-(ഋ.വേ.6.61) ഇ॒യമ്॑ദദാദ്രഭ॒സമൃ॑ണ॒ച്യുതം॒ ദിവോ᳚ദാസം-വഁദ്ര്യ॒ശ്വായ॑ ദാ॒ശുഷേ᳚ । യാ ശശ്വം᳚തമാച॒ഖശദാ᳚വ॒സം പ॒ണിം താ തേ᳚ ദാ॒ത്രാണി॑ തവി॒ഷാ സ॑രസ്വതി ॥ 1 ॥ ഇ॒യം ശുഷ്മേ᳚ഭിര്ബിസ॒ഖാ ഇ॑വാരുജ॒ത്സാനു॑ ഗിരീ॒ണാം ത॑വി॒ഷേഭി॑രൂ॒ര്മിഭിഃ॑ । പാ॒രാ॒വ॒ത॒ഘ്നീമവ॑സേ സുവൃ॒ക്തിഭി॑സ്സര॑സ്വതീ॒ മാ വി॑വാസേമ ധീ॒തിഭിഃ॑ ॥ 2 ॥ സര॑സ്വതി ദേവ॒നിദോ॒ നി ബ॑ര്​ഹയ പ്ര॒ജാം-വിഁശ്വ॑സ്യ॒ ബൃസ॑യസ്യ മാ॒യിനഃ॑ । ഉ॒ത ക്ഷി॒തിഭ്യോ॒ഽവനീ᳚രവിംദോ വി॒ഷമേ᳚ഭ്യോ അസ്രവോ വാജിനീവതി ॥ 3 ॥ പ്രണോ᳚ ദേ॒വീ സര॑സ്വതീ॒ വാജേ᳚ഭിർവാ॒ജിനീ᳚വതീ । ധീ॒നാമ॑വി॒ത്ര്യ॑വതു ॥ 4 ॥ യസ്ത്വാ᳚ ദേവി സരസ്വത്യുപബ്രൂ॒തേ ധനേ᳚ ഹി॒തേ । ഇംദ്രം॒ ന വൃ॑ത്ര॒തൂര്യേ᳚ ॥ 5 ॥ ത്വം ദേ᳚വി സരസ്വ॒ത്യവാ॒ വാജേ᳚ഷു വാജിനി । രദാ᳚ പൂ॒ഷേവ॑ നഃ സ॒നിമ് ॥ 6 ॥ ഉ॒ത സ്യാ നഃ॒ സര॑സ്വതീ ഘോ॒രാ ഹിര᳚ണ്യവര്തനിഃ । വൃ॒ത്ര॒ഘ്നീ വ॑ഷ്ടി സുഷ്ടു॒തിമ് ॥ 7 ॥ യസ്യാ᳚ അനം॒തോ അഹ്രു॑തസ്ത്വേ॒ഷശ്ച॑രി॒ഷ്ണുര᳚ര്ണ॒വഃ । അമ॒ശ്ചര॑തി॒ രോരു॑വത് ॥ 8 ॥ സാ നോ॒ വിശ്വാ॒ അതി॒ ദ്വിഷഃ॒ സ്വസൄ᳚ര॒ന്യാ ഋ॒താവ॑രീ । അത॒ന്നഹേ᳚വ॒ സൂര്യഃ॑ ॥ 9 ॥ ഉ॒ത നഃ॑ പ്രി॒യാ പ്രി॒യാസു॑ സ॒പ്തസ്വ॑സാ॒ സുജു॑ഷ്ടാ । സര॑സ്വതീ॒ സ്തോമ്യാ᳚ ഭൂത് ॥ 10 ॥ ആ॒പ॒പ്രുഷീ॒ പാര്ഥി॑വാന്യു॒രു രജോ᳚ അം॒തരി॑ക്ഷമ് । സര॑സ്വതീ നി॒ദസ്പാ᳚തു ॥ 11 ॥ ത്രി॒ഷ॒ധസ്ഥാ᳚ സ॒പ്തധാ᳚തുഃ॒ പംച॑ ജാ॒താ വ॒ര്ധയം᳚തീ । വാജേ᳚വാജേ॒ ഹവ്യാ᳚ ഭൂത് ॥ 12 ॥ പ്ര യാ മ॑ഹി॒മ്നാ മ॒ഹിനാ᳚സു॒ ചേകി॑തേ ദ്യു॒മ്നേഭി॑ര॒ന്യാ അ॒പസാ᳚മ॒പസ്ത॑മാ । രഥ॑ ഇവ ബൃഹ॒തീ വി॒ഭ്വനേ᳚ കൃ॒തോപ॒സ്തുത്യാ᳚ ചികി॒തുഷാ॒ സര॑സ്വതീ ॥ 13 ॥ സര॑സ്വത്യ॒ഭി നോ᳚ നേഷി॒ വസ്യോ॒ മാപ॑ സ്ഫരീഃ॒ പയ॑സാ॒ മാ ന॒ ആ ധ॑ക് । ജു॒ഷസ്വ॑ നഃ സ॒ഖ്യാ വേ॒ശ്യാ᳚ ച॒ മാ ത്വത് ക്ഷേത്രാ॒ണ്യര॑ണാനി ഗന്മ ॥ 14 ॥ –(ഋ.വേ.7.95) പ്ര ക്ഷോദ॑സാ॒ ധായ॑സാ സസ്ര ഏ॒ഷാ സര॑സ്വതീ ധ॒രുണ॒മായ॑സീ॒ പൂഃ । പ്ര॒ബാബ॑ധാനാ ര॒ഥ്യേ᳚വ യാതി॒ വിശ്വാ᳚ അ॒പോ മ॑ഹി॒നാ സിംധു॑ര॒ന്യാഃ ॥ 15 ॥ ഏകാ᳚ചേത॒ത്സര॑സ്വതീ ന॒ദീനാം॒ ശുചി᳚ര്യ॒തീ ഗി॒രിഭ്യ॒ ആ സ॑മു॒ദ്രാത് । രാ॒യശ്ചേതം᳚തീ॒ ഭുവ॑നസ്യ॒ ഭൂരേ᳚ര്ഘൃ॒തം പയോ᳚ ദുദുഹേ॒ നാഹു॑ഷായ ॥ 16 ॥ സ വാ᳚വൃധേ॒ നര്യോ॒ യോഷ॑ണാസു॒ വൃഷാ॒ ശിശു᳚ർവൃഷ॒ഭോ യ॒ജ്ഞിയാ᳚സു । സ വാ॒ജിനം᳚ മ॒ഘവ॑ദ്ഭ്യോ ദധാതി॒ വി സാ॒തയേ᳚ ത॒ന്വം᳚ മാമൃജീത ॥ 17 ॥ ഉ॒ത സ്യാ നഃ॒ സര॑സ്വതീ ജുഷാ॒ണോപ॑ ശ്രവത്സു॒ഭഗാ᳚ യ॒ജ്ഞേ അ॒സ്മിന്ന് । മി॒തജ്ഞു॑ഭിര്നമ॒സ്യൈ᳚രിയാ॒നാ രാ॒യാ യു॒ജാ ചി॒ദുത്ത॑രാ॒ സഖി॑ഭ്യഃ ॥ 18 ॥ ഇ॒മാ ജുഹ്വാ᳚നാ യു॒ഷ്മദാ നമോ᳚ഭിഃ॒ പ്രതി॒ സ്തോമം᳚ സരസ്വതി ജുഷസ്വ । തവ॒ ശര്മ᳚ന്പ്രി॒യത॑മേ॒ ദധാ᳚നാ॒ ഉപ॑ സ്ഥേയാമ ശര॒ണം ന വൃ॒ക്ഷമ് ॥ 19 ॥ അ॒യമു॑ തേ സരസ്വതി॒ വസി॑ഷ്ഠോ॒ ദ്വാരാ᳚വൃ॒തസ്യ॑ സുഭഗേ॒ വ്യാ᳚വഃ । വര്ധ॑ ശുഭ്രേ സ്തുവ॒തേ രാ᳚സി॒ വാജാ॑ന്യൂ॒യം പാ᳚ത സ്വ॒സ്തിഭിഃ॒ സദാ᳚ നഃ ॥ 20 ॥ (ഋ.