हैंహైHaindavamஹிહિં
📍
Font Size:
ஶ்ரீ வேங்கடேஶ ஸஹஸ்ரநாம ஸ்தோத்ரம்
ஶ்ரீவஸிஷ்ட² உவாச ।
ப⁴க³வன் கேன விதி⁴னா நாமபி⁴ர்வேங்கடேஶ்வரம் ।
பூஜயாமாஸ தம்ʼ தே³வம்ʼ ப்³ரஹ்மா து கமலை꞉ ஶுபை⁴꞉ ॥ 1 ॥
ப்ருʼச்சா²மி தானி நாமானி கு³ணயோக³பராணி கிம் ।
முக்²யவ்ருʼத்தீனி கிம்ʼ ப்³ரூஹி லக்ஷகாண்யத²வா ஹரே꞉ ॥ 2 ॥
நாரத³ உவாச ।
நாமான்யனந்தானி ஹரே꞉ கு³ணயோகா³னி கானி சித் ।
முக்²யவ்ருʼத்தீனி சான்யானி லக்ஷகாண்யபராணி ச ॥ 3 ॥
பரமார்தை²꞉ ஸர்வஶப்³தை³ரேகோ ஜ்ஞேய꞉ பர꞉ புமான் ।
ஆதி³மத்⁴யாந்தரஹிதஸ்த்வவ்யக்தோ(அ)னந்தரூபப்⁴ருʼத் ॥ 4 ॥
சந்த்³ரார்கவஹ்னிவாய்வாத்³யா க்³ரஹர்க்ஷாணி நபோ⁴ தி³ஶ꞉ ।
அன்வயவ்யதிரேகாப்⁴யாம்ʼ ஸந்தி நோ ஸந்தி யன்மதே꞉ ॥ 5 ॥
தஸ்ய தே³வஸ்ய நாம்னாம்ʼ ஹி பாரம்ʼ க³ந்தும்ʼ ஹி க꞉ க்ஷம꞉ ।
ததா²(அ)பி சாபி⁴தா⁴னானி வேங்கடேஶஸ்ய கானிசித் ॥ 6 ॥
ப்³ரஹ்மகீ³தானி புண்யானி தானி வக்ஷ்யாமி ஸுவ்ரத ।
யது³ச்சாரணமாத்ரேண விமுக்தாக⁴꞉ பரம்ʼ வ்ரஜேத் ॥ 7 ॥
வேங்கடேஶஸ்ய நாம்னாம்ʼ ஹி ஸஹஸ்ரஸ்ய ருʼஷிர்விதி⁴꞉ ।
ச²ந்தோ³(அ)னுஷ்டுப்ததா² தே³வ꞉ ஶ்ரீவத்ஸாங்கோ ரமாபதி꞉ ॥ 8 ॥
பீ³ஜபூ⁴தஸ்ததோ²ங்காரோ ஹ்ரீம்ʼ க்லீம்ʼ ஶக்திஶ்ச கீலகம் ।
ஓம்ʼ நமோ வேங்கடேஶாயேத்யாதி³ர்மந்த்ரோ(அ)த்ர கத்²யதே ॥ 9 ॥
ப்³ரஹ்மாண்ட³க³ர்ப⁴꞉ கவசமஸ்த்ரம்ʼ சக்ரக³தா³த⁴ர꞉ ।
விநியோகோ³(அ)பீ⁴ஷ்டஸித்³தௌ⁴ ஹ்ருʼத³யம்ʼ ஸாமகா³யன꞉ ॥ 10 ॥
அஸ்ய ஶ்ரீ வேங்கடேஶ ஸஹஸ்ரநாம ஸ்தோத்ர மஹாமந்த்ரஸ்ய ப்³ரஹ்மா ருʼஷி꞉ அனுஷ்டுப் ச²ந்த³꞉ ஶ்ரீவத்ஸாங்கோ ரமாபதிர்தே³வதா ஓம்ʼ பீ³ஜம்ʼ ஹ்ரீம்ʼ ஶக்தி꞉ க்லீம்ʼ கீலகம்ʼ ப்³ரஹ்மாண்ட³க³ர்ப⁴ இதி கவசம்ʼ சக்ரக³தா³த⁴ர இத்யஸ்த்ரம்ʼ ஸாமகா³னமிதி ஹ்ருʼத³யம்ʼ ஓம்ʼ நமோ வேங்கடேஶாயேத்யாதி³ர்மந்த்ர꞉ ஶ்ரீ வேங்கடேஶ ப்ரீத்யர்தே² ஜபே விநியோக³꞉ ॥
த்⁴யானம் ।
பா⁴ஸ்வச்சந்த்³ரமஸௌ யதீ³யநயனே பா⁴ர்யா யதீ³யா ரமா
யஸ்மாத்³விஶ்வஸ்ருʼட³ப்யபூ⁴த்³யமிகுலம்ʼ யத்³த்⁴யானயுக்தம்ʼ ஸதா³
நாதோ² யோ ஜக³தாம்ʼ நகே³ந்த்³ரது³ஹிதுர்நாதோ²(அ)பி யத்³ப⁴க்திமான்
தாதோ யோ மத³னஸ்ய யோ து³ரிதஹா தம்ʼ வேங்கடேஶம்ʼ ப⁴ஜே ॥
ஊர்த்⁴வௌ ஹஸ்தௌ யதீ³யௌ ஸுரரிபுத³லனே பி³ப்⁴ரதௌ ஶங்க²சக்ரே
ஸேவ்யாவங்க்⁴ரீ ஸ்வகீயாவபி⁴த³த⁴த³த⁴ரோ த³க்ஷிணோ யஸ்ய பாணி꞉ ।
தாவன்மாத்ரம்ʼ ப⁴வாப்³தி⁴ம்ʼ க³மயதி ப⁴ஜதாமூருகோ³ வாமபாணி꞉
ஶ்ரீவத்ஸாங்கஶ்ச லக்ஷ்மீர்யது³ரஸி லஸதஸ்தம்ʼ ப⁴ஜே வேங்கடேஶம் ॥
இதி த்⁴யாயன் வேங்கடேஶம்ʼ ஶ்ரீவத்ஸாங்கம்ʼ ரமாபதிம் ।
வேங்கடேஶோ விரூபாக்ஷ இத்யாரப்⁴ய ஜபேத்க்ரமாத் ॥
(ஸ்தோத்ரம்)
ஓம்ʼ வேங்கடேஶோ விரூபாக்ஷோ விஶ்வேஶோ விஶ்வபா⁴வன꞉ ।
விஶ்வஸ்ருʼட்³விஶ்வஸம்ʼஹர்தா விஶ்வப்ராணோ விராட்³வபு꞉ ॥ 1 ॥
ஶேஷாத்³ரிநிலயோ(அ)ஶேஷப⁴க்தது³꞉க²ப்ரணாஶன꞉ ।
ஶேஷஸ்துத்ய꞉ ஶேஷஶாயீ விஶேஷஜ்ஞோ விபு⁴꞉ ஸ்வபூ⁴꞉ ॥ 2 ॥
விஷ்ணுர்ஜிஷ்ணுஶ்ச வர்தி⁴ஷ்ணுருத்ஸஹிஷ்ணு꞉ ஸஹிஷ்ணுக꞉ ।
