർത॒താഗ്രേ॑ ഭൂ॒തസ്യ॑ ജാ॒തഃ പതി॒രേക॑ ആസീത് ।
സ ദാ॑ധാര പൃഥി॒വീം ദ്യാമു॒തേമാം കസ്മൈ॑ ദേ॒വായ॑ ഹ॒വിഷാ॑ വിധേമ ॥ 1 ॥
യഃ പ്രാ॑ണ॒തോ നി॑മിഷ॒തോ മ॑ഹി॒ത്വൈക॒ ഇദ്രാജാ॒ ജഗ॑തോ ബ॒ഭൂവ॑ ।
യ ഈശേ അ॒സ്യ ദ്വി॒പദ॒ശ്ചതു॑ഷ്പദ॒: കസ്മൈ॑ ദേ॒വായ॑ ഹ॒വിഷാ॑ വിധേമ ॥ 2 ॥
യ ആ॑ത്മ॒ദാ ബ॑ല॒ന്ദാ യസ്യ॒ വിശ്വ॑ ഉ॒പാസ॑തേ പ്ര॒ശിഷം॒ യസ്യ॑ ദേ॒വാഃ ।
യസ്യ॑ ഛാ॒യാമൃതം॒ യസ്യ॑ മൃ॒ത്യുഃ കസ്മൈ॑ ദേ॒വായ॑ ഹ॒വിഷാ॑ വിധേമ ॥ 3 ॥
യസ്യേ॒മേ ഹി॒മവ॑ന്തോ മഹി॒ത്വാ യസ്യ॑ സമു॒ദ്രഗ്ം രസയാ॑ സ॒ഹാഹുഃ ।
യസ്യേ॒മാഃ പ്ര॒ദിശോ॒ യസ്യ॑ ബാ॒ഹൂ കസ്മൈ॑ ദേ॒വായ॑ ഹ॒വിഷാ॑ വിധേമ ॥ 4 ॥
യം ക്രന്ദ॑സീ॒ അവ॑സാ തസ്തഭാ॒നേ അ॒സ്യൈക്ഷേ॑താം॒ മന॑സാ॒ രേജ॑മാനേ ।
യത്രാധി॒ സൂര॒ ഉദി॑തൗ॒ വ്യേതി॒ കസ്മൈ॑ ദേ॒വായ॑ ഹ॒വിഷാ॑ വിധേമ ॥ 5 ॥
യേന॒ ദ്യൗരു॒ഗ്രാ പൃ॑ഥി॒വീ ച॑ ദൃഢേ॒ യേന॒ സുവ॑: സ്തഭി॒തം യേന॒ നാക॑: ।
യോ അ॒ന്തരി॑ക്ഷേ॒ രജ॑സോ വി॒മാന॒: കസ്മൈ॑ ദേ॒വായ ഹ॒വിഷാ॑ വിധേമ ॥ 6 ॥
ആപോ॑ ഹ॒ യന്മ॑ഹ॒തീർവിശ്വ॒മായം॒ ദക്ഷം॒ ദധാനാ ജ॒നയ॑ന്തീര॒ഗ്നിം ।
തതോ॑ ദേ॒വാനാം॒ നിര॑വർത॒താസു॒രേക॒: കസ്മൈ॑ ദേ॒വായ॑ ഹ॒വിഷാ॑ വിധേമ ॥ 7 ॥
യശ്ചി॒ദാപോ॑ മഹി॒നാ പ॒ര്യപ॑ശ്യ॒ദ്ദക്ഷം॒ ദധാ॑നാ ജ॒നയ॑ന്തീര॒ഗ്നിം ।
യോ ദേ॒വേഷ്വധി॑ ദേ॒വ ഏ॒ക ആസീ॒ത് കസ്മൈ॑ ദേ॒വായ॑ ഹ॒വിഷാ॑ വിധേമ ॥ 8 ॥
ഏ॒ഷ ഹി ദേ॒വഃ പ്ര॒ദിശോഽനു॒ സർവാ॒:
പൂർവോ॑ ഹി ജാ॒തഃ സ ഉ॒ ഗർഭേ॑ അ॒ന്തഃ ।
സ വി॒ജായ॑മാനഃ സ ജനി॒ഷ്യമാ॑ണഃ
പ്ര॒ത്യങ്മുഖാ᳚സ്തിഷ്ഠതി വി॒ശ്വതോ॑മുഖഃ ॥ 12 ॥
വി॒ശ്വത॑ശ്ചക്ഷുരു॒ത വി॒ശ്വതോ॑ മുഖോ വി॒ശ്വതോ॑ ഹസ്ത ഉ॒ത വി॒ശ്വത॑സ്പാത് ।
സം ബാ॒ഹുഭ്യാം നമ॑തി॒ സം പത॑ത്രൈർദ്യാവാ॑പൃഥി॒വീ ജ॒നയ॑ൻ ദേ॒വ ഏക॑: ॥ 13 ॥
വേ॒നസ്തത് പശ്യ॒ൻ വിശ്വാ॒ ഭുവ॑നാനി വി॒ദ്വാൻ യത്ര॒ വിശ്വം॒ ഭവ॒ത്യേക॑നീഡം ।
യസ്മി॑ന്നി॒ദഗ്ംസം ച॒ വി ചൈക॒ഗ്ംസ ഓതഃ പ്രോത॑ശ്ച വി॒ഭുഃ പ്ര॒ജാസു॑ ॥ 14 ॥
പ്ര തദ്വോ॑ചേ അ॒മൃതം॒ നു വി॒ദ്വാൻ ഗ॑ന്ധ॒ർവോ നാമ॒ നിഹി॑തം॒ ഗുഹാ॑സു ।
ത്രീണി॑ പ॒ദാ നിഹി॑താ॒ ഗുഹാ॑സു॒ യസ്തദ്വേദ॑ സവി॒തുഃ പി॒താ സ॑ത് ॥ 15 ॥
സ നോ॒ ബന്ധു॑ർജനി॒താ സ വി॑ധാ॒താ ധാമാ॑നി॒ വേദ॒ ഭുവ॑നാനി॒ വിശ്വാ᳚ ।
യത്ര॑ ദേ॒വാ അ॒മൃത॑മാനശാ॒നാസ്തൃ॒തീയേ॒ ധാമാ᳚ന്യ॒ഭ്യൈര॑യന്ത ॥ 16 ॥
പരി॒ ദ്യാവാ॑പൃഥി॒വീ യ॑ന്തി സ॒ദ്യഃ പരി॑ ലോ॒കാൻ പരി॒ ദിശ॒: പരി॒ സുവ॑: ।
ഋ॒തസ്യ॒ തന്തും॑ വിതതം വി॒ചൃത്യ॒ തദ॑പശ്യ॒ത് തദ॑ഭവത് പ്ര॒ജാസു॑ ॥ 17 ॥
പ॒രീത്യ॑ ലോ॒കാൻ പ॒രീത്യ॑ ഭൂ॒താനി॑ പ॒രീത്യ॒ സർവാ᳚: പ്ര॒ദിശോ॒ ദിശ॑ശ്ച ।
പ്ര॒ജാപ॑തിഃ പ്രഥമ॒ജാ ഋ॒തസ്യാ॒ത്മനാ॒ത്മാന॑മ॒ഭിസംബഭൂവ ॥ 18 ॥
സദ॑സ॒സ്പതി॒മദ്ഭു॑തം പ്രി॒യമിന്ദ്ര॑സ്യ॒ കാമ്യം᳚ ।
സനിം॑ മേ॒ധാമ॑യാസിഷം ॥ 19 ॥
ഉദ്ദീ᳚പ്യസ്വ ജാതവേദോഽപ॒ഘ്നന്നിരൃ॑തിം॒ മമ॑ ।
പ॒ശൂഗ്ംശ്ച॒ മഹ്യ॒മാവ॑ഹ॒ ജീവ॑നം ച॒ ദിശോ॑ ദിശ ॥ 20 ॥
മാ നോ॑ ഹിഗ്ംസീജ്ജാതവേദോ॒ ഗാമശ്വം॒ പുരു॑ഷം॒ ജഗ॑ത് ।
അബി॑ഭ്ര॒ദഗ്ന॒ ആഗ॑ഹി ശ്രി॒യാ മാ॒ പരി॑പാതയ ॥ 21 ॥
പുരു॑ഷസ്യ വിദ്മ സഹസ്രാ॒ക്ഷസ്യ॑ മഹാദേ॒വസ്യ॑ ധീമഹി ।
തന്നോ॑ രുദ്രഃ പ്രചോ॒ദയാ᳚ത് ॥ 22 ॥
ഗായത്ര്യാഃ ।
തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി ।
തന്നോ॑ രുദ്രഃ പ്രചോ॒ദയാ᳚ത് ॥ 23 ॥
തത്പുരു॑ഷായ വി॒ദ്മഹേ॑ വക്രതു॒ണ്ഡായ॑ ധീമഹി ।
തന്നോ॑ ദന്തിഃ പ്രചോ॒ദയാ᳚ത് ॥ 24 ॥
തത്പുരു॑ഷായ വി॒ദ്മഹേ॑ ചക്രതു॒ണ്ഡായ॑ ധീമഹി ।
തന്നോ॑ നന്ദിഃ പ്രചോ॒ദയാ᳚ത് ॥ 25 ॥
തത്പുരു॑ഷായ വി॒ദ്മഹേ॑ മഹാസേ॒നായ॑ ധീമഹി ।
തന്നഃ ഷണ്മുഖഃ പ്രചോ॒ദയാ᳚ത് ॥ 26 ॥
തത്പുരു॑ഷായ വി॒ദ്മഹേ॑ സുവർണപ॒ക്ഷായ॑ ധീമഹി ।
തന്നോ॑ ഗരുഡഃ പ്രചോ॒ദയാ᳚ത് ॥ 27 ॥
വേ॒ദാ॒ത്മ॒നായ॑ വി॒ദ്മഹേ॑ ഹിരണ്യഗ॒ർഭായ॑ ധീമഹി ।
തന്നോ॑ ബ്രഹ്മ പ്രചോ॒ദയാ᳚ത് ॥ 28 ॥
നാ॒രാ॒യ॒ണായ॑ വി॒ദ്മഹേ॑ വാസുദേ॒വായ॑ ധീമഹി ।
തന്നോ॑ വിഷ്ണുഃ പ്രചോ॒ദയാ᳚ത് ॥ 29 ॥
വ॒ജ്ര॒ന॒ഖായ॑ വി॒ദ്മഹേ॑ തീക്ഷ്ണദ॒ഗ്ംഷ്ട്രായ॑ ധീമഹി ।
തന്നോ॑ നാരസിഗ്ംഹഃ പ്രചോ॒ദയാ᳚ത് ॥ 30 ॥
ഭാ॒സ്ക॒രായ॑ വി॒ദ്മഹേ॑ മഹദ്ദ്യുതിക॒രായ॑ ധീമഹി ।
തന്നോ॑ ആദിത്യഃ പ്രചോ॒ദയാ᳚ത് ॥ 31 ॥
വൈ॒ശ്വാ॒ന॒രായ॑ വി॒ദ്മഹേ॑ ലാലീ॒ലായ ധീമഹി ।
തന്നോ॑ അഗ്നിഃ പ്രചോ॒ദയാ᳚ത് ॥ 32 ॥
കാ॒ത്യാ॒യ॒നായ॑ വി॒ദ്മഹേ॑ കന്യകു॒മാരി॑ ധീമഹി ।
തന്നോ॑ ദുർഗിഃ പ്രചോ॒ദയാ᳚ത് ॥ 33 ॥
സ॒ഹ॒സ്ര॒പര॑മാ ദേ॒വീ॒ ശ॒തമൂ॑ലാ ശ॒താങ്കു॑രാ ।
സ॒ർവഗ്ംഹരതു॑ മേ പാ॒പം॒ ദൂ॒ർവാ ദു॑:സ്വപ്ന॒നാശി॑നീ ॥ 34 ॥
കാണ്ഡാ᳚ത് കാണ്ഡാത് പ്ര॒രോഹ॑ന്തീ॒ പരു॑ഷഃ പരുഷ॒: പരി॑ ।
ഏ॒വാ നോ॑ ദൂർവേ॒ പ്രത॑നു സ॒ഹസ്രേ॑ണ ശ॒തേന॑ ച ॥ 35 ॥
യാ ശ॒തേന॑ പ്രത॒നോഷി॑ സ॒ഹസ്രേ॑ണ വി॒രോഹ॑സി ।
തസ്യാ॑സ്തേ ദേവീഷ്ടകേ വി॒ധേമ॑ ഹ॒വിഷാ॑ വ॒യം ॥ 36 ॥
അശ്വക്രാ॒ന്തേ ര॑ഥക്രാ॒ന്തേ॒ വി॒ഷ്ണുക്രാ᳚ന്തേ വ॒സുന്ധ॑രാ ।
ശിരസാ॑ ധാര॑യിഷ്യാ॒മി॒ ര॒ക്ഷ॒സ്വ മാം᳚ പദേ॒ പദേ ॥ 37 ॥
ഭൂമിർധേനുർധരണീ ലോക॑ധാ॒രിണീ ।
ഉ॒ദ്ധൃതാ॑സി വ॑രാഹേ॒ണ॒ കൃ॒ഷ്ണേ॒ന ശ॑തബാ॒ഹുനാ ॥ 38 ॥
മൃ॒ത്തികേ॑ ഹന॑ പാ॒പം॒ യ॒ന്മ॒യാ ദു॑ഷ്കൃതം॒ കൃതം ।
മൃത്തികേ᳚ ബ്രഹ്മ॑ദത്താ॒സി॒ കാ॒ശ്യപേ॑നാഭി॒മന്ത്രി॑താ ।
മൃ॒ത്തികേ॑ ദേഹി॑ മേ പു॒ഷ്ടിം॒ ത്വ॒യി സർവം॑ പ്ര॒തിഷ്ഠി॑തം ॥ 39 ॥
മൃ॒ത്തികേ᳚ പ്രതിഷ്ഠി॑തേ സ॒ർവം॒ ത॒ന്മേ നി॑ർണുദ॒ മൃത്തി॑കേ ।
ത്വയാ॑ ഹ॒തേന॑ പാപേ॒ന॒ ഗ॒ച്ഛാ॒മി പ॑രമാം॒ ഗതിം ॥ 40 ॥
യത॑ ഇന്ദ്ര॒ ഭയാ॑മഹേ॒ തതോ॑ നോ॒ അഭ॑യം കൃധി ।
മഘ॑വഞ്ഛ॒ഗ്ധി തവ॒ തന്ന॑ ഊ॒തയേ॒ വിദ്വിഷോ॒ വിമൃധോ᳚ ജഹി ॥ 41 ॥
സ്വ॒സ്തി॒ദാ വി॒ശസ്പതി॑ർവൃത്ര॒ഹാ വിമൃധോ॑ വ॒ശീ ।
വൃഷേന്ദ്ര॑: പു॒ര ഏ॑തു നഃ സ്വസ്തി॒ദാ അ॑ഭയങ്ക॒രഃ ॥ 42 ॥
സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ സ്വ॒സ്തി ന॑: പൂ॒ഷാ വി॒ശ്വവേ॑ദാഃ ।
സ്വ॒സ്തി ന॒സ്താർക്ഷ്യോ॒ അരി॑ഷ്ടനേമിഃ സ്വ॒സ്തി നോ॒ ബൃഹസ്പതി॑ർദധാതു ॥ 43 ॥
ആപാ᳚ന്തമന്യുസ്തൃ॒പല॑പ്രഭർമാ॒ ധുനി॒: ശിമീ॑വാ॒ഞ്ഛരുമാ॑ഗ്ംഋജീ॒ഷീ ।
സോമോ॒ വിശ്വാ᳚ന്യത॒സാവനാ॑നി॒ നാർവാഗിന്ദ്രം॑ പ്രതി॒മാനാ॑നി ദേഭുഃ ॥ 44 ॥
ബ്രഹ്മ॑ജജ്ഞാ॒നം പ്ര॑ഥ॒മം പു॒രസ്താ॒ദ്വി സീ॑മ॒തഃ സു॒രുചോ॑ വേ॒ന ആ॑വഃ ।
സ ബു॒ധ്നിയാ॑ ഉപ॒മാ അ॑സ്യ വി॒ഷ്ഠാഃ സ॒തശ്ച॒ യോനി॒മസ॑തശ്ച॒ വിവ॑: ॥ 45 ॥
സ്യോ॒നാ പൃ॑ഥിവി॒ ഭവാ॑ നൃക്ഷ॒രാ നി॒വേശ॑നീ ।
യച്ഛാ॑ ന॒: ശർമ॑ സ॒പ്രഥാ᳚: ॥ 46 ॥
ഗ॒ന്ധ॒ദ്വാ॒രാം ദു॑രാധ॒ർഷാം॒ നി॒ത്യപു॑ഷ്ടാം കരീ॒ഷിണീം᳚ ।
ഈ॒ശ്വരീഗ്ം॑ സർവ॑ഭൂതാ॒നാം॒ താമി॒ഹോപ॑ഹ്വയേ॒ ശ്രിയം ॥ 47 ॥
ശ്രീ᳚ർമേ ഭ॒ജതു അലക്ഷ്മീ᳚ർമേ ന॒ശ്യതു ।
വിഷ്ണു॑മുഖാ॒ വൈ ദേ॒വാശ്ഛന്ദോ॑ഭിരി॒മാം॑ല്ലോ॒കാന॑നപജ॒യ്യമ॒ഭ്യ॑ജയൻ ।
