அத² ஹைனம்ʼ ப்³ரஹ்மரந்த்⁴ரே ப்³ரஹ்மஸ்வரூபிணீமாப்னோதி । ஸுப⁴கா³ம்ʼ த்ரிகு³ணிதாம்ʼ முக்தாஸுப⁴கா³ம்ʼ காமரேபே²ந்தி³ராம்ʼ ஸமஸ்தரூபிணீமேதானி த்ரிகு³ணிதானி தத³னு கூர்சபீ³ஜம்ʼ வ்யோமஷஷ்ட²ஸ்வராம்ʼ பி³ந்து³மேலனரூபாம்ʼ தத்³த்³வயம்ʼ மாயாத்³வயம்ʼ த³க்ஷிணே காலிகே சேத்யபி⁴முக²க³தாம்ʼ தத³னு பீ³ஜஸப்தகமுச்சார்ய ப்³ருʼஹத்³பா⁴னுஜாயாமுச்சரேத் । ஸ து ஶிவமயோ ப⁴வேத் । ஸர்வஸித்³தீ⁴ஶ்வரோ ப⁴வேத் । க³திஸ்தஸ்யாஸ்தீதி । நான்யஸ்ய க³திரஸ்தாதி । ஸ து வாகீ³ஶ்வர꞉ । ஸ து நாரீஶ்வர꞉ । ஸ து தே³வேஶ்வர꞉ । ஸ து ஸர்வேஶ்வர꞉ । அபி⁴னவஜலத³ஸங்காஶா க⁴னஸ்தனீ குடிலத³ம்ʼஷ்ட்ரா ஶவாஸனா காலிகா த்⁴யேயா । த்ரிகோணம்ʼ பஞ்சகோணம்ʼ நவகோணம்ʼ பத்³மம் । தஸ்மின் தே³வீ ஸர்வாங்கே³(அ)ப்⁴யர்ச்ய ததி³த³ம்ʼ ஸர்வாங்க³ம்ʼ ஓம்ʼ காலீ கபாலினீ குல்லா குருகுல்லா விரோதி⁴னீ விப்ரசித்தா உக்³ரா உக்³ரப்ரபா⁴ தீ³ப்தா நீலா க⁴னா ப³லாகா மாத்ரா முத்³ரா(அ)மிதா சைவ பஞ்சத³ஶகோணகா³꞉ । ப்³ராஹ்மீ நாராயணீ மாஹேஶ்வரீ கௌமாரீ அபராஜிதா வாராஹீ நாரஸிம்ʼஹிகா சேத்யஷ்டபத்ரகா³꞉ । ஷோட³ஶஸ்வரபே⁴தே³ன ப்ரத²மேன மந்த்ரவிபா⁴க³꞉ । தன்மூலேனாவாஹனம்ʼ தேனைவ பூஜனம் । ய ஏவம்ʼ மந்த்ரராஜம்ʼ நியமேன வா லக்ஷமாவர்தயதி ஸ பாப்மானம்ʼ ஹந்தி । ஸ ப்³ரஹ்மத்வம்ʼ ப⁴ஜதி । ஸ꞉ அம்ருʼதத்வம்ʼ ப⁴ஜதி । ஸ ஆயுராரோக்³யமைஶ்வர்யம்ʼ ப⁴ஜதி । ஸதா³ பஞ்சமகாரேண பூஜயேத் । ஸதா³ கு³ருப⁴க்தோ ப⁴வேத் । ஸதா³ தே³வப⁴க்தோ ப⁴வேத் । த⁴ர்மிஷ்ட²தாம்ʼ புஷ்டிமஹதவாசம்ʼ விப்ரா லப⁴ந்தே । மந்த்ரஜாபினோ ஹ்யாத்மா வித்³யாப்ரபூரிதோ ப⁴வதி । ஸ ஜீவன்முக்தோ ப⁴வதி । ஸ ஸர்வஶாஸ்த்ரம்ʼ ஜானாதி । ஸ ஸர்வபுண்யகாரீ ப⁴வதி । ஸ ஸர்வயஜ்ஞயாஜீ ப⁴வதி । ராஜானோ தா³ஸதாம்ʼ யாந்தி । ஜப்த்வா ஸ ஸர்வமேதம்ʼ மந்த்ரராஜம்ʼ ஸ்வயம்ʼ ஶிவ ஏவாஹமித்யணிமாதி³விபூ⁴தீநாமீஶ்வர꞉ காலிகாம்ʼ லபே⁴த் ॥ ஆவயோ꞉ பாத்ரபூ⁴த꞉ ஸன் ஸுக்ருʼதீ த்யக்தகல்மஷ꞉ । ஜீவன்முக்த꞉ ஸ விஜ்ஞேயோ யஸ்மை லப்³தா⁴ ஹி த³க்ஷிணா ॥ த³ஶாம்ʼஶம்ʼ ஹோமயேத்தத³னு தர்பயேத் । அத² ஹைகே யஜ்ஞான் காமானத்³வைதஜ்ஞாநாதீ³னநிருத்³த⁴ஸரஸ்வதீதி । அத² ஹைஷ꞉ காலிகாமனுஜாபீ ய꞉ ஸதா³ ஶுத்³தா⁴த்மா ஜ்ஞானவைராக்³யயுக்த꞉ ஶாம்ப⁴வீதீ³க்ஷாஸு ரக்த꞉ ஶாக்தாஸு । யதி³ வா ப்³ரஹ்மசாரீ ராத்ரௌ நக்³ன꞉ ஸர்வதா³ மது⁴னா(அ)ஶக்தோ மனஸா ஜபபூஜாதி³நியமவான் । யோஷித்ப்ரியகரோ ப⁴கோ³த³கேன தர்பணம்ʼ தேனைவ பூஜனம்ʼ குர்யாத் । ஸர்வதா³ காலிகாரூபமாத்மானம்ʼ விபா⁴வயேத் । ஸ ஸர்வதா³ யோஷிதா³ஸக்தோ ப⁴வேத் । ஸ ஸர்வஹத்யாம்ʼ தரதி தேன மது⁴தா³னேன । அத² பஞ்சமகாரேண ஸர்வமாயாதி³வித்³யாம்ʼ பஶுத⁴னதா⁴ன்யம்ʼ ஸர்வேஶத்வம்ʼ ச கவித்வம்ʼ ச । நான்ய꞉ பரம꞉ பந்தா² வித்³யதே மோக்ஷாய ஜ்ஞானாய த⁴ர்மாத⁴ர்மாய । தத்ஸர்வம்ʼ பூ⁴தம்ʼ ப⁴வ்யம்ʼ யத்கிஞ்சித்³த்³ருʼஶ்யமானம்ʼ ஸ்தா²வரஜங்க³மம்ʼ தத்ஸர்வம்ʼ காலிகாதந்த்ரே ஓதம்ʼ ப்ரோதம்ʼ வேத³ । ய ஏவம்ʼ மனுஜாபீ ஸ பாப்மானம்ʼ தரதி । ஸ ப்⁴ரூணஹத்யாம்ʼ தரதி । ஸோ(அ)க³ம்யாக³மனம்ʼ தரதி । ஸ ஸர்வஸுக²மாப்னோதி । ஸ ஸர்வம்ʼ ஜானாதி । ஸ ஸர்வஸம்ʼந்யாஸீ ப⁴வதி । ஸ விரக்தோ ப⁴வதி । ஸ ஸர்வவேதா³த்⁴யாயீ ப⁴வதி । ஸ ஸர்வமந்த்ரஜாபீ ப⁴வதி । ஸ ஸர்வஶாஸ்ரவேத்தா ப⁴வதி । ஸ ஸர்வஜ்ஞானகாரீ ப⁴வதி । ஸ ஆவயோர்மித்ரபூ⁴தோ ப⁴வதி । இத்யாஹ ப⁴க³வான் ஶிவ꞉ । நிர்விகல்பேன மனஸா ஸ வந்த்³யோ ப⁴வதி ॥ அத² ஹைனாம் । மூலாதா⁴ரே ஸ்மரேத்³தி³வ்யம்ʼ த்ரிகோணம்ʼ தேஜஸாம்ʼ நிதி⁴ம் । ஶிகா² ஆனீய தஸ்யாக்³னேரத² தூர்த்⁴வம்ʼ வ்யவஸ்தி²தா ॥ நீலதோயத³மத்⁴யஸ்தா² வித்³யுல்லேகே²வ பா⁴ஸ்வரா । நீவாரஶூகவத்தன்வீ பீதா பா⁴ஸ்வத்யணூபமா ॥ தஸ்யா꞉ ஶிகா²யா மத்⁴யே பரமாத்மா வ்யவஸ்தி²த꞉ । ஸ ப்³ரஹ்மா ஸ ஶிவ꞉ ஸேந்த்³ர꞉ ஸோ(அ)க்ஷர꞉ பரம꞉ ஸ்வராட் ॥ ஸ ஏவ விஷ்ணு꞉ ஸ ப்ராண꞉ ஸ காலோ(அ)க்³னி꞉ ஸ சந்த்³ரமா꞉ । இதி குண்ட³லினீம்ʼ த்⁴யாத்வா ஸர்வபாபை꞉ ப்ரமுச்யதே ॥ மஹாபாதகேப்⁴ய꞉ பூதோ பூ⁴த்வா ஸர்வமந்த்ரஸித்³தி⁴ம்ʼ க்ருʼத்வா பை⁴ரவோ ப⁴வேத் । மஹாகாலபை⁴ரவோ(அ)ஸ்ய ருʼஷி꞉ । உஷ்ணிக் ச²ந்த³꞉ காலிகா தே³வதா । ஹ்ரீம்ʼ பீ³ஜம்ʼ ஹ்ரூம்ʼ ஶக்தி꞉ க்ரீம்ʼ கீலகம்ʼ அநிருத்³த⁴ஸரஸ்வதீ தே³வதா । கவித்வே பாண்டி³த்யார்தே² ஜபே விநியோக³꞉ । இத்யேவம்ருʼஷிச்ச²ந்தோ³தை³வதம்ʼ ஜ்ஞாத்வா மந்த்ர ஸாப²ல்யமஶ்னுதே । அத²ர்வவித்³யாம்ʼ ப்ரத²மமேகம்ʼ த்³வயம்ʼ த்ரயம்ʼ வா நாமத்³வயஸம்புடிதம்ʼ க்ருʼத்வா யோஜயேத் । க³திஸ்தஸ்யாஸ்தீதி । நான்யஸ்ய க³திரஸ்தீதி । ஓம்ʼ ஸத்யம் । ஓம்ʼ தத்ஸத் ॥ அத² ஹைனம்ʼ கு³ரும்ʼ பரிதோஷ்யைனம்ʼ மந்த்ரராஜம்ʼ க்³ருʼஹ்ணீயாத் । மந்த்ரராஜம்ʼ கு³ருஸ்தமபி ஶிஷ்யாய ஸத்குலீனாய வித்³யாப⁴க்தாய ஸுவேஷாம்ʼ ஸ்த்ரியம்ʼ ஸ்ப்ருʼஷ்ட்வா ஸ்வயம்ʼ நிஶாயாம்ʼ நிருபத்³ரவ꞉ பரிபூஜ்ய ஏகாகீ ஶிவகே³ஹே லக்ஷம்ʼ தத³ர்த⁴ம்ʼ வா ஜபித்வா த³த்³யாத் । ஓம்ʼ ஓம்ʼ ஓம்ʼ ஸத்யம்ʼ ஸத்யம்ʼ ஸத்யம் । நான்யப்ரகாரேண ஸித்³தி⁴ர்ப⁴வதி । அதா²ஹ வை காலிகாமனோஸ்தாராமனோஸ்த்ரிபுராமனோ꞉ ஸர்வது³ர்கா³மனோர்வா ஸ்வரூபஸித்³தி⁴ரேவமிதி ஶிவம் ॥ இத்யாத²ர்வணே ஸௌபா⁴க்³யகாண்டே³ காலிகோபநிஷத் ஸமாப்தா ।