vāsto̍ṣpate̱ prati̍ jānīhya̱smānsvā̍ve̱śo a̍namī̱vo bha̍vā naḥ । yattvema̍he̱ prati̱ tanno̍ juṣasva̱ śaṃ no̍ bhava dvi̱pade̱ śaṃ catu̍ṣpade ॥ vāsto̍ṣpate pra̱tara̍ṇo na edhi gaya̱sphāno̱ gobhi̱raśve̍bhirindo । a̱jarā̍saste sa̱khye syā̍ma pi̱teva̍ pu̱trānprati̍ no juṣasva ॥ vāsto̍ṣpate śa̱gmayā̍ sa̱ṃsadā̍ te sakṣī̱mahi̍ ra̱ṇvayā̍ gātu̱matyā̍ । pā̱hi kṣema̍ u̱ta yoge̱ vara̍ṃ no yū̱yaṃ pā̍ta sva̱stibhi̱ḥ sadā̍ naḥ ॥ a̱mī̱va̱hā vā̍stoṣpate̱ viśvā̍ rū̱pāṇyā̍vi̱śan । sakhā̍ su̱śeva̍ edhi naḥ ॥ vāsto̍ṣpate dhru̱vā sthūṇāṃsa̍traṃ so̱myānā̍m । dra̱pso bhe̱ttā pu̱rāṃ śaśva̍tīnā̱mindro̱ munī̍nā̱ṃ sakhā̍ ॥