हैंహైHaindavamஹிહિં
📍
Font Size:
മന്യു സൂക്തം
(ഋ।വേ।10।83,84)
യസ്തേ᳚ മ॒ന്യോഽവി॑ധദ്വജ്ര സായക॒ സഹ॒ ഓജ॑: പുഷ്യതി॒ വിശ്വ॑മാനു॒ഷക് ।
സാ॒ഹ്യാമ॒ ദാസ॒മാര്യം॒ ത്വയാ᳚ യു॒ജാ സഹ॑സ്കൃതേന॒ സഹ॑സാ॒ സഹ॑സ്വതാ ॥ 01
മ॒ന്യുരിന്ദ്രോ᳚ മ॒ന്യുരേ॒വാസ॑ ദേ॒വോ മ॒ന്യുർഹോതാ॒ വരു॑ണോ ജാ॒തവേ᳚ദാഃ ।
മ॒ന്യും വിശ॑ ഈലതേ॒ മാനു॑ഷീ॒ര്യാഃ പാ॒ഹി നോ᳚ മന്യോ॒ തപ॑സാ സ॒ജോഷാ᳚: ॥ 02
അ॒ഭീ᳚ഹി മന്യോ ത॒വസ॒സ്തവീ᳚യാ॒ന്തപ॑സാ യു॒ജാ വി ജ॑ഹി॒ ശത്രൂ॑ൻ ।
അ॒മി॒ത്ര॒ഹാ വൃ॑ത്ര॒ഹാ ദ॑സ്യു॒ഹാ ച॒ വിശ്വാ॒ വസൂ॒ന്യാ ഭ॑രാ॒ ത്വം ന॑: ॥ 03
ത്വം ഹി മ᳚ന്യോ അ॒ഭിഭൂ᳚ത്യോജാഃ സ്വയം॒ഭൂർഭാമോ᳚ അഭിമാതിഷാ॒ഹഃ ।
വി॒ശ്വച॑ർഷണി॒: സഹു॑രി॒: സഹാ᳚വാന॒സ്മാസ്വോജ॒: പൃത॑നാസു ധേഹി ॥ 04
അ॒ഭാ॒ഗഃ സന്നപ॒ പരേ᳚തോ അസ്മി॒ തവ॒ ക്രത്വാ᳚ തവി॒ഷസ്യ॑ പ്രചേതഃ ।
തം ത്വാ᳚ മന്യോ അക്ര॒തുർജി॑ഹീലാ॒ഹം സ്വാ ത॒നൂർബ॑ല॒ദേയാ᳚യ॒ മേഹി॑ ॥ 05
അ॒യം തേ᳚ അ॒സ്മ്യുപ॒ മേഹ്യ॒ർവാങ്പ്ര॑തീചീ॒നഃ സ॑ഹുരേ വിശ്വധായഃ ।
മന്യോ᳚ വജ്രിന്ന॒ഭി മാമാ വ॑വൃത്സ്വ॒ ഹനാ᳚വ॒ ദസ്യൂ᳚।ണൃ॒ത ബോ᳚ധ്യാ॒പേഃ ॥ 06
അ॒ഭി പ്രേഹി॑ ദക്ഷിണ॒തോ ഭ॑വാ॒ മേഽധാ᳚ വൃ॒ത്രാണി॑ ജംഘനാവ॒ ഭൂരി॑ ।
ജു॒ഹോമി॑ തേ ധ॒രുണം॒ മധ്വോ॒ അഗ്ര॑മു॒ഭാ ഉ॑പാം॒ശു പ്ര॑ഥ॒മാ പി॑ബാവ ॥ 07
ത്വയാ᳚ മന്യോ സ॒രഥ॑മാരു॒ജന്തോ॒ ഹർഷ॑മാണാസോ ധൃഷി॒താ മ॑രുത്വഃ ।
തി॒ഗ്മേഷ॑വ॒ ആയു॑ധാ സം॒ശിശാ᳚നാ അ॒ഭി പ്ര യ᳚ന്തു॒ നരോ᳚ അ॒ഗ്നിരൂ᳚പാഃ ॥ 01