മ॒ഹാഗ്ം ഇന്ദ്രോ॒ വജ്ര॑ബാഹുഃ ഷോഡ॒ശീ ശർമ॑ യച്ഛതു ॥ 48 ॥
സ്വ॒സ്തി നോ॑ മ॒ഘവാ॑ കരോതു॒ ।
ഹന്തു॑ പാ॒പ്മാനം॒ യോ᳚ഽസ്മാൻ ദ്വേഷ്ടി॑ ॥ 49 ॥
സോ॒മാന॒ഗ്ം സ്വര॑ണം കൃണു॒ഹി ബ്ര॑ഹ്മണസ്പതേ ക॒ക്ഷീവ॑ന്തം॒ യ ഔ॑ശി॒ജം ।
ശരീ॑രം യജ്ഞശമ॒ലം കുസീ॑ദം തസ്മി᳚ന്ത്സീദതു॒ യോ᳚ഽസ്മാൻ ദ്വേഷ്ടി॑ ॥ 50 ॥
ചര॑ണം പ॒വിത്രം॒ വിത॑തം പുരാ॒ണം യേന॑ പൂ॒തസ്തര॑തി ദുഷ്കൃ॒താനി॑ ।
തേന॑ പ॒വിത്രേ॑ണ ശു॒ദ്ധേന॑ പൂ॒താ അതി॑ പാ॒പ്മാന॒മരാ॑തിം തരേമ ॥ 51 ॥
സ॒ജോഷാ॑ ഇന്ദ്ര സഗ॑ണോ മ॒രുദ്ഭി॒: സോമം॑ പിബ വൃത്രഹഞ്ഛൂര വി॒ദ്വാൻ ।
ജ॒ഹി ശ॒ത്രൂ॒ഗ്ംരപ॒ മൃധോ॑ നുദ॒സ്വാഥാഭ॑യം കൃണുഹി വി॒ശ്വതോ॑ നഃ ॥ 52 ॥
സു॒മി॒ത്രാ ന॒ ആപ॒ ഓഷ॑ധയഃ സന്തു ।
ദുർമി॒ത്രാസ്തസ്മൈ॑ ഭൂയാസു᳚ര്യോഽസ്മാൻ ദ്വേഷ്ടി॒ യം ച॑ വയം ദ്വി॒ഷ്മഃ ॥ 53 ॥
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ർജേ ദ॑ധാതന ।
മ॒ഹേരണാ॑യ॒ ചക്ഷ॑സേ ।
യോ വ॑: ശി॒വത॑മോ രസ॒സ്തസ്യ॑ ഭാജയതേ॒ഽഹ ന॑: ।
ഉ॒ശ॒തീരി॑വ മാ॒ത॑രഃ ।
തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ ।
ആപോ॑ ജ॒നയ॑ഥാ ച നഃ ॥ 54 ॥
ഹിര॑ണ്യശൃംഗം॒ വരു॑ണം॒ പ്രപ॑ദ്യേ തീ॒ർഥ മേ॑ ദേഹി॒ യാചി॑തഃ ।
യ॒ന്മയാ॑ ഭു॒ക്തമ॒സാധൂ॑നാം പാ॒പേഭ്യ॑ശ്ച പ്ര॒തിഗ്ര॑ഹഃ ॥ 55 ॥
യന്മേ॒ മന॑സാ വാ॒ചാ॒ ക॒ർമ॒ണാ വാ ദു॑ഷ്കൃതം॒ കൃതം ।
തന്ന॒ ഇന്ദ്രോ॒ വരു॑ണോ॒ ബൃഹ॒സ്പതി॑: സവി॒താ ച॑ പുനന്തു॒ പുന॑: പുനഃ ॥ 56 ॥
നമോ॒ഽഗ്നയേ᳚ഽപ്സു॒മതേ॒ നമ॒ ഇന്ദ്രാ॑യ॒ നമോ॒ വരു॑ണായ॒ നമോ വാരുണ്യൈ᳚ നമോ॒ഽദ്ഭ്യഃ ॥ 57 ॥
യദ॒പാം ക്രൂ॒രം യദ॑മേ॒ധ്യം യദ॑ശാ॒ന്തം തദപ॑ഗച്ഛതാത് ॥ 58 ॥
അ॒ത്യാ॒ശ॒നാദ॑തീപാ॒നാ॒ദ് യ॒ച്ച ഉ॒ഗ്രാത് പ്ര॑തി॒ഗ്രഹാ᳚ത് ।
തന്മേ॒ വരു॑ണോ രാ॒ജാ॒ പാ॒ണിനാ᳚ ഹ്യവ॒മർശ॑തു ॥ 59 ॥
സോ॑ഽഹമ॑പാ॒പോ വി॒രജോ॒ നിർമു॒ക്തോ മു॑ക്തകിൽബിഷഃ ।
നാക॑സ്യ പൃ॒ഷ്ഠമാരു॑ഹ്യ॒ ഗച്ഛേ॒ദ്ബ്രഹ്മ॑സലോ॒കതാം ॥ 60 ॥
യശ്ചാ॒പ്സു വരു॑ണ॒: സ പു॒നാത്വ॑ഘമർഷ॒ണഃ ॥ 61 ॥
ഇ॒മം മേ॑ ഗംഗേ യമുനേ സരസ്വതി॒ ശുതു॑ദ്രി॒ സ്തോമഗ്ം॑ സചതാ॒ പരു॒ഷ്ണിയാ ।
അ॒സി॒ക്നി॒യാ മ॑രുദ്വൃധേ വി॒തസ്ത॒യാർജീ॑കീയേ ശൃണു॒ഹ്യാ സു॒ഷോമ॑യാ ॥ 62 ॥
ഋ॒തം ച॑ സ॒ത്യം ചാ॒ഭീ᳚ദ്ധാ॒ത്തപ॒സോഽധ്യ॑ജായത ।
തതോ॒ രാത്രി॑രജായത॒ തത॑: സമു॒ദ്രോ അ॑ർണ॒വഃ ॥ 63 ॥
സ॒മു॒ദ്രാദ॑ർണ॒വാദധി॑ സംവത്സ॒രോ അജായത ।
അ॒ഹോ॒രാ॒ത്രാണി॑ വി॒ദധ॒ദ്വിശ്വ॑സ്യ മിഷ॒തോ വ॒ശീ ॥ 64 ॥
സൂ॒ര്യാ॒ച॒ന്ദ്ര॒മസൗ॑ ധാ॒താ യ॑ഥാപൂ॒ർവമ॑കല്പയത് ।
ദിവം॑ ച പൃഥി॒വീം ചാ॒ന്തരി॑ക്ഷ॒മഥോ॒ സുവ॑: ॥ 65 ॥
യത്പൃ॑ഥി॒വ്യാഗ്ം രജ॑: സ്വ॒മാന്തരി॑ക്ഷേ വി॒രോദ॑സീ ।
ഇ॒മാഗ്ംസ്തദാ॒പോ വ॑രുണഃ പു॒നാത്വ॑ഘമർഷ॒ണഃ ॥
പു॒നന്തു॒ വസ॑വഃ പു॒നാതു॒ വരു॑ണഃ പു॒നാത്വ॑ഘമർഷ॒ണഃ ।
ഏ॒ഷ ഭൂ॒തസ്യ॑ മ॒ധ്യേ ഭുവ॑നസ്യ ഗോ॒പ്താ ॥
ഏ॒ഷ പു॒ണ്യകൃ॑താം ലോ॒കാ॒നേ॒ഷ മൃ॒ത്യോർഹി॑ര॒ണ്മയം᳚ ।
ദ്യാവാ॑പൃഥി॒വ്യോർഹിര॒ണ്മയ॒ഗ്ം സഗ്ം ശ്രി॑ത॒ഗ്ം സുവ॑: ।
സ ന॒: സുവ॒: സഗ്ം ശി॑ശാധി ॥ 66 ॥
ആർദ്രം॒ ജ്വല॑തി॒ജ്യോതി॑ര॒ഹമ॑സ്മി ।
ജ്യോതി॒ർജ്വല॑തി॒ ബ്രഹ്മാ॒ഹമസ്മി ।
യോ॑ഽഹമ॑സ്മി॒ ബ്രഹ്മാ॒ഹമ॑സ്മി ।
അ॒ഹമ॑സ്മി॒ ബ്രഹ്മാ॒ഹമ॑സ്മി ।
അ॒ഹമേ॒വാഹം മാം ജു॑ഹോമി॒ സ്വാഹാ᳚ ॥ 67 ॥
അ॒കാ॒ര്യ॒കാ॒ര്യ॑വകീ॒ർണീ സ്തേ॒നോ ഭ്രൂ॑ണ॒ഹാ ഗു॑രുത॒ല്പഗഃ ।
വരു॑ണോ॒ഽപാമ॑ഘമർഷ॒ണസ്തസ്മാ॑ത് പാ॒പാത് പ്രമു॑ച്യതേ ॥ 68 ॥
ര॒ജോഭൂമി॑സ്ത്വ॒ മാഗ്ം രോദ॑യസ്വ॒ പ്രവ॑ദന്തി॒ ധീരാ᳚: ॥ 69 ॥
ആക്രാ᳚ന്ത്സമു॒ദ്രഃ പ്രഥ॒മേ വിധ॑ർമഞ്ജ॒നയ॑ൻപ്ര॒ജാ ഭുവ॑നസ്യ॒ രാജാ॑ ।
വൃഷാ॑ പ॒വിത്രേ അധി॒ സാനോ॒ അവ്യേ॑ ബൃ॒ഹത്സോമോ॑ വാവൃധേ സുവാ॒ന ഇന്ദു॑: ॥ 70 ॥
ദ്വിതീയോഽവാനുകഃ ।
ഓം ജാ॒തവേ॑ദസേ സുനവാമ॒ സോമ॑ മരാതീയ॒തോ നിദ॑ഹാതി॒ വേദ॑: ।
സ ന॑: പർഷ॒ദതി॑ ദു॒ർഗാണി॒ വിശ്വാ॑ നാ॒വേവ॒ സിന്ധും॑ ദുരി॒താഽത്യ॒ഗ്നിഃ ॥ 1
താമ॒ഗ്നിവ॑ർണാം॒ തപ॑സാ ജ്വല॒ന്തീം വൈ॑രോച॒നീം ക॑ർമഫ॒ലേഷു॒ ജുഷ്ടാം᳚ ।
ദു॒ർഗാം ദേ॒വീഗ്ം ശര॑ണമ॒ഹം പ്രപ॑ദ്യേ സു॒തര॑സി തരസേ॒ നമ॑: ॥ 2
അഗ്നേ॒ ത്വം॑ പാ॑രയാ॒ നവ്യോ॑ അ॒സ്മാൻ സ്വ॒സ്തിഭി॒രതി॑ ദു॒ർഗാണി॒ വിശ്വാ᳚ ।
പൂശ്ച॑ പൃ॒ഥ്വീ ബ॑ഹു॒ലാ ന॑ ഉ॒ർവീ ഭവാ॑ തോ॒കായ॒ തന॑യായ॒ ശമ്യോഃ ॥ 3
വിശ്വാ॑നി നോ ദു॒ർഗഹാ॑ ജാതവേദ॒: സിന്ധും॒ ന നാ॒വാ ദുരി॒താഽതി॑പർഷി ।
അഗ്നേ॑ അത്രി॒വന്മന॑സാ ഗൃണാ॒നോ᳚ഽസ്മാകം॑ ബോധ്യവി॒താ ത॒നൂനാം᳚ ॥ 4
പൃ॒തനാ॒ജിത॒ഗ്ം സഹ॑മാനമു॒ഗ്രമ॒ഗ്നിഗ്ം ഹു॑വേമ പര॒മാഥ്സ॒ധസ്ഥാ᳚ത് ।
സ ന॑: പർഷ॒ദതി॑ ദു॒ർഗാണി॒ വിശ്വാ॒ ക്ഷാമ॑ദ്ദേവോ॒ അതി॑ ദുരി॒താഽത്യ॒ഗ്നിഃ ॥ 5
പ്ര॒ത്നോഷി॑ ക॒മീഡ്യോ॑ അധ്വ॒രേഷു॑ സനാച്ച॒ ഹോതാ॒ നവ്യ॑ശ്ച॒ സത്സി॑ ।
സ്വാം ചാ᳚ഽഗ്നേ ത॒നുവം॑ പി॒പ്രയ॑സ്വാ॒സ്മഭ്യം॑ ച॒ സൗഭ॑ഗ॒മായ॑ജസ്വ ॥ 6
ഗോഭി॒ർജുഷ്ട॑മ॒യുജോ॒ നിഷി॑ക്തം॒ തവേ᳚ന്ദ്ര വിഷ്ണോ॒രനു॒സഞ്ച॑രേമ ।
നാക॑സ്യ പൃ॒ഷ്ഠമഭി സം॒വസാ॑നോ॒ വൈഷ്ണ॑വീം ലോ॒ക ഇ॒ഹ മാ॑ദയന്താം ॥ 7 ॥
തൃതീയോഽനുവാകഃ ।
ഭൂരന്ന॑മ॒ഗ്നയേ॑ പൃഥി॒വ്യൈ സ്വാഹാ॒
ഭുവോഽന്നം॑ വാ॒യവേ॒ഽന്തരി॑ക്ഷായ॒ സ്വാഹാ॒
സുവ॒രന്ന॑മാദി॒ത്യായ॑ ദി॒വേ സ്വാഹാ॒
ഭൂർഭുവ॒സ്സുവ॒രന്നം॑ ച॒ന്ദ്രമ॑സേ ദി॒ഗ്ഭ്യഃ സ്വാഹാ॒
നമോ॑ ദേ॒വേഭ്യ॑: സ്വ॒ധാ പി॒തൃഭ്യോ॒ ഭൂർഭുവ॒: സുവരന്ന॒മോം ॥ 1 ॥
ചതുർഥോഽനുവാകഃ ।
ഭൂര॒ഗ്നയേ॑ പൃഥി॒വ്യൈ സ്വാഹാ॒
ഭുവോ॑ വാ॒യവേ॒ഽന്തരി॑ക്ഷായ॒ സ്വാഹാ॒
സുവ॑രാദി॒ത്യായ॑ ദി॒വേ സ്വാഹാ॒
ഭുർഭുവ॒സ്സുവ॑ശ്ച॒ന്ദ്രമ॑സേ ദി॒ഗ്ഭ്യഃ സ്വാഹാ॒
നമോ॑ ദേ॒വേഭ്യ॑: സ്വ॒ധാ പി॒തൃഭ്യോ॒ ഭൂർഭുവ॒:സുവ॒രഗ്ന॒ ഓം ॥ 1 ॥
പഞ്ചമോഽനുവാകഃ ।
ഭൂര॒ഗ്നയേ॑ ച പൃഥി॒വ്യൈ ച॑ മഹ॒തേ ച॒ സ്വാഹാ॒
ഭുവോ॑ വാ॒യവേ॑ ചാ॒ന്തരി॑ക്ഷായ ച മഹ॒തേ ച॒ സ്വാഹാ॒
സുവ॑രാദി॒ത്യായ॑ ച ദി॒വേ ച॑ മഹ॒തേ ച॒ സ്വാഹാ॒
ഭൂർഭുവ॒സ്സുവശ്ച॒ന്ദ്രമ॑സേ ച॒ നക്ഷ॑ത്രേഭ്യശ്ച ദി॒ഗ്ഭ്യശ്ച॑ മഹ॒തേ ച॒ സ്വാഹാ॒
നമോ॑ ദേവേഭ്യ॑: സ്വ॒ധാ പി॒തൃഭ്യോ॒ ഭുർഭുവ॒: സുവ॒ർമഹ॒രോം ॥ 1 ॥
ഷഷ്ഠോഽനുവാകഃ ।
പാഹി നോ അഗ്ന ഏന॑സേ॒ സ്വാ॒ഹാ
പാഹി നോ വിശ്വവേദ॑സേ സ്വാ॒ഹാ
യജ്ഞം പാഹി വിഭാവ॑സോ സ്വാ॒ഹാ
സർവം പാഹി ശതക്ര॑തോ സ്വാ॒ഹാ ॥ 1 ॥
സപ്തമോഽനുവാകഃ ।
പാ॒ഹി നോ॑ അഗ്ന॒ ഏക॑യാ
പാ॒ഹ്യു॑ത ദ്വിതീയ॑യാ
പാ॒ഹ്യൂർജ॑ തൃ॒തീയ॑യാ
പാ॒ഹി ഗീ॒ർഭിശ്ച॑തസൃഭി॑ർവസോ॒ സ്വാഹാ᳚ ॥ 1 ॥
അഷ്ടമോഽനുവാകഃ ।
യശ്ഛന്ദ॑സാമൃഷ॒ഭോ വി॒ശ്വരൂ॑പ॒ശ്ഛന്ദോ᳚ഭ്യ॒ശ്ചന്ദാ॑ഗ്ംസ്യാവി॒വേശ॑ ।
സതാഗ്ംശിക്യഃ പ്രോവാചോ॑പനി॒ഷദിന്ദ്രോ᳚ ജ്യേ॒ഷ്ഠ ഇ॑ന്ദ്രി॒യായ॒ ഋഷി॑ഭ്യോ॒ നമോ॑
ദേ॒വേഭ്യ॑: സ്വ॒ധാ പി॒തൃഭ്യോ॒ ഭൂർഭുവ॒സ്സുവ॒ശ്ഛന്ദ॒ ഓം ॥ 1 ॥
നവമോഽനുവാകഃ ।
നമോ॒ ബ്രഹ്മ॑ണേ ധാരണം॑ മേ അ॒സ്ത്വനി॑രാകരണം ധാ॒രയി॑താ ഭൂയാസം॒
