ಋಷಿಃ ವಾಮದೇವಃ, ದೇವತಾ ಅಗ್ನಿಃ, ಸೋಮಕಃ ಸಾಹದೇವ್ಯಃ, ಅಶ್ವಿನೌ, ಛಂದಃ ಗಾಯತ್ರೀ, ವಿರಾಡ್ಗಾಯತ್ರೀ, ನಿಚೃದ್ಗಾಯತ್ರೀ, ಸ್ವರಃ ಷಡ್ಜಃ ಅ॒ಗ್ನಿರ್ಹೋತಾ॑ ನೋ ಅಧ್ವ॒ರೇ ವಾ॒ಜೀ ಸನ್ಪರಿ॑ ಣೀಯತೇ । ದೇ॒ವೋ ದೇ॒ವೇಷು॑ ಯ॒ಜ್ಞಿಯಃ॑ ॥ ಪರಿ॑ ತ್ರಿವಿ॒ಷ್ಟ್ಯ॑ಧ್ವ॒ರಂ ಯಾತ್ಯ॒ಗ್ನೀ ರ॒ಥೀರಿ॑ವ । ಆ ದೇ॒ವೇಷು॒ ಪ್ರಯೋ॒ ದಧ॑ತ್ ॥ ಪರಿ॒ ವಾಜ॑ಪತಿಃ ಕ॒ವಿರ॒ಗ್ನಿರ್ಹ॒ವ್ಯಾನ್ಯ॑ಕ್ರಮೀತ್ । ದಧ॒ದ್ರತ್ನಾ॑ನಿ ದಾ॒ಶುಷೇ॑ ॥ ಅ॒ಯಂ ಯಃ ಸೃಂಜ॑ಯೇ ಪು॒ರೋ ದೈ॑ವವಾ॒ತೇ ಸ॑ಮಿ॒ಧ್ಯತೇ॑ । ದ್ಯು॒ಮಾಁ ಅ॑ಮಿತ್ರ॒ದಂಭ॑ನಃ ॥ ಅಸ್ಯ॑ ಘಾ ವೀ॒ರ ಈವ॑ತೋ॒ಽಗ್ನೇರೀ॑ಶೀತ॒ ಮರ್ತ್ಯಃ॑ । ತಿ॒ಗ್ಮಜಂ॑ಭಸ್ಯ ಮೀ॒ಳ್ಹುಷಃ॑ ॥ ತಮರ್ವಂ॑ತಂ॒ ನ ಸಾ॑ನ॒ಸಿಮ॑ರು॒ಷಂ ನ ದಿ॒ವಃ ಶಿಶುಂ॑ । ಮ॒ರ್ಮೃ॒ಜ್ಯಂತೇ॑ ದಿ॒ವೇದಿ॑ವೇ ॥ ಬೋಧ॒ದ್ಯನ್ಮಾ॒ ಹರಿ॑ಭ್ಯಾಂ ಕುಮಾ॒ರಃ ಸಾ॑ಹದೇ॒ವ್ಯಃ । ಅಚ್ಛಾ॒ ನ ಹೂ॒ತ ಉದ॑ರಂ ॥ ಉ॒ತ ತ್ಯಾ ಯ॑ಜ॒ತಾ ಹರೀ॑ ಕುಮಾ॒ರಾತ್ಸಾ॑ಹದೇ॒ವ್ಯಾತ್ । ಪ್ರಯ॑ತಾ ಸ॒ದ್ಯ ಆ ದ॑ದೇ ॥ ಏ॒ಷ ವಾಂ॑ ದೇವಾವಶ್ವಿನಾ ಕುಮಾ॒ರಃ ಸಾ॑ಹದೇ॒ವ್ಯಃ । ದೀ॒ರ್ಘಾಯು॑ರಸ್ತು॒ ಸೋಮ॑ಕಃ ॥ ತಂ ಯು॒ವಂ ದೇ॑ವಾವಶ್ವಿನಾ ಕುಮಾ॒ರಂ ಸಾ॑ಹದೇ॒ವ್ಯಂ । ದೀ॒ರ್ಘಾಯು॑ಷಂ ಕೃಣೋತನ ॥ ಋಷಿಃ-1, ಕುಮಾರ ಆತ್ರೇಯೋ, ವೃಶೋ ವಾ ಜಾರ ಉಭೀ ವಾ; ವೃಶೋ ಜಾರಃ ॥ ದೇವತಾ- ಅಗ್ನಿಃ ॥ ಛಂದಃ- ತ್ರಿಷ್ಟುಪಃ ಸ್ವರಾಟ್ಪಂಕ್ತಿಃ ನಿವೃತ್ತ್ರಿಷ್ಟುಪ; ಭುರಿವಪಂಕ್ತಿಃ ವಿರಾಟ್ತ್ರಿಷ್ಟುಪ್; ನಿಚೃದತಿಜಗತೀ॥ ಸ್ವರಃ- ಧೈವತಃ; ಪಂಚಮಃ, ನಿಷಾದಃ ॥ ಕು॒ಮಾ॒ರಂ ಮಾ॒ತಾ ಯು॑ವ॒ತಿಃ ಸಮು॑ಬ್ಧಂ॒ ಗುಹಾ॑ ಬಿಭರ್ತಿ॒ ನ ದ॑ದಾತಿ ಪಿ॒ತ್ರೇ । ಅನೀ॑ಕಮಸ್ಯ॒ ನ ಮಿ॒ನಜ್ಜನಾ॑ಸಃ ಪು॒ರಃ ಪ॑ಶ್ಯಂತಿ॒ ನಿಹಿ॑ತಮರ॒ತೌ ॥ ಕಮೇ॒ತಂ ತ್ವಂ ಯು॑ವತೇ ಕುಮಾ॒ರಂ ಪೇಷೀ॑ ಬಿಭರ್ಷಿ॒ ಮಹಿ॑ಷೀ ಜಜಾನ । ಪೂ॒ರ್ವೀರ್ಹಿ ಗರ್ಭಃ॑ ಶ॒ರದೋ॑ ವ॒ವರ್ಧಾಪ॑ಶ್ಯಂ ಜಾ॒ತಂ ಯದಸೂ॑ತ ಮಾ॒ತಾ ॥ ಹಿರ॑ಣ್ಯದಂತಂ॒ ಶುಚಿ॑ವರ್ಣಮಾ॒ರಾತ್ಕ್ಷೇತ್ರಾ॑ದಪಶ್ಯ॒ಮಾಯು॑ಧಾ॒ ಮಿಮಾ॑ನಂ । ದ॒ದಾ॒ನೋ ಅ॑ಸ್ಮಾ ಅ॒ಮೃತಂ॑ ವಿ॒ಪೃಕ್ವ॒ತ್ಕಿಂ ಮಾಮ॑ನಿಂ॒ದ್ರಾಃ ಕೃ॑ಣವನ್ನನು॒ಕ್ಥಾಃ ॥ ಕ್ಷೇತ್ರಾ॑ದಪಶ್ಯಂ ಸನು॒ತಶ್ಚರಂ॑ತಂ ಸು॒ಮದ್ಯೂ॒ಥಂ ನ ಪು॒ರು ಶೋಭ॑ಮಾನಂ । ನ ತಾ ಅ॑ಗೃಭ್ರ॒ನ್ನಜ॑ನಿಷ್ಟ॒ ಹಿ ಷಃ ಪಲಿ॑ಕ್ನೀ॒ರಿದ್ಯು॑ವ॒ತಯೋ॑ ಭವಂತಿ ॥ ಕೇ ಮೇ॑ ಮರ್ಯ॒ಕಂ ವಿ ಯ॑ವಂತ॒ ಗೋಭಿ॒ರ್ನ ಯೇಷಾಂ॑ ಗೋ॒ಪಾ ಅರ॑ಣಶ್ಚಿ॒ದಾಸ॑ । ಯ ಈಂ॑ ಜಗೃ॒ಭುರವ॒ ತೇ ಸೃ॑ಜಂ॒ತ್ವಾಜಾ॑ತಿ ಪ॒ಶ್ವ ಉಪ॑ ನಶ್ಚಿಕಿ॒ತ್ವಾನ್ ॥ ವ॒ಸಾಂ ರಾಜಾ॑ನಂ ವಸ॒ತಿಂ ಜನಾ॑ನಾ॒ಮರಾ॑ತಯೋ॒ ನಿ ದ॑ಧು॒ರ್ಮರ್ತ್ಯೇ॑ಷು । ಬ್ರಹ್ಮಾ॒ಣ್ಯತ್ರೇ॒ರವ॒ ತಂ ಸೃ॑ಜಂತು ನಿಂದಿ॒ತಾರೋ॒ ನಿಂದ್ಯಾ॑ಸೋ ಭವಂತು ॥ ಶುನ॑ಶ್ಚಿ॒ಚ್ಛೇಪಂ॒ ನಿದಿ॑ತಂ ಸ॒ಹಸ್ರಾ॒ದ್ಯೂಪಾ॑ದಮುಂಚೋ॒ ಅಶ॑ಮಿಷ್ಟ॒ ಹಿ ಷಃ । ಏ॒ವಾಸ್ಮದ॑ಗ್ನೇ॒ ವಿ ಮು॑ಮುಗ್ಧಿ॒ ಪಾಶಾ॒ನ್ಹೋತ॑ಶ್ಚಿಕಿತ್ವ ಇ॒ಹ ತೂ ನಿ॒ಷದ್ಯ॑ ॥ ಹೃ॒ಣೀ॒ಯಮಾ॑ನೋ॒ ಅಪ॒ ಹಿ ಮದೈಯೇಃ॒ ಪ್ರ ಮೇ॑ ದೇ॒ವಾನಾಂ॑ ವ್ರತ॒ಪಾ ಉ॑ವಾಚ । ಇಂದ್ರೋ॑ ವಿ॒ದ್ವಾಁ ಅನು॒ ಹಿ ತ್ವಾ॑ ಚ॒ಚಕ್ಷ॒ ತೇನಾ॒ಹಮ॑ಗ್ನೇ॒ ಅನು॑ಶಿಷ್ಟ॒ ಆಗಾಂ॑ ॥ ವಿ ಜ್ಯೋತಿ॑ಷಾ ಬೃಹ॒ತಾ ಭಾ॑ತ್ಯ॒ಗ್ನಿರಾ॒ವಿರ್ವಿಶ್ವಾ॑ನಿ ಕೃಣುತೇ ಮಹಿ॒ತ್ವಾ । ಪ್ರಾದೇ॑ವೀರ್ಮಾ॒ಯಾಃ ಸ॑ಹತೇ ದು॒ರೇವಾಃ॒ ಶಿಶೀ॑ತೇ॒ ಶೃಂಗೇ॒ ರಕ್ಷ॑ಸೇ ವಿ॒ನಿಕ್ಷೇ॑ ॥ ಉ॒ತ ಸ್ವಾ॒ನಾಸೋ॑ ದಿ॒ವಿ ಷಂ॑ತ್ವ॒ಗ್ನೇಸ್ತಿ॒ಗ್ಮಾಯು॑ಧಾ॒ ರಕ್ಷ॑ಸೇ॒ ಹಂತ॒ವಾ ಉ॑ । ಮದೇ॑ ಚಿದಸ್ಯ॒ ಪ್ರ ರು॑ಜಂತಿ॒ ಭಾಮಾ॒ ನ ವ॑ರಂತೇ ಪರಿ॒ಬಾಧೋ॒ ಅದೇ॑ವೀಃ ॥ ಏ॒ತಂ ತೇ॒ ಸ್ತೋಮಂ॑ ತುವಿಜಾತ॒ ವಿಪ್ರೋ॒ ರಥಂ॒ ನ ಧೀರಃ॒ ಸ್ವಪಾ॑ ಅತಕ್ಷಂ । ಯದೀದ॑ಗ್ನೇ॒ ಪ್ರತಿ॒ ತ್ವಂ ದೇ॑ವ॒ ಹರ್ಯಾಃ॒ ಸ್ವ॑ರ್ವತೀರ॒ಪ ಏ॑ನಾ ಜಯೇಮ ॥ ತು॒ವಿ॒ಗ್ರೀವೋ॑ ವೃಷ॒ಭೋ ವಾ॑ವೃಧಾ॒ನೋ॑ಽಶ॒ತ್ರ್ವ1॒॑ರ್ಯಃ ಸಮ॑ಜಾತಿ॒ ವೇದಃ॑ । ಇತೀ॒ಮಮ॒ಗ್ನಿಮ॒ಮೃತಾ॑ ಅವೋಚನ್ಬ॒ರ್ಹಿಷ್ಮ॑ತೇ॒ ಮನ॑ವೇ॒ ಶರ್ಮ॑ ಯಂಸದ್ಧ॒ವಿಷ್ಮ॑ತೇ॒ ಮನ॑ವೇ॒ ಶರ್ಮ॑ ಯಂಸತ್ ॥