हैंహైHaindavamஹிહિં
📍
Font Size:
കുമാര സൂക്തം
ഋഷിഃ വാമദേവഃ, ദേവതാ അഗ്നിഃ, സോമകഃ സാഹദേവ്യഃ, അശ്വിനൗ,
ഛന്ദഃ ഗായത്രീ, വിരാഡ്ഗായത്രീ, നിചൃദ്ഗായത്രീ, സ്വരഃ ഷഡ്ജഃ
അ॒ഗ്നിർഹോതാ॑ നോ അധ്വ॒രേ വാ॒ജീ സൻപരി॑ ണീയതേ ।
ദേ॒വോ ദേ॒വേഷു॑ യ॒ജ്ഞിയഃ॑ ॥
പരി॑ ത്രിവി॒ഷ്ട്യ॑ധ്വ॒രം യാത്യ॒ഗ്നീ ര॒ഥീരി॑വ ।
ആ ദേ॒വേഷു॒ പ്രയോ॒ ദധ॑ത് ॥
പരി॒ വാജ॑പതിഃ ക॒വിര॒ഗ്നിർഹ॒വ്യാന്യ॑ക്രമീത് ।
ദധ॒ദ്രത്നാ॑നി ദാ॒ശുഷേ॑ ॥
അ॒യം യഃ സൃഞ്ജ॑യേ പു॒രോ ദൈ॑വവാ॒തേ സ॑മി॒ധ്യതേ॑ ।
ദ്യു॒മാഁ അ॑മിത്ര॒ദംഭ॑നഃ ॥
അസ്യ॑ ഘാ വീ॒ര ഈവ॑തോ॒ഽഗ്നേരീ॑ശീത॒ മർത്യഃ॑ ।
തി॒ഗ്മജം॑ഭസ്യ മീ॒ൾഹുഷഃ॑ ॥
തമർവ॑ന്തം॒ ന സാ॑ന॒സിമ॑രു॒ഷം ന ദി॒വഃ ശിശും॑ ।
മ॒ർമൃ॒ജ്യന്തേ॑ ദി॒വേദി॑വേ ॥
ബോധ॒ദ്യന്മാ॒ ഹരി॑ഭ്യാം കുമാ॒രഃ സാ॑ഹദേ॒വ്യഃ ।
അച്ഛാ॒ ന ഹൂ॒ത ഉദ॑രം ॥
ഉ॒ത ത്യാ യ॑ജ॒താ ഹരീ॑ കുമാ॒രാത്സാ॑ഹദേ॒വ്യാത് ।
പ്രയ॑താ സ॒ദ്യ ആ ദ॑ദേ ॥
ഏ॒ഷ വാം॑ ദേവാവശ്വിനാ കുമാ॒രഃ സാ॑ഹദേ॒വ്യഃ ।
ദീ॒ർഘായു॑രസ്തു॒ സോമ॑കഃ ॥
തം യു॒വം ദേ॑വാവശ്വിനാ കുമാ॒രം സാ॑ഹദേ॒വ്യം ।
ദീ॒ർഘായു॑ഷം കൃണോതന ॥
ഋഷിഃ-1, കുമാര ആത്രേയോ, വൃശോ വാ ജാര ഉഭീ വാ; വൃശോ ജാരഃ ॥
ദേവതാ- അഗ്നിഃ ॥
ഛന്ദഃ- ത്രിഷ്ടുപഃ സ്വരാട്പങ്ക്തിഃ നിവൃത്ത്രിഷ്ടുപ;
ഭുരിവപങ്ക്തിഃ വിരാട്ത്രിഷ്ടുപ്; നിചൃദതിജഗതീ॥
സ്വരഃ- ധൈവതഃ; പഞ്ചമഃ, നിഷാദഃ ॥
കു॒മാ॒രം മാ॒താ യു॑വ॒തിഃ സമു॑ബ്ധം॒ ഗുഹാ॑ ബിഭർതി॒ ന ദ॑ദാതി പി॒ത്രേ ।
അനീ॑കമസ്യ॒ ന മി॒നജ്ജനാ॑സഃ പു॒രഃ പ॑ശ്യന്തി॒ നിഹി॑തമര॒തൗ ॥
കമേ॒തം ത്വം യു॑വതേ കുമാ॒രം പേഷീ॑ ബിഭർഷി॒ മഹി॑ഷീ ജജാന ।
പൂ॒ർവീർഹി ഗർഭഃ॑ ശ॒രദോ॑ വ॒വർധാപ॑ശ്യം ജാ॒തം യദസൂ॑ത മാ॒താ ॥
ഹിര॑ണ്യദന്തം॒ ശുചി॑വർണമാ॒രാത്ക്ഷേത്രാ॑ദപശ്യ॒മായു॑ധാ॒ മിമാ॑നം ।