കർണ॑യോഃ ശ്രു॒തം മാ ച്യോ᳚ഢം മമാ॒മുഷ്യ॒ ഓം ॥ 1 ॥
ദശമോഽനുവാകഃ ।
ഋ॒തം തപ॑: സ॒ത്യം തപ॑: ശ്രുതം॒ തപ॑: ശാ॒ന്തം തപോ॒ ദമ॒സ്തപ॒:
ശമ॒സ്തപോ॒ ദാനം॒ തപോ॒ യജ്ഞം॒ തപോ॒ ഭൂർഭുവ॒:
സുവ॒ർബ്രഹ്മൈ॒തദുപാ᳚സ്വൈ॒തത്തപ॑: ॥ 1 ॥
ഏകാദശോഽനുവാകഃ ।
യഥാ॑ വൃ॒ക്ഷസ്യ॑ സ॒മ്പുഷ്പി॑തസ്യ ദൂ॒രാദ്ഗ॒ന്ധോ വാ᳚ത്യേവം പുണ്യ॑സ്യ
ക॒ർമണോ॑ ദൂ॒രാ॒ദ്ഗ॒ന്ധോ വാ॑തി॒ യഥാ॑സിധാ॒രാം ക॒ർതേഽവ॑ഹിതമവ॒ക്രാമേ॒
യദ്യുവേ॒ യുവേ॒ ഹവാ॑ വി॒ഹ്വയി॑ഷ്യാമി ക॒ർതം പ॑തിഷ്യാ॒മീത്യേ॒വമ॒മൃതാ॑ദാ॒ത്മാനം॑
ജു॒ഗുപ്സേ᳚ത് ॥ 1 ॥
ദ്വാദശോഽനുവാകഃ ।
അ॒ണോരണീ॑യാൻ മഹ॒തോ മഹീ॑യാനാ॒ത്മാ ഗുഹാ॑യാം॒ നിഹി॑തോഽസ്യ ജ॒ന്തോഃ ।
തമ॑ക്രതും പശ്യതി വീതശോ॒കോ ധാ॒തുഃ പ്ര॒സാദാ᳚ന്മഹി॒മാന॑മീശം ॥ 1 ॥
സ॒പ്ത പ്രാ॒ണാ പ്ര॒ഭ॑വന്തി॒ തസ്മാ᳚ത് സ॒പ്താർചിഷ॑: സ॒മിധ॑: സ॒പ്ത ജി॒ഹ്വാഃ ।
സ॒പ്ത ഇ॒മേ ലോ॒കാ യേഷു॒ ചര॑ന്തി പ്രാ॒ണാ ഗു॒ഹാശ॑യാ॒ന്നിഹി॑താഃ സ॒പ്ത സ॑പ്ത ॥ 2 ॥
അത॑: സമു॒ദ്രാ ഗി॒രയശ്ച॒ സർവേ॒ഽസ്മാത്സ്യന്ദ॑ന്തേ॒ സിന്ധ॑വ॒: സർവ॑രൂപാഃ ।
അത॑ശ്ച॒ വിശ്വാ॒ ഓഷ॑ധയോ॒ രസാ᳚ശ്ച॒ യേനൈ॑ഷ ഭൂ॒തസ്തി॑ഷ്ഠത്യന്തരാ॒ത്മാ ॥ 3 ॥
ബ്ര॒ഹ്മാ ദേവാനാം᳚ പദ॒വീഃ ക॑വീ॒നാമൃഷി॒ർവിപ്രാ॑ണാം മഹിഷോ മൃ॒ഗാണാം᳚ ।
ശ്യേ॒നോ ഗൃധ്രാ॑ണാ॒ഗ്ംസ്വധി॑തി॒ർവനാ॑നാഗ്ംസോമ॑: പ॒വിത്ര॒മത്യേ॑തി॒ രേഭൻ॑ ॥ 4 ॥
അ॒ജാമേകാം॒ ലോഹി॑തശുക്ലകൃ॒ഷ്ണാം ബ॒ഹ്വീം പ്ര॒ജാം ജ॒നയ॑ന്തീ॒ഗ്ം സരൂ॑പാം ।
അ॒ജോ ഹ്യേകോ॑ ജു॒ഷമാ॑ണോഽനു॒ശേതേ॒ ജഹാ᳚ത്യേ॒നാം ഭു॒ക്തഭോ॑ഗാ॒മജോ᳚ഽന്യഃ ॥ 5 ॥
ഹം॒സഃ ശു॑ചി॒ഷദ്വസു॑രന്തരിക്ഷ॒സദ്ധോതാ॑ വേദി॒ഷദതി॑ഥിർദുരോണ॒സത് ।
നൃ॒ഷദ്വ॑ര॒സദൃ॑ത॒സദ്വ്യോ॑മ॒സദ॒ബ്ജാ ഗോ॒ജാ ഋ॑ത॒ജാ അ॑ദ്രി॒ജാ ഋ॒തം ബൃ॒ഹത് ॥ 6 ॥
യസ്മാ᳚ജ്ജാ॒താ ന പ॒രാ നൈവ॒ കിഞ്ച॒നാസ॒ യ ആ॑വി॒വേശ॒ ഭുവ॑നാനി॒ വിശ്വാ᳚ ।
പ്ര॒ജാപ॑തിഃ പ്ര॒ജയാ॑ സംവിദാ॒നസ്ത്രീണി॒ ജ്യോതീ॑ഗ്ംഷി സചതേ॒ സ ഷോഡ॑ശീ ॥ 6.1 ॥
വി॒ധ॒ർതാരഗ്ം॑ ഹവാമഹേ॒ വസോ᳚: കു॒വിദ്വ॒നാതി॑ നഃ ।
സ॒വി॒താരം॑ നൃ॒ചക്ഷ॑സം ॥ 6.2 ॥
ഘൃ॒തം മി॑മിക്ഷിരേ ഘൃ॒തമ॑സ്യ॒ യോനി॑ർഘൃ॒തേ ശ്രി॒തോ ഘൃ॒തമു॑വസ്യ॒ ധാമ॑ ।
അ॒നു॒ഷ്വ॒ധമാവ॑ഹ മാ॒ദയ॑സ്വ॒ സ്വാഹാ॑കൃതം വൃഷഭ വക്ഷി ഹ॒വ്യം ॥ 7 ॥
സ॒മു॒ദ്രാദൂ॒ർമിർമധു॑മാ॒ഗ്ം ഉദാ॑രദുപാ॒ഗ്ംശുനാ॒ സമ॑മൃത॒ത്വമാ॑നട് ।
ഘൃ॒തസ്യ॒ നാമ॒ ഗുഹ്യം॒ യദസ്തി॑ ജി॒ഹ്വാ ദേ॒വാനാ॑മ॒മൃത॑സ്യ॒ നാഭി॑: ॥ 8 ॥
വ॒യം നാമ॒ പ്രബ്ര॑വാമാ ഘൃ॒തേനാ॒സ്മിൻ യ॒ജ്ഞേ ധാ॑രയാമാ॒ നമോ॑ഭിഃ ।
ഉപ॑ ബ്ര॒ഹ്മാ ശൃ॑ണവച്ഛ॒സ്യമാ॑ന॒ ചതു॑:ശൃംഗോഽവമീദ്ഗൗ॒ര ഏ॒തത് ॥ 9 ॥
ച॒ത്വാരി॒ ശൃംഗാ॒ ത്രയോ॑ അസ്യ॒ പാദാ॒ ദ്വേശീ॒ർഷേ സ॒പ്ത ഹസ്താ॑സോ അ॒സ്യ ।
ത്രിധാ॑ ബ॒ദ്ധോ വൃ॑ഷ॒ഭോ രോ॑രവീതി മ॒ഹോ ദേ॒വോ മർത്യാ॒ഗ്ം ആവി॑വേശ ॥ 10 ॥
ത്രിധാ॑ ഹി॒തം പ॒ണിഭി॑ർഗു॒ഹ്യമാ॑നം॒ ഗവി॑ ദേ॒വാസോ॑ ഘൃ॒തമന്വ॑വിന്ദൻ ।
ഇന്ദ്ര॒ ഏക॒ഗ്ം സൂര്യ॒ ഏകം॑ ജജാന വേ॒നാദേകഗ്ം॑ സ്വ॒ധയാ॒ നിഷ്ട॑തക്ഷുഃ ॥ 11 ॥
യോ ദേ॒വാനാം᳚ പ്രഥ॒മം പു॒രസ്താ॒ദ്വിശ്വാ॒ധികോ॑ രു॒ദ്രോ മ॒ഹർഷി॑: ।
ഹി॒ര॒ണ്യ॒ഗ॒ർഭം പ॑ശ്യത॒ ജായ॑മാന॒ഗ്ം സ നോ॑ ദേ॒വഃ ശു॒ഭയാ॒സ്മൃത്യാ॒ സമ്യു॑നക്തു ॥ 12 ॥
യസ്മാ॒ത്പരം നാപ॑ര॒മസ്തി॒ കിഞ്ചി॒ത് യസ്മാ॒ന്നാണീ॑യോ॒ ന ജ്യായോ॑ഽസ്തി॒ കശ്ചി॑ത് ।
വൃ॒ക്ഷ ഇ॑വ സ്ത॒ബ്ധോ ദി॒വി തി॑ഷ്ഠ॒ത്യേക॒സ്തേനേ॒ദം പൂ॒ർണം പുരു॑ഷേണ॒ സർവം᳚ ॥ 13 ॥
ന കർമ॑ണാ ന പ്ര॒ജയാ॒ ധനേ॑ന॒ ത്യാഗേ॑നൈകേ അമൃത॒ത്വമാ॑ന॒ശുഃ ।
പരേ॑ണ॒ നാകം॒ നിഹി॑തം॒ ഗുഹാ॑യാം ബി॒ഭ്രാജ॑തേ॒ യദ്യത॑യോ വി॒ശന്തി॑ ॥ 14 ॥
വേ॒ദാ॒ന്ത॒വി॒ജ്ഞാന॒വിനി॑ശ്ചിതാ॒ർഥാഃ സംന്യാ॑സയോ॒ഗാദ്യത॑യഃ ശുദ്ധ॒സത്ത്വാ॑: ।
തേ ബ്ര॑ഹ്മലോ॒കേ തു॒ പരാന്തകാലേ॒ പരാ॑മൃതാ॒: പരി॑മുച്യന്തി॒ സർവേ॑ ॥ 15 ॥
ദ॒ഹ്രം॒ വി॒പാ॒പം വ॒രവേ᳚ശ്മഭൂത॒ യത് പു॑ണ്ഡരീ॒കം പു॒രമ॑ധ്യസ॒ഗ്ംസ്ഥം ।
തത്രാ॑പി ദഹ്രേ ഗ॒ഗനം॑ വിശോകം തസ്മി॑ൻ യദ॒ന്തസ്തദുപാ॑സിത॒വ്യം ॥ 16 ॥
യോ വേദാദൗ സ്വ॑രഃ പ്രോ॒ക്തോ॒ വേദാന്തേ॑ ച പ്ര॒തിഷ്ഠി॑തഃ ।
തസ്യ॑ പ്ര॒കൃതി॑ലീന॒സ്യ॒ യ॒: പര॑: സ മ॒ഹേശ്വ॑രഃ ॥ 17 ॥
ത്രയോദശോഽനുവാകഃ ।
സ॒ഹ॒സ്ര॒ശീ॑ർഷം ദേ॒വം॒ വി॒ശ്വാക്ഷം॑ വി॒ശ്വശം॑ഭുവം ।
വിശ്വം॑ നാ॒രായ॑ണം ദേ॒വ॒മ॒ക്ഷരം॑ പര॒മം പ്ര॒ഭും ॥ 1
വി॒ശ്വത॒: പര॑മം നി॒ത്യ॒ വി॒ശ്വം നാ॑രായ॒ണഗ്ം ഹ॑രിം ।
വിശ്വ॑മേ॒വേദം പുരു॑ഷ॒സ്തദ്വിശ്വ॒മുപ॑ജീവതി ॥ 2
പതിം॒ വിശ്വ॑സ്യാ॒ത്മേശ്വ॑ര॒ഗ്ം ശാശ്വ॑തഗ്ം ശി॒വമ॑ച്യുതം ।
നാ॒രായ॒ണം മ॑ഹാജ്ഞേ॒യം॒ വി॒ശ്വാത്മാ॑നം പ॒രായ॑ണം ॥ 3
നാരാ॑യ॒ണഃ പ॑രം ബ്ര॒ഹ്മ॒ ത॒ത്ത്വം നാ॑രായ॒ണഃ പ॑രഃ ।
നാരാ॑യ॒ണഃ പ॑രോ ജ്യോ॒തി॒രാ॒ത്മാ നാ॑രായ॒ണഃ പ॑രഃ ॥ 4
(നാ॒രായ॒ണഃ പ॑രോ ധ്യാ॒താ॒ ധ്യാ॒നം നാ॑രായ॒ണഃ പ॑രഃ ।)
യച്ച॑ കി॒ഞ്ചിജ്ജ॑ഗത്യ॒സ്മി॒ൻ ദൃ॒ശ്യതേ᳚ ശ്രൂയ॒തേഽപി॑ വാ ।
അന്ത॑ർബ॒ഹിശ്ച॑ തത്സ॒ർവം॒ വ്യാ॒പ്യ നാ॑രായ॒ണഃ സ്ഥി॑തഃ ॥ 5
അന॑ന്ത॒മവ്യ॑യം ക॒വിഗ്ം സ॑മു॒ദ്രേഽന്തം॑ വി॒ശ്വശം॑ഭുവം ।
പ॒ദ്മ॒കോ॒ശപ്ര॑തീകാ॒ശ॒ഗ്ം ഹൃ॒ദയം॑ ചാപ്യ॒ധോമു॑ഖം ॥ 6
അധോ॑ നി॒ഷ്ട്യാ വി॑തസ്ത്യാ॒ന്തേ॒ നാ॒ഭ്യാമു॑പരി॒ തിഷ്ഠ॑തി ।
ഹൃ॒ദയം॑ തദ്വി॑ജാനീ॒യാ॒ദ്വി॒ശ്വസ്യാ॑യത॒നം മ॑ഹത് ॥ 7
സന്ത॑തഗ്ം സി॒രാഭി॑സ്തു॒ ലംബ॑ത്യാകോശ॒സന്നി॑ഭം ।
തസ്യാന്തേ॑ സുഷി॒രഗ്ം സൂ॒ക്ഷ്മം തസ്മിൻ᳚ സ॒ർവം പ്രതി॑ഷ്ഠിതം ॥ 8
തസ്യ॒ മധ്യേ॑ മ॒ഹാന॑ഗ്നിർവി॒ശ്വാർചി॑ർവി॒ശ്വതോ॑മുഖഃ ।
സോഽഗ്ര॑ഭു॒ഗ്വിഭ॑ജന്തി॒ഷ്ഠ॒ന്നാഹാ॑രമജ॒രഃ ക॒വിഃ ॥ 9
(തി॒ര്യ॒ഗൂ॒ർധ്വമ॑ധഃശാ॒യീ ര॒ശ്മയ॑സ്തസ്യ॒ സന്ത॑താ ।)
സ॒ന്താ॒പയ॑തി സ്വം ദേ॒ഹമാപാ॑ദതല॒മസ്ത॑കം ।
തസ്യ॒ മധ്യേ॒ വഹ്നി॑ശിഖാ അ॒ണീയോ᳚ർധ്വാ വ്യ॒വസ്ഥി॑താ ॥ 10
നീ॒ലതോ॑യദ॑മധ്യ॒സ്ഥാ॒ വി॒ദ്യുല്ലേ॑ഖേവ॒ ഭാസ്വ॑രാ ।
നീ॒വാര॒ശൂക॑വത്ത॒ന്വീ॒ പീ॒താ ഭാ᳚സ്വത്യ॒ണൂപ॑മാ ॥ 11
തസ്യാ᳚: ശിഖാ॒യാ മ॑ധ്യേ പ॒രമാ᳚ത്മാ വ്യ॒വസ്ഥി॑തഃ ।
സ ബ്രഹ്മ॒ സ ശിവ॒: (സ ഹരി॒:) സേന്ദ്ര॒: സോഽക്ഷ॑രഃ പര॒മഃ സ്വ॒രാട് ॥ 12 ॥
ചതുർദശോഽനുവാകഃ ।
ആ॒ദി॒ത്യോ വാ ഏ॒ഷ ഏ॒തന്മ॒ണ്ഡലം തപ॑തി॒ തത്ര॒ താ ഋച॒സ്തദൃ॒ചാ മ॑ണ്ഡല॒ഗ്ം സ ഋ॒ചാം ലോ॒കോഽഥ॒ യ ഏ॒ഷ ഏതസ്മി॑ന്മ॒ണ്ഡലേഽർചിർദീ॒പ്യതേ॒ താനി॒ സാമാ॑നി॒ സ സാ॒മ്നാം ലോ॒കോഽഥ॒ യ ഏ॒ഷ ഏ॒തസ്മി॑ന്മ॒ണ്ഡലേ॒ഽർചിഷി॒ പുരു॑ഷ॒സ്താനി॒ യജൂ॑ഗ്ംഷി॒ സ യജു॑ഷാ മണ്ഡല॒ഗ്ം സ യജു॑ഷാം ലോ॒കഃ സൈഷാ ത്ര॒യ്യേവ॑ വി॒ദ്യാ ത॑പതി॒ യ॑ ഏ॒ഷോ᳚ഽന്തരാ॑ദി॒ത്യേ ഹി॑ര॒ണ്മയ॒: പുരു॑ഷഃ ॥ 1 ॥
പഞ്ചദശോഽനുവാകഃ ।
ആ॒ദി॒ത്യോ വൈ തേജ॒ ഓജോ॒ ബലം യശ॒ശ്ചക്ഷു॒: ശ്രോത്ര॑മാ॒ത്മാ മനോ മ॒ന്യുർമ॒നു॑ർമൃ॒ത്യുഃ
സ॒ത്യോ മി॒ത്രോ വാ॒യുരാ॑കാ॒ശഃ പ്രാ॒ണോ ലോ॑കപാ॒ലഃ കഃ കിം കം തത്സ॒ത്യമന്ന॑മ॒മൃതോ॑