ப்⁴ராஜிஷ்ணுஶ்ச க்³ரஸிஷ்ணுஶ்ச வர்திஷ்ணுஶ்ச ப⁴ரிஷ்ணுக꞉ ॥ 3 ॥
காலயந்தா காலகோ³ப்தா கால꞉ காலாந்தகோ(அ)கி²ல꞉ ।
காலக³ம்ய꞉ காலகண்ட²வந்த்³ய꞉ காலகலேஶ்வர꞉ ॥ 4 ॥
ஶம்பு⁴꞉ ஸ்வயம்பூ⁴ரம்போ⁴ஜநாபி⁴꞉ ஸ்தம்பி⁴தவாரிதி⁴꞉ ।
அம்போ⁴தி⁴னந்தி³னீஜானி꞉ ஶோணாம்போ⁴ஜபத³ப்ரப⁴꞉ ॥ 5 ॥
கம்பு³க்³ரீவ꞉ ஶம்ப³ராரிரூப꞉ ஶம்ப³ரஜேக்ஷண꞉ ।
பி³ம்பா³த⁴ரோ பி³ம்ப³ரூபீ ப்ரதிபி³ம்ப³க்ரியாதிக³꞉ ॥ 6 ॥
கு³ணவான் கு³ணக³ம்யஶ்ச கு³ணாதீதோ கு³ணப்ரிய꞉ ।
து³ர்கு³ணத்⁴வம்ʼஸக்ருʼத்ஸர்வஸுகு³ணோ கு³ணபா⁴ஸக꞉ ॥ 7 ॥
பரேஶ꞉ பரமாத்மா ச பரஞ்ஜ்யோதி꞉ பரா க³தி꞉ ।
பரம்ʼ பத³ம்ʼ வியத்³வாஸா꞉ பாரம்பர்யஶுப⁴ப்ரத³꞉ ॥ 8 ॥
ப்³ரஹ்மாண்ட³க³ர்போ⁴ ப்³ரஹ்மண்யோ ப்³ரஹ்மஸ்ருʼட்³ப்³ரஹ்மபோ³தி⁴த꞉ ।
ப்³ரஹ்மஸ்துத்யோ ப்³ரஹ்மவாதீ³ ப்³ரஹ்மசர்யபராயண꞉ ॥ 9 ॥
ஸத்யவ்ரதார்த²ஸந்துஷ்ட꞉ ஸத்யரூபீ ஜ²ஷாங்க³வான் ।
ஸோமகப்ராணஹாரீ சா(ஆ)நீதாம்னாயோ(அ)ப்³தி⁴ஸஞ்சர꞉ ॥ 10 ॥
தே³வாஸுரவரஸ்துத்ய꞉ பதன்மந்த³ரதா⁴ரக꞉ ।
த⁴ன்வந்தரி꞉ கச்ச²பாங்க³꞉ பயோநிதி⁴விமந்த²க꞉ ॥ 11 ॥
அமராம்ருʼதஸந்தா⁴தா த்⁴ருʼதஸம்ʼமோஹினீவபு꞉ ।
ஹரமோஹகமாயாவீ ரக்ஷஸ்ஸந்தோ³ஹப⁴ஞ்ஜன꞉ ॥ 12 ॥
ஹிரண்யாக்ஷவிதா³ரீ ச யஜ்ஞோ யஜ்ஞவிபா⁴வன꞉ ।
யஜ்ஞீயோர்வீஸமுத்³த⁴ர்தா லீலாக்ரோட³꞉ ப்ரதாபவான் ॥ 13 ॥
த³ண்ட³காஸுரவித்⁴வம்ʼஸீ வக்ரத³ம்ʼஷ்ட்ர꞉ க்ஷமாத⁴ர꞉ ।
க³ந்த⁴ர்வஶாபஹரண꞉ புண்யக³ந்தோ⁴ விசக்ஷண꞉ ॥ 14 ॥
கராலவக்த்ர꞉ ஸோமார்கநேத்ர꞉ ஷட்³கு³ணவைப⁴வ꞉ ।
ஶ்வேதகோ⁴ணீ கூ⁴ர்ணிதப்⁴ரூர்கு⁴ர்கு⁴ரத்⁴வனிவிப்⁴ரம꞉ ॥ 15 ॥
த்³ராகீ⁴யான் நீலகேஶீ ச ஜாக்³ரத³ம்பு³ஜலோசன꞉ ।
க்⁴ருʼணாவான் க்⁴ருʼணிஸம்மோஹோ மஹாகாலாக்³னிதீ³தி⁴தி꞉ ॥ 16 ॥
ஜ்வாலாகராலவத³னோ மஹோல்காகுலவீக்ஷண꞉ ।
ஸடாநிர்பி⁴ன்னமேகௌ⁴கோ⁴ த³ம்ʼஷ்ட்ராருக்³வ்யாப்ததி³க்தட꞉ ॥ 17 ॥
உச்ச்²வாஸாக்ருʼஷ்டபூ⁴தேஶோ நிஶ்ஶ்வாஸத்யக்தவிஶ்வஸ்ருʼட் ।
அந்தர்ப்⁴ரமஜ்ஜக³த்³க³ர்போ⁴(அ)னந்தோ ப்³ரஹ்மகபாலஹ்ருʼத் ॥ 18 ॥
உக்³ரோ வீரோ மஹாவிஷ்ணுர்ஜ்வலன꞉ ஸர்வதோமுக²꞉ ।
ந்ருʼஸிம்ʼஹோ பீ⁴ஷணோ ப⁴த்³ரோ ம்ருʼத்யும்ருʼத்யு꞉ ஸனாதன꞉ ॥ 19 ॥
ஸபா⁴ஸ்தம்போ⁴த்³ப⁴வோ பீ⁴ம꞉ ஶீரோமாலீ மஹேஶ்வர꞉ ।
த்³வாத³ஶாதி³த்யசூடா³ல꞉ கல்பதூ⁴மஸடாச்ச²வி꞉ ॥ 20 ॥
ஹிரண்யகோர꞉ஸ்த²லபி⁴ந்நக²꞉ ஸிம்ʼஹமுகோ²(அ)னக⁴꞉ ।
ப்ரஹ்லாத³வரதோ³ தீ⁴மான் ப⁴க்தஸங்க⁴ப்ரதிஷ்டி²த꞉ ॥ 21 ॥
ப்³ரஹ்மருத்³ராதி³ஸம்ʼஸேவ்ய꞉ ஸித்³த⁴ஸாத்⁴யப்ரபூஜித꞉ ।
லக்ஷ்மீந்ருʼஸிம்ʼஹோ தே³வேஶோ ஜ்வாலாஜிஹ்வாந்த்ரமாலிக꞉ ॥ 22 ॥
க²ட்³கீ³ கே²டீ மஹேஷ்வாஸீ கபாலீ முஸலீ ஹலீ ।
பாஶீ ஶூலீ மஹாபா³ஹுர்ஜ்வரக்⁴னோ ரோக³லுண்ட²க꞉ ॥ 23 ॥
மௌஞ்ஜீயுக் சா²த்ரகோ த³ண்டீ³ க்ருʼஷ்ணாஜினத⁴ரோ வடு꞉ ।
அதீ⁴தவேதோ³ வேதா³ந்தோத்³தா⁴ரகோ ப்³ரஹ்மநைஷ்டி²க꞉ ॥ 24 ॥
அஹீனஶயனப்ரீத꞉ ஆதி³தேயோ(அ)னகோ⁴ ஹரி꞉ ।
ஸம்ʼவித்ப்ரிய꞉ ஸாமவேத்³யோ ப³லிவேஶ்மப்ரதிஷ்டி²த꞉ ॥ 25 ॥
ப³லிக்ஷாலிதபாதா³ப்³ஜோ விந்த்⁴யாவலிவிமானித꞉ ।
த்ரிபாத³பூ⁴மிஸ்வீகர்தா விஶ்வரூபப்ரத³ர்ஶக꞉ ॥ 26 ॥
