Sri Srinivasa Vidya Mantra

śuklapakṣē hira̍ṇyavarṇā̠ṃ hari̍ṇīṃ su̠varṇa̍raja̠tasra̍jām । cha̠ndrāṃ hi̠raṇma̍yīṃ la̠kṣmī-ñjāta̍vēdō ma̠ āva̍ha ॥ śrī.1 ॥ sa̠hasra̍śīrṣā̠ puru̍ṣaḥ । sa̠ha̠srā̠kṣa-ssa̠hasra̍pāt । sa bhūmi̍ṃ vi̠śvatō̍ vṛ̠tvā । atya̍tiṣṭhaddaśāṅgu̠lam ॥ pu.1 ॥ tā-mma̠ āva̍ha̠ jāta̍vēdō la̠kṣmīmana̍pagā̠minī̎m । yasyā̠ṃ hira̍ṇyaṃ vi̠ndēya̠-ṅgāmaśva̠-mpuru̍ṣāna̠ham ॥ śrī.2 ॥ puru̍ṣa ē̠vēdagṃ sarvam̎ । yadbhū̠taṃ yachcha̠ bhavyam̎ । u̠tāmṛ̍ta̠tvasyēśā̍naḥ । ya̠dannē̍nāti̠rōha̍ti ॥ pu.2 ॥ a̠śva̠pū̠rvāṃ ra̍thama̠dhyāṃ ha̠stinā̍dapra̠bōdhi̍nīm । śriya̍-ndē̠vīmupa̍hvayē̠ śrīrmā̍dē̠vīrju̍ṣatām ॥ śrī.3 ॥ ē̠tāvā̍nasya mahi̠mā । atō̠ jyāyāg̍ścha̠ pūru̍ṣaḥ । pādō̎-'sya̠ viśvā̍ bhū̠tāni̍ । tri̠pāda̍syā̠mṛta̍-ndi̠vi ॥ pu.3 ॥ kā̠ṃ sō̎smi̠tāṃ hira̍ṇyaprā̠kārā̍mā̠rdrā-ñjvala̍ntī-ntṛ̠ptā-nta̠rpaya̍ntīm । pa̠dmē̠ sthi̠tā-mpa̠dmava̍rṇā̠-ntāmi̠hōpa̍hvayē̠ śriyam ॥ śrī.4 ॥ tri̠pādū̠rdhva udai̠tpuru̍ṣaḥ । pādō̎-'syē̠hā-''bha̍vā̠tpuna̍ḥ । tatō̠ viṣva̠ṅvya̍krāmat । sā̠śa̠nā̠na̠śa̠nē a̠bhi ॥ pu.4 ॥ cha̠ndrā-mpra̍bhā̠sāṃ ya̠śasā̠ jvala̍ntī̠ṃ śriya̍ṃ lō̠kē dē̠vaju̍ṣṭāmudā̠rām । tā-mpa̠dminī̍mī̠ṃ śara̍ṇama̠ha-mprapa̍dyē-'la̠kṣmīrmē̍ naśyatā̠-ntvāṃ vṛ̍ṇē ॥ śrī.5 ॥ tasmā̎dvi̠rāḍa̍jāyata । vi̠rājō̠ adhi̠ pūru̍ṣaḥ । sa jā̠tō atya̍richyata । pa̠śchādbhūmi̠mathō̍ pu̠raḥ ॥ pu.5 ॥ ā̠di̠tyava̍rṇē̠ tapa̠sō-'dhi̍jā̠tō vana̠spati̠stava̍ vṛ̠kṣō-'tha bi̠lvaḥ । tasya̠ phalā̍ni̠ tapa̠sā nu̍dantu mā̠yānta̍rā̠yāścha̍ bā̠hyā a̍la̠kṣmīḥ ॥ śrī.6 ॥ yatpuru̍ṣēṇa ha̠viṣā̎ । dē̠vā ya̠jñamata̍nvata । va̠sa̠ntō a̍syāsī̠dājyam̎ । grī̠ṣma i̠dhmaśśa̠raddha̠viḥ ॥ pu.6 ॥ upai̍tu̠ mā-ndē̍vasa̠khaḥ kī̠rtiścha̠ maṇi̍nā sa̠ha । prā̠du̠rbhū̠tō-'smi̍ rāṣṭrē̠-'smin kī̠rtimṛ̍ddhi-nda̠dātu̍ mē ॥ śrī.7 ॥ sa̠ptāsyā̍sanpari̠dhaya̍ḥ । tri-ssa̠pta sa̠midha̍ḥ kṛ̠tāḥ । dē̠vā yadya̠jña-nta̍nvā̠nāḥ । aba̍dhna̠npuru̍ṣa-mpa̠śum ॥ pu.7 ॥ kṣutpi̍pā̠sāma̍lā-ñjyē̠ṣṭhāma̍la̠kṣmī-nnā̍śayā̠myaham । abhū̍ti̠masa̍mṛddhi̠-ñcha sarvā̠-nnirṇu̍da mē̠ gṛhā̍t ॥ śrī.8 ॥ taṃ ya̠jña-mba̠rhiṣi̠ praukṣan̍ । puru̍ṣa-ñjā̠tama̍gra̠taḥ । tēna̍ dē̠vā aya̍janta । sā̠dhyā ṛṣa̍yaścha̠ yē ॥ pu.8 ॥ ga̠ndha̠dvā̠rā-ndu̍rādha̠rṣā̠-nni̠tyapu̍ṣṭā-ṅkarī̠ṣiṇī̎m । ī̠śvarī̍gṃ sarva̍bhūtā̠nā̠-ntāmi̠hōpa̍hvayē̠ śriyam ॥ śrī.9 ॥ tasmā̎dya̠jñātsa̍rva̠huta̍ḥ । sambhṛ̍ta-mpṛṣadā̠jyam । pa̠śūg‍stāg‍ścha̍krē vāya̠vyān̍ । ā̠ra̠ṇyāngrā̠myāścha̠ yē ॥ pu.9 ॥ mana̍sa̠ḥ kāma̠mākū̍tiṃ vā̠cha-ssa̠tyama̍śīmahi । pa̠śū̠nāṃ rū̠pamanna̍sya̠ mayi̠ śrī-śśra̍yatā̠ṃ yaśa̍ḥ ॥ śrī.10 ॥ tasmā̎dya̠jñātsa̍rva̠huta̍ḥ । ṛcha̠-ssāmā̍ni jajñirē । Chandāg̍ṃsi jajñirē̠ tasmā̎t । yaju̠stasmā̍dajāyata ॥ pu.10 ॥ ka̠rdamē̍na pra̍jābhū̠tā̠ ma̠yi̠ sambha̍va ka̠rdama । śriya̍ṃ vā̠saya̍ mē ku̠lē mā̠tara̍-mpadma̠māli̍nīm ॥ śrī.11 ॥ tasmā̠daśvā̍ ajāyanta । yē kē chō̍bha̠yāda̍taḥ । gāvō̍ ha jajñirē̠ tasmā̎t । tasmā̎jjā̠tā a̍jā̠vaya̍ḥ ॥ pu.11 ॥ āpa̍-ssṛ̠jantu̍ sni̠gdhā̠ni̠ chi̠klī̠ta va̍sa mē̠ gṛhē । ni cha̍ dē̠vī-mmā̠tara̠ṃ śriya̍ṃ vā̠saya̍ mē ku̠lē ॥ śrī.12 ॥ yatpuru̍ṣa̠ṃ vya̍dadhuḥ । ka̠ti̠dhā vya̍kalpayann । mukha̠-ṅkima̍sya̠ kau bā̠hū । kāvū̠rū pādā̍vuchyētē ॥ pu.12 ॥ ā̠rdrā-mpu̠ṣkari̍ṇī-mpu̠ṣṭi̠-mpi̠ṅga̠lā-mpa̍dmamā̠linīm। cha̠ndrāṃ hi̠raṇma̍yīṃ la̠kṣmī-ñjāta̍vēdō ma̠ āva̍ha ॥ śrī.13 ॥ brā̠hma̠ṇō̎-'sya̠ mukha̍māsīt । bā̠hū rā̍ja̠nya̍ḥ kṛ̠taḥ । ū̠rū tada̍sya̠ yadvaiśya̍ḥ । pa̠dbhyāgṃ śū̠drō a̍jāyata ॥ pu.13 ॥ ā̠rdrāṃ ya̠ḥ kari̍ṇīṃ ya̠ṣṭi̠ṃ su̠va̠rṇāṃ hē̍mamā̠linīm । sū̠ryāṃ hi̠raṇma̍yīṃ la̠kṣmī̠-ñjāta̍vēdō ma̠ āvaha ॥ śrī.14 ॥ cha̠ndramā̠ mana̍sō jā̠taḥ । chakṣō̠-ssūryō̍ ajāyata । mukhā̠dindra̍śchā̠gniścha̍ । prā̠ṇādvā̠yura̍jāyata ॥ pu.14 ॥ tā-mma̠ āva̍ha̠ jāta̍vēdō la̠kṣmīmana̍pagā̠minī̎m । yasyā̠ṃ hi̍raṇya̠-mprabhū̍ta̠-ṅgāvō̍ dā̠syō-'śvā̎nvi̠ndēya̠-mpuru̍ṣāna̠ham ॥ śrī.15 ॥ nābhyā̍ āsīda̠ntari̍kṣam । śī̠rṣṇō dyau-ssama̍vartata । pa̠dbhyā-mbhūmi̠rdiśa̠-śśrōtrā̎t । tathā̍ lō̠kāgṃ a̍kalpayann ॥ pu.15 ॥ kṛṣṇapakṣē sa̠hasra̍śīrṣā̠ puru̍ṣaḥ । sa̠ha̠srā̠kṣa-ssa̠hasra̍pāt । sa bhūmi̍ṃ vi̠śvatō̍ vṛ̠tvā । atya̍tiṣṭhaddaśāṅgu̠lam ॥ pu.1 ॥ hira̍ṇyavarṇā̠ṃ hari̍ṇīṃ su̠varṇa̍raja̠tasra̍jām । cha̠ndrāṃ hi̠raṇma̍yīṃ la̠kṣmī-ñjāta̍vēdō ma̠ āva̍ha ॥ śrī.1 ॥ puru̍ṣa ē̠vēdagṃ sarvam̎ । yadbhū̠taṃ yachcha̠ bhavyam̎ । u̠tāmṛ̍ta̠tvasyēśā̍naḥ । ya̠dannē̍nāti̠rōha̍ti ॥ pu.2 ॥ tā-mma̠ āva̍ha̠ jāta̍vēdō la̠kṣmīmana̍pagā̠minī̎m । yasyā̠ṃ hira̍ṇyaṃ vi̠ndēya̠-ṅgāmaśva̠-mpuru̍ṣāna̠ham ॥ śrī.2 ॥ ē̠tāvā̍nasya mahi̠mā । atō̠ jyāyāg̍ścha̠ pūru̍ṣaḥ । pādō̎-'sya̠ viśvā̍ bhū̠tāni̍ । tri̠pāda̍syā̠mṛta̍-ndi̠vi ॥ pu.3 ॥ a̠śva̠pū̠rvāṃ ra̍thama̠dhyāṃ ha̠stinā̍dapra̠bōdhi̍nīm । śriya̍-ndē̠vīmupa̍hvayē̠ śrīrmā̍dē̠vīrju̍ṣatām ॥ śrī.3 ॥ tri̠pādū̠rdhva udai̠tpuru̍ṣaḥ । pādō̎-'syē̠hā-''bha̍vā̠tpuna̍ḥ । tatō̠ viṣva̠ṅvya̍krāmat । sā̠śa̠nā̠na̠śa̠nē a̠bhi ॥ pu.4 ॥ kā̠ṃ sō̎smi̠tāṃ hira̍ṇyaprā̠kārā̍mā̠rdrā-ñjvala̍ntī-ntṛ̠ptā-nta̠rpaya̍ntīm । pa̠dmē̠ sthi̠tā-mpa̠dmava̍rṇā̠-ntāmi̠hōpa̍hvayē̠ śriyam ॥ śrī.4 ॥ tasmā̎dvi̠rāḍa̍jāyata । vi̠rājō̠ adhi̠ pūru̍ṣaḥ । sa jā̠tō atya̍richyata । pa̠śchādbhūmi̠mathō̍ pu̠raḥ ॥ pu.5 ॥ cha̠ndrā-mpra̍bhā̠sāṃ ya̠śasā̠ jvala̍ntī̠ṃ śriya̍ṃ lō̠kē dē̠vaju̍ṣṭāmudā̠rām । tā-mpa̠dminī̍mī̠ṃ śara̍ṇama̠ha-mprapa̍dyē-'la̠kṣmīrmē̍ naśyatā̠-ntvāṃ vṛ̍ṇē ॥ śrī.5 ॥ yatpuru̍ṣēṇa ha̠viṣā̎ । dē̠vā ya̠jñamata̍nvata । va̠sa̠ntō a̍syāsī̠dājyam̎ । grī̠ṣma i̠dhmaśśa̠raddha̠viḥ ॥ pu.6 ॥ ā̠di̠tyava̍rṇē̠ tapa̠sō-'dhi̍jā̠tō vana̠spati̠stava̍ vṛ̠kṣō-'tha bi̠lvaḥ । tasya̠ phalā̍ni̠ tapa̠sā nu̍dantu mā̠yānta̍rā̠yāścha̍ bā̠hyā a̍la̠kṣmīḥ ॥ śrī.6 ॥ sa̠ptāsyā̍sanpari̠dhaya̍ḥ । tri-ssa̠pta sa̠midha̍ḥ kṛ̠tāḥ । dē̠vā yadya̠jña-nta̍nvā̠nāḥ । aba̍dhna̠npuru̍ṣa-mpa̠śum ॥ pu.7 ॥ upai̍tu̠ mā-ndē̍vasa̠khaḥ kī̠rtiścha̠ maṇi̍nā sa̠ha । prā̠du̠rbhū̠tō-'smi̍ rāṣṭrē̠-'smin kī̠rtimṛ̍ddhi-nda̠dātu̍ mē ॥ śrī.7 ॥ taṃ ya̠jña-mba̠rhiṣi̠ praukṣan̍ । puru̍ṣa-ñjā̠tama̍gra̠taḥ । tēna̍ dē̠vā aya̍janta । sā̠dhyā ṛṣa̍yaścha̠ yē ॥ pu.8 ॥ kṣutpi̍pā̠sāma̍lā-ñjyē̠ṣṭhāma̍la̠kṣmī-nnā̍śayā̠myaham । abhū̍ti̠masa̍mṛddhi̠-ñcha sarvā̠-nnirṇu̍da mē̠ gṛhā̍t ॥ śrī.8 ॥ tasmā̎dya̠jñātsa̍rva̠huta̍ḥ । sambhṛ̍ta-mpṛṣadā̠jyam । pa̠śūg‍stāg‍ścha̍krē vāya̠vyān̍ । ā̠ra̠ṇyāngrā̠myāścha̠ yē ॥ pu.9 ॥ ga̠ndha̠dvā̠rā-ndu̍rādha̠rṣā̠-nni̠tyapu̍ṣṭā-ṅkarī̠ṣiṇī̎m । ī̠śvarī̍gṃ sarva̍bhūtā̠nā̠-ntāmi̠hōpa̍hvayē̠ śriyam ॥ śrī.9 ॥ tasmā̎dya̠jñātsa̍rva̠huta̍ḥ । ṛcha̠-ssāmā̍ni jajñirē । Chandāg̍ṃsi jajñirē̠ tasmā̎t । yaju̠stasmā̍dajāyata ॥ pu.10 ॥ mana̍sa̠ḥ kāma̠mākū̍tiṃ vā̠cha-ssa̠tyama̍śīmahi । pa̠śū̠nāṃ rū̠pamanna̍sya̠ mayi̠ śrī-śśra̍yatā̠ṃ yaśa̍ḥ ॥ śrī.10 ॥ tasmā̠daśvā̍ ajāyanta । yē kē chō̍bha̠yāda̍taḥ । gāvō̍ ha jajñirē̠ tasmā̎t । tasmā̎jjā̠tā a̍jā̠vaya̍ḥ ॥ pu.11 ॥ ka̠rdamē̍na pra̍jābhū̠tā̠ ma̠yi̠ sambha̍va ka̠rdama । śriya̍ṃ vā̠saya̍ mē ku̠lē mā̠tara̍-mpadma̠māli̍nīm ॥ śrī.11 ॥ yatpuru̍ṣa̠ṃ vya̍dadhuḥ । ka̠ti̠dhā vya̍kalpayann । mukha̠-ṅkima̍sya̠ kau bā̠hū । kāvū̠rū pādā̍vuchyētē ॥ pu.12 ॥ āpa̍-ssṛ̠jantu̍ sni̠gdhā̠ni̠ chi̠klī̠ta va̍sa mē̠ gṛhē । ni cha̍ dē̠vī-mmā̠tara̠ṃ śriya̍ṃ vā̠saya̍ mē ku̠lē ॥ śrī.12 ॥ brā̠hma̠ṇō̎-'sya̠ mukha̍māsīt । bā̠hū rā̍ja̠nya̍ḥ kṛ̠taḥ । ū̠rū tada̍sya̠ yadvaiśya̍ḥ । pa̠dbhyāgṃ śū̠drō a̍jāyata ॥ pu.13 ॥ ā̠rdrā-mpu̠ṣkari̍ṇī-mpu̠ṣṭi̠-mpi̠ṅga̠lā-mpa̍dmamā̠linīm। cha̠ndrāṃ hi̠raṇma̍yīṃ la̠kṣmī-ñjāta̍vēdō ma̠ āva̍ha ॥ śrī.13 ॥ cha̠ndramā̠ mana̍sō jā̠taḥ । chakṣō̠-ssūryō̍ ajāyata । mukhā̠dindra̍śchā̠gniścha̍ । prā̠ṇādvā̠yura̍jāyata ॥ pu.14 ॥ ā̠rdrāṃ ya̠ḥ kari̍ṇīṃ ya̠ṣṭi̠ṃ su̠va̠rṇāṃ hē̍mamā̠linīm । sū̠ryāṃ hi̠raṇma̍yīṃ la̠kṣmī̠-ñjāta̍vēdō ma̠ āvaha ॥ śrī.14 ॥ nābhyā̍ āsīda̠ntari̍kṣam । śī̠rṣṇō dyau-ssama̍vartata । pa̠dbhyā-mbhūmi̠rdiśa̠-śśrōtrā̎t । tathā̍ lō̠kāgṃ a̍kalpayann ॥ pu.15 ॥ tā-mma̠ āva̍ha̠ jāta̍vēdō la̠kṣmīmana̍pagā̠minī̎m । yasyā̠ṃ hi̍raṇya̠-mprabhū̍ta̠-ṅgāvō̍ dā̠syō-'śvā̎nvi̠ndēya̠-mpuru̍ṣāna̠ham ॥ śrī.15 ॥

Recite with devotion and pure heart

Regular practice brings spiritual benefits

More Vedic chants of Venkateshwara: