ಓಂ ॥ ಹಿರ॑ಣ್ಯವರ್ಣಾಃ॒ ಶುಚ॑ಯಃ ಪಾವ॒ಕಾ ಯಾಸು॑ ಜಾ॒ತಃ ಕ॒ಶ್ಯಪೋ॒ ಯಾಸ್ವಿಂದ್ರಃ॑ । ಅ॒ಗ್ನಿಂ-ಯಾಁ ಗರ್ಭಂ॑ ದಧಿ॒ರೇ ವಿರೂ॑ಪಾ॒ಸ್ತಾ ನ॒ ಆಪ॒ಶ್ಶಗ್ಗ್ ಸ್ಯೋ॒ನಾ ಭ॑ವಂತು ॥ ಯಾಸಾ॒ಗ್ಂ॒ ರಾಜಾ॒ ವರು॑ಣೋ॒ ಯಾತಿ॒ ಮಧ್ಯೇ॑ ಸತ್ಯಾನೃ॒ತೇ ಅ॑ವ॒ಪಶ್ಯಂ॒ ಜನಾ॑ನಾಂ । ಮ॒ಧು॒ಶ್ಚುತ॒ಶ್ಶುಚ॑ಯೋ॒ ಯಾಃ ಪಾ॑ವ॒ಕಾಸ್ತಾ ನ॒ ಆಪ॒ಶ್ಶಗ್ಗ್ ಸ್ಯೋ॒ನಾ ಭ॑ವಂತು ॥ ಯಾಸಾಂ᳚ ದೇ॒ವಾ ದಿ॒ವಿ ಕೃ॒ಣ್ವಂತಿ॑ ಭ॒ಕ್ಷಂ ಯಾ ಅಂ॒ತರಿ॑ಕ್ಷೇ ಬಹು॒ಧಾ ಭವಂ॑ತಿ । ಯಾಃ ಪೃ॑ಥಿ॒ವೀಂ ಪಯ॑ಸೋಂ॒ದಂತಿ ಶು॒ಕ್ರಾಸ್ತಾ ನ॒ ಆಪ॒ಶ್ಶಗ್ಗ್ ಸ್ಯೋ॒ನಾ ಭ॑ವಂತು ॥ ಶಿ॒ವೇನ॑ ಮಾ॒ ಚಕ್ಷು॑ಷಾ ಪಶ್ಯತಾಪಶ್ಶಿ॒ವಯಾ॑ ತ॒ನುವೋಪ॑ ಸ್ಪೃಶತ॒ ತ್ವಚ॑ಓ ಮೇ । ಸರ್ವಾಗ್॑ಓ ಅ॒ಗ್ನೀಗ್ಂ ರ॑ಪ್ಸು॒ಷದೋ॑ ಹುವೇ ವೋ॒ ಮಯಿ॒ ವರ್ಚೋ॒ ಬಲ॒ಮೋಜೋ॒ ನಿಧ॑ತ್ತ ॥ ಪವ॑ಮಾನ॒ಸ್ಸುವ॒ರ್ಜನಃ॑ । ಪ॒ವಿತ್ರೇ॑ಣ॒ ವಿಚ॑ರ್​ಷಣಿಃ । ಯಃ ಪೋತಾ॒ ಸ ಪು॑ನಾತು ಮಾ । ಪು॒ನಂತು॑ ಮಾ ದೇವಜ॒ನಾಃ । ಪು॒ನಂತು॒ ಮನ॑ವೋ ಧಿ॒ಯಾ । ಪು॒ನಂತು॒ ವಿಶ್ವ॑ ಆ॒ಯವಃ॑ । ಜಾತ॑ವೇದಃ ಪ॒ವಿತ್ರ॑ವತ್ । ಪ॒ವಿತ್ರೇ॑ಣ ಪುನಾಹಿ ಮಾ । ಶು॒ಕ್ರೇಣ॑ ದೇವ॒ದೀದ್ಯ॑ತ್ । ಅಗ್ನೇ॒ ಕ್ರತ್ವಾ॒ ಕ್ರತೂ॒ಗ್ಂ॒ ರನು॑ । ಯತ್ತೇ॑ ಪ॒ವಿತ್ರ॑ಮ॒ರ್ಚಿಷಿ॑ । ಅಗ್ನೇ॒ ವಿತ॑ತಮಂತ॒ರಾ । ಬ್ರಹ್ಮ॒ ತೇನ॑ ಪುನೀಮಹೇ । ಉ॒ಭಾಭ್ಯಾಂ᳚ ದೇವಸವಿತಃ । ಪ॒ವಿತ್ರೇ॑ಣ ಸ॒ವೇನ॑ ಚ । ಇ॒ದಂ ಬ್ರಹ್ಮ॑ ಪುನೀಮಹೇ । ವೈ॒ಶ್ವ॒ದೇ॒ವೀ ಪು॑ನ॒ತೀ ದೇ॒ವ್ಯಾಗಾ᳚ತ್ । ಯಸ್ಯೈ॑ ಬ॒ಹ್ವೀಸ್ತ॒ನುವೋ॑ ವೀ॒ತಪೃ॑ಷ್ಠಾಃ । ತಯಾ॒ ಮದಂ॑ತಃ ಸಧ॒ಮಾದ್ಯೇ॑ಷು । ವ॒ಯಗ್ಗ್ ಸ್ಯಾ॑ಮ॒ ಪತ॑ಯೋ ರಯೀ॒ಣಾಂ । ವೈ॒ಶ್ವಾ॒ನ॒ರೋ ರ॒ಶ್ಮಿಭಿ॑ರ್ಮಾ ಪುನಾತು । ವಾತಃ॑ ಪ್ರಾ॒ಣೇನೇ॑ಷಿ॒ರೋ ಮ॑ಯೋ॒ ಭೂಃ । ದ್ಯಾವಾ॑ಪೃಥಿ॒ವೀ ಪಯ॑ಸಾ॒ ಪಯೋ॑ಭಿಃ । ಋ॒ತಾವ॑ರೀ ಯ॒ಜ್ಞಿಯೇ॑ ಮಾ ಪುನೀತಾಂ ॥ ಬೃ॒ಹದ್ಭಿಃ॑ ಸವಿತ॒ಸ್ತೃಭಿಃ॑ । ವರ್ಷಿ॑ಷ್ಠೈರ್ದೇವ॒ಮನ್ಮ॑ಭಿಃ । ಅಗ್ನೇ॒ ದಕ್ಷೈಃ᳚ ಪುನಾಹಿ ಮಾ । ಯೇನ॑ ದೇ॒ವಾ ಅಪು॑ನತ । ಯೇನಾಪೋ॑ ದಿ॒ವ್ಯಂಕಶಃ॑ । ತೇನ॑ ದಿ॒ವ್ಯೇನ॒ ಬ್ರಹ್ಮ॑ಣಾ । ಇ॒ದಂ ಬ್ರಹ್ಮ॑ ಪುನೀಮಹೇ । ಯಃ ಪಾ॑ವಮಾ॒ನೀರ॒ದ್ಧ್ಯೇತಿ॑ । ಋಷಿ॑ಭಿ॒ಸ್ಸಂಭೃ॑ತ॒ಗ್ಂ॒ ರಸಂ᳚ । ಸರ್ವ॒ಗ್ಂ॒ ಸ ಪೂ॒ತಮ॑ಶ್ನಾತಿ । ಸ್ವ॒ದಿ॒ತಂ ಮಾ॑ತ॒ರಿಶ್ವ॑ನಾ । ಪಾ॒ವ॒ಮಾ॒ನೀರ್ಯೋ ಅ॒ಧ್ಯೇತಿ॑ । ಋಷಿ॑ಭಿ॒ಸ್ಸಂಭೃ॑ತ॒ಗ್ಂ॒ ರಸಂ᳚ । ತಸ್ಮೈ॒ ಸರ॑ಸ್ವತೀ ದುಹೇ । ಕ್ಷೀ॒ರಗ್ಂ ಸ॒ರ್ಪಿರ್ಮಧೂ॑ದ॒ಕಂ ॥ ಪಾ॒ವ॒ಮಾ॒ನೀಸ್ಸ್ವ॒ಸ್ತ್ಯಯ॑ನೀಃ । ಸು॒ದುಘಾ॒ಹಿ ಪಯ॑ಸ್ವತೀಃ । ಋಷಿ॑ಭಿ॒ಸ್ಸಂಭೃ॑ತೋ॒ ರಸಃ॑ । ಬ್ರಾ॒ಹ್ಮ॒ಣೇಷ್ವ॒ಮೃತಗ್॑ಓ ಹಿ॒ತಂ । ಪಾ॒ವ॒ಮಾ॒ನೀರ್ದಿ॑ಶಂತು ನಃ । ಇ॒ಮಂ-ಲೋಁ॒ಕಮಥೋ॑ ಅ॒ಮುಂ । ಕಾಮಾಂ॒ಥ್ಸಮ॑ರ್ಧಯಂತು ನಃ । ದೇ॒ವೀರ್ದೇ॒ವೈಃ ಸ॒ಮಾಭೃ॑ತಾಃ । ಪಾ॒ವ॒ಮಾ॒ನೀಸ್ಸ್ವ॒ಸ್ತ್ಯಯ॑ನೀಃ । ಸು॒ದುಘಾ॒ಹಿ ಘೃ॑ತ॒ಶ್ಚುತಃ॑ । ಋಷಿ॑ಭಿಃ॒ ಸಂಭೃ॑ತೋ॒ ರಸಃ॑ । ಬ್ರಾ॒ಹ್ಮ॒ಣೇಷ್ವ॒ಮೃತಗ್॑ಓ ಹಿ॒ತಂ । ಯೇನ॑ ದೇ॒ವಾಃ ಪ॒ವಿತ್ರೇ॑ಣ । ಆ॒ತ್ಮಾನಂ॑ ಪು॒ನತೇ॒ ಸದಾ᳚ । ತೇನ॑ ಸ॒ಹಸ್ರ॑ಧಾರೇಣ । ಪಾ॒ವ॒ಮಾ॒ನ್ಯಃ ಪು॑ನಂತು ಮಾ । ಪ್ರಾ॒ಜಾ॒ಪ॒ತ್ಯಂ ಪ॒ವಿತ್ರಂ᳚ । ಶ॒ತೋದ್ಯಾ॑ಮಗ್ಂ ಹಿರ॒ಣ್ಮಯಂ᳚ । ತೇನ॑ ಬ್ರಹ್ಮ॒ ವಿದೋ॑ ವ॒ಯಂ । ಪೂ॒ತಂ ಬ್ರಹ್ಮ॑ ಪುನೀಮಹೇ । ಇಂದ್ರ॑ಸ್ಸುನೀ॒ತೀ ಸ॒ಹಮಾ॑ ಪುನಾತು । ಸೋಮ॑ಸ್ಸ್ವ॒ಸ್ತ್ಯಾ ವ॑ರುಣಸ್ಸ॒ಮೀಚ್ಯಾ᳚ । ಯ॒ಮೋ ರಾಜಾ᳚ ಪ್ರಮೃ॒ಣಾಭಿಃ॑ ಪುನಾತು ಮಾ । ಜಾ॒ತವೇ॑ದಾ ಮೋ॒ರ್ಜಯಂ॑ತ್ಯಾ ಪುನಾತು । ಭೂರ್ಭುವ॒ಸ್ಸುವಃ॑ ॥ ಓಂ ತಚ್ಛಂ॒-ಯೋಁರಾವೃ॑ಣೀಮಹೇ । ಗಾ॒ತುಂ-ಯಁ॒ಜ್ಞಾಯ॑ । ಗಾ॒ತುಂ-ಯಁ॒ಜ್ಞಪ॑ತಯೇ । ದೈವೀ᳚ಸ್ಸ್ವ॒ಸ್ತಿರ॑ಸ್ತು ನಃ । ಸ್ವ॒ಸ್ತಿರ್ಮಾನು॑ಷೇಭ್ಯಃ । ಊ॒ರ್ಧ್ವಂ ಜಿ॑ಗಾತು ಭೇಷ॒ಜಂ । ಶನ್ನೋ॑ ಅಸ್ತು ದ್ವಿ॒ಪದೇ᳚ । ಶಂ ಚತು॑ಷ್ಪದೇ ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