த்⁴ருʼதத்ரிவிக்ரம꞉ ஸ்வாங்க்⁴ரிநக²பி⁴ன்னாண்ட³க²ர்பர꞉ ।
பஜ்ஜாதவாஹினீதா⁴ராபவித்ரிதஜக³த்த்ரய꞉ ॥ 27 ॥
விதி⁴ஸம்மானித꞉ புண்யோ தை³த்யயோத்³தா⁴ ஜயோர்ஜித꞉ ।
ஸுரராஜ்யப்ரத³꞉ ஶுக்ரமத³ஹ்ருʼத்ஸுக³தீஶ்வர꞉ ॥ 28 ॥
ஜாமத³க்³ன்ய꞉ குடா²ரீ ச கார்தவீர்யவிதா³ரண꞉ ।
ரேணுகாயா꞉ ஶிரோஹாரீ து³ஷ்டக்ஷத்ரியமர்த³ன꞉ ॥ 29 ॥
வர்சஸ்வீ தா³னஶீலஶ்ச த⁴னுஷ்மான் ப்³ரஹ்மவித்தம꞉ ।
அத்யுத³க்³ர꞉ ஸமக்³ரஶ்ச ந்யக்³ரோதோ⁴ து³ஷ்டநிக்³ரஹ꞉ ॥ 30 ॥
ரவிவம்ʼஶஸமுத்³பூ⁴தோ ராக⁴வோ ப⁴ரதாக்³ரஜ꞉ ।
கௌஸல்யாதனயோ ராமோ விஶ்வாமித்ரப்ரியங்கர꞉ ॥ 31 ॥
தாடகாரி꞉ ஸுபா³ஹுக்⁴னோ ப³லாதிப³லமந்த்ரவான் ।
அஹல்யாஶாபவிச்சே²தீ³ ப்ரவிஷ்டஜனகாலய꞉ ॥ 32 ॥
ஸ்வயம்ʼவரஸபா⁴ஸம்ʼஸ்த² ஈஶசாபப்ரப⁴ஞ்ஜன꞉ ।
ஜானகீபரிணேதா ச ஜனகாதீ⁴ஶஸம்ʼஸ்துத꞉ ॥ 33 ॥
ஜமத³க்³னிதனூஜாதயோத்³தா⁴(அ)யோத்⁴யாதி⁴பாக்³ரணீ꞉ ।
பித்ருʼவாக்யப்ரதீபாலஸ்த்யக்தராஜ்ய꞉ ஸலக்ஷ்மண꞉ ॥ 34 ॥
ஸஸீதஶ்சித்ரகூடஸ்தோ² ப⁴ரதாஹிதராஜ்யக꞉ ।
காகத³ர்பப்ரஹர்தா ச த³ண்ட³காரண்யவாஸக꞉ ॥ 35 ॥
பஞ்சவட்யாம்ʼ விஹாரீ ச ஸ்வத⁴ர்மபரிபோஷக꞉ ।
விராத⁴ஹா(அ)க³ஸ்த்யமுக்²யமுநிஸம்மானித꞉ புமான் ॥ 36 ॥
இந்த்³ரசாபத⁴ர꞉ க²ட்³க³த⁴ரஶ்சாக்ஷயஸாயக꞉ ।
க²ராந்தகோ தூ³ஷணாரிஸ்த்ரிஶிரஸ்கரிபுர்வ்ருʼஷ꞉ ॥ 37 ॥
தத꞉ ஶூர்பணகா²னாஸாச்சே²த்தா வல்கலதா⁴ரக꞉ ।
ஜடாவான் பர்ணஶாலாஸ்தோ² மாரீசப³லமர்த³க꞉ ॥ 38 ॥
பக்ஷிராட்க்ருʼதஸம்ʼவாதோ³ ரவிதேஜா மஹாப³ல꞉ ।
ஶப³ர்யானீதப²லபு⁴க் ஹனூமத்பரிதோஷித꞉ ॥ 39 ॥
ஸுக்³ரீவா(அ)ப⁴யதோ³ தை³த்யகாயக்ஷேபணபா⁴ஸுர꞉ ।
ஸப்ததாலஸமுச்சே²த்தா வாலிஹ்ருʼத்கபிஸம்ʼவ்ருʼத꞉ ॥ 40 ॥
வாயுஸூனுக்ருʼதாஸேவஸ்த்யக்தபம்ப꞉ குஶாஸன꞉ ।
உத³ன்வத்தீரக³꞉ ஶூரோ விபீ⁴ஷணவரப்ரத³꞉ ॥ 41 ॥
ஸேதுக்ருʼத்³தை³த்யஹா ப்ராப்தலங்கோ(அ)லங்காரவான் ஸ்வயம் ।
அதிகாயஶிரஶ்சே²த்தா கும்ப⁴கர்ணவிபே⁴த³ன꞉ ॥ 42 ॥
த³ஶகண்ட²ஶிரோத்⁴வம்ʼஸீ ஜாம்ப³வத்ப்ரமுகா²வ்ருʼத꞉ ।
ஜானகீஶ꞉ ஸுராத்⁴யக்ஷ꞉ ஸாகேதேஶ꞉ புராதன꞉ ॥ 43 ॥
புண்யஶ்லோகோ வேத³வேத்³ய꞉ ஸ்வாமிதீர்த²நிவாஸக꞉ ।
லக்ஷ்மீஸர꞉கேலிலோலோ லக்ஷ்மீஶோ லோகரக்ஷக꞉ ॥ 44 ॥
தே³வகீக³ர்ப⁴ஸம்பூ⁴தோ யஶோதே³க்ஷணலாலித꞉ ।
வஸுதே³வக்ருʼதஸ்தோத்ரோ நந்த³கோ³பமனோஹர꞉ ॥ 45 ॥
சதுர்பு⁴ஜ꞉ கோமலாங்கோ³ க³தா³வாந்நீலகுந்தல꞉ ।
பூதனாப்ராணஸம்ʼஹர்தா த்ருʼணாவர்தவிநாஶன꞉ ॥ 46 ॥
க³ர்கா³ரோபிதநாமாங்கோ வாஸுதே³வோ ஹ்யதோ⁴க்ஷஜ꞉ ।
கோ³பிகாஸ்தன்யபாயீ ச ப³லப⁴த்³ரானுஜோ(அ)ச்யுத꞉ ॥ 47 ॥
வையாக்⁴ரநக²பூ⁴ஷஶ்ச வத்ஸஜித்³வத்ஸவர்த⁴ன꞉ ।
க்ஷீரஸாராஶனரதோ த³தி⁴பா⁴ண்ட³ப்ரமர்த³ன꞉ ॥ 48 ॥
நவனீதாபஹர்தா ச நீலநீரத³பா⁴ஸுர꞉ ।
ஆபீ⁴ரத்³ருʼஷ்டதௌ³ர்ஜன்யோ நீலபத்³மனிபா⁴னன꞉ ॥ 49 ॥
மாத்ருʼத³ர்ஶிதவிஶ்வா(ஆ)ஸ்ய உலூக²லநிப³ந்த⁴ன꞉ ।
நலகூப³ரஶாபாந்தோ கோ³தூ⁴லிச்சு²ரிதாங்க³க꞉ ॥ 50 ॥
கோ³ஸங்க⁴ரக்ஷக꞉ ஶ்ரீஶோ ப்³ருʼந்தா³ரண்யநிவாஸக꞉ ।
வத்ஸாந்தகோ ப³கத்³வேஷீ தை³த்யாம்பு³த³மஹானில꞉ ॥ 51 ॥