വേ.7.96) ബൃ॒ഹദു॑ ഗായിഷേ॒ വചോ᳚ഽസു॒ര്യാ᳚ ന॒ദീനാ᳚മ് । സര॑സ്വതീ॒മിന്മ॑ഹയാ സുവൃ॒ക്തിഭി॒സ്സ്തോമൈ᳚ർവസിഷ്ഠ॒ രോദ॑സീ ॥ 21 ॥ ഉ॒ഭേ യത്തേ᳚ മഹി॒നാ ശു॑ഭ്രേ॒ അംധ॑സീ അധിക്ഷി॒യംതി॑ പൂ॒രവഃ॑ । സാ നോ᳚ ബോധ്യവി॒ത്രീ മ॒രുത്സ॑ഖാ॒ ചോദ॒ രാധോ᳚ മ॒ഘോനാ᳚മ് ॥ 22 ॥ ഭ॒ദ്രമിദ്ഭ॒ദ്രാ കൃ॑ണവ॒ത്സര॑സ്വ॒ത്യക॑വാരീ ചേതതി വാ॒ജിനീ᳚വതീ । ഗൃ॒ണാ॒നാ ജ॑മദഗ്നി॒വത്സ്തു॑വാ॒നാ ച॑ വസിഷ്ഠ॒വത് ॥ 23 ॥ ജ॒നീ॒യംതോ॒ ന്വഗ്ര॑വഃ പുത്രീ॒യംതഃ॑ സു॒ദാന॑വഃ । സര॑സ്വംതം ഹവാമഹേ ॥ 24 ॥ യേ തേ᳚ സരസ്വ ഊ॒ര്മയോ॒ മധു॑മംതോ ഘൃത॒ശ്ചുതഃ॑ । തേഭി᳚ര്നോഽവി॒താ ഭ॒വ ॥ 25 ॥ പീ॒പി॒വാംസം॒ സര॑സ്വതഃ॒ സ്തനം॒-യോഁ വി॒ശ്വദ॑ര്​ശതഃ । ഭ॒ക്ഷീ॒മഹി॑ പ്ര॒ജാമിഷമ്᳚ ॥ 26 ॥ (ഋ.വേ.2.41.16) അംബി॑തമേ॒ നദീ᳚തമേ॒ ദേവി॑തമേ॒ സര॑സ്വതി । അ॒പ്ര॒ശ॒സ്താ ഇ॑വ സ്മസി॒ പ്രശ॑സ്തിമംബ നസ്കൃധി ॥ 27 ॥ ത്വേ വിശ്വാ᳚ സരസ്വതി ശ്രി॒തായൂം᳚ഷി ദേ॒വ്യാമ് । ശു॒നഹോ᳚ത്രേഷു മത്സ്വ പ്ര॒ജാം ദേ᳚വി ദിദിഡ്ഢി നഃ ॥ 28 ॥ ഇ॒മാ ബ്രഹ്മ॑ സരസ്വതി ജു॒ഷസ്വ॑ വാജിനീവതി । യാ തേ॒ മന്മ॑ ഗൃത്സമ॒ദാ ഋ॑താവരി പ്രി॒യാ ദേ॒വേഷു॒ ജുഹ്വ॑തി ॥ 29 ॥ (ഋ.വേ.1.3.10) പാ॒വ॒കാ നഃ॒ സര॑സ്വതീ॒ വാജേ᳚ഭിർവാ॒ജിനീ᳚വതീ । യ॒ജ്ഞം-വഁ ॑ഷ്ടു ധി॒യാവ॑സുഃ ॥ 30 ॥ ചോ॒ദ॒യി॒ത്രീ സൂ॒നൃതാ᳚നാം॒ ചേതം᳚തീ സുമതീ॒നാമ് । യ॒ജ്ഞം ദ॑ധേ॒ സര॑സ്വതീ ॥ 31 ॥ മ॒ഹോ അര്ണഃ॒ സര॑സ്വതീ॒ പ്ര ചേ᳚തയതി കേ॒തുനാ᳚ । ധിയോ॒ വിശ്വാ॒ വി രാ᳚ജതി ॥ 32 ॥ (ഋ.