ജീ॒വോ വിശ്വ॑: കത॒മഃ സ്വയം॒ഭു ബ്രഹ്മൈ॒തദമൃ॑ത ഏ॒ഷ പുരു॑ഷ ഏ॒ഷ ഭൂ॒താനാ॒മധി॑പതി॒ർബ്രഹ്മ॑ണ॒: സായു॑ജ്യഗ്ം സലോ॒കതാ॑മാപ്നോത്യേ॒താസാ॑മേ॒വ
ദേ॒വതാ॑നാ॒ഗ്ം സായു॑ജ്യഗ്ം സാ॒ർഷ്ടിതാ॑ഗ്ം സമാനലോ॒കതാ॑മാപ്നോതി॒ യ ഏ॒വം വേദേ᳚ത്യുപ॒നിഷത് ॥ 1 ॥
ഘൃണി॒: സൂര്യ॑ ആദി॒ത്യോമ॑ർചയന്തി॒ തപ॑: സ॒ത്യം മധു॑ ക്ഷരന്തി॒ തദ്ബ്രഹ്മ॒ തദാപ॒ ആപോ॒ ജ്യോതീ॒ രസോ॒ഽമൃതം॒ ബ്രഹ്മ॒ ഭൂർഭുവ॒: സുവ॒രോം ॥ 2 ॥
ഷോഡശോഽനുവാകഃ ।
നിധ॑നപതയേ॒ നമഃ । നിധ॑നപതാന്തികായ॒ നമഃ ।
ഊർധ്വായ॒ നമഃ । ഊർധ്വലിംഗായ॒ നമഃ ।
ഹിരണ്യായ॒ നമഃ । ഹിരണ്യലിംഗായ॒ നമഃ ।
സുവർണായ॒ നമഃ । സുവർണലിംഗായ॒ നമഃ ।
ദിവ്യായ॒ നമഃ । ദിവ്യലിംഗായ॒ നമഃ ।
ഭവായ॒ നമഃ । ഭവലിംഗായ॒ നമഃ ।
ശർവായ॒ നമഃ । ശർവലിംഗായ॒ നമഃ ।
ശിവായ॒ നമഃ । ശിവലിംഗായ॒ നമഃ ।
ജ്വലായ॒ നമഃ । ജ്വലലിംഗായ॒ നമഃ ।
ആത്മായ॒ നമഃ । ആത്മലിംഗായ॒ നമഃ ।
പരമായ॒ നമഃ । പരമലിംഗായ॒ നമഃ ।
ഏതത്സോമസ്യ॑ സൂര്യ॒സ്യ॒ സർവലിംഗ॑ഗ്ം സ്ഥാപ॒യ॒തി॒ പാണിമന്ത്രം॑ പവി॒ത്രം ॥ 1 ॥
സപ്തദശോഽനുവാകഃ ।
സ॒ദ്യോജാ॒തം പ്ര॑പദ്യാ॒മി॒ സ॒ദ്യോജാ॒തായ॒ വൈ നമോ॒ നമ॑: ।
ഭ॒വേ ഭ॑വേ॒ നാതി॑ഭവേ ഭവസ്വ॒ മാം । ഭ॒വോദ്ഭ॑വായ॒ നമ॑: ॥ 1 ॥
അഷ്ടദശോഽനുവാകഃ ।
വാ॒മ॒ദേ॒വായ॒ നമോ॑ ജ്യേ॒ഷ്ഠായ॒ നമ॑: ശ്രേ॒ഷ്ഠായ॒ നമോ॑ രു॒ദ്രായ॒ നമ॒: കാലാ॑യ॒ നമ॒: കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമ॒: സർവ॑ഭൂതദമനായ॒ നമോ॑ മ॒നോന്മ॑നായ॒ നമ॑: ॥ 1 ॥
ഏകോനവിംശോഽനുവാകഃ ।
അ॒ഘോരേ᳚ഭ്യോഽഥ॒ ഘോരേ᳚ഭ്യോ॒ ഘോര॒ഘോര॑തരേഭ്യഃ ।
സ॒ർവത॑: ശർവ॒ സർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ॥ 1 ॥
വിംശോഽനുവാകഃ ।
തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി ।
തന്നോ॑ രുദ്രഃ പ്രചോ॒ദയാ᳚ത് ॥ 1 ॥
ഏകവിംശോഽനുവാകഃ ।
ഈശാനഃ സർവ॑വിദ്യാ॒നാ॒മീശ്വരഃ സർവ॑ഭൂതാ॒നാം॒ ബ്രഹ്മാഽധി॑പതി॒ർബ്രഹ്മ॒ണോഽധി॑പതി॒ർബ്രഹ്മാ॑ ശി॒വോ മേ॑ അസ്തു സദാശി॒വോം ॥ 1 ॥
ദ്വാവിംശോഽനുവാകഃ ।
നമോ ഹിരണ്യബാഹവേ ഹിരണ്യവർണായ ഹിരണ്യരൂപായ ഹിരണ്യപതയേഽമ്ബികാപതയ ഉമാപതയേ പശുപതയേ॑ നമോ॒ നമഃ ॥ 1 ॥
ത്രയോവിംശോഽനുവാകഃ ।
ഋ॒തഗ്ം സ॒ത്യം പ॑രം ബ്ര॒ഹ്മ॒ പു॒രുഷം॑ കൃഷ്ണ॒പിംഗ॑ലം ।
ഊ॒ർധ്വരേ॑തം വി॑രൂപാ॒ക്ഷം॒ വി॒ശ്വരൂ॑പായ॒ വൈ നമോ॒ നമ॑: ॥ 1 ॥
ചതുർവിംശോഽനുവാകഃ ।
സർവോ॒ വൈ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു ।
പുരു॑ഷോ॒ വൈ രു॒ദ്രഃ സന്മ॒ഹോ നമോ॒ നമ॑: ।
വിശ്വം॑ ഭൂ॒തം ഭുവ॑നം ചി॒ത്രം ബ॑ഹു॒ധാ ജാ॒തം ജായ॑മാനം ച॒ യത് ।
സർവോ॒ ഹ്യേ॑ഷ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു ॥ 1 ॥
പഞ്ചവിംശോഽനുവാകഃ ।
കദ്രു॒ദ്രായ॒ പ്രചേ॑തസേ മീ॒ഢുഷ്ട॑മായ॒ തവ്യ॑സേ।
വോ॒ചേമ॒ ശന്ത॑മഗ്ം ഹൃ॒ദേ ॥
സർവോ॒ഹ്യേ॑ഷ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു ॥ 1 ॥
ഷഡ്വിംശോഽനുവാകഃ ।
യസ്യ॒ വൈക॑ങ്കത്യഗ്നിഹോത്ര॒ഹവ॑ണീ ഭവതി॒ (പ്രതി॑ഷ്ഠിതാ॒:) പ്രത്യേ॒വാസ്യാഹു॑തയസ്തിഷ്ഠ॒ന്ത്യഥോ॒ പ്രതി॑ഷ്ഠിത്യൈ ॥ 1 ॥
സപ്തവിംശോഽനുവാകഃ ।
കൃ॒ണു॒ഷ്വ പാജ॒ ഇതി॒ പഞ്ച॑ ।
കൃ॒ണു॒ഷ്വ പാജ॒: പ്രസി॑തിം॒ ന പൃ॒ഥ്വീം യാ॒ഹി രാജേ॒വാമ॑വാ॒ഁ ഇഭേ॑ന ।
തൃ॒ഷ്വീമനു॒ പ്രസി॑തിം ദ്രൂണാ॒നോഽസ്താ॑സി॒ വിധ്യ॑ ര॒ക്ഷസ॒സ്തപി॑ഷ്ഠൈഃ ॥ 1 ॥
തവ॑ ഭ്ര॒മാസ॑ ആശു॒യാ പ॑ത॒ന്ത്യനു॑ സ്പൃശ ധൃഷ॒താ ശോശു॑ചാനഃ ।
തപൂം॑ഷ്യഗ്നേ ജു॒ഹ്വാ॑ പതം॒ഗാനസ॑ന്ദിതോ॒ വി സൃ॑ജ॒ വിഷ്വ॑ഗു॒ൽകാഃ ॥ 2 ॥
പ്രതി॒ സ്പശോ॒ വിസൃ॑ജ॒ തൂർണി॑തമോ॒ ഭവാ॑ പാ॒യുർവി॒ശീ അ॒സ്യാ അദ॑ബ്ധഃ ।
യോ നോ॑ ദൂ॒രേ അ॒ഘശം॑ സോ॒ യോ അന്ത്യഗ്നേ॒ മാകി॑ഷ്ടേ॒ വ്യഥി॒രാദ॑ധർഷീത് ॥ 3 ॥
ഉദ॑ഗ്നേ തിഷ്ഠ॒ പ്രത്യാ ത॑നുഷ്വ॒ ന്യ॑മിത്രാ॑ഁ ഓഷതാത്തിഗ്മഹേതേ ।
യോ നോ॒ അരാ॑തിം സമിധാന ച॒ക്രേ നീ॒ചാതം ധ॑ക്ഷ്യത॒സം ന ശുഷ്കം॑ ॥ 4 ॥
ഊ॒ർധ്വോ ഭ॑വ॒ പ്രതിം॑ വി॒ധ്യാധ്യ॒സ്മദാ॒വിഷ്കൃ॑ണുഷ്വ॒ ദൈവ്യാ॑ന്യഗ്നേ ।
അവ॑സ്ഥി॒രാ ത॑നുഹി യാതു॒ജൂനാം॑ ജാ॒മിമജാ॑മിം॒ പ്രമൃ॑ണീഹി॒ ശത്രൂ॑ൻ ॥ 5 ॥
അഷ്ടാവിംശോഽനുവാകഃ ।
അദി॑തിർദേ॒വാ ഗ॑ന്ധ॒ർവാ മ॑നു॒ഷ്യാ॑: പി॒തരോഽസു॑രാ॒സ്തേഷാഗ്ം॑ സർവഭൂ॒താനാം᳚ മാ॒താ മേ॒ദിനീ॑ മഹ॒തീ മ॒ഹീ സാ॑വി॒ത്രീ ഗാ॑യ॒ത്രീ ജഗ॑ത്യു॒ർവീ പൃ॒ഥ്വീ ബ॑ഹു॒ലാ വിശ്വാ॑ ഭൂ॒താ ക॑ത॒മാ കായാ സാ സ॒ത്യേത്യ॒മൃതേതി॑ വാസി॒ഷ്ഠഃ ॥ 1 ॥
ഏകോനത്രിംശോഽനുവാകഃ ।
ആപോ॒ വാ ഇ॒ദഗ്ം സർവം॒ വിശ്വാ॑ ഭൂ॒താന്യാപ॑:
പ്രാ॒ണാ വാ ആപ॑: പ॒ശവ॒ ആപോഽന്ന॒മാപോഽമൃ॑ത॒മാപ॑:
സ॒മ്രാഡാപോ॑ വി॒രാഡാപ॑: സ്വ॒രാഡാപ॒ശ്ഛന്ദാ॒ഗ്॒സ്യാപോ॒
ജ്യോതീ॒ഗ്॒ഷ്യാപോ॒ യജൂ॒ഗ്॒ഷ്യാപ॑: സ॒ത്യമാപ॒:
സർവാ॑ ദേ॒വതാ॒ ആപോ॒ ഭൂർഭുവ॒: സുവ॒രാപ॒ ഓം ॥ 1 ॥
ത്രിംശോഽനുവാകഃ ।
ആപ॑: പുനന്തു പൃഥി॒വീം പൃഥി॒വീ പൂ॒താ പു॑നാതു॒ മാം ।
പു॒നന്തു॒ ബ്രഹ്മ॑ണ॒സ്പതി॒ർബ്രഹ്മ॑പൂ॒താ പു॑നാതു മാം ॥ 1 ॥
യദുച്ഛി॑ഷ്ടമഭോ᳚ജ്യം॒ യദ്വാ॑ ദു॒ശ്ചരി॑തം॒ മമ॑ ।
സർവം॑ പുനന്തു॒ മാമാപോ॑ഽസ॒താം ച॑ പ്രതി॒ഗ്രഹ॒ഗ്ം സ്വാഹാ᳚ ॥ 2 ॥
ഏകത്രിംശോഽനുവാകഃ ।
അഗ്നിശ്ച മാ മന്യുശ്ച മന്യുപതയശ്ച മന്യു॑കൃതേ॒ഭ്യഃ ।
പാപേഭ്യോ॑ രക്ഷ॒ന്താം । യദഹ്നാ പാപ॑മകാ॒ർഷം ।
മനസാ വാചാ॑ ഹസ്താ॒ഭ്യാം । പദ്ഭ്യാമുദരേ॑ണ ശി॒ശ്നാ ।
അഹ॒സ്തദ॑വലു॒മ്പതു । യത്കിഞ്ച॑ ദുരി॒തം മയി॑ ।
ഇ॒ദമ॒ഹം മാമമൃത॑യോ॒നൗ ।
സത്യേ ജ്യോതിഷി ജുഹോ॑മി സ്വാ॒ഹാ ॥ 1 ॥
ദ്വാത്രിംശോഽനുവാകഃ ।
സൂര്യശ്ച മാ മന്യുശ്ച മന്യുപതയശ്ച മന്യു॑കൃതേ॒ഭ്യഃ ।
പാപേഭ്യോ॑ രക്ഷ॒ന്താം । യദ്രാത്രിയാ പാപ॑മകാ॒ർഷം ।
മനസാ വാചാ॑ ഹസ്താ॒ഭ്യാം । പദ്ഭ്യാമുദരേ॑ണ ശി॒ശ്നാ ।
രാത്രി॒സ്തദ॑വലു॒മ്പതു । യത്കിഞ്ച॑ ദുരി॒തം മയി॑ ।
ഇ॒ദമ॒ഹം മാമമൃത॑യോ॒നൗ ।
സൂര്യേ ജ്യോതിഷി ജുഹോ॑മി സ്വാ॒ഹാ ॥ 1 ॥
ത്രയസ്ത്രിംശോഽനുവാകഃ ।
ഓമിത്യേകാക്ഷ॑രം ബ്ര॒ഹ്മ । അഗ്നിർദേവതാ ബ്രഹ്മ॑ ഇത്യാ॒ർഷം ।
ഗായത്രം ഛന്ദം । പരമാത്മം॑ സരൂ॒പം ।
സായുജ്യം വി॑നിയോ॒ഗം ॥ 1 ॥
ചതുസ്ത്രിംശോഽനുവാകഃ ।
ആയാ॑തു॒ വര॑ദാ ദേ॒വീ॒ അ॒ക്ഷരം॑ ബ്രഹ്മ॒ സംമി॑തം ।
ഗാ॒യ॒ത്രീം᳚ ഛന്ദ॑സാം മാ॒തേ॒ദം ബ്ര॑ഹ്മ ജു॒ഷസ്വ॑ നഃ ॥ 1
യദഹ്നാ᳚ത്കുരു॑തേ പാ॒പം॒ തദഹ്നാ᳚ത്പ്രതി॒മുച്യ॑തേ ।
യദ്രാത്രിയാ᳚ത്കുരു॑തേ പാ॒പം॒ തദ്രാത്രിയാ᳚ത്പ്രതി॒മുച്യ॑തേ ।
സർവ॑വ॒ർണേ മ॑ഹാദേ॒വി॒ സ॒ന്ധ്യാവി॑ദ്യേ സ॒രസ്വ॑തി ॥ 2
പഞ്ചത്രിംശോഽനുവാകഃ ।
ഓജോ॑ഽസി॒ സഹോ॑ഽസി॒ ബലമ॑സി॒ ഭ്രാജോ॑ഽസി ദേ॒വാനാം॒ ധാമ॒നാമാ॑സി വിശ്വ॑മസി വി॒ശ്വായു॒: സർവ॑മസി സ॒ർവായുരഭിഭൂരോം ।
