sa̱ha̱sra̱para̍mā de̱vī̱ śa̱tamū̍lā śa̱tāṃku̍rā । sarvag̍ṃ haratu̍ me pā̱pa̱ṃ dū̱rvā du̍ḥsvapna̱ nāśa̍nī । kāṃḍā̎t kāṃḍāt pra̱roha̍ṃtī̱ paru̍ṣaḥ paruṣa̱ḥ pari̍ । e̱vā no̍ dūrve̱ prata̍nu sa̱hasre̍ṇa śa̱tena̍ ca । yā śa̱tena̍ prata̱noṣi̍ sa̱hasre̍ṇa vi̱roha̍si । tasyā̎ste devīṣṭake vi̱dhema̍ ha̱viṣā̍ va̱yam । aśva̍krā̱ṃte ra̍thakrā̱ṃte̱ vi̱ṣṇukrā̎ṃte va̱suṃdha̍rā । śirasā̍ dhāra̍yiṣyā̱mi̱ ra̱kṣa̱sva mā̎ṃ pade̱ pade ॥