വേ.10.17.7) സര॑സ്വതീം ദേവ॒യംതോ᳚ ഹവംതേ॒ സര॑സ്വതീമധ്വ॒രേ താ॒യമാ᳚നേ । സര॑സ്വതീം സു॒കൃതോ᳚ അഹ്വയംത॒ സര॑സ്വതീ ദാ॒ശുഷേ॒ വാര്യം᳚ ദാത് ॥ 33 ॥ സര॑സ്വതി॒ യാ സ॒രഥം᳚-യഁ॒യാഥ॑ സ്വ॒ധാഭി॑ര്ദേവി പി॒തൃഭി॒ര്മദം᳚തീ । ആ॒സദ്യാ॒സ്മിന്ബ॒ര്​ഹിഷി॑ മാദയസ്വാനമീ॒വാ ഇഷ॒ ആ ധേ᳚ഹ്യ॒സ്മേ ॥ 34 ॥ സര॑സ്വതീം॒-യാംഁ പി॒തരോ॒ ഹവം᳚തേ ദക്ഷി॒ണാ യ॒ജ്ഞമ॑ഭി॒നക്ഷ॑മാണാഃ । സ॒ഹ॒സ്രാ॒ര്ഘമി॒ളോ അത്ര॑ ഭാ॒ഗം രാ॒യസ്പോഷം॒-യഁജ॑മാനേഷു ധേഹി ॥ 35 ॥ (ഋ.വേ.5.43.11) ആ നോ᳚ ദി॒വോ ബൃ॑ഹ॒തഃ പർവ॑താ॒ദാ സര॑സ്വതീ യജ॒താ ഗം᳚തു യ॒ജ്ഞമ് । ഹവം᳚ ദേ॒വീ ജു॑ജുഷാ॒ണാ ഘൃ॒താചീ᳚ ശ॒ഗ്മാം നോ॒ വാച॑മുശ॒തീ ശൃ॑ണോതു ॥ 36 ॥ (ഋ.വേ.2.32.4) രാ॒കാമ॒ഹം സു॒ഹവാം᳚ സുഷ്ടു॒തീ ഹു॑വേ ശൃ॒ണോതു॑ നഃ സു॒ഭഗാ॒ ബോധ॑തു॒ ത്മനാ᳚ । സീവ്യ॒ത്വപഃ॑ സൂ॒ച്യാച്ഛി॑ദ്യമാനയാ॒ ദദാ᳚തു വീ॒രം ശ॒തദാ᳚യമു॒ക്ഥ്യമ്᳚ ॥ 37 ॥ യാസ്തേ᳚ രാകേ സുമ॒തയഃ॑ സു॒പേശ॑സോ॒ യാഭി॒ര്ദദാ᳚സി ദാ॒ശുഷേ॒ വസൂ᳚നി । താഭി᳚ര്നോ അ॒ദ്യ സു॒മനാ᳚ ഉ॒പാഗ॑ഹി സഹസ്രപോ॒ഷം സു॑ഭഗേ॒ രരാ᳚ണാ ॥ 38 ॥ സിനീ᳚വാലി॒ പൃഥു॑ഷ്ടുകേ॒ യാ ദേ॒വാനാ॒മസി॒ സ്വസാ᳚ । ജു॒ഷസ്വ॑ ഹ॒വ്യമാഹു॑തം പ്ര॒ജാം ദേ᳚വി ദിദിഡ്ഢി നഃ ॥ 39 ॥ യാ സു॑ബാ॒ഹുഃ സ്വം᳚ഗു॒രിഃ സു॒ഷൂമാ᳚ ബഹു॒സൂവ॑രീ । തസ്യൈ᳚ വി॒ശ്പത്ന്യൈ᳚ ഹ॒വിഃ സി॑നീവാ॒ല്യൈ ജു॑ഹോതന ॥ 40 ॥ യാ ഗു॒ങ്ഗൂര്യാ സി॑നീവാ॒ലീ യാ രാ॒കാ യാ സര॑സ്വതീ । ഇം॒ദ്രാ॒ണീമ॑ഹ്വ ഊ॒തയേ᳚ വരുണാ॒നീം സ്വ॒സ്തയേ᳚ ॥ 41 ॥ ഓം ശാംതിഃ॒ ശാംതിഃ॒ ശാംതിഃ॑ ॥