ഗായത്രീമാവാ॑ഹയാ॒മി॒ । സാവിത്രീമാവാ॑ഹയാ॒മി॒ । സരസ്വതീമാവാ॑ഹയാ॒മി॒ । ഛന്ദർഷീനാവാ॑ഹയാ॒മി॒ । ശ്രിയമാവാ॑ഹയാ॒മി॒ ॥
ഗാ॒യത്രിയാ ഗായത്രീ ഛന്ദോ വിശ്വാമിത്ര ഋഷിഃ സവിതാ ദേവതാ അഗ്നിർമുഖം ബ്രഹ്മാശിരോ വിഷ്ണുർഹൃദയഗ്ം രുദ്രഃ ശിഖാ പൃഥിവീ യോനിഃ പ്രാണാപാനവ്യാനോദാന സമാനാ സപ്രാണാ ശ്വേതവർണാ സാംഖ്യായന സഗോത്രാ ഗായത്രീ ചതുർവിംശത്യക്ഷരാ ത്രിപദാ॑ ഷട്കു॒ക്ഷി॒: പഞ്ചശീർഷോപനയനേ വി॑നിയോ॒ഗ॒: ॥
ഓം ഭൂഃ । ഓം ഭുവഃ । ഓഗ്ം സുവഃ । ഓം മഹഃ । ഓം ജനഃ । ഓം തപഃ । ഓഗ്ം സത്യം ।
ഓം തത്സ॑വി॒തുർവരേ᳚ണ്യം॒ । ഭർഗോ॑ ദേ॒വസ്യ॑ ധീമഹി ।
ധിയോ॒ യോ ന॑: പ്രചോ॒ദയാ᳚ത് ।
ഓമാപോ॒ ജ്യോതീ॒ രസോ॒ഽമൃതം॒ ബ്രഹ്മ॒ ഭൂർഭുവ॒: സുവ॒രോം ॥ 2 ॥
ഷട്ത്രിംശോഽനുവാകഃ ।
ഉ॒ത്തമേ॑ ശിഖ॑രേ ജാ॒തേ॒ ഭൂ॒മ്യാം പ॑ർവത॒മൂർധ॑നി
ബ്രാഹ്മണേ᳚ഭ്യോഽഭ്യ॑നുജ്ഞാ॒താ॒ ഗ॒ച്ഛ ദേ॑വി യ॒ഥാസു॑ഖം ॥ 1
സ്തുതോ മയാ വരദാ വേ॑ദമാ॒താ॒ പ്രചോദയന്തീ പവനേ᳚ ദ്വിജാ॒താ ।
ആയുഃ പൃഥിവ്യാം ദ്രവിണം ബ്ര॑ഹ്മവ॒ർച॒സം॒
മഹ്യം ദത്വാ പ്രജാതും ബ്ര॑ഹ്മലോ॒കം ॥ 2
സ്തു॒താ മയാ॑ വര॒ദാ വേ॑ദമാ॒താ
പ്രചോ॑ദയന്താം പാവമാ॒നീ ദ്വി॒ജാനാം॑ ।
ആയു॑: പ്രാ॒ണം പ്ര॒ജാം പ॒ശും കീ॒ർതിം ദ്രവി॑ണം
ബ്രഹ്മവർച॒സം മഹ്യം॑ ദ॒ത്വാ വ്ര॑ജത ബ്രഹ്മലോ॒കം ॥
സപ്തത്രിംശോഽനുവാകഃ ।
ഘൃണി॒: സൂര്യ॑ ആദി॒ത്യോ ന പ്രഭാ॑ വാ॒ത്യക്ഷ॑രം । മധു॑ ക്ഷരന്തി॒ തദ്ര॑സം ।
സ॒ത്യം വൈ തദ്രസ॒മാപോ॒ ജ്യോതീ॒ രസോ॒ഽമൃതം॒ ബ്രഹ്മ॒ ഭൂർഭുവഃ സുവ॒രോം ॥ 1 ॥
അഷ്ടത്രിംശോഽനുവാകഃ ।
ബ്രഹ്മ॑മേതു॒ മാം । മധു॑മേതു॒ മാം । ബ്രഹ്മ॑മേ॒വ മധു॑മേതു॒ മാം ।
യാസ്തേ സോ॑മ പ്ര॒ജാ വ॒ത്സോഽഭി॒ സോ അ॒ഹം । ദുഃഷ്വപ്ന॒ഹൻ ദു॑രുഷ്ഷഹ ।
യാസ്തേ॑ സോമ പ്രാ॒ണാഗ്ം സ്താഞ്ജു॑ഹോമി ॥ 1 ॥
ത്രിസു॑പർണ॒മയാ॑ചിതം ബ്രാഹ്മ॒ണായ॑ ദദ്യാത് । ബ്ര॒ഹ്മ॒ഹ॒ത്യാം വാ ഏ॒തേ ഘ്ന॑ന്തി ।
യേ ബ്രാ᳚ഹ്മ॒ണാസ്ത്രിസു॑പർണം॒ പഠ॑ന്തി । തേ സോമം॒ പ്രാപ്നു॑വന്തി ।
ആ॒ സ॒ഹ॒സ്രാത് പ॒ങ്ക്തിം പുന॑ന്തി । ഓം ॥ 2 ॥
ഏകോനചത്വാരിംശോഽനുവാകഃ ।
ബ്രഹ്മ॑ മേ॒ധയാ᳚ । മധു॑ മേ॒ധയാ᳚ । ബ്രഹ്മ॑മേ॒വ മധു॑ മേ॒ധയാ᳚ ॥ 1 ॥
അ॒ദ്യാനോ॑ ദേവ സവിതഃ പ്ര॒ജാവ॑ത്സാവീ॒: സൗഭ॑ഗം ।
പരാ᳚ ദുഃഷ്വപ്നി॑യഗ്ം സുവ ॥ 2 ॥
വിശ്വാ॑നി ദേവ സവിതർദുരി॒താനി॒ പരാ॑സുവ ।
യദ്ഭ॒ദ്രം തന്മ॒ ആസു॑വ ॥
മധു॒വാതാ॑ ഋതായ॒തേ മധു॑ക്ഷരന്തി॒ സിന്ധ॑വഃ ।
മാധ്വീ᳚ർനഃ സ॒ന്ത്വൗഷ॑ധീഃ ॥
മധു॒ നക്ത॑മു॒തോഷ॑സി॒ മധു॑മ॒ത്പാർഥി॑വഗ്ം രജ॑: ।
മധു॒ദ്യൗര॑സ്തു നഃ പി॒താ ॥
മധു॑മാന്നോ॒ വന॒സ്പതി॒ർമധു॑മാഗ്ം അസ്തു॒ സൂര്യ॑: ।
മാധ്വീ॒ർഗാവോ॑ ഭവന്തു നഃ ॥
യാം മേ॒ധാം ദേ॑വഗ॒ണാഃ പി॒തര॑ശ്ചോ॒പാസ॑തേ ।
തയാ॒ മാമ॒ദ്യ മേ॒ധയാഗ്നേ॑ മേ॒ധാവി॑നം കുരു॒ സ്വാഹാ॑ ॥ 1
മേ॒ധാം മേ॒ വരു॑ണോ ദദാതു മേ॒ധാമ॒ഗ്നിഃ പ്ര॒ജാപ॑തിഃ ।
മേ॒ധാമിന്ദ്ര॑ശ്ച വാ॒യുശ്ച॑ മേ॒ധാം ധാ॒താ ദ॑ദാതു മേ॒ സ്വാഹാ॑ ॥ 2
ത്വം നോ॑ മേധേ പ്രഥ॒മാ ഗോഭി॒രശ്വേ॑ഭി॒രാഗ॑ഹി ।
ത്വം സൂര്യ॑സ്യ ര॒ഷ്മിഭി॒സ്ത്വം നോ॑ അസി യ॒ജ്ഞിയാ॑ ॥ 3
മേ॒ധാമ॒ഹം പ്ര॑ഥ॒മം ബ്രഹ്മ॑ണ്വതീം॒ ബ്രഹ്മ॑ജൂതാ॒മൃഷി॑ഷ്ടുതാം ।
പ്രപീ॑താം ബ്രഹ്മചാ॒രിഭി॑ർദേ॒വാനാ॒മവ॑സേ ഹുവേ ॥ 4
യാം മേ॒ധാമൃ॒ഭവോ॑ വി॒ദുര്യാ മേ॒ധാമസു॑രാ വി॒ദുഃ ।
ഋഷ॑യോ ഭ॒ദ്രാം മേ॒ധാം യാം വി॒ദുസ്താം മയ്യാവേ॑ശയാമസി ॥ 5
യാമൃഷ॑യോ ഭൂത॒കൃതോ॑ മേ॒ധാം മേ॑ധാ॒വിനോ॑വി॒ദുഃ ।
തയാ॒ മാമ॒ദ്യ മേ॒ധയാഗ്നേ॑ മേധാ॒വിനം॑ കൃണു ॥ 6
മേ॒ധാം സാ॒യം മേ॒ധാം പ്രാ॒തർമേ॒ധാം മ॒ധ്യന്ദി॑നം॒ പരി॑ ।
മേ॒ധാം സൂര്യ॑സ്യ ര॒ഷ്മിഭി॒ർവച॒സാവേ॑ശയാമഹേ ॥ 7
യ ഇ॒മം ത്രിസു॑പർണ॒മയാ॑ചിതം ബ്രാഹ്മ॒ണായ॑ ദദ്യാത് ।
ഭ്രൂണ॒ഹ॒ത്യാം വാ ഏ॒തേ ഘ്ന॑ന്തി ।
യേ ബ്രാ᳚ഹ്മ॒ണാസ്ത്രിസു॑പർണം॒ പഠ॑ന്തി ।
തേ സോമം॒ പ്രാപ്നു॑വന്തി । ആ॒ സ॒ഹ॒സ്രാ॒ത്പ॒ങ്ക്തിം പുന॑ന്തി । ഓം ॥ 7 ॥
ചത്വാരിംശോഽനുവാകഃ ।
ബ്രഹ്മ॑ മേ॒ധവാ᳚ । മധു॑ മേ॒ധവാ᳚ । ബ്രഹ്മ॑മേ॒വ മധു॑ മേ॒ധവാ॑ ॥ 1 ॥
ബ്ര॒ഹ്മാ ദേ॒വാനാം᳚ പദ॒വീഃ ക॑വീ॒നാമൃഷി॒ർവിപ്രാ॑ണാം മഹി॒ഷോ മൃ॒ഗാണാം॑ ।
ശ്യേ॒നോ ഗൃദ്ധ്രാ॑ണാ॒ഗ്ം സ്വധി॑തി॒ർവനാ॑നാ॒ഗ്ം സോമ॑: പ॒വിത്ര॒മത്യേ॑തി॒ രേഭൻ॑ ॥ 2 ॥
ഹ॒ഗ്ംസഃ ശു॑ചി॒ഷദ്വസു॑രന്തരിക്ഷ॒സദ്ധോതാ॑ വേദി॒ഷദതി॑ഥിർദുരോണ॒സത് ।
നൃ॒ഷദ്വ॑ര॒സദൃ॑തസദ്വ്യോ॑മ॒സദ॒ബ്ജാ ഗോ॒ജാ ഋ॑ത॒ജാ അ॑ദ്രി॒ജാ ഋ॒തം ബൃ॒ഹത് ॥ 3 ॥
ഋ॒ചേ ത്വാ॑ രു॒ചേ ത്വാ॒ സമിത്സ്ര॑വന്തി സ॒രിതോ॒ ന ധേനാ᳚: ।
അ॒ന്തർഹൃ॒ദാ മന॒സാ പൂ॒യമാ॑നാഃ । ഘൃ॒തസ്യ॒ ധാരാ॑ അ॒ഭിചാ॑കശീമി ॥ 4 ॥
ഹി॒ര॒ണ്യയോ॑ വേത॒സോ മധ്യ॑ ആസാം ।
തസ്മി᳚ന്ത്സുപ॒ർണോ മ॑ധു॒കൃത് കു॑ലാ॒യീ ഭജ॑ന്നാസ്തേ॒ മധു॑ ദേ॒വതാ᳚ഭ്യഃ ।
തസ്യാ॑സതേ॒ ഹ॑രയഃ സ॒പ്ത തീരേ᳚ സ്വ॒ധാം ദുഹാ॑നാ അ॒മൃത॑സ്യ॒ ധാരാം᳚ ॥ 5 ॥
യ ഇ॒ദം ത്രിസു॑പർണ॒മയാ॑ചിതം ബ്രാഹ്മ॒ണായ॑ ദദ്യാത് ।
വീ॒ര॒ഹ॒ത്യാം വാ ഏ॒തേ ഘ്ന॑ന്തി ।
യേ ബ്രാ᳚ഹ്മ॒ണാസ്ത്രിസു॑പർണം॒ പഠ॑ന്തി । തേ സോമം॒ പ്രാപ്നു॑വന്തി ।
ആ॒സ॒ഹസ്രാത് പ॒ങ്ക്തിം പുന॑ന്തി । ഓം ॥ 6 ॥
ഏകചത്വാരിംശോഽനുവാകഃ ।
മേ॒ധാദേ॒വീ ജു॒ഷമാണാ ന॒ ആഗാ᳚ദ്വി॒ശ്വാചീ॑ ഭ॒ദ്രാ സു॑മന॒സ്യമാ॑നാ ।
ത്വയാ॒ ജുഷ്ടാ॑ നു॒ദമാ॑ണാ ദു॒രുക്താ᳚ൻബൃ॒ഹദ്വ॑ദേമ വി॒ദഥേ॑ സു॒വീരാ᳚: ॥ 1
ത്വയാ॒ ജുഷ്ട॑ ഋ॒ഷിർഭ॑വതി ദേവി॒ ത്വയാ॒ ബ്രഹ്മാ॑ഽഽഗ॒തശ്രീ॑രു॒ത ത്വയാ᳚ ।
ത്വയാ॒ ജുഷ്ട॑ശ്ചി॒ത്രം വി॑ന്ദതേ॒ വസു॒ സാ നോ॑ ജുഷസ്വ॒ ദ്രവി॑ണോ ന മേധേ ॥ 2
ദ്വിചത്വാരിംശോഽനുവാകഃ ।
മേ॒ധാം മ॒ ഇന്ദ്രോ॑ ദദാതു മേ॒ധാം ദേ॒വീ സര॑സ്വതീ ।
മേ॒ധാം മേ॑ അ॒ശ്വിനാ॑വു॒ഭാവാധ॑ത്താം॒ പുഷ്ക॑രസ്രജൗ ॥ 1
അ॒പ്സ॒രാസു॑ ച॒ യാ മേ॒ധാ ഗ॑ന്ധ॒ർവേഷു॑ ച॒ യന്മന॑: ।
ദൈവീ᳚ മേ॒ധാ സര॑സ്വതീ॒ സാ മാം᳚ മേ॒ധാ സു॒രഭി॑ർജുഷതാ॒ഗ്॒ സ്വാഹാ᳚ ॥ 2
ത്രിചത്വാരിംശോഽനുവാകഃ ।
ആ മാം᳚ മേ॒ധാ സു॒രഭി॑ർവി॒ശ്വരൂ॑പാ॒ ഹിര॑ണ്യവർണാ॒ ജഗ॑തീ ജഗ॒മ്യാ ।
ഊർജ॑സ്വതീ॒ പയ॑സാ॒ പിന്വ॑മാനാ॒ സാ മാം᳚ മേ॒ധാ സു॒പ്രതീ॑കാ ജുഷന്താം ॥ 1
ചതുശ്ചത്വാരിംശോഽനുവാകഃ ।
മയി॑ മേ॒ധാം മയി॑ പ്ര॒ജാം മയ്യ॒ഗ്നിസ്തേജോ॑ ദധാതു॒
മയി॑ മേ॒ധാം മയി॑ പ്ര॒ജാം മയീന്ദ്ര॑ ഇന്ദ്രി॒യം ദ॑ധാതു॒
മയി॑ മേ॒ധാം മയി॑ പ്ര॒ജാം മയി॒ സൂര്യോ॒ ഭ്രാജോ॑ ദധാതു ॥ 1 ॥
പഞ്ചചത്വാരിംശോഽനുവാകഃ ।
അപൈ॑തു മൃ॒ത്യുര॒മൃതം॑ ന॒ ആഗ॑ന്വൈവസ്വ॒തോ നോ॒ അഭ॑യം കൃണോതു ।
പ॒ർണം വന॒സ്പതേ॑രിവാ॒ഭി ന॑: ശീയതാഗ്ംര॒യിഃ സച॑താം ന॒: ശചീ॒പതി॑: ॥ 1 ॥
ഷട്ചത്വാരിംശോഽനുവാകഃ ।
പരം॑ മൃത്യോ॒ അനു॒പരേ॑ഹി പന്ഥാം॒ യസ്തേ॒ സ്വ ഇത॑രോ ദേവ॒യാനാ᳚ത് ।
ചക്ഷു॑ഷ്മതേ ശൃണ്വ॒തേ തേ᳚ ബ്രവീമി॒ മാ ന॑: പ്ര॒ജാഗ്ം രീ॑രിഷോ॒ മോത വീ॒രാൻ ॥ 1 ॥
സപ്തചത്വാരിംശോഽനുവാകഃ ।