மஹாஜக³ரசண்டா³க்³னி꞉ ஶகடப்ராணகண்டக꞉ ।
இந்த்³ரஸேவ்ய꞉ புண்யகா³த்ர꞉ க²ரஜிச்சண்ட³தீ³தி⁴தி꞉ ॥ 52 ॥
தாலபக்வப²லாஶீ ச காலீயப²ணித³ர்பஹா ।
நாக³பத்னீஸ்துதிப்ரீத꞉ ப்ரலம்பா³ஸுரக²ண்ட³ன꞉ ॥ 53 ॥
தா³வாக்³னிப³லஸம்ʼஹாரீ ப²லாஹாரீ க³தா³க்³ரஜ꞉ ।
கோ³பாங்க³னாசேலசோர꞉ பாதோ²லீலாவிஶாரத³꞉ ॥ 54 ॥
வம்ʼஶகா³னப்ரவீணஶ்ச கோ³பீஹஸ்தாம்பு³ஜார்சித꞉ ।
முனிபத்ன்யாஹ்ருʼதாஹாரோ முநிஶ்ரேஷ்டோ² முனிப்ரிய꞉ ॥ 55 ॥
கோ³வர்த⁴நாத்³ரிஸந்த⁴ர்தா ஸங்க்ரந்த³னதமோ(அ)பஹ꞉ ।
ஸது³த்³யானவிலாஸீ ச ராஸக்ரீடா³பராயண꞉ ॥ 56 ॥
வருணாப்⁴யர்சிதோ கோ³பீப்ரார்தி²த꞉ புருஷோத்தம꞉ ।
அக்ரூரஸ்துதிஸம்ப்ரீத꞉ குப்³ஜாயௌவனதா³யக꞉ ॥ 57 ॥
முஷ்டிகோர꞉ப்ரஹாரீ ச சாணூரோத³ரதா³ரண꞉ ।
மல்லயுத்³தா⁴க்³ரக³ண்யஶ்ச பித்ருʼப³ந்த⁴நமோசக꞉ ॥ 58 ॥
மத்தமாதங்க³பஞ்சாஸ்ய꞉ கம்ʼஸக்³ரீவாநிக்ருʼந்தன꞉ ।
உக்³ரஸேனப்ரதிஷ்டா²தா ரத்னஸிம்ʼஹாஸனஸ்தி²த꞉ ॥ 59 ॥
காலனேமிக²லத்³வேஷீ முசுகுந்த³வரப்ரத³꞉ ।
ஸால்வஸேவிதது³ர்த⁴ர்ஷராஜஸ்மயநிவாரண꞉ ॥ 60 ॥
ருக்மிக³ர்வாபஹாரீ ச ருக்மிணீநயனோத்ஸவ꞉ ।
ப்ரத்³யும்னஜனக꞉ காமீ ப்ரத்³யும்னோ த்³வாரகாதி⁴ப꞉ ॥ 61 ॥
மண்யாஹர்தா மஹாமாயோ ஜாம்ப³வத்க்ருʼதஸங்க³ர꞉ ।
ஜாம்பூ³னதா³ம்ப³ரத⁴ரோ க³ம்யோ ஜாம்ப³வதீவிபு⁴꞉ ॥ 62 ॥
காலிந்தீ³ப்ரதி²தாராமகேலிர்கு³ஞ்ஜாவதம்ʼஸக꞉ ।
மந்தா³ரஸுமனோபா⁴ஸ்வான் ஶசீஶாபீ⁴ஷ்டதா³யக꞉ ॥ 63 ॥
ஸத்ராஜின்மானஸோல்லாஸீ ஸத்யாஜானி꞉ ஶுபா⁴வஹ꞉ ।
ஶதத⁴ன்வஹர꞉ ஸித்³த⁴꞉ பாண்ட³வப்ரியகோத்ஸவ꞉ ॥ 64 ॥
ப⁴த்³ரப்ரிய꞉ ஸுப⁴த்³ராயா ப்⁴ராதா நாக்³னாஜிதீவிபு⁴꞉ ।
கிரீடகுண்ட³லத⁴ர꞉ கல்பபல்லவலாலித꞉ ॥ 65 ॥
பை⁴ஷ்மீப்ரணயபா⁴ஷாவான் மித்ரவிந்தா³தி⁴போ(அ)ப⁴ய꞉ ।
ஸ்வமூர்திகேலிஸம்ப்ரீதோ லக்ஷ்மணோதா³ரமானஸ꞉ ॥ 66 ॥
ப்ராக்³ஜ்யோதிஷாதி⁴பத்⁴வம்ʼஸீ தத்ஸைன்யாந்தகரோ(அ)ம்ருʼத꞉ ।
பூ⁴மிஸ்துதோ பூ⁴ரிபோ⁴கோ³ பூ⁴ஷணாம்ப³ரஸம்யுத꞉ ॥ 67 ॥
ப³ஹுராமாக்ருʼதாஹ்லாதோ³ க³ந்த⁴மால்யானுலேபன꞉ ।
நாரதா³த்³ருʼஷ்டசரிதோ தே³வேஶோ விஶ்வராட்³கு³ரு꞉ ॥ 68 ॥
பா³ணபா³ஹுவிதா³ரஶ்ச தாபஜ்வரவிநாஶக꞉ ।
உஷோத்³த⁴ர்ஷயிதா(அ)வ்யக்த꞉ ஶிவவாக்துஷ்டமானஸ꞉ ॥ 69 ॥
மஹேஶஜ்வரஸம்ʼஸ்துத்ய꞉ ஶீதஜ்வரப⁴யாந்தக꞉ ।
ந்ருʼக³ராஜோத்³தா⁴ரகஶ்ச பௌண்ட்³ரகாதி³வதோ⁴த்³யத꞉ ॥ 70 ॥
விவிதா⁴ரிச்ச²லோத்³விக்³னப்³ராஹ்மணேஷு த³யாபர꞉ ।
ஜராஸந்த⁴ப³லத்³வேஷீ கேஶிதை³த்யப⁴யங்கர꞉ ॥ 71 ॥
சக்ரீ சைத்³யாந்தக꞉ ஸப்⁴யோ ராஜப³ந்த⁴விமோசக꞉ ।
ராஜஸூயஹவிர்போ⁴க்தா ஸ்னிக்³தா⁴ங்க³꞉ ஶுப⁴லக்ஷண꞉ ॥ 72 ॥
தா⁴நாப⁴க்ஷணஸம்ப்ரீத꞉ குசேலாபீ⁴ஷ்டதா³யக꞉ ।
ஸத்த்வாதி³கு³ணக³ம்பீ⁴ரோ த்³ரௌபதீ³மாநரக்ஷக꞉ ॥ 73 ॥
பீ⁴ஷ்மத்⁴யேயோ ப⁴க்தவஶ்யோ பீ⁴மபூஜ்யோ த³யாநிதி⁴꞉ ।
த³ந்தவக்த்ரஶிரஶ்சே²த்தா க்ருʼஷ்ண꞉ க்ருʼஷ்ணாஸக²꞉ ஸ்வராட் ॥ 74 ॥
வைஜயந்தீப்ரமோதீ³ ச ப³ர்ஹிப³ர்ஹவிபூ⁴ஷண꞉ ।
பார்த²கௌரவஸந்தா⁴னகாரீ து³ஶ்ஶாஸனாந்தக꞉ ॥ 75 ॥
பு³த்³தோ⁴ விஶுத்³த⁴꞉ ஸர்வஜ்ஞ꞉ க்ரதுஹிம்ʼஸாவினிந்த³க꞉ ।