അ॒ഗ്നിരി॑വ മന്യോ ത്വിഷി॒തഃ സ॑ഹസ്വ സേനാ॒നീർന॑: സഹുരേ ഹൂ॒ത ഏ᳚ധി ।
ഹ॒ത്വായ॒ ശത്രൂ॒ന്വി ഭ॑ജസ്വ॒ വേദ॒ ഓജോ॒ മിമാ᳚നോ॒ വി മൃധോ᳚ നുദസ്വ ॥ 02
സഹ॑സ്വ മന്യോ അ॒ഭിമാ᳚തിമ॒സ്മേ രു॒ജന്മൃ॒ണൻപ്ര॑മൃ॒ണൻപ്രേഹി॒ ശത്രൂ॑ൻ ।
ഉ॒ഗ്രം തേ॒ പാജോ᳚ ന॒ന്വാ രു॑രുധ്രേ വ॒ശീ വശം᳚ നയസ ഏകജ॒ ത്വം ॥ 03
ഏകോ᳚ ബഹൂ॒നാമ॑സി മന്യവീലി॒തോ വിശം᳚വിശം യു॒ധയേ॒ സം ശി॑ശാധി ।
അകൃ॑ത്തരു॒ക്ത്വയാ᳚ യു॒ജാ വ॒യം ദ്യു॒മന്തം॒ ഘോഷം᳚ വിജ॒യായ॑ കൃണ്മഹേ ॥ 04
വി॒ജേ॒ഷ॒കൃദിന്ദ്ര॑ ഇവാനവബ്ര॒വോ॒3॒॑ഽസ്മാകം᳚ മന്യോ അധി॒പാ ഭ॑വേ॒ഹ ।
പ്രി॒യം തേ॒ നാമ॑ സഹുരേ ഗൃണീമസി വി॒ദ്മാ തമുത്സം॒ യത॑ ആബ॒ഭൂഥ॑ ॥ 05
ആഭൂ᳚ത്യാ സഹ॒ജാ വ॑ജ്ര സായക॒ സഹോ᳚ ബിഭർഷ്യഭിഭൂത॒ ഉത്ത॑രം ।
ക്രത്വാ᳚ നോ മന്യോ സ॒ഹ മേ॒ദ്യേ॑ധി മഹാധ॒നസ്യ॑ പുരുഹൂത സം॒സൃജി॑ ॥ 06
സംസൃ॑ഷ്ടം॒ ധന॑മു॒ഭയം᳚ സ॒മാകൃ॑തമ॒സ്മഭ്യം᳚ ദത്താം॒ വരു॑ണശ്ച മ॒ന്യുഃ ।
ഭിയം॒ ദധാ᳚നാ॒ ഹൃദ॑യേഷു॒ ശത്ര॑വ॒: പരാ᳚ജിതാസോ॒ അപ॒ നി ല॑യന്താം ॥ 07
ധന്വ॑നാ॒ഗാധന്വ॑നാ॒ജിഞ്ജ॑യേമ॒ ധന്വ॑നാ തീ॒വ്രാഃ സ॒മദോ᳚ ജയേമ ।
ധനുഃ ശത്രോ᳚രപകാ॒മം കൃ॑ണോതി॒ ധന്വ॑ നാ॒സർവാ᳚: പ്ര॒ദിശോ᳚ ജയേമ ॥
ശാന്താ॑ പൃഥിവീ ശി॑വമ॒ന്തരിക്ഷം॒ ദ്യൗർനോ॒᳚ദേവ്യഽഭ॑യന്നോ അസ്തു ।
ശി॒വാ॒ ദിശ॑: പ്ര॒ദിശ॑ ഉ॒ദ്ദിശോ᳚ ന॒ഽആപോ᳚ വി॒ശ്വത॒: പരി॑പാന്തു സ॒ർവത॒: ശാ॒ന്തി॒: ശാ॒ന്തി॒: ശാന്തി॑: ।
Recite with devotion and pure heart
Regular practice brings spiritual benefits