വാതം॑ പ്രാ॒ണം മന॑സാ॒ന്വാര॑ഭാമഹേ പ്രജാപ॑തിം॒ യോ ഭുവ॑നസ്യ ഗോ॒പാഃ ।
സ നോ॑ മൃത്യോസ്ത്രാ॑യതാം॒ പാത്വഗ്ംഹ॑സോ॒ ജ്യോഗ്ജീ॒വാ ജ॒രാമ॑ ശീമഹി ॥ 1 ॥
അഷ്ടചത്വാരിംശോഽനുവാകഃ ।
അ॒മു॒ത്ര॒ഭൂയാ॒ദധ॒ യദ്യ॒മസ്യ॒ ബൃഹ॑സ്പതേ അ॒ഭിശ॑സ്തേ॒രമു॑ഞ്ചഃ ।
പ്രത്യൗ॑ഹതാമ॒ശ്വിനാ॑ മൃത്യുമ॑സ്മദ്ദേ॒വാനാ॑മഗ്നേ ഭി॒ഷജാ॒ ശചീ॑ഭിഃ ॥ 1 ॥
ഏകോനപഞ്ചാശോഽനുവാകഃ ।
ഹരി॒ഗ്ം ഹര॑ന്ത॒മനു॑യന്തി ദേ॒വാ വിശ്വ॒സ്യേശാ॑നം വൃഷ॒ഭം മ॑തീ॒നാം ।
ബ്രഹ്മ॒സരൂ॑പ॒മനു॑ മേ॒ദമാഗാ॒ദയ॑നം॒ മാ വിവ॑ധീ॒ർവിക്ര॑മസ്വ ॥ 1 ॥
പഞ്ചാശോഽനുവാകഃ ।
ശൽകൈ॑ര॒ഗ്നിമി॑ന്ധാ॒ന ഉ॒ഭൗ ലോ॒കൗ സ॑നേമ॒ഹം ।
ഉ॒ഭയോ᳚ർലോ॒കയോ॑രൃ॒ധ്വാതി॑ മൃ॒ത്യും ത॑രാമ്യ॒ഹം ॥ 1 ॥
ഏകപഞ്ചാശോഽനുവാകഃ ।
മാ ഛി॑ദോ മൃത്യോ॒ മാ വ॑ധീ॒ർമാ മേ॒ ബലം॒ വിവൃ॑ഹോ॒ മാ പ്രമോ॑ഷീഃ ।
പ്ര॒ജാം മാ മേ॑ രീരിഷ॒ ആയുരുഗ്ര നൃചക്ഷ॑സം ത്വാ ഹ॒വിഷാ॑ വിധേമ ॥ 1 ॥
ദ്വിപഞ്ചാശോഽനുവാകഃ ।
മാ നോ॑ മ॒ഹാന്ത॑മു॒ത മാ നോ॑ അർഭ॒കം
മാ ന॒ ഉക്ഷ॑ന്തമു॒ത മാ ന॑ ഉക്ഷി॒തം ।
മാ നോ॑ഽവധീഃ പി॒തരം॒ മോത മാ॒തരം॑
പ്രി॒യാ മാ ന॑സ്ത॒നുവോ॑ രുദ്ര രീരിഷഃ ॥ 1 ॥
ത്രിപഞ്ചാശോഽനുവാകഃ ।
മാ ന॑സ്തോ॒കേ തന॑യേ॒ മാ ന॒ ആയു॑ഷി॒
മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ ।
വീ॒രാന്മാ നോ॑ രുദ്ര ഭാമി॒തോഽവ॑ധീർഹ॒വിഷ്മ॑ന്തോ॒
നമ॑സാ വിധേമ തേ ॥ 1 ॥
ചതുഷ്പഞ്ചാശോഽനുവാകഃ ।
പ്രജാ॑പതേ॒ ന ത്വദേ॒താന്യ॒ന്യോ വിശ്വാ॑ ജാ॒താനി॒ പരി॒ താ ബ॑ഭൂവ ।
യത്കാ॑മസ്തേ ജുഹു॒മസ്തന്നോ॑ അസ്തു വ॒യഗ്ം സ്യാ॑മ॒ പത॑യോ രയീ॒ണാം ॥ 1 ॥
പഞ്ചപഞ്ചാശോഽനുവാകഃ ।
സ്വ॒സ്തി॒ദാ വി॒ശസ്പതി॑ർവൃത്ര॒ഹാ വിമൃധോ॑ വ॒ശീ ।
വൃഷേന്ദ്ര॑: പു॒ര ഏ॑തു നഃ സ്വസ്തി॒ദാ അ॑ഭയങ്ക॒രഃ ॥ 1 ॥
ഷട്പഞ്ചാശോഽനുവാകഃ ।
ത്ര്യം॑ബകം യജാമഹേ സുഗ॒ന്ധിം പു॑ഷ്ടി॒വർധ॑നം ।
ഉ॒ർവാ॒രു॒കമി॑വ॒ ബന്ധ॑നാന്മൃ॒ത്യോർമു॑ക്ഷീയ॒ മാഽമൃതാ᳚ത് ॥ 1 ॥
സപ്തപഞ്ചാശോഽനുവാകഃ ।
യേ തേ॑ സ॒ഹസ്ര॑മ॒യുതം॒ പാശാ॒ മൃത്യോ॒ മർത്യാ॑യ॒ ഹന്ത॑വേ ।
താൻ യ॒ജ്ഞസ്യ॑ മായയാ॒ സർവാ॒നവ॑യജാമഹേ ॥ 1 ॥
അഷ്ടപഞ്ചാശോഽനുവാകഃ ।
മൃത്യവേ॒ സ്വാഹാ॑ മൃത്യവേ॒ സ്വാഹാ᳚ ॥ 1 ॥
ഏകോനഷഷ്ടിതമോഽനുവാകഃ ।
ദേ॒വകൃ॑ത॒സ്യൈന॑സോഽവ॒യജ॑നമസി॒ സ്വാഹാ᳚ ।
മ॒നു॒ഷ്യ॑കൃത॒സ്യൈന॑സോഽവ॒യജ॑നമസി॒ സ്വാഹാ᳚ ।
പി॒തൃകൃ॑ത॒സ്യൈന॑സോഽവ॒യജ॑നമസി॒ സ്വാഹാ᳚ ।
ആ॒ത്മകൃ॑ത॒സ്യൈന॑സോഽവ॒യജ॑നമസി॒ സ്വാഹാ᳚ ।
അ॒ന്യകൃ॑ത॒സ്യൈന॑സോഽവ॒യജ॑നമസി॒ സ്വാഹാ᳚ ।
അ॒സ്മത്കൃ॑ത॒സ്യൈന॑സോഽവ॒യജ॑നമസി॒ സ്വാഹാ᳚ ।
യദ്ദി॒വാ ച॒ നക്തം॒ ചൈന॑ശ്ചകൃ॒മ തസ്യാ॑വ॒യജ॑നമസി॒ സ്വാഹാ᳚ ।
യത്സ്വ॒പ॑ന്തശ്ച॒ ജാഗ്ര॑ത॒ശ്ചൈന॑ശ്ചകൃ॒മ തസ്യാ॑വ॒യജ॑നമസി॒ സ്വാഹാ᳚ ।
യത്സു॒ഷുപ്ത॑ശ്ച॒ ജാഗ്ര॑ത॒ശ്ചൈന॑ശ്ചകൃ॒മ തസ്യാ॑വ॒യജ॑നമസി॒ സ്വാഹാ᳚ ।
യദ്വി॒ദ്വാഗ്ംസശ്ചാവി॑ദ്വാഗ്ംസശ്ചൈന॑ശ്ചകൃ॒മ തസ്യാ॑വ॒യജ॑നമസി॒ സ്വാഹാ᳚ ।
ഏനസ ഏനസോഽവയജനമ॑സി സ്വാ॒ഹാ ॥ 1 ॥
ഷഷ്ടിതമോഽനുവാകഃ ।
യദ്വോ॑ ദേവാശ്ചകൃ॒മ ജി॒ഹ്വയാ॑ ഗു॒രു
മന॑സോ വാ॒ പ്രയു॑തീ ദേവ॒ഹേഡ॑നം ।
അരാ॑വാ॒ യോ നോ॑ അ॒ഭി ദു॑ച്ഛുനാ॒യതേ॒
തസ്മി॒ൻ തദേനോ॑ വസവോ॒ നിധേ॑തന॒ സ്വാഹാ᳚ ॥ 1 ॥
ഏകഷഷ്ടിതമോഽനുവാകഃ ।
കാമോഽകാർഷീ᳚ന്നമോ॒ നമഃ । കാമോഽകാർഷീത്കാമഃ കരോതി നാഹം കരോമി കാമഃ കർതാ നാഹം കർതാ കാമ॑: കാര॒യിതാ നാഹം॑ കാര॒യിതാ ഏഷ തേ കാമ കാമാ॑യ സ്വാ॒ഹാ ॥ 1 ॥
ദ്വിഷഷ്ടിതമോഽനുവാകഃ ।
മന്യുരകാർഷീ᳚ന്നമോ॒ നമഃ । മന്യുരകാർഷീന്മന്യുഃ കരോതി നാഹം കരോമി മന്യുഃ കർതാ നാഹം കർതാ മന്യു॑: കാര॒യിതാ നാഹം॑ കാര॒യിതാ ഏഷ തേ മന്യോ മന്യ॑വേ സ്വാ॒ഹാ ॥ 1 ॥
ത്രിഷഷ്ടിതമോഽനുവാകഃ ।
തിലാഞ്ജുഹോമി സരസാൻ സപിഷ്ടാൻ ഗന്ധാര മമ ചിത്തേ രമ॑ന്തു സ്വാ॒ഹാ ॥ 1 ॥
ഗാവോ ഹിരണ്യം ധനമന്നപാനഗ്ം സർവേഷാഗ്ം ശ്രി॑യൈ സ്വാ॒ഹാ ॥ 2 ॥
ശ്രിയം ച ലക്ഷ്മിം ച പുഷ്ടിം ച കീർതിം॑ ചാനൃ॒ണ്യതാം ।
ബ്രാഹ്മണ്യം ബ॑ഹുപു॒ത്രതാം । ശ്രദ്ധാമേധേ പ്രജാഃ സന്ദദാ॑തു സ്വാ॒ഹാ ॥ 3 ॥
ചതുഃഷഷ്ടിതമോഽനുവാകഃ ।
തിലാഃ കൃഷ്ണാസ്തി॑ലാഃ ശ്വേ॒താ॒സ്തിലാഃ സൗമ്യാ വ॑ശാനു॒ഗാഃ ।
തിലാഃ പുനന്തു॑ മേ പാ॒പം॒ യത്കിഞ്ചിദ് ദുരിതം മ॑യി സ്വാ॒ഹാ ॥ 1 ॥
ചോര॒സ്യാന്നം ന॑വശ്രാ॒ദ്ധം॒ ബ്ര॒ഹ്മ॒ഹാ ഗു॑രുത॒ല്പഗഃ ।
ഗോസ്തേയഗ്ം സു॑രാപാ॒നം॒ ഭ്രൂണഹത്യാ തിലാ ശാന്തിഗ്ം ശമയ॑ന്തു സ്വാ॒ഹാ ॥ 2 ॥
ശ്രീശ്ച ലക്ഷ്മീശ്ച പുഷ്ടീശ്ച കീർതിം॑ ചാനൃ॒ണ്യതാം ।
ബ്രഹ്മണ്യം ബ॑ഹുപു॒ത്രതാം ।
ശ്രദ്ധാമേധേ പ്രജ്ഞാ തു ജാതവേദഃ സന്ദദാ॑തു സ്വാ॒ഹാ ॥ 3 ॥
പഞ്ചഷഷ്ടിതമോഽനുവാകഃ ।
പ്രാണാപാനവ്യാനോദാനസമാനാ മേ॑ ശുധ്യ॒ന്താം॒
ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 1 ॥
വാങ്മനശ്ചക്ഷുഃശ്രോത്രജിഹ്വാഘ്രാണരേതോബുദ്ധ്യാകൂതിഃസങ്കല്പാ
മേ॑ ശുധ്യ॒ന്താം॒ ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 2 ॥
ത്വക്ചർമമാംസരുധിരമേദോമജ്ജാസ്നായവോഽസ്ഥീനി
മേ॑ ശുധ്യ॒ന്താം॒ ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 3 ॥
ശിരഃപാണിപാദപാർശ്വപൃഷ്ഠോരൂധരജംഘാശിശ്നോപസ്ഥപായവോ
മേ॑ ശുധ്യ॒ന്താം॒ ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 4 ॥
ഉത്തിഷ്ഠ പുരുഷ ഹരിത പിംഗല ലോഹിതാക്ഷി ദേഹി ദേഹി ദദാപയിതാ
മേ॑ ശുധ്യ॒ന്താം॒ ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 5 ॥
ഷട്ഷഷ്ടിതമോഽനുവാകഃ ।
പൃഥിവ്യപ്തേജോവായുരാകാശാ മേ॑ ശുധ്യ॒ന്താം॒
ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 1 ॥
ശബ്ദസ്പർശരൂപരസഗന്ധാ മേ॑ ശുധ്യ॒ന്താം॒
ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 2 ॥
മനോവാക്കായകർമാണി മേ॑ ശുധ്യ॒ന്താം॒
ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 3 ॥
അവ്യക്തഭാവൈര॑ഹങ്കാ॒രൈ॒-
ര്ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 4 ॥
ആത്മാ മേ॑ ശുധ്യ॒ന്താം॒
ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 5 ॥
അന്തരാത്മാ മേ॑ ശുധ്യ॒ന്താം॒
ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 6 ॥
പരമാത്മാ മേ॑ ശുധ്യ॒ന്താം॒
ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 7 ॥
ക്ഷു॒ധേ സ്വാഹാ᳚ । ക്ഷുത്പി॑പാസായ॒ സ്വാഹാ᳚ । വിവി॑ട്യൈ॒ സ്വാഹാ᳚ ।
ഋഗ്വി॑ധാനായ॒ സ്വാഹാ᳚ । ക॒ഷോ᳚ത്കായ॒ സ്വാഹാ᳚ । ഓം സ്വാഹാ᳚ ॥ 8 ॥
ക്ഷു॒ത്പി॒പാ॒സാമ॑ലാം ജ്യേ॒ഷ്ഠാ॒മലക്ഷ്മീർനാശ॑യാ॒മ്യഹം ।
അഭൂ॑തിമസ॑മൃദ്ധിം॒ ച॒ സർവാന്നി॑ർണുദ മേ പാപ്മാ॑നഗ്ം സ്വാ॒ഹാ ॥ 9 ॥
അന്നമയപ്രാണമയമനോമയവിജ്ഞാനമയമാനന്ദമയമാത്മാ മേ॑
