asya śrī rātrīti sūktasya kuśika ṛṣiḥ rātrirdevatā, gāyatrīcchaṃdaḥ, śrījagadaṃbā prītyarthe saptaśatīpāṭhādau jape viniyogaḥ । rātrī̱ vya̍khyadāya̱tī pu̍ru̱trā de̱vya̱1̍kṣabhi̍ḥ । viśvā̱ adhi̱ śriyo̍​'dhita ॥ 1 orva̍prā̱ ama̍rtyā ni̱vato̍ de̱vyu̱1̍dvata̍ḥ । jyoti̍ṣā bādhate̱ tama̍ḥ ॥ 2 niru̱ svasā̍ramaskṛto̱ṣasa̍ṃ de̱vyā̍ya̱tī । apedu̍ hāsate̱ tama̍ḥ ॥ 3 sā no̍ a̱dya yasyā̍ va̱yaṃ ni te̱ yāma̱nnavi̍kṣmahi । vṛ̱kṣe na va̍sa̱tiṃ-vam̐ya̍ḥ ॥ 4 ni grāmā̍so avikṣata̱ ni pa̱dvaṃto̱ ni pa̱kṣiṇa̍ḥ । ni śye̱nāsa̍ścida̱rthina̍ḥ ॥ 5 yā̱vayā̍ vṛ̱kya̱ṃ1̍ vṛka̍ṃ-ya̱m̐vaya̍ ste̱namū̍rmye । athā̍ naḥ su̱tarā̍ bhava ॥ 6 upa̍ mā̱ pepi̍śa̱ttama̍ḥ kṛ̱ṣṇaṃ-vya̍m̐ktamasthita । uṣa̍ ṛ̱ṇeva̍ yātaya ॥ 7 upa̍ te̱ gā i̱vāka̍raṃ-vṛm̐ṇī̱ṣva du̍hitardivaḥ । rātri̱ stoma̱ṃ na ji̱gyuṣe̍ ॥ 8