த்ரிபுரஸ்த்ரீமானப⁴ங்க³꞉ ஸர்வஶாஸ்த்ரவிஶாரத³꞉ ॥ 76 ॥
நிர்விகாரோ நிர்மமஶ்ச நிராபா⁴ஸோ நிராமய꞉ ।
ஜக³ன்மோஹகத⁴ர்மீ ச தி³க்³வஸ்த்ரோ தி³க்பதீஶ்வர꞉ ॥ 77 ॥
கல்கீ ம்லேச்ச²ப்ரஹர்தா ச து³ஷ்டநிக்³ரஹகாரக꞉ ।
த⁴ர்மப்ரதிஷ்டாகாரீ ச சாதுர்வர்ண்யவிபா⁴க³க்ருʼத் ॥ 78 ॥
யுகா³ந்தகோ யுகா³க்ராந்தோ யுக³க்ருʼத்³யுக³பா⁴ஸக꞉ ।
காமாரி꞉ காமகாரீ ச நிஷ்காம꞉ காமிதார்த²த³꞉ ॥ 79 ॥
ப⁴ர்கோ³ வரேண்ய꞉ ஸவிது꞉ ஶார்ங்கீ³ வைகுண்ட²மந்தி³ர꞉ ।
ஹயக்³ரீவ꞉ கைடபா⁴ரி꞉ க்³ராஹக்⁴னோ க³ஜரக்ஷக꞉ ॥ 80 ॥
ஸர்வஸம்ʼஶயவிச்சே²த்தா ஸர்வப⁴க்தஸமுத்ஸுக꞉ ।
கபர்தீ³ காமஹாரீ ச கலா காஷ்டா² ஸ்ம்ருʼதிர்த்⁴ருʼதி꞉ ॥ 81 ॥
அநாதி³ரப்ரமேயௌஜா꞉ ப்ரதா⁴ன꞉ ஸந்நிரூபக꞉ ।
நிர்லேபோ நி꞉ஸ்ப்ருʼஹோ(அ)ஸங்கோ³ நிர்ப⁴யோ நீதிபாரக³꞉ ॥ 82 ॥
நிஷ்ப்ரேஷ்யோ நிஷ்க்ரிய꞉ ஶாந்தோ நிஷ்ப்ரபஞ்சோ நிதி⁴ர்னய꞉
கர்ம்யகர்மீ விகர்மீ ச கர்மேப்ஸு꞉ கர்மபா⁴வன꞉ ॥ 83 ॥
கர்மாங்க³꞉ கர்மவிந்யாஸோ மஹாகர்மீ மஹாவ்ரதீ ।
கர்மபு⁴க்கர்மப²லத³꞉ கர்மேஶ꞉ கர்மநிக்³ரஹ꞉ ॥ 84 ॥
நரோ நாராயணோ தா³ந்த꞉ கபில꞉ காமத³꞉ ஶுசி꞉ ।
தப்தா ஜப்தா(அ)க்ஷமாலாவான் க³ந்தா நேதா லயோ க³தி꞉ ॥ 85 ॥
ஶிஷ்டோ த்³ரஷ்டா ரிபுத்³வேஷ்டா ரோஷ்டா வேஷ்டா மஹானட꞉ ।
ரோத்³தா⁴ போ³த்³தா⁴ மஹாயோத்³தா⁴ ஶ்ரத்³தா⁴வான் ஸத்யதீ⁴꞉ ஶுப⁴꞉ ॥ 86 ॥
மந்த்ரீ மந்த்ரோ மந்த்ரக³ம்யோ மந்த்ரக்ருʼத்பரமந்த்ரஹ்ருʼத் ।
மந்த்ரப்⁴ருʼன்மந்த்ரப²லதோ³ மந்த்ரேஶோ மந்த்ரவிக்³ரஹ꞉ ॥ 87 ॥
மந்த்ராங்கோ³ மந்த்ரவிந்யாஸோ மஹாமந்த்ரோ மஹாக்ரம꞉ ।
ஸ்தி²ரதீ⁴꞉ ஸ்தி²ரவிஜ்ஞான꞉ ஸ்தி²ரப்ரஜ்ஞ꞉ ஸ்தி²ராஸன꞉ ॥ 88 ॥
ஸ்தி²ரயோக³꞉ ஸ்தி²ராதா⁴ர꞉ ஸ்தி²ரமார்க³꞉ ஸ்தி²ராக³ம꞉ ।
நிஶ்ஶ்ரேயஸோ நிரீஹோ(அ)க்³நிர்நிரவத்³யோ நிரஞ்ஜன꞉ ॥ 89 ॥
நிர்வைரோ நிரஹங்காரோ நிர்த³ம்போ⁴ நிரஸூயக꞉ ।
அனந்தோ(அ)னந்தபா³ஹூருரனந்தாங்க்⁴ரிரனந்தத்³ருʼக் ॥ 90 ॥
அனந்தவக்த்ரோ(அ)னந்தாங்கோ³(அ)னந்தரூபோ ஹ்யனந்தக்ருʼத் ।
ஊர்த்⁴வரேதா ஊர்த்⁴வலிங்கோ³ ஹ்யூர்த்⁴வமூர்தோ⁴ர்த்⁴வஶாக²க꞉ ॥ 91 ॥
ஊர்த்⁴வ ஊர்த்⁴வாத்⁴வரக்ஷீ ச ஹ்யூர்த்⁴வஜ்வாலோ நிராகுல꞉ ।
பீ³ஜம்ʼ பீ³ஜப்ரதோ³ நித்யோ நிதா³னம்ʼ நிஷ்க்ருʼதி꞉ க்ருʼதீ ॥ 92 ॥
மஹானணீயன் க³ரிமா ஸுஷமா சித்ரமாலிக꞉ ।
நப⁴꞉ ஸ்ப்ருʼங்னப⁴ஸோ ஜ்யோதிர்னப⁴ஸ்வாந்நிர்னபா⁴ நப⁴꞉ ॥ 93 ॥
அபு⁴ர்விபு⁴꞉ ப்ரபு⁴꞉ ஶம்பு⁴ர்மஹீயான் பூ⁴ர்பு⁴வாக்ருʼதி꞉ ।
மஹானந்தோ³ மஹாஶூரோ மஹோராஶிர்மஹோத்ஸவ꞉ ॥ 94 ॥
மஹாக்ரோதோ⁴ மஹாஜ்வாலோ மஹாஶாந்தோ மஹாகு³ண꞉ ।
ஸத்யவ்ரத꞉ ஸத்யபர꞉ ஸத்யஸந்த⁴꞉ ஸதாம்ʼ க³தி꞉ ॥ 95 ॥
ஸத்யேஶ꞉ ஸத்யஸங்கல்ப꞉ ஸத்யசாரித்ரலக்ஷண꞉ ।
அந்தஶ்சரோ ஹ்யந்தராத்மா பரமாத்மா சிதா³த்மக꞉ ॥ 96 ॥
ரோசனோ ரோசமானஶ்ச ஸாக்ஷீ ஶௌரிர்ஜனார்த³ன꞉ ।
முகுந்தோ³ நந்த³நிஷ்பந்த³꞉ ஸ்வர்ணபி³ந்து³꞉ புரந்த³ர꞉ ॥ 97 ॥
அரிந்த³ம꞉ ஸுமந்த³ஶ்ச குந்த³மந்தா³ரஹாஸவான் ।
ஸ்யந்த³னாரூட⁴சண்டா³ங்கோ³ ஹ்யானந்தீ³ நந்த³நந்த³ன꞉ ॥ 98 ॥