ശുധ്യ॒ന്താം॒ ജ്യോതി॑ര॒ഹം വി॒രജാ॑ വിപാ॒പ്മാ ഭൂ॑യാസ॒ഗ്ം സ്വാഹാ᳚ ॥ 10 ॥
സപ്തഷഷ്ടിതമോഽനുവാകഃ ।
അ॒ഗ്നയേ॒ സ്വാഹാ᳚ । വിശ്വേ᳚ഭ്യോ ദേ॒വേഭ്യ॒: സ്വാഹാ᳚ ।
ധ്രു॒വായ॑ ഭൂ॒മായ॒ സ്വാഹാ᳚ । ധ്രു॒വ॒ക്ഷിത॑യേ സ്വാഹാ᳚ ।
അ॒ച്യു॒ത॒ക്ഷിത॑യേ॒ സ്വാഹാ᳚ । അ॒ഗ്നയേ᳚ സ്വിഷ്ട॒കൃതേ॒ സ്വാഹാ᳚ ॥
ധർമാ॑യ॒ സ്വാഹാ᳚ । അധ॑ർമായ॒ സ്വാഹാ᳚ । അ॒ദ്ഭ്യഃ സ്വാഹാ᳚ ।
ഓ॒ഷ॒ധി॒വ॒ന॒സ്പ॒തിഭ്യ॒: സ്വാഹാ᳚ । ര॒ക്ഷോ॒ദേ॒വ॒ജ॒നേഭ്യ॒: സ്വാഹാ᳚ ।
ഗൃഹ്യാഭ്യ॒: സ്വാഹാ᳚ । അ॒വ॒സാനേ᳚ഭ്യ॒: സ്വാഹാ᳚ । അ॒വ॒സാന॑പതിഭ്യ॒: സ്വാഹാ᳚ ।
സ॒ർവ॒ഭൂ॒തേഭ്യ॒: സ്വാഹാ᳚ । കാമാ॑യ॒ സ്വാഹാ᳚ । അ॒ന്തരി॑ക്ഷായ॒ സ്വാഹാ᳚ ।
യദേജ॑തി॒ ജഗ॑തി॒ യച്ച॒ ചേഷ്ട॑തി॒ നാമ്നോ॑ ഭാ॒ഗോഽയം നാമ്നേ॒ സ്വാഹാ᳚ ।
പൃ॒ഥി॒വ്യൈ സ്വാഹാ᳚ । അ॒ന്തരി॑ക്ഷായ॒ സ്വാഹാ᳚ । ദി॒വേ സ്വാഹാ᳚ ।
സൂര്യാ॑യ॒ സ്വാഹാ᳚ । ച॒ന്ദ്രമ॑സേ॒ സ്വാഹാ᳚ । നക്ഷ॑ത്രേഭ്യ॒: സ്വാഹാ᳚ ।
ഇന്ദ്രാ॑യ॒ സ്വാഹാ᳚ । ബൃഹ॒സ്പത॑യേ॒ സ്വാഹാ᳚ । പ്ര॒ജാപ॑തയേ॒ സ്വാഹാ᳚ ।
ബ്രഹ്മ॑ണേ॒ സ്വാഹാ᳚ । സ്വ॒ധാ പി॒തൃഭ്യഃ സ്വാഹാ᳚ ।
നമോ॑ രു॒ദ്രായ॑ പശുപത॑യേ॒ സ്വാഹാ᳚ । ദേ॒വേഭ്യ॒: സ്വാഹാ᳚ ।
പി॒തൃഭ്യ॑: സ്വ॒ധാസ്തു॑ । ഭൂ॒തേഭ്യോ॒ നമ॑: ।
മ॒നു॒ഷ്യേ᳚ഭ്യോ॒ ഹന്താ᳚ । പ്ര॒ജാപ॑തയേ॒ സ്വാഹാ᳚ । പരമേഷ്ഠിനേ॒ സ്വാഹാ᳚ ॥ 1 ॥
യഥാ കൂ॑പഃ ശ॒തധാ॑രഃ സ॒ഹസ്ര॑ധാരോ॒ അക്ഷി॑തഃ ।
ഏ॒വാ മേ॑ അസ്തു ധാ॒ന്യഗ്ം സ॒ഹസ്ര॑ധാര॒മക്ഷി॑തം ॥
ധന॑ധാന്യൈ॒ സ്വാഹാ᳚ ॥ 2 ॥
യേ ഭൂ॒താഃ പ്ര॒ചര॑ന്തി॒ ദിവാ॒നക്തം॒ ബലി॑മി॒ച്ഛന്തോ॑ വി॒തുദ॑സ്യ॒ പ്രേഷ്യാ᳚: ।
തേഭ്യോ॑ ബ॒ലിം പു॑ഷ്ടി॒കാമോ॑ ഹരാമി॒ മയി॒ പുഷ്ടിം॒ പുഷ്ടി॑പതിർദധാതു॒ സ്വാഹാ᳚ ॥ 3 ॥
അഷ്ടഷഷ്ടിതമോഽനുവാകഃ ।
ഓം᳚ തദ്ബ്ര॒ഹ്മ ഓം᳚ തദ്വാ॒യുഃ ഓം᳚ തദാ॒ത്മാ
ഓം᳚ തത്സ॒ത്യം ഓം᳚ തത്സർവം᳚ ഓം᳚ തത്പുരോ॒ർനമ॑: ॥ 1
ഓം അന്തശ്ചരതി॑ ഭൂതേ॒ഷു॒ ഗു॒ഹായാം വി॑ശ്വമൂ॒ർതിഷു ।
ത്വം യജ്ഞസ്ത്വം വഷട്കാരസ്ത്വമിന്ദ്രസ്ത്വഗ്ം രുദ്രസ്ത്വം
വിഷ്ണുസ്ത്വം ബ്രഹ്മ ത്വം॑ പ്രജാ॒പതിഃ ।
ത്വം ത॑ദാപ॒ ആപോ॒ ജ്യോതീ॒ രസോ॒ഽമൃതം॒ ബ്രഹ്മ॒ ഭൂർഭുവ॒സ്സുവ॒രോം ॥ 2
ഏകോനസപ്തതിതമോഽനുവാകഃ ।
ശ്ര॒ദ്ധായാം᳚ പ്രാ॒ണേ നിവി॑ഷ്ടോ॒ഽമൃതം॑ ജുഹോമി ।
ശ്രദ്ധായാ॑മപാ॒നേ നിവി॑ഷ്ടോ॒ഽമൃതം॑ ജുഹോമി ।
ശ്ര॒ദ്ധായാം᳚ വ്യാ॒നേ നിവി॑ഷ്ടോ॒ഽമൃതം॑ ജുഹോമി ।
ശ്ര॒ദ്ധായാ॑മുദാ॒നേ നിവി॑ഷ്ടോ॒ഽമൃതം॑ ജുഹോമി ।
ശ്ര॒ദ്ധായാ॑ഗ്ം സമാ॒നേ നിവി॑ഷ്ടോ॒ഽമൃതം॑ ജുഹോമി ।
ബ്രഹ്മ॑ണി മ ആ॒ത്മാമൃ॑ത॒ത്വായ॑ ॥ 1 ॥
അ॒മൃ॒തോ॒പ॒സ്തര॑ണമസി ॥ 2 ॥
ശ്ര॒ദ്ധായാം᳚ പ്രാ॒ണേ നിവി॑ഷ്ടോ॒ഽമൃതം॑ ജുഹോമി ।
ശി॒വോ മാ॑ വി॒ശാപ്ര॑ദാഹായ । പ്രാ॒ണായ॒ സ്വാഹാ᳚ ॥
ശ്ര॒ദ്ധായാ॑മപാ॒നേ നിവി॑ഷ്ടോ॒ഽമൃതം॑ ജുഹോമി ।
ശി॒വോ മാ॑ വി॒ശാപ്ര॑ദാഹായ । അ॒പാ॒നായ॒ സ്വാഹാ᳚ ॥
ശ്ര॒ദ്ധായാം᳚ വ്യാ॒നേ നിവി॑ഷ്ടോ॒ഽമൃതം॑ ജുഹോമി ।
ശി॒വോ മാ॑ വി॒ശാപ്ര॑ദാഹായ । വ്യാ॒നായ॒ സ്വാഹാ᳚ ॥
ശ്ര॒ദ്ധാ॑യാമുദാ॒നേ നിവി॑ഷ്ടോ॒ഽമൃതം॑ ജുഹോമി ।
ശി॒വോ മാ॑ വി॒ശാപ്ര॑ദാഹായ । ഉ॒ദാ॒നായ॒ സ്വാഹാ᳚ ॥
ശ്ര॒ദ്ധായാ॑ഗ്ം സമാ॒നേ നിവി॑ഷ്ടോ॒ഽമൃതം॑ ജുഹോമി ।
ശി॒വോ മാ॑ വി॒ശാപ്ര॑ദാഹായ । സ॒മാ॒നായ॒ സ്വാഹാ᳚ ॥
ബ്രഹ്മ॑ണി മ ആ॒ത്മാമൃ॑ത॒ത്വായ॑ ॥ 3 ॥
അ॒മൃ॒താ॒പി॒ധാ॒നമ॑സി ॥ 4 ॥
സപ്തതിതമോഽനുവാകഃ ।
ശ്ര॒ദ്ധായാം᳚ പ്രാ॒ണേ നിവി॑ശ്യാ॒മൃത॑ഗ്ം ഹു॒തം ।
പ്രാ॒ണമന്നേ॑നാപ്യായസ്വ ॥
ശ്ര॒ദ്ധായാ॑മപാ॒നേ നിവി॑ശ്യാ॒മൃത॑ഗ്ം ഹു॒തം ।
അ॒പാ॒നമന്നേ॑നാപ്യായസ്വ ॥
ശ്ര॒ദ്ധായാം᳚ വ്യാ॒നേ നിവി॑ശ്യാ॒മൃത॑ഗ്ം ഹു॒തം ।
വ്യാ॒നമന്നേ॑നാപ്യായസ്വ ॥
ശ്ര॒ദ്ധായാ॑മുദാ॒നേ നിവി॑ശ്യാ॒മൃത॑ഗ്ം ഹു॒തം ।
ഉ॒ദാ॒നമന്നേ॑നാപ്യായസ്വ ॥
ശ്ര॒ദ്ധായാ॑ഗ്ം സമാ॒നേ നിവി॑ശ്യാ॒മൃത॑ഗ്ം ഹു॒തം ।
സ॒മാ॒നമന്നേ॑നാപ്യായസ്വ ॥
ഏകസപ്തതിതമോഽനുവാകഃ ।
അംഗുഷ്ഠമാത്രഃ പുരുഷോഽങ്ഗുഷ്ഠം ച॑ സമാ॒ശ്രിതഃ ।
ഈശഃ സർവസ്യ ജഗതഃ പ്രഭുഃ പ്രീണാതു॑ വിശ്വ॒ഭുക് ॥ 1 ॥
ദ്വിസപ്തതിതമോഽനുവാകഃ ।
വാങ് മ॑ ആ॒സൻ । ന॒സോഃ പ്രാ॒ണഃ । അ॒ക്ഷ്യോശ്ചക്ഷു॑: ।
കർണ॑യോ॒: ശ്രോത്രം᳚ । ബാ॒ഹു॒വോർബലം᳚ । ഉ॒രു॒വോരോജ᳚: ।
അരി॑ഷ്ടാ॒ വിശ്വാ॒ന്യംഗാ॑നി ത॒നൂഃ ।
ത॒നുവാ॑ മേ സ॒ഹ നമ॑സ്തേ അസ്തു॒ മാ മാ॑ ഹിഗ്ംസീഃ ॥ 1 ॥
ത്രിസപ്തതിതമോഽനുവാകഃ ।
വയ॑: സുപ॒ർണാ ഉപ॑സേദു॒രിന്ദ്രം॑ പ്രി॒യമേ॑ധാ॒ ഋഷ॑യോ॒ നാധ॑മാനാഃ ।
അപ॑ ധ്വാ॒ന്തമൂ॑ർണു॒ഹി പൂ॒ർധി ചക്ഷു॑ർമുമു॒ഗ്ധ്യ॑സ്മാന്നി॒ധയേ॑വ ബ॒ദ്ധാൻ ॥ 1 ॥
ചതുഃസപ്തതിതമോഽനുവാകഃ ।
പ്രാണാനാം ഗ്രന്ഥിരസി രുദ്രോ മാ॑ വിശാ॒ന്തകഃ ।
തേനാന്നേനാ᳚പ്യായസ്വ ॥ 1 ॥
പഞ്ചസപ്തതിതമോഽനുവാകഃ ।
നമോ രുദ്രായ വിഷ്ണവേ മൃത്യു॑ർമേ പാ॒ഹി ॥ 1 ॥
ഷട്സപ്തതിതമോഽനുവാകഃ ।
ത്വമഗ്നേ ദ്യുഭി॒സ്ത്വമാ॑ശുശുക്ഷണി॒സ്ത്വമ॒ദ്ഭ്യസ്ത്വമശ്മ॑ന॒സ്പരി॑ ।
ത്വം വനേ᳚ഭ്യ॒സ്ത്വമോഷ॑ധീഭ്യ॒സ്ത്വം നൃ॒ണാം നൃ॑പതേ ജായസേ॒ ശുചി॑: ॥ 1 ॥
സപ്തസപ്തതിതമോഽനുവാകഃ ।
ശി॒വേന॑ മേ॒ സന്തി॑ഷ്ഠസ്വ സ്യോ॒നേന॑ മേ॒ സന്തി॑ഷ്ഠസ്വ
സുഭൂ॒തേന॑ മേ॒ സന്തി॑ഷ്ഠസ്വ ബ്രഹ്മവർച॒സേന॑ മേ॒
സന്തി॑ഷ്ഠസ്വ യ॒ജ്ഞസ്യർദ്ധി॒മനു॒സന്തി॑ഷ്ഠ॒സ്വോപ॑
തേ യജ്ഞ॒ നമ॒ ഉപ॑ തേ॒ നമ॒ ഉപ॑ തേ॒ നമ॑: ॥ 1 ॥
അഷ്ടസപ്തതിതമോഽനുവാകഃ ।
സ॒ത്യം പരം॒ പരഗ്ം॑ സ॒ത്യഗ്ം സ॒ത്യേന॒ ന
സു॑വ॒ർഗാല്ലോ॒കാച്ച്യ॑വന്തേ ക॒ദാച॒ന
സ॒താഗ്ം ഹി സ॒ത്യം തസ്മാ᳚ത്സ॒ത്യേ ര॑മന്തേ ॥ 1 ॥
തപ॒ ഇതി॒ തപോ॒ നാനശ॑നാ॒ത്പരം॒ യദ്ധി॒ പരം തപ॒സ്തദ്॑
ദുർധർഷം തദ് ദുരാ॑ധഷ॒ തസ്മാ॒ത്തപ॑സി രമന്തേ॒ ॥ 2 ॥
ദമ॒ ഇതി॒ നിയ॑തം ബ്രഹ്മചാ॒രിണ॒സ്തസ്മാ॒ദ്ദമേ॑ രമന്തേ॒ ॥ 3 ॥
ശമ॒ ഇത്യര॑ണ്യേ മു॒നയ॒സ്തമാ॒ച്ഛമേ॑ രമന്തേ ॥ 4 ॥
ദാ॒നമിതി॒ സർവാ॑ണി ഭൂ॒താനി॑ പ്രശഗ്ംസ॑ന്തി
ദാ॒നാന്നാതി॑ദു॒ഷ്കരം॒ തസ്മാ᳚ദ്ദാ॒നേ ര॑മന്തേ ॥ 5 ॥
ധ॒ർമ ഇതി॒ ധർമേ॑ണ സർവ॑മി॒ദം പരിഗൃ॑ഹീതം
ധ॒ർമാന്നാതി॑ദുശ്ചരം॒ തസ്മാ᳚ദ്ധ॒ർമേ ര॑മന്തേ ॥ 6 ॥
പ്ര॒ജന॒ ഇതി॒ ഭൂയാ॑ഗ്ംസ॒സ്തസ്മാ॒ത് ഭൂയി॑ഷ്ഠാഃ പ്രജാ॑യന്തേ॒
തസ്മാ॒ത് ഭൂയി॑ഷ്ഠാഃ പ്ര॒ജന॑നേ രമന്തേ॒ ॥ 7 ॥
അഗ്നയ॒ ഇത്യാ॑ഹ॒ തസ്മാ॑ദ॒ഗ്നയ॒ ആധാ॑തവ്യാഃ ॥ 8 ॥
അഗ്നിഹോ॒ത്രമിത്യാ॑ഹ॒ തസ്മാ॑ദഗ്നിഹോ॒ത്രേ ര॑മന്തേ ॥ 9 ॥
യ॒ജ്ഞ ഇതി॑ യ॒ജ്ഞേന॒ ഹി ദേ॒വാ ദിവം॑ ഗ॒താസ്തസ്മാ᳚ദ്യ॒ജ്ഞേ ര॑മന്തേ ॥ 10 ॥
മാന॒സമിതി॑ വി॒ദ്വാഗ്ംസ॒സ്തസ്മാ᳚ദ്വി॒ദ്വാഗ്ംസ॑ ഏ॒വ മാ॑ന॒സേ ര॑മന്തേ ॥ 11 ॥
ന്യാ॒സ ഇതി॑ ബ്ര॒ഹ്മാ ബ്ര॒ഹ്മാ ഹി പര॒: പരോ॑ ഹി ബ്ര॒ഹ്മാ താനി॒ വാ
ഏ॒താന്യവ॑രാണി॒ തപാഗ്ംസി ന്യാ॒സ ഏ॒വാത്യ॑രേചയ॒ത്
യ ഏ॒വം വേദേ᳚ത്യുപ॒നിഷ॑ത് ॥ 12 ॥
ഏകോനാശീതിതമോഽനുവാകഃ ।
പ്രാ॒ജാ॒പ॒ത്യോ ഹാരു॑ണിഃ സുപ॒ർണേയ॑: പ്ര॒ജാപ॑തിം പി॒തര॒മുപ॑സസാര॒
