ஓம்ʼ நமோ ப⁴க³வதே த³த்தாத்ரேயாய அவதூ⁴தாய தி³க³ம்ப³ராய விதி⁴ஹரிஹராய ஆதி³தத்த்வாய ஆதி³ஶக்தயே ॥ 1 ॥ த்வம்ʼ சராசராத்மக꞉ ஸர்வவ்யாபீ ஸர்வஸாக்ஷீ த்வம்ʼ தி³க்காலாதீத꞉ த்வம்ʼ த்³வந்த்³வாதீத꞉ ॥ 2 ॥ த்வம்ʼ விஶ்வாத்மக꞉ த்வம்ʼ விஶ்வாதா⁴ர꞉ விஶ்வேஶ꞉ விஶ்வநாத²꞉ த்வம்ʼ விஶ்வநாடகஸூத்ரதா⁴ர꞉ த்வமேவ கேவலம்ʼ கர்தாஸி த்வம்ʼ அகர்தாஸி ச நித்யம் ॥ 3 ॥ த்வம்ʼ ஆனந்த³மய꞉ த்⁴யானக³ம்ய꞉ த்வம்ʼ ஆத்மானந்த³꞉ த்வம்ʼ பரமானந்த³꞉ த்வம்ʼ ஸச்சிதா³னந்த³꞉ த்வமேவ சைதன்ய꞉ சைதன்யத³த்தாத்ரேய꞉ ஓம்ʼ சைதன்யத³த்தாத்ரேயாய நம꞉ ॥ 4 ॥ த்வம்ʼ ப⁴க்தவத்ஸல꞉ ப⁴க்ததாரக꞉ ப⁴க்தரக்ஷக꞉ த³யாக⁴ன꞉ ப⁴ஜனப்ரிய꞉ த்வம்ʼ பதிதபாவன꞉ கருணாகர꞉ ப⁴வப⁴யஹர꞉ ॥ 5 ॥ த்வம்ʼ ப⁴க்தகாரணஸம்பூ⁴த꞉ அத்ரிஸுத꞉ அனஸூயாத்மஜ꞉ த்வம்ʼ ஶ்ரீபாத³ஶ்ரீவல்லப⁴꞉ த்வம்ʼ கா³ணக³க்³ராமநிவாஸீ ஶ்ரீமந்ந்ருʼஸிம்ʼஹஸரஸ்வதீ த்வம்ʼ ஶ்ரீந்ருʼஸிம்ʼஹபா⁴ன꞉ அக்கலகோடநிவாஸீ ஶ்ரீஸ்வாமீஸமர்த²꞉ த்வம்ʼ கரவீரநிவாஸீ பரமஸத்³கு³ரு ஶ்ரீக்ருʼஷ்ணஸரஸ்வதீ த்வம்ʼ ஶ்ரீஸத்³கு³ரு மாத⁴வஸரஸ்வதீ ॥ 6 ॥ த்வம்ʼ ஸ்மர்த்ருʼகா³மீ ஶ்ரீகு³ரூத³த்த꞉ ஶரணாக³தோ(அ)ஸ்மி த்வாம் । தீ³னே ஆர்தே மயி த³யாம்ʼ குரு தவ ஏகமாத்ரத்³ருʼஷ்டிக்ஷேப꞉ து³ரிதக்ஷயகாரக꞉ । ஹே ப⁴க³வன் வரத³த³த்தாத்ரேய மாமுத்³த⁴ர மாமுத்³த⁴ர மாமுத்³த⁴ர இதி ப்ரார்த²யாமி । ஓம்ʼ த்³ராம்ʼ த³த்தாத்ரேயாய நம꞉ ॥ 7 ॥ ஓம்ʼ தி³க³ம்ப³ராய வித்³மஹே அவதூ⁴தாய தீ⁴மஹி தன்னோ த³த்த꞉ ப்ரசோத³யாத் ॥ இதி ஶ்ரீ த³த்த அத²ர்வஶீர்ஷம் ।