ഓമ് ഹിര॑ണ്യവര്ണാം॒ ഹരി॑ണീം സു॒വര്ണ॑രജ॒തസ്ര॑ജാമ് । ചം॒ദ്രാം ഹി॒രണ്മ॑യീം-ലഁ॒ക്ഷ്മീം ജാത॑വേദോ മ॒മാവ॑ഹ ॥ താം മ॒ ആവ॑ഹ॒ ജാത॑വേദോ ല॒ക്ഷ്മീമന॑പഗാ॒മിനീ᳚മ് । യസ്യാം॒ ഹിര॑ണ്യം-വിഁം॒ദേയം॒ ഗാമശ്വം॒ പുരു॑ഷാന॒ഹമ് ॥ അ॒ശ്വ॒പൂ॒ർവാം ര॑ഥമ॒ധ്യാം ഹ॒സ്തിനാ॑ദ-പ്ര॒ബോധി॑നീമ് । ശ്രിയം॑ ദേ॒വീമുപ॑ഹ്വയേ॒ ശ്രീര്മാ॑ ദേ॒വീര്ജു॑ഷതാമ് ॥ കാം॒സോ᳚സ്മി॒ താം ഹിര॑ണ്യപ്രാ॒കാരാ॑മാ॒ര്ദ്രാം ജ്വലം॑തീം തൃ॒പ്താം ത॒ര്പയം॑തീമ് । പ॒ദ്മേ॒ സ്ഥി॒താം പ॒ദ്മവ॑ര്ണാം॒ താമി॒ഹോപ॑ഹ്വയേ॒ ശ്രിയമ് ॥ ചം॒ദ്രാം പ്ര॑ഭാ॒സാം-യഁ॒ശസാ॒ ജ്വലം॑തീം॒ ശ്രിയം॑-ലോഁ॒കേ ദേ॒വജു॑ഷ്ടാമുദാ॒രാമ് । താം പ॒ദ്മിനീ॑മീം॒ ശര॑ണമ॒ഹം പ്രപ॑ദ്യേഽല॒ക്ഷ്മീര്മേ॑ നശ്യതാം॒ ത്വാം-വൃഁ ॑ണേ ॥ ആ॒ദി॒ത്യവ॑ര്ണേ॒ തപ॒സോഽധി॑ജാ॒തോ വന॒സ്പതി॒സ്തവ॑ വൃ॒ക്ഷോഽഥ॑ ബി॒ല്വഃ । തസ്യ॒ ഫലാ॑നി॒ തപ॒സാനു॑ദംതു മാ॒യാംത॑രാ॒യാശ്ച॑ ബാ॒ഹ്യാ അ॑ല॒ക്ഷ്മീഃ ॥ ഉപൈ॑തു॒ മാം ദേ॑വസ॒ഖഃ കീ॒ര്തിശ്ച॒ മണി॑നാ സ॒ഹ । പ്രാ॒ദു॒ര്ഭൂ॒തോഽസ്മി॑ രാഷ്ട്രേ॒ഽസ്മിന് കീ॒ര്തി॒മൃ॑ദ്ധിം ദ॒ദാതു॑ മേ ॥ ക്ഷു॒ത്പി॒പാ॒സാമ॑ലാം ജ്യേ॒ഷ്ഠാമ॒ല॒ക്ഷീ-ര്നാ॑ശയാ॒മ്യഹമ് । അഭൂ॑തി॒മസ॑മൃദ്ധിം॒ ച സ॒ർവാം॒ നിര്ണു॑ദ മേ॒ ഗൃഹാത് ॥ ഗം॒ധ॒ദ്വാ॒രാം ദു॑രാധ॒ര്​ഷാം॒ നി॒ത്യപു॑ഷ്ടാം കരീ॒ഷിണീ᳚മ് । ഈ॒ശ്വരീഗ്​മ്॑ സർവ॑ഭൂതാ॒നാം॒ താമി॒ഹോപ॑ഹ്വയേ॒ ശ്രിയമ് ॥ ശ്രീ᳚ര്മേ ഭ॒ജതു । അല॒ക്ഷീ᳚ര്മേ ന॒ശ്യതു । മന॑സഃ॒ കാമ॒മാകൂ॑തിം-വാഁ॒ചഃ സ॒ത്യമ॑ശീമഹി । പ॒ശൂ॒നാഗ്​മ് രൂ॒പമന്യ॑സ്യ॒ മയി॒ ശ്രീഃ ശ്ര॑യതാം॒-യഁശഃ॑ ॥ ക॒ര്ദമേ॑ന പ്ര॑ജാഭൂ॒താ॒ മ॒യി॒ സംഭ॑വ ക॒ര്ദമ । ശ്രിയം॑-വാഁ॒സയ॑ മേ കു॒ലേ॒ മാ॒തരം॑ പദ്മ॒മാലി॑നീമ് ॥ ആപഃ॑ സൃ॒ജംതു॑ സ്നി॒ഗ്ധാ॒നി॒ ചി॒ക്ലീ॒ത വ॑സ മേ॒ ഗൃഹേ । നി ച॑ ദേ॒വീം മാ॒തരം॒ ശ്രിയം॑-വാഁ॒സയ॑ മേ കു॒ലേ ॥ ആ॒ര്ദ്രാം പു॒ഷ്കരി॑ണീം പു॒ഷ്ടിം॒ പിം॒ഗ॒ളാം പ॑ദ്മമാ॒ലിനീമ് । ചം॒ദ്രാം ഹി॒രണ്മ॑യീം-ലഁ॒ക്ഷ്മീം ജാത॑വേദോ മ॒മാവ॑ഹ ॥ ആ॒ര്ദ്രാം-യഁഃ॒ കരി॑ണീം-യഁ॒ഷ്ടിം॒ സു॒വ॒ര്ണാം ഹേ॑മമാ॒ലിനീമ് । സൂ॒ര്യാം ഹി॒രണ്മ॑യീം-ലഁ॒ക്ഷ്മീം॒ ജാത॑വേദോ മ॒മാവ॑ഹ ॥ താം മ॒ ആവ॑ഹ॒ ജാത॑വേദോ ല॒ക്ഷീമന॑പഗാ॒മിനീ᳚മ് । യസ്യാം॒ ഹിര॑ണ്യം॒ പ്രഭൂ॑തം॒ ഗാവോ॑ ദാ॒സ്യോഽശ്വാ᳚ന്, വിം॒ദേയം॒ പുരു॑ഷാന॒ഹമ് ॥ യശ്ശുചിഃ॑ പ്രയതോ ഭൂ॒ത്വാ॒ ജു॒ഹുയാ॑-ദാജ്യ॒-മന്വ॑ഹമ് । ശ്രിയഃ॑ പം॒ചദ॑ശര്ചം ച ശ്രീ॒കാമ॑സ്സത॒തം॒ ജ॑പേത് ॥ ആനംദഃ കര്ദ॑മശ്ചൈ॒വ ചിക്ലീ॒ത ഇ॑തി വി॒ശ്രുതാഃ । ഋഷ॑യ॒സ്തേ ത്ര॑യഃ പുത്രാഃ സ്വ॒യം॒ ശ്രീരേ॑വ ദേ॒വതാ ॥ പദ്മാനനേ പ॑ദ്മ ഊ॒രൂ॒ പ॒ദ്മാക്ഷീ പ॑ദ്മസം॒ഭവേ । ത്വം മാം᳚ ഭ॒ജസ്വ॑ പദ്മാ॒ക്ഷീ യേ॒ന സൌഖ്യം॑-ലഁഭാ॒മ്യഹമ് ॥ അ॒ശ്വദാ॑യീ ച ഗോദാ॒യീ॒ ധ॒നദാ॑യീ മ॒ഹാധ॑നേ । ധനം॑ മേ॒ ജുഷ॑താം ദേ॒വീ സ॒ർവകാ॑മാര്ഥ॒ സിദ്ധ॑യേ ॥ പുത്രപൌത്ര ധനം ധാന്യം ഹസ്ത്യശ്വാജാവിഗോ രഥമ് । പ്രജാനാം ഭവസി മാതാ ആയുഷ്മംതം കരോതു മാമ് ॥ ചംദ്രാഭാം-ലഁക്ഷ്മീമീശാനാം സൂര്യാഭാം᳚ ശ്രിയമീശ്വരീമ് । ചംദ്ര സൂര്യാഗ്നി സർവാഭാം ശ്രീ മഹാലക്ഷ്മീ-മുപാസ്മഹേ ॥ ധന-മഗ്നി-ര്ധനം-വാഁയു-ര്ധനം സൂര്യോ॑ ധനം-വഁസുഃ । ധനമിംദ്രോ ബൃഹസ്പതി-ർവരു॑ണം ധനമ॑ശ്നുതേ ॥ വൈനതേയ സോമം പിബ സോമം॑ പിബതു വൃത്രഹാ । സോമം॒ ധനസ്യ സോമിനോ॒ മഹ്യം॑ ദദാതു സോമിനീ॑ ॥ ന ക്രോധോ ന ച മാത്സ॒ര്യം ന ലോഭോ॑ നാശുഭാ മതിഃ । ഭവംതി കൃത പുണ്യാനാം ഭ॒ക്താനാം ശ്രീ സൂ᳚ക്തം ജപേത്സദാ ॥ വര്​ഷം᳚തു॒ തേ വി॑ഭാവ॒രി॒ ദി॒വോ അഭ്രസ്യ വിദ്യു॑തഃ । രോഹം᳚തു സർവ॑ബീജാന്യവ ബ്രഹ്മ ദ്വി॒ഷോ᳚ ജ॑ഹി ॥ പദ്മപ്രിയേ പദ്മിനി പദ്മഹസ്തേ പദ്മാലയേ പദ്മ-ദളായതാക്ഷീ । വിശ്വപ്രിയേ വിഷ്ണു മനോനുകൂലേ ത്വത്പാദപദ്മം മയി സന്നിധത്സ്വ ॥ യാ സാ പദ്മാസനസ്ഥാ വിപുലകടിതടീ പദ്മപത്രായതാക്ഷീ । ഗംഭീരാ വര്തനാഭിഃ സ്തനഭരനമിതാ ശുഭ്ര വസ്തോത്തരീയാ ॥ ലക്ഷ്മീ-ര്ദിവ്യൈ-ര്ഗജേംദ്രൈ-ര്മണിഗണ ഖചിതൈ-സ്സ്നാപിതാ ഹേമകുംഭൈഃ । നിത്യം സാ പദ്മഹസ്താ മമ വസതു ഗൃഹേ സർവ മാംഗള്യയുക്താ ॥ ലക്ഷ്മീം ക്ഷീര സമുദ്ര രാജതനയാം ശ്രീരംഗ ധാമേശ്വരീമ് । ദാസീഭൂത സമസ്ത ദേവ വനിതാം-ലോഁകൈക ദീപാംകുരാമ് । ശ്രീമന്മംദ കടാക്ഷ ലബ്ധ വിഭവ ബ്രഹ്മേംദ്ര ഗംഗാധരാമ് । ത്വാം ത്രൈലോക്യ കുടുംബിനീം സരസിജാം-വംഁദേ മുകുംദപ്രിയാമ് ॥ സിദ്ധലക്ഷ്മീ-ര്മോക്ഷലക്ഷ്മീ-ര്ജയലക്ഷ്മീ-സ്സരസ്വതീ । ശ്രീലക്ഷ്മീ-ർവരലക്ഷ്മീശ്ച പ്രസന്നാ മമ സർവദാ ॥ വരാംകുശൌ പാശമഭീതി മുദ്രാമ് । കരൈർവഹംതീം കമലാസനസ്ഥാമ് । ബാലാര്കകോടി പ്രതിഭാം ത്രിനേത്രാമ് । ഭജേഽഹമംബാം ജഗദീശ്വരീം താമ് ॥ സർവമംഗള മാംഗള്യേ ശിവേ സർവാര്ഥ സാധികേ । ശരണ്യേ ത്യ്രംബകേ ദേവീ നാരായണി നമോസ്തുതേ ॥ ഓം മ॒ഹാ॒ദേ॒വ്യൈ ച॑ വി॒ദ്മഹേ॑ വിഷ്ണുപ॒ത്നീ ച॑ ധീമഹി । തന്നോ॑ ലക്ഷ്മീഃ പ്രചോ॒ദയാ᳚ത് ॥ ശ്രീ-ർവര്ച॑സ്വ॒-മായു॑ഷ്യ॒-മാരോ᳚ഗ്യ॒-മാവീ॑ധാ॒ത്-ശോഭ॑മാനം മഹീ॒യതേ᳚ । ധാ॒ന്യം ധ॒നം പ॒ശും ബ॒ഹുപു॑ത്രലാ॒ഭം ശ॒തസം᳚​വഁത്സ॒രം ദീ॒ര്ഘമായുഃ॑ ॥ ഓം ശാംതിഃ॒ ശാംതിഃ॒ ശാംതിഃ॑ ॥