அனஸூயாநந்த³னோ(அ)த்ரிநேத்ரானந்த³꞉ ஸுனந்த³வான் ।
ஶங்க²வான்பங்கஜகர꞉ குங்குமாங்கோ ஜயாங்குஶ꞉ ॥ 99 ॥
அம்போ⁴ஜமகரந்தா³ட்⁴யோ நிஷ்பங்கோ(அ)க³ருபங்கில꞉ ।
இந்த்³ரஶ்சந்த்³ரரத²ஶ்சந்த்³ரோ(அ)திசந்த்³ரஶ்சந்த்³ரபா⁴ஸக꞉ ॥ 100 ॥
உபேந்த்³ர இந்த்³ரராஜஶ்ச வாகி³ந்த்³ரஶ்சந்த்³ரலோசன꞉ ।
ப்ரத்யக் பராக் பரந்தா⁴ம பரமார்த²꞉ பராத்பர꞉ ॥ 101 ॥
அபாரவாக் பாரகா³மீ பாராவார꞉ பராவர꞉ ।
ஸஹஸ்வானர்த²தா³தா ச ஸஹன꞉ ஸாஹஸீ ஜயீ ॥ 102 ॥
தேஜஸ்வீ வாயுவிஶிகீ² தபஸ்வீ தாபஸோத்தம꞉ ।
ஐஶ்வர்யோத்³பூ⁴திக்ருʼத்³பூ⁴திரைஶ்வர்யாங்க³கலாபவான் ॥ 103 ॥
அம்போ⁴தி⁴ஶாயீ ப⁴க³வான் ஸர்வஜ்ஞ꞉ ஸாமபாரக³꞉ ।
மஹாயோகீ³ மஹாதீ⁴ரோ மஹாபோ⁴கீ³ மஹாப்ரபு⁴꞉ ॥ 104 ॥
மஹாவீரோ மஹாதுஷ்டிர்மஹாபுஷ்டிர்மஹாகு³ண꞉ ।
மஹாதே³வோ மஹாபா³ஹுர்மஹாத⁴ர்மோ மஹேஶ்வர꞉ ॥ 105 ॥
ஸமீபகோ³ தூ³ரகா³மீ ஸ்வர்க³மார்க³நிரர்க³ல꞉ ।
நகோ³ நக³த⁴ரோ நாகோ³ நாகே³ஶோ நாக³பாலக꞉ ॥ 106 ॥
ஹிரண்மய꞉ ஸ்வர்ணரேதா ஹிரண்யார்சிர்ஹிரண்யத³꞉ ।
கு³ணக³ண்ய꞉ ஶரண்யஶ்ச புண்யகீர்தி꞉ புராணக³꞉ ॥ 107 ॥
ஜன்யப்⁴ருʼஜ்ஜன்யஸன்னத்³தோ⁴ தி³வ்யபஞ்சாயுதோ⁴ வஶீ ।
தௌ³ர்ஜன்யப⁴ங்க³꞉ பர்ஜன்ய꞉ ஸௌஜன்யநிலயோ(அ)லய꞉ ॥ 108 ॥
ஜலந்த⁴ராந்தகோ ப⁴ஸ்மதை³த்யநாஶீ மஹாமனா꞉ ।
ஶ்ரேஷ்ட²꞉ ஶ்ரவிஷ்டோ² த்³ராகி⁴ஷ்டோ² க³ரிஷ்டோ² க³ருட³த்⁴வஜ꞉ ॥ 109 ॥
ஜ்யேஷ்டோ² த்³ரடி⁴ஷ்டோ² வர்ஷிஷ்டோ² த்³ராகீ⁴யான் ப்ரணவ꞉ ப²ணீ ।
ஸம்ப்ரதா³யகர꞉ ஸ்வாமீ ஸுரேஶோ மாத⁴வோ மது⁴꞉ ॥ 110 ॥
நிர்னிமேஷோ விதி⁴ர்வேதா⁴ ப³லவான் ஜீவனம்ʼ ப³லீ ।
ஸ்மர்தா ஶ்ரோதா விகர்தா ச த்⁴யாதா நேதா ஸமோ(அ)ஸம꞉ ॥ 111 ॥
ஹோதா போதா மஹாவக்தா ரந்தா மந்தா க²லாந்தக꞉ ।
தா³தா க்³ராஹயிதா மாதா நியந்தா(அ)னந்தவைப⁴வ꞉ ॥ 112 ॥
கோ³ப்தா கோ³பயிதா ஹந்தா த⁴ர்மஜாக³ரிதா த⁴வ꞉ ।
கர்தா க்ஷேத்ரகர꞉ க்ஷேத்ரப்ரத³꞉ க்ஷேத்ரஜ்ஞ ஆத்மவித் ॥ 113 ॥
க்ஷேத்ரீ க்ஷேத்ரஹர꞉ க்ஷேத்ரப்ரிய꞉ க்ஷேமகரோ மருத் ।
ப⁴க்திப்ரதோ³ முக்திதா³யீ ஶக்திதோ³ யுக்திதா³யக꞉ ॥ 114 ॥
ஶக்தியுங்மௌக்திகஸ்ரக்³வீ ஸூக்திராம்னாயஸூக்திக³꞉ ।
த⁴னஞ்ஜயோ த⁴னாத்⁴யக்ஷோ த⁴னிகோ த⁴னதா³தி⁴ப꞉ ॥ 115 ॥
மஹாத⁴னோ மஹாமானீ து³ர்யோத⁴னவிமானித꞉ ।
ரத்னாகரோ ரத்னரோசீ ரத்நக³ர்பா⁴ஶ்ரய꞉ ஶுசி꞉ ॥ 116 ॥
ரத்னஸானுநிதி⁴ர்மௌலிரத்னபா⁴ ரத்னகங்கண꞉ ।
அந்தர்லக்ஷ்யோ(அ)ந்தரப்⁴யாஸீ சாந்தர்த்⁴யேயோ ஜிதாஸன꞉ ॥ 117 ॥
அந்தரங்கோ³ த³யாவாம்ʼஶ்ச ஹ்யந்தர்மாயோ மஹார்ணவ꞉ ।
ஸரஸ꞉ ஸித்³த⁴ரஸிக꞉ ஸித்³தி⁴꞉ ஸாத்⁴ய꞉ ஸதா³க³தி꞉ ॥ 118 ॥
ஆயு꞉ப்ரதோ³ மஹாயுஷ்மானர்சிஷ்மானோஷதீ⁴பதி꞉ ।
அஷ்டஶ்ரீரஷ்டபா⁴கோ³(அ)ஷ்டககுப்³வ்யாப்தயஶோ வ்ரதீ ॥ 119 ॥
அஷ்டாபத³꞉ ஸுவர்ணாபோ⁴ ஹ்யஷ்டமூர்திஸ்த்ரிமூர்திமான் ।
அஸ்வப்ன꞉ ஸ்வப்னக³꞉ ஸ்வப்ன꞉ ஸுஸ்வப்னப²லதா³யக꞉ ॥ 120 ॥
து³꞉ஸ்வப்னத்⁴வம்ʼஸகோ த்⁴வஸ்தது³ர்நிமித்த꞉ ஶிவங்கர꞉ ।
ஸுவர்ணவர்ண꞉ ஸம்பா⁴வ்யோ வர்ணிதோ வர்ணஸம்முக²꞉ ॥ 121 ॥
ஸுவர்ணமுக²ரீதீரஶிவத்⁴யாதபதா³ம்பு³ஜ꞉ ।