ദ॒ദാ॒നോ അ॑സ്മാ അ॒മൃതം॑ വി॒പൃക്വ॒ത്കിം മാമ॑നി॒ന്ദ്രാഃ കൃ॑ണവന്നനു॒ക്ഥാഃ ॥
ക്ഷേത്രാ॑ദപശ്യം സനു॒തശ്ചര॑ന്തം സു॒മദ്യൂ॒ഥം ന പു॒രു ശോഭ॑മാനം ।
ന താ അ॑ഗൃഭ്ര॒ന്നജ॑നിഷ്ട॒ ഹി ഷഃ പലി॑ക്നീ॒രിദ്യു॑വ॒തയോ॑ ഭവന്തി ॥
കേ മേ॑ മര്യ॒കം വി യ॑വന്ത॒ ഗോഭി॒ർന യേഷാം॑ ഗോ॒പാ അര॑ണശ്ചി॒ദാസ॑ ।
യ ഈം॑ ജഗൃ॒ഭുരവ॒ തേ സൃ॑ജ॒ന്ത്വാജാ॑തി പ॒ശ്വ ഉപ॑ നശ്ചികി॒ത്വാൻ ॥
വ॒സാം രാജാ॑നം വസ॒തിം ജനാ॑നാ॒മരാ॑തയോ॒ നി ദ॑ധു॒ർമർത്യേ॑ഷു ।
ബ്രഹ്മാ॒ണ്യത്രേ॒രവ॒ തം സൃ॑ജന്തു നിന്ദി॒താരോ॒ നിന്ദ്യാ॑സോ ഭവന്തു ॥
ശുന॑ശ്ചി॒ച്ഛേപം॒ നിദി॑തം സ॒ഹസ്രാ॒ദ്യൂപാ॑ദമുഞ്ചോ॒ അശ॑മിഷ്ട॒ ഹി ഷഃ ।
ഏ॒വാസ്മദ॑ഗ്നേ॒ വി മു॑മുഗ്ധി॒ പാശാ॒ൻഹോത॑ശ്ചികിത്വ ഇ॒ഹ തൂ നി॒ഷദ്യ॑ ॥
ഹൃ॒ണീ॒യമാ॑നോ॒ അപ॒ ഹി മദൈയേഃ॒ പ്ര മേ॑ ദേ॒വാനാം॑ വ്രത॒പാ ഉ॑വാച ।
ഇന്ദ്രോ॑ വി॒ദ്വാഁ അനു॒ ഹി ത്വാ॑ ച॒ചക്ഷ॒ തേനാ॒ഹമ॑ഗ്നേ॒ അനു॑ശിഷ്ട॒ ആഗാം॑ ॥
വി ജ്യോതി॑ഷാ ബൃഹ॒താ ഭാ॑ത്യ॒ഗ്നിരാ॒വിർവിശ്വാ॑നി കൃണുതേ മഹി॒ത്വാ ।
പ്രാദേ॑വീർമാ॒യാഃ സ॑ഹതേ ദു॒രേവാഃ॒ ശിശീ॑തേ॒ ശൃംഗേ॒ രക്ഷ॑സേ വി॒നിക്ഷേ॑ ॥
ഉ॒ത സ്വാ॒നാസോ॑ ദി॒വി ഷ॑ന്ത്വ॒ഗ്നേസ്തി॒ഗ്മായു॑ധാ॒ രക്ഷ॑സേ॒ ഹന്ത॒വാ ഉ॑ ।
മദേ॑ ചിദസ്യ॒ പ്ര രു॑ജന്തി॒ ഭാമാ॒ ന വ॑രന്തേ പരി॒ബാധോ॒ അദേ॑വീഃ ॥
ഏ॒തം തേ॒ സ്തോമം॑ തുവിജാത॒ വിപ്രോ॒ രഥം॒ ന ധീരഃ॒ സ്വപാ॑ അതക്ഷം ।
യദീദ॑ഗ്നേ॒ പ്രതി॒ ത്വം ദേ॑വ॒ ഹര്യാഃ॒ സ്വ॑ർവതീര॒പ ഏ॑നാ ജയേമ ॥
തു॒വി॒ഗ്രീവോ॑ വൃഷ॒ഭോ വാ॑വൃധാ॒നോ॑ഽശ॒ത്ര്വ1॒॑ര്യഃ സമ॑ജാതി॒ വേദഃ॑ ।
ഇതീ॒മമ॒ഗ്നിമ॒മൃതാ॑ അവോചൻബ॒ർഹിഷ്മ॑തേ॒ മന॑വേ॒ ശർമ॑ യംസദ്ധ॒വിഷ്മ॑തേ॒ മന॑വേ॒ ശർമ॑ യംസത് ॥
Recite with devotion and pure heart
Regular practice brings spiritual benefits