ഈശാനാം ജഗതോഽസ്യ വേംകടപതേ ർവിഷ്ണോഃ പരാം പ്രേയസീം തദ്വക്ഷഃസ്ഥല നിത്യവാസരസികാം തത്-ക്ഷാംതി സംവര്ധിനീമ് । പദ്മാലംകൃത പാണിപല്ലവയുഗാം പദ്മാസനസ്ഥാം ശ്രിയം വാത്സല്യാദി ഗുണോജ്ജ്വലാം ഭഗവതീം വംദേ ജഗന്മാതരമ് ॥ ശ്രീമന് കൃപാജലനിധേ കൃതസർവലോക സർവജ്ഞ ശക്ത നതവത്സല സർവശേഷിന് । സ്വാമിന് സുശീല സുല ഭാശ്രിത പാരിജാത ശ്രീവേംകടേശചരണൌ ശരണം പ്രപദ്യേ ॥ 2 ॥ ആനൂപുരാര്ചിത സുജാത സുഗംധി പുഷ്പ സൌരഭ്യ സൌരഭകരൌ സമസന്നിവേശൌ । സൌമ്യൌ സദാനുഭനേഽപി നവാനുഭാവ്യൌ ശ്രീവേംകടേശ ചരണൌ ശരണം പ്രപദ്യേ ॥ 3 ॥ സദ്യോവികാസി സമുദിത്ത്വര സാംദ്രരാഗ സൌരഭ്യനിര്ഭര സരോരുഹ സാമ്യവാര്താമ് । സമ്യക്ഷു സാഹസപദേഷു വിലേഖയംതൌ ശ്രീവേംകടേശ ചരണൌ ശരണം പ്രപദ്യേ ॥ 4 ॥ രേഖാമയ ധ്വജ സുധാകലശാതപത്ര വജ്രാംകുശാംബുരുഹ കല്പക ശംഖചക്രൈഃ । ഭവ്യൈരലംകൃതതലൌ പരതത്ത്വ ചിഹ്നൈഃ ശ്രീവേംകടേശ ചരണൌ ശരണം പ്രപദ്യേ ॥ 5 ॥ താമ്രോദരദ്യുതി പരാജിത പദ്മരാഗൌ ബാഹ്യൈര്-മഹോഭി രഭിഭൂത മഹേംദ്രനീലൌ । ഉദ്യ ന്നഖാംശുഭി രുദസ്ത ശശാംക ഭാസൌ ശ്രീവേംകടേശ ചരണൌ ശരണം പ്രപദ്യേ ॥ 6 ॥ സ പ്രേമഭീതി കമലാകര പല്ലവാഭ്യാം സംവാഹനേഽപി സപദി ക്ലമ മാധധാനൌ । കാംതാ നവാങ്മാനസ ഗോചര സൌകുമാര്യൌ ശ്രീവേംകടേശ ചരണൌ ശരണം പ്രപദ്യേ ॥ 7 ॥ ലക്ഷ്മീ മഹീ തദനുരൂപ നിജാനുഭാവ നീലാദി ദിവ്യ മഹിഷീ കരപല്ലവാനാമ് । ആരുണ്യ സംക്രമണതഃ കില സാംദ്രരാഗൌ ശ്രീവേംകടേശ ചരണൌ ശരണം പ്രപദ്യേ ॥ 8 ॥ നിത്യാനമദ്വിധി ശിവാദി കിരീടകോടി പ്രത്യുപ്ത ദീപ്ത നവരത്നമഹഃ പ്രരോഹൈഃ । നീരാജനാവിധി മുദാര മുപാദധാനൌ ശ്രീവേംകടേശ ചരണൌ ശരണം പ്രപദ്യേ ॥ 9 ॥ "വിഷ്ണോഃ പദേ പരമ" ഇത്യുദിത പ്രശംസൌ യൌ "മധ്വ ഉത്സ" ഇതി ഭോഗ്യ തയാഽപ്യുപാത്തൌ । ഭൂയസ്തഥേതി തവ പാണിതല പ്രദിഷ്ടൌ ശ്രീവേംകടേശ ചരണൌ ശരണം പ്രപദ്യേ ॥ 10 ॥ പാര്ഥായ തത്-സദൃശ സാരധിനാ ത്വയൈവ യൌ ദര്ശിതൌ സ്വചരണൌ ശരണം വ്രജേതി । ഭൂയോഽപി മഹ്യ മിഹ തൌ കരദര്ശിതൌ തേ ശ്രീവേംകടേശ ചരണൌ ശരണം പ്രപദ്യേ ॥ 11 ॥ മന്മൂര്ഥ്നി കാളിയഫനേ വികടാടവീഷു ശ്രീവേംകടാദ്രി ശിഖരേ ശിരസി ശ്രുതീനാമ് । ചിത്തേഽപ്യനന്യ മനസാം സമമാഹിതൌ തേ ശ്രീവേംകടേശ ചരണൌ ശരണം പ്രപദ്യേ ॥ 12 ॥ അമ്ലാന ഹൃഷ്യ ദവനീതല കീര്ണപുഷ്പൌ ശ്രീവേംകടാദ്രി ശിഖരാഭരണായ-മാനൌ । ആനംദിതാഖില മനോ നയനൌ തവൈ തൌ ശ്രീവേംകടേശ ചരണൌ ശരണം പ്രപദ്യേ ॥ 13 ॥ പ്രായഃ പ്രപന്ന ജനതാ പ്രഥമാവഗാഹ്യൌ മാതുഃ സ്തനാവിവ ശിശോ രമൃതായമാണൌ । പ്രാപ്തൌ പരസ്പര തുലാ മതുലാംതരൌ തേ ശ്രീവേംകടേശ ചരണൌ ശരണം പ്രപദ്യേ ॥ 14 ॥ സത്ത്വോത്തരൈഃ സതത സേവ്യപദാംബുജേന സംസാര താരക ദയാര്ദ്ര ദൃഗംചലേന । സൌമ്യോപയംതൃ മുനിനാ മമ ദര്ശിതൌ തേ ശ്രീവേംകടേശ ചരണൌ ശരണം പ്രപദ്യേ ॥ 15 ॥ ശ്രീശ ശ്രിയാ ഘടികയാ ത്വദുപായ ഭാവേ പ്രാപ്യേത്വയി സ്വയമുപേയ തയാ സ്ഫുരംത്യാ । നിത്യാശ്രിതായ നിരവദ്യ ഗുണായ തുഭ്യം സ്യാം കിംകരോ വൃഷഗിരീശ ന ജാതു മഹ്യമ് ॥ 16 ॥ ഇതി ശ്രീവേംകടേശ പ്രപത്തിഃ