தா³க்ஷாயணீவசஸ்துஷ்டோ தூ³ர்வாஸோத்³ருʼஷ்டிகோ³சர꞉ ॥ 122 ॥
அம்ப³ரீஷவ்ரதப்ரீதோ மஹாக்ருʼத்திவிப⁴ஞ்ஜன꞉ ।
மஹாபி⁴சாரகத்⁴வம்ʼஸீ காலஸர்பப⁴யாந்தக꞉ ॥ 123 ॥
ஸுத³ர்ஶன꞉ காலமேக⁴ஶ்யாம꞉ ஶ்ரீமந்த்ரபா⁴வித꞉ ।
ஹேமாம்பு³ஜஸர꞉ஸ்னாயீ ஶ்ரீமனோபா⁴விதாக்ருʼதி꞉ ॥ 124 ॥
ஶ்ரீப்ரத³த்தாம்பு³ஜஸ்ரக்³வீ ஶ்ரீகேலி꞉ ஶ்ரீநிதி⁴ர்ப⁴வ꞉ ।
ஶ்ரீப்ரதோ³ வாமனோ லக்ஷ்மீநாயகஶ்ச சதுர்பு⁴ஜ꞉ ॥ 125 ॥
ஸந்த்ருʼப்தஸ்தர்பிதஸ்தீர்த²ஸ்னாத்ருʼஸௌக்²யப்ரத³ர்ஶக꞉ ।
அக³ஸ்த்யஸ்துதிஸம்ʼஹ்ருʼஷ்டோ த³ர்ஶிதாவ்யக்தபா⁴வன꞉ ॥ 126 ॥
கபிலார்சி꞉ கபிலவான் ஸுஸ்னாதாக⁴விபாடன꞉ ।
வ்ருʼஷாகபி꞉ கபிஸ்வாமிமனோ(அ)ந்த꞉ஸ்தி²தவிக்³ரஹ꞉ ॥ 127 ॥
வஹ்னிப்ரியோ(அ)ர்த²ஸம்பா⁴வ்யோ ஜனலோகவிதா⁴யக꞉ ।
வஹ்னிப்ரபோ⁴ வஹ்னிதேஜா꞉ ஶுபா⁴பீ⁴ஷ்டப்ரதோ³ யமீ ॥ 128 ॥
வாருணக்ஷேத்ரநிலயோ வருணோ வாரணார்சித꞉ ।
வாயுஸ்தா²னக்ருʼதாவாஸோ வாயுகோ³ வாயுஸம்ப்⁴ருʼத꞉ ॥ 129 ॥
யமாந்தகோ(அ)பி⁴ஜனனோ யமலோகநிவாரண꞉ ।
யமிநாமக்³ரக³ண்யஶ்ச ஸம்யமீ யமபா⁴வித꞉ ॥ 130 ॥
இந்த்³ரோத்³யானஸமீபஸ்த²꞉ இந்த்³ரத்³ருʼக்³விஷய꞉ ப்ரபு⁴꞉ ।
யக்ஷராட் ஸரஸீவாஸோ ஹ்யக்ஷய்யநிதி⁴கோஶக்ருʼத் ॥ 131 ॥
ஸ்வாமிதீர்த²க்ருʼதாவாஸ꞉ ஸ்வாமித்⁴யேயோ ஹ்யதோ⁴க்ஷஜ꞉ ।
வராஹாத்³யஷ்டதீர்தா²பி⁴ஸேவிதாங்க்⁴ரிஸரோருஹ꞉ ॥ 132 ॥
பாண்டு³தீர்தா²பி⁴ஷிக்தாங்கோ³ யுதி⁴ஷ்டி²ரவரப்ரத³꞉ ।
பீ⁴மாந்த꞉கரணாரூட⁴꞉ ஶ்வேதவாஹனஸக்²யவான் ॥ 133 ॥
நகுலாப⁴யதோ³ மாத்³ரீஸஹதே³வாபி⁴வந்தி³த꞉ ।
க்ருʼஷ்ணாஶபத²ஸந்தா⁴தா குந்தீஸ்துதிரதோ த³மீ ॥ 134 ॥
நாரதா³தி³முநிஸ்துத்யோ நித்யகர்மபராயண꞉ ।
த³ர்ஶிதாவ்யக்தரூபஶ்ச வீணாநாத³ப்ரமோதி³த꞉ ॥ 135 ॥
ஷட்கோடிதீர்த²சர்யாவான் தே³வதீர்த²க்ருʼதாஶ்ரம꞉ ।
பி³ல்வாமலஜலஸ்னாயீ ஸரஸ்வத்யம்பு³ஸேவித꞉ ॥ 136 ॥
தும்பு³ரூத³கஸம்ʼஸ்பர்ஶஜனசித்ததமோ(அ)பஹ꞉ ।
மத்ஸ்யவாமனகூர்மாதி³தீர்த²ராஜ꞉ புராணப்⁴ருʼத் ॥ 137 ॥
சக்ரத்⁴யேயபதா³ம்போ⁴ஜ꞉ ஶங்க²பூஜிதபாது³க꞉ ।
ராமதீர்த²விஹாரீ ச ப³லப⁴த்³ரப்ரதிஷ்டி²த꞉ ॥ 138 ॥
ஜாமத³க்³ன்யஸரஸ்தீர்த²ஜலஸேசனதர்பித꞉ ।
பாபாபஹாரிகீலாலஸுஸ்னாதாக⁴விநாஶன꞉ ॥ 139 ॥
நபோ⁴க³ங்கா³பி⁴ஷிக்தஶ்ச நாக³தீர்தா²பி⁴ஷேகவான் ।
குமாரதா⁴ராதீர்த²ஸ்தோ² வடுவேஷ꞉ ஸுமேக²ல꞉ ॥ 140 ॥
வ்ருʼத்³த⁴ஸ்ய ஸுகுமாரத்வப்ரத³꞉ ஸௌந்த³ர்யவான் ஸுகீ² ।
ப்ரியம்ʼவதோ³ மஹாகுக்ஷிரிக்ஷ்வாகுகுலநந்த³ன꞉ ॥ 141 ॥
நீலகோ³க்ஷீரதா⁴ராபூ⁴ர்வராஹாசலநாயக꞉ ।
ப⁴ரத்³வாஜப்ரதிஷ்டா²வான் ப்³ருʼஹஸ்பதிவிபா⁴வித꞉ ॥ 142 ॥
அஞ்ஜனாக்ருʼதபூஜாவான் ஆஞ்ஜனேயகரார்சித꞉ ।
அஞ்ஜநாத்³ரிநிவாஸஶ்ச முஞ்ஜகேஶ꞉ புரந்த³ர꞉ ॥ 143 ॥
கின்னரத்³வயஸம்ப³ந்தி⁴ப³ந்த⁴மோக்ஷப்ரதா³யக꞉ ।
வைகா²னஸமகா²ரம்போ⁴ வ்ருʼஷஜ்ஞேயோ வ்ருʼஷாசல꞉ ॥ 144 ॥
வ்ருʼஷகாயப்ரபே⁴த்தா ச க்ரீட³னாசாரஸம்ப்⁴ரம꞉ ।
ஸௌவர்சலேயவின்யஸ்தராஜ்யோ நாராயண꞉ ப்ரிய꞉ ॥ 145 ॥
து³ர்மேதோ⁴ப⁴ஞ்ஜக꞉ ப்ராஜ்ஞோ ப்³ரஹ்மோத்ஸவமஹோத்ஸுக꞉ ।
