പിതൃ സൂക്തം

ഉദീ॑രതാ॒മവ॑ര॒ ഉത്പരാ॑സ॒ ഉന്മ॑ധ്യ॒മാഃ പി॒തര॑: സോ॒മ്യാസ॑: ।

അസും॒ യ ഈ॒യുര॑വൃ॒കാ ഋ॑ത॒ജ്ഞാസ്തേ നോ॑ഽവന്തു പി॒തരോ॒ ഹവേ॑ഷു ॥ 01

ഇ॒ദം പി॒തൃഭ്യോ॒ നമോ॑ അസ്ത്വ॒ദ്യ യേ പൂർവാ॑സോ॒ യ ഉപ॑രാസ ഈ॒യുഃ ।

യേ പാർഥി॑വേ॒ രജ॒സ്യാ നിഷ॑ത്താ॒ യേ വാ॑ നൂ॒നം സു॑വൃ॒ജനാ॑സു വി॒ക്ഷു ॥ 02

ആഹം പി॒തൄൻസു॑വി॒ദത്രാ॑ഁ അവിത്സി॒ നപാ॑തം ച വി॒ക്രമ॑ണം ച॒ വിഷ്ണോ॑: ।

ബ॒ർഹി॒ഷദോ॒ യേ സ്വ॒ധയാ॑ സു॒തസ്യ॒ ഭജ॑ന്ത പി॒ത്വസ്ത ഇ॒ഹാഗ॑മിഷ്ഠാഃ ॥ 03

ബർഹി॑ഷദഃ പിതര ഊ॒ത്യ(1॒॑ )ര്വാഗി॒മാ വോ॑ ഹ॒വ്യാ ച॑കൃമാ ജു॒ഷധ്വം॑ ।

ത ആ ഗ॒താവ॑സാ॒ ശന്ത॑മേ॒നാഥാ॑ ന॒: ശം യോര॑ര॒പോ ദ॑ധാത ॥ 04

ഉപ॑ഹൂതാഃ പി॒തര॑: സോ॒മ്യാസോ॑ ബർഹി॒ഷ്യേ॑ഷു നി॒ധിഷു॑ പ്രി॒യേഷു॑ ।

ത ആ ഗ॑മന്തു॒ ത ഇ॒ഹ ശ്രു॑വ॒ന്ത്വധി॑ ബ്രുവന്തു॒ തേ॑ഽവന്ത്വ॒സ്മാൻ ॥ 05

ആച്യാ॒ ജാനു॑ ദക്ഷിണ॒തോ നി॒ഷദ്യേ॒മം യ॒ജ്ഞമ॒ഭി ഗൃ॑ണീത॒ വിശ്വേ॑ ।

മാ ഹിം॑സിഷ്ട പിതര॒: കേന॑ ചിന്നോ॒ യദ്വ॒ ആഗ॑: പുരു॒ഷതാ॒ കരാ॑മ ॥ 06

ആസീ॑നാസോ അരു॒ണീനാ॑മു॒പസ്ഥേ॑ ര॒യിം ധ॑ത്ത ദാ॒ശുഷേ॒ മർത്യാ॑യ ।

പു॒ത്രേഭ്യ॑: പിതര॒സ്തസ്യ॒ വസ്വ॒: പ്ര യ॑ച്ഛത॒ ത ഇ॒ഹോർജം॑ ദധാത ॥ 07

യേ ന॒: പൂർവേ॑ പി॒തര॑: സോ॒മ്യാസോ॑ഽനൂഹി॒രേ സോ॑മപീ॒ഥം വസി॑ഷ്ഠാഃ ।

തേഭി॑ര്യ॒മഃ സം॑രരാ॒ണോ ഹ॒വീംഷ്യു॒ശന്നു॒ശദ്ഭി॑: പ്രതികാ॒മമ॑ത്തു ॥ 08

യേ താ॑തൃ॒ഷുർദേ॑വ॒ത്രാ ജേഹ॑മാനാ ഹോത്രാ॒വിദ॒: സ്തോമ॑തഷ്ടാസോ അ॒ർകൈഃ ।

ആഗ്നേ॑ യാഹി സുവി॒ദത്രേ॑ഭിര॒ർവാങ് സ॒ത്യൈഃ ക॒വ്യൈഃ പി॒തൃഭി॑ർഘർമ॒സദ്ഭി॑: ॥ 09

യേ സ॒ത്യാസോ॑ ഹവി॒രദോ॑ ഹവി॒ഷ്പാ ഇന്ദ്രേ॑ണ ദേ॒വൈഃ സ॒രഥം॒ ദധാ॑നാഃ ।

ആഗ്നേ॑ യാഹി സ॒ഹസ്രം॑ ദേവവ॒ന്ദൈഃ പരൈ॒: പൂർവൈ॑: പി॒തൃഭി॑ർഘർമ॒സദ്ഭി॑: ॥ 10

അഗ്നി॑ഷ്വാത്താഃ പിതര॒ ഏഹ ഗ॑ച്ഛത॒ സദ॑:സദഃ സദത സുപ്രണീതയഃ ।

അ॒ത്താ ഹ॒വീംഷി॒ പ്രയ॑താനി ബ॒ർഹിഷ്യഥാ॑ ര॒യിം സർവ॑വീരം ദധാതന ॥ 11

ത്വമ॑ഗ്ന ഈലി॒തോ ജാ॑തവേ॒ദോഽവാ॑ഡ്ഢ॒വ്യാനി॑ സുര॒ഭീണി॑ കൃ॒ത്വീ ।

പ്രാദാ॑: പി॒തൃഭ്യ॑: സ്വ॒ധയാ॒ തേ അ॑ക്ഷന്ന॒ദ്ധി ത്വം ദേ॑വ॒ പ്രയ॑താ ഹ॒വീംഷി॑ ॥ 12

യേ ചേ॒ഹ പി॒തരോ॒ യേ ച॒ നേഹ യാംശ്ച॑ വി॒ദ്മ യാഁ ഉ॑ ച॒ ന പ്ര॑വി॒ദ്മ ।

ത്വം വേ॑ത്ഥ॒ യതി॒ തേ ജാ॑തവേദഃ സ്വ॒ധാഭി॑ര്യ॒ജ്ഞം സുകൃ॑തം ജുഷസ്വ ॥ 13

യേ അ॑ഗ്നിദ॒ഗ്ധാ യേ അന॑ഗ്നിദഗ്ധാ॒ മധ്യേ॑ ദി॒വഃ സ്വ॒ധയാ॑ മാ॒ദയ॑ന്തേ ।

തേഭി॑: സ്വ॒രാലസു॑നീതിമേ॒താം യ॑ഥാവ॒ശം ത॒ന്വം॑ കല്പയസ്വ ॥ 14

ഓം ശാന്തി॒: ശാന്തി॒: ശാന്തി॑: ।

Recite with devotion and pure heart

Regular practice brings spiritual benefits