കിം ഭ॑ഗവ॒ന്തഃ പ॑ര॒മം വ॑ദ॒ന്തീതി॒ തസ്മൈ॒ പ്രോ॑വാച ॥ 1 ॥
സ॒ത്യേന॑ വാ॒യുരാവാ॑തി സ॒ത്യേനാ॑ദി॒ത്യോ രോ॑ചതേ ദി॒വി സ॒ത്യം വാ॒ചഃ
പ്ര॑തി॒ഷ്ഠാ സ॒ത്യേ സ॒ർവം പ്രതി॑ഷ്ഠിതം॒ തസ്മാ᳚ത്സ॒ത്യം പ॑രമം॒ വദ॑ന്തി॒ ॥ 2 ॥
തപ॑സാ ദേ॒വാ ദേ॒വതാ॒മഗ്ര॑ ആയ॒ൻ തപ॒സാർഷ॑യ॒: സുവ॒രന്വ॑വിന്ദ॒ൻ
തപ॑സാ സ॒പത്നാ॒ൻപ്രണു॑ദാ॒മാരാതീ॒സ്തപ॑സി സ॒ർവം പ്രതി॑ഷ്ഠിതം॒
തസ്മാ॒ത്തപ॑: പര॒മം വദ॑ന്തി॒ ॥ 3 ॥
ദമേ॑ന ദാ॒ന്താഃ കി॒ൽബിഷ॑മവധൂ॒ന്വന്തി॒ ദമേ॑ന ബ്രഹ്മചാ॒രിണ॒:
സുവ॑രഗച്ഛ॒ൻ ദമോ॑ ഭൂ॒താനാം᳚ ദുരാ॒ധർഷം॒ ദമേ॑ സ॒ർവം
പ്രതി॑ഷ്ഠിതം॒ തസ്മാ॒ദ്ദമ॑: പ॒രമം വദ॑ന്തി॒ ॥ 4 ॥
ശമേ॑ന ശാ॒ന്താഃ ശി॒വമാ॒ചര॑ന്തി॒ ശമേ॑ന നാ॒കം മു॒നയോ॒ഽന്വവി॑ന്ദ॒ൻ
ശമോ॑ ഭൂ॒താനാം᳚ ദുരാ॒ധർഷം॒ ശമേ॑ സ॒ർവം പ്രതി॑ഷ്ഠിതം
തസ്മാ॒ച്ഛമ॑: പര॒മം വദ॑ന്തി ॥ 5 ॥
ദാ॒നം യ॒ജ്ഞാനാം॒ വരൂ॑ഥം॒ ദക്ഷി॑ണാ ലോ॒കേ ദാ॒താരഗ്ം॑
സർവഭൂ॒താന്യു॑പജീ॒വന്തി॑ ദാ॒നേനാരാ॑തീ॒രപാ॑നുദന്ത ദാ॒നേന॑
ദ്വിഷ॒ന്തോ മി॒ത്രാ ഭ॑വന്തി ദാ॒നേ സ॒ർവം പ്രതി॑ഷ്ഠിതം॒ തസ്മാ᳚ദ്ദാ॒നം
പ॑ര॒മം വദ॑ന്തി ॥ 6 ॥
ധ॒ർമോ വിശ്വ॑സ്യ॒ ജഗ॑തഃ പ്രതി॒ഷ്ഠാ ലോ॒കേ ധ॒ർമിഷ്ഠ പ്ര॒ജാ
ഉ॑പസ॒ർപന്തി॑ ധ॒ർമേണ॑ പാ॒പമ॑പ॒നുദ॑തി ധ॒ർമേ സ॒ർവം പ്രതി॑ഷ്ഠിതം॒
തസ്മാ᳚ദ്ധ॒ർമം പ॑ര॒മം വദ॑ന്തി ॥ 7 ॥
പ്ര॒ജന॑നം॒ വൈ പ്ര॑തി॒ഷ്ഠാ ലോ॒കേ സാ॒ധു പ്ര॒ജായാ᳚സ്ത॒ന്തും ത॑ന്വാ॒നഃ
പി॑തൃ॒ണാമ॑നു॒ണോ ഭവ॑തി॒ തദേ॑വ ത॒സ്യാനൃ॑ണം॒
തസ്മാ᳚ത് പ്ര॒ജന॑നം പര॒മം വദ॑ന്തി ॥ 8 ॥
അ॒ഗ്നയോ॒ വൈ ത്രയീ॑ വി॒ദ്യാ ദേ॑വ॒യാന॒: പന്ഥാ॑ ഗാർഹപ॒ത്യ ഋക്
പൃ॑ഥി॒വീ ര॑ഥന്ത॒രമ॑ന്വാഹാര്യ॒പച॑ന॒: യജു॑ര॒ന്തരി॑ക്ഷം
വാമദേ॒വ്യമാ॑ഹവ॒നീയ॒: സാമ॑ സുവ॒ർഗോ ലോ॒കോ ബൃ॒ഹത്തസ്മാ॑ദ॒ഗ്നീൻ
പ॑ര॒മം വദ॑ന്തി ॥ 9 ॥
അഗ്നിഹോ॒ത്രഗ്ം സാ॑യം പ്രാ॒തർഗൃ॒ഹാണാം॒ നിഷ്കൃ॑തി॒: സ്വി॑ഷ്ടഗ്ം
സുഹു॒തം യ॑ജ്ഞക്രതൂ॒നാം പ്രായ॑ണഗ്ം സുവ॒ർഗസ്യ॑ ലോ॒കസ്യ॒
ജ്യോതി॒സ്തസ്മാ॑ദഗ്നിഹോ॒ത്രം പ॑ര॒മം വദ॑ന്തി ॥ 10 ॥
യ॒ജ്ഞ ഇതി॑ യ॒ജ്ഞോ ഹി ദേ॒വാനാം᳚ യ॒ജ്ഞേന॒ ഹി ദേ॒വാ ദിവം॑ ഗ॒താ
യ॒ജ്ഞേനാസു॑രാ॒നപാ॑നുദന്ത യ॒ജ്ഞേന॑ ദ്വിഷ॒ന്തോ മി॒ത്രാ ഭ॑വന്തി യ॒ജ്ഞേ
സ॒ർവം പ്ര॑തിഷ്ഠിതം॒ തസ്മാ᳚ദ്യ॒ജ്ഞം പ॑ര॒മം വദ॑ന്തി ॥ 11 ॥
മാന॒സം വൈ പ്രാ॑ജാപ॒ത്യം പ॒വിത്രം॑ മാന॒സേന॒ മന॑സാ സാ॒ധു
പ॑ശ്യതി മന॒സാ ഋഷ॑യഃ പ്ര॒ജാ അ॑സൃജന്ത മാന॒സേ സ॒ർവം പ്രതി॑ഷ്ഠിതം॒
തസ്മാ᳚ന്മാന॒സം പ॑ര॒മം വദ॑ന്തി ॥ 12 ॥
ന്യാ॒സ ഇ॒ത്യാഹു॑ർമനീ॒ഷിണോ॑ ബ്ര॒ഹ്മാണം॑ ബ്ര॒ഹ്മാ വിശ്വ॑:
കത॒മഃ സ്വ॑യംഭൂഃ പ്ര॒ജാപ॑തിഃ സംവത്സ॒ര ഇതി॑ ॥ 13 ॥
സംവത്സ॒രോഽസാവാ॑ദി॒ത്യോ യ ഏ॒ഷ ആ॑ദി॒ത്യേ
പുരു॑ഷ॒: സ പ॑രമേ॒ഷ്ഠീ ബ്രഹ്മാ॒ത്മാ ॥ 14 ॥
യാഭി॑രാദി॒ത്യസ്തപ॑തി ര॒ശ്മിഭി॒സ്താഭി॑: പ॒ർജന്യോ॑ വർഷതി
പ॒ർജന്യേ॑നൗഷധിവനസ്പ॒തയ॒: പ്രജാ॑യന്ത ഓഷധിവനസ്പ॒തിഭി॒രന്നം॑
ഭവ॒ത്യന്നേ॑ന പ്രാ॒ണാഃ പ്രാ॒ണൈർബലം॒ ബലേ॑ന॒ തപ॒സ്തപ॑സാ ശ്ര॒ദ്ധാ
ശ്ര॒ദ്ധയാ॑ മേ॒ധാ മേ॒ധയാ॑ മനീ॒ഷാ മ॑നീ॒ഷയാ॒ മനോ॒ മന॑സാ॒
ശാന്തി॒: ശാന്ത്യാ॑ ചി॒ത്തം ചി॒ത്തേന॒ സ്മൃതി॒: സ്മൃത്യാ॒ സ്മാര॒ഗ്ം
സ്മാരേ॑ണ വി॒ജ്ഞാനം॑ വി॒ജ്ഞാനേ॑നാ॒ത്മാനം॑ വേദയതി॒ തസ്മാ॑ദ॒ന്നം
ദദ॒ൻസർവാ᳚ണ്യേ॒താനി॑ ദദാ॒ത്യന്നാ᳚ത്പ്രാ॒ണാ ഭ॑വന്തി ഭൂ॒താ॑നാം
പ്രാ॒ണൈർമനോ॒ മന॑സശ്ച വി॒ജ്ഞാനം॑ വി॒ജ്ഞാനാ॑ദാന॒ന്ദോ ബ്ര॑ഹ്മ യോ॒നിഃ ॥ 15 ॥
സ വാ ഏ॒ഷ പുരു॑ഷഃ പഞ്ച॒ധാ പ॑ഞ്ചാ॒ത്മാ യേന॒ സർവ॑മി॒ദം
പ്രോതം॑ പൃഥി॒വീ ചാ॒ന്തരി॑ക്ഷം ച॒ ദ്യൗ॑ശ്ച॒
ദിശ॑ശ്ചാവാന്തരദി॒ശാശ്ച॒ സ വൈ സർവ॑മി॒ദം ജഗ॒ത്സ
സ॒ഭൂതഗ്ം॑ സ ഭ॒വ്യം ജി॑ജ്ഞാസക്ലൃ॒പ്ത ഋ॑ത॒ജാ രയിഷ്ഠാ॑:
ശ്ര॒ദ്ധാ സ॒ത്യോ പഹ॑സ്വാന്ത॒മസോ॒പരി॑ഷ്ടാ॒ത് ।
ജ്ഞാത്വാ॑ തമേ॒വം മന॑സാ ഹൃ॒ദാ ച॒ ഭൂയോ॑ ന മൃ॒ത്യുമുപ॑യാഹി വി॒ദ്വാൻ ।
തസ്മാ᳚ന്ന്യാ॒സമേ॒ഷാം തപ॑സാമതിരിക്ത॒മാഹു॑: ॥ 16 ॥
വസുര॒ണ്വോ॑ വി॒ഭൂര॑സി പ്രാ॒ണേ ത്വമസി॑ സന്ധാ॒താ ബ്രഹ്മ॑ൻ ത്വമസി॑
വിശ്വ॒സൃത്തേ॑ജോ॒ദാസ്ത്വമ॑സ്യ॒ഗ്നേര॑സി വർചോ॒ദാസ്ത്വമ॑സി॒ സൂര്യ॑സ്യ
ദ്യുമ്നോ॒ദാസ്ത്വമ॑സി ച॒ന്ദ്രമ॑സ ഉപയാ॒മഗൃ॑ഹീതോഽസി ബ്ര॒ഹ്മണേ᳚ ത്വാ॒ മഹസേ॒ ॥ 17 ॥
ഓമിത്യാ॒ത്മാനം॑ യുഞ്ജീത । ഏതദ്വൈ മ॑ഹോപ॒നിഷ॑ദം ദേ॒വാനാം॒ ഗുഹ്യം॒ ।
യ ഏ॒വം വേദ॑ ബ്ര॒ഹ്മണോ॑ മഹി॒മാന॑മാപ്നോതി॒
തസ്മാ᳚ദ്ബ്രഹ്മണോ॑ മഹി॒മാന॑മിത്യുപ॒നിഷത് ॥ 18 ॥
അശീതിതമോഽനുവാകഃ ।
തസ്യൈ॒വം വി॒ദുഷോ॑ യ॒ജ്ഞസ്യാ॒ത്മാ യജ॑മാനഃ ശ്ര॒ദ്ധാ പത്നീ॒
ശരീ॑രമി॒ധ്മമുരോ॒ വേദി॒ർലോമാ॑നി ബ॒ർഹിർവേ॒ദ॒: ശിഖാ॒ ഹൃദ॑യം॒ യൂപ॒:
കാമ ആജ്യം॑ മ॒ന്യുഃ പ॒ശുസ്തപോ॒ഽഗ്നിർദമ॑: ശമയി॒താ ദാനം
ദക്ഷി॑ണാ॒ വാഗ്ഘോതാ᳚ പ്രാ॒ണ ഉ॑ദ്ഗാ॒താ ചക്ഷു॑രധ്വ॒ര്യുർമനോ॒ ബ്രഹ്മാ॒
ശ്രോത്ര॑മ॒ഗ്നീത് യാവ॒ദ്ധ്രിയ॑തേ॒ സാ ദീ॒ക്ഷാ യദശ്നാ॑തി॒
തദ്ധവി॒ര്യത്പിബ॑തി॒ തദ॑സ്യ സോമപാ॒നം യദ്രമ॑തേ॒ തദു॑പ॒സദോ॒
യത്സ॒ഞ്ചര॑ത്യുപ॒വിശ॑ത്യു॒ത്തിഷ്ഠ॑തേ ച॒ സ പ്ര॑വ॒ർഗ്യോ॑ യന്മുഖം॒
തദാ॑ഹവ॒നീയോ॒ യാ വ്യാഹൃ॑തിരഹു॒തിര്യദ॑സ്യ വി॒ജ്ഞാനം॒ തജ്ജു॒ഹോതി॒
യത്സാ॒യം പ്രാ॒തര॑ത്തി॒ തത്സ॒മിധം॒ യത്പ്രാ॒തർമ॒ധ്യന്ദി॑നഗ്ം സാ॒യം
ച॒ താനി॒ സവ॑നാനി॒ യേ അ॑ഹോരാ॒ത്രേ തേ ദ॑ർശപൂർണമാ॒സൗ
യേ᳚ഽർധമാ॒സാശ്ച॒ മാസാ᳚ശ്ച॒ തേ ചാ॑തുർമാ॒സ്യാനി॒ യ ഋ॒തവ॒സ്തേ
പ॑ശുബ॒ന്ധാ യേ സം॑വത്സ॒രാശ്ച॒ പരിവത്സ॒രാശ്ച॒ തേഽഹ॑ർഗ॒ണാഃ
സ॑ർവവേദ॒സം വാ ഏ॒തത്സ॒ത്രം യന്മര॑ണം॒ തദ॑വ॒ഭൃഥ॑ ഏ॒തദ്വൈ
ജ॑രാമര്യമഗ്നിഹോ॒ത്രഗ്ംസ॒ത്രം യ ഏ॒വം വി॒ദ്വാനു॑ദ॒ഗയ॑നേ പ്ര॒മീയ॑തേ
ദേ॒വാനാ॑മേ॒വ മ॑ഹി॒മാനം॑ ഗ॒ത്വാദി॒ത്യസ്യ॒ സായു॑ജ്യം ഗച്ഛ॒ത്യഥ॒ യോ
ദ॑ക്ഷി॒ണേ പ്ര॒മീയ॑തേ പിതൃ॒ണാമേ॒വ മ॑ഹി॒മാനം॑ ഗ॒ത്വാ ച॒ന്ദ്രമ॑സ॒:
സായു॑ജ്യം ഗച്ഛത്യേ॒തൗ വൈ സൂ᳚ര്യാചന്ദ്ര॒മസോ᳚ർമഹി॒മാനൗ᳚ ബ്രാഹ്മ॒ണോ
വി॒ദ്വാന॒ഭിജ॑യതി॒ തസ്മാ᳚ദ് ബ്രഹ്മണോ॑ മഹി॒മാന॑മാപ്നോതി॒
തസ്മാ᳚ദ് ബ്ര॒ഹ്മണോ॑ മഹി॒മാന॑മിത്യുപ॒നിഷ॑ത് ॥ 1 ॥
ഓം ശം നോ॑ മി॒ത്രഃ ശം വരു॑ണഃ ।
ശം നോ॑ ഭവത്യര്യ॒മാ ।
ശം ന॒ ഇന്ദ്രോ॒ ബൃഹ॒സ്പതി॑: ।
ശം നോ॒ വിഷ്ണു॑രുരുക്ര॒മഃ ।
നമോ॒ ബ്രഹ്മ॑ണേ । നമ॑സ്തേ വായോ ।
ത്വമേ॒വ പ്ര॒ത്യക്ഷം॒ ബ്രഹ്മാ॑സി ।
ത്വാമേ॒വ പ്ര॒ത്യക്ഷം॒ ബ്രഹ്മാവാ॑ദിഷം ।
ഋ॒തമ॑വാദിഷം । സ॒ത്യമ॑വാദിഷം । തന്മാമാ॑വീത് ।
തദ്വ॒ക്താര॑മാവീത് । ആവീ॒ന്മാം । ആവീ॑ദ്വ॒ക്താരം᳚ ॥
ഓം സ॒ഹ നാ॑വവതു । സ॒ഹ നൗ॑ ഭുനക്തു ।
സ॒ഹ വീ॒ര്യം॑ കരവാവഹൈ ।
തേ॒ജ॒സ്വി നാ॒വധീ॑തമസ്തു॒ । മാ വി॑ദ്വിഷാ॒വഹൈ᳚ ।
ഓം ശാന്തി॒: ശാന്തി॒: ശാന്തി॑: ॥
ഇതി മഹാനാരായണോപനിഷത് ॥
Recite with devotion and pure heart
Regular practice brings spiritual benefits