ப⁴த்³ராஸுரஶிரஶ்சே²த்தா ப⁴த்³ரக்ஷேத்ரீ ஸுப⁴த்³ரவான் ॥ 146 ॥
ம்ருʼக³யா(அ)க்ஷீணஸன்னாஹ꞉ ஶங்க²ராஜன்யதுஷ்டித³꞉ ।
ஸ்தா²ணுஸ்தோ² வைனதேயாங்க³பா⁴விதோ ஹ்யஶரீரவான் ॥ 147 ॥
போ⁴கீ³ந்த்³ரபோ⁴க³ஸம்ʼஸ்தா²னோ ப்³ரஹ்மாதி³க³ணஸேவித꞉ ।
ஸஹஸ்ரார்கச்ச²டாபா⁴ஸ்வத்³விமானாந்த꞉ஸ்தி²தோ கு³ணீ ॥ 148 ॥
விஷ்வக்ஸேனக்ருʼதஸ்தோத்ர꞉ ஸநந்த³னவரீவ்ருʼத꞉ ।
ஜாஹ்நவ்யாதி³நதீ³ஸேவ்ய꞉ ஸுரேஶாத்³யபி⁴வந்தி³த꞉ ॥ 149 ॥
ஸுராங்க³நாந்ருʼத்யபரோ க³ந்த⁴ர்வோத்³கா³யனப்ரிய꞉ ।
ராகேந்து³ஸங்காஶநக²꞉ கோமலாங்க்⁴ரிஸரோருஹ꞉ ॥ 150 ॥
கச்ச²பப்ரபத³꞉ குந்த³கு³ல்ப²க꞉ ஸ்வச்ச²கூர்பர꞉ ।
மேது³ரஸ்வர்ணவஸ்த்ராட்⁴யகடிதே³ஶஸ்த²மேக²ல꞉ ॥ 151 ॥
ப்ரோல்லஸச்சு²ரிகாபா⁴ஸ்வத்கடிதே³ஶ꞉ ஶுப⁴ங்கர꞉ ।
அனந்தபத்³மஜஸ்தா²னநாபி⁴ர்மௌக்திகமாலிக꞉ ॥ 152 ॥
மந்தா³ரசாம்பேயமாலீ ரத்நாப⁴ரணஸம்ப்⁴ருʼத꞉ ।
லம்ப³யஜ்ஞோபவீதீ ச சந்த்³ரஶ்ரீக²ண்ட³லேபவான் ॥ 153 ॥
வரதோ³(அ)ப⁴யத³ஶ்சக்ரீ ஶங்கீ² கௌஸ்துப⁴தீ³ப்திமான் ।
ஶ்ரீவத்ஸாங்கிதவக்ஷஸ்கோ லக்ஷ்மீஸம்ʼஶ்ரிதஹ்ருʼத்தட꞉ ॥ 154 ॥
நீலோத்பலனிபா⁴கார꞉ ஶோணாம்போ⁴ஜஸமானன꞉ ।
கோடிமன்மத²லாவண்யஶ்சந்த்³ரிகாஸ்மிதபூரித꞉ ॥ 155 ॥
ஸுதா⁴ஸ்வச்சோ²ர்த்⁴வபுண்ட்³ரஶ்ச கஸ்தூரீதிலகாஞ்சித꞉ ।
புண்ட³ரீகேக்ஷண꞉ ஸ்வச்சோ² மௌலிஶோபா⁴விராஜித꞉ ॥ 156 ॥
பத்³மஸ்த²꞉ பத்³மநாப⁴ஶ்ச ஸோமமண்ட³லகோ³ பு³த⁴꞉ ।
வஹ்னிமண்ட³லக³꞉ ஸூர்ய꞉ ஸூர்யமண்ட³லஸம்ʼஸ்தி²த꞉ ॥ 157 ॥
ஶ்ரீபதிர்பூ⁴மிஜாநிஶ்ச விமலாத்³யபி⁴ஸம்ʼவ்ருʼத꞉ ।
ஜக³த்குடும்ப³ஜனிதா ரக்ஷக꞉ காமிதப்ரத³꞉ ॥ 158 ॥
அவஸ்தா²த்ரயயந்தா ச விஶ்வதேஜஸ்ஸ்வரூபவான் ।
ஜ்ஞப்திர்ஜ்ஞேயோ ஜ்ஞானக³ம்யோ ஜ்ஞானாதீத꞉ ஸுராதிக³꞉ ॥ 159 ॥
ப்³ரஹ்மாண்டா³ந்தர்ப³ஹிர்வ்யாப்தோ வேங்கடாத்³ரிக³தா³த⁴ர꞉ ।
வேங்கடாத்³ரிக³தா³த⁴ர ஓம்ʼ நம꞉ இதி ॥
ஏவம்ʼ ஶ்ரீவேங்கடேஶஸ்ய கீர்திதம்ʼ பரமாத்³பு⁴தம் ॥ 160 ॥
நாம்னாம்ʼ ஸஹஸ்ரம்ʼ ஸம்ʼஶ்ராவ்யம்ʼ பவித்ரம்ʼ புண்யவர்த⁴னம் ।
ஶ்ரவணாத்ஸர்வதோ³ஷக்⁴னம்ʼ ரோக³க்⁴னம்ʼ ம்ருʼத்யுநாஶனம் ॥ 1 ॥
தா³ரித்³ர்யபே⁴த³னம்ʼ த⁴ர்ம்யம்ʼ ஸர்வைஶ்வர்யப²லப்ரத³ம் ।
காலாஹிவிஷவிச்சே²தி³ ஜ்வராபஸ்மாரப⁴ஞ்ஜனம் ॥ 2 ॥
[ஶத்ருக்ஷயகரம்ʼ ராஜக்³ரஹபீடா³நிவாரணம் ।
ப்³ரஹ்மராக்ஷஸகூஷ்மாண்ட³பே⁴தாலப⁴யப⁴ஞ்ஜனம் ॥ ]
வித்³யாபி⁴லாஷீ வித்³யாவான் த⁴னார்தீ² த⁴னவான் ப⁴வேத் ।
அனந்தகல்பஜீவீ ஸ்யாதா³யுஷ்காமோ மஹாயஶா꞉ ॥ 3 ॥
புத்ரார்தீ² ஸுகு³ணான்புத்ரான் லபே⁴தா(ஆ)யுஷ்மதஸ்தத꞉ ।
ஸங்க்³ராமே ஶத்ருவிஜயீ ஸபா⁴யாம்ʼ ப்ரதிவாதி³ஜித் ॥ 4 ॥
தி³வ்யைர்நாமபி⁴ரேபி⁴ஸ்து துலஸீபூஜனாத்ஸக்ருʼத் ।
வைகுண்ட²வாஸீ ப⁴க³வத்ஸத்³ருʼஶோ விஷ்ணுஸந்நிதௌ⁴ ॥ 5 ॥
கல்ஹாரபூஜனான்மாஸாத் த்³விதீய இவ யக்ஷராட் ।
நீலோத்பலார்சனாத்ஸர்வராஜபூஜ்ய꞉ ஸதா³ ப⁴வேத் ॥ 6 ॥
ஹ்ருʼத்ஸம்ʼஸ்தி²தைர்நாமபி⁴ஸ்து பூ⁴யாத்³த்³ருʼக்³விஷயோ ஹரி꞉ ।
வாஞ்சி²தார்த²ம்ʼ ததா³ த³த்வா வைகுண்ட²ம்ʼ ச ப்ரயச்ச²தி ॥ 7 ॥
த்ரிஸந்த்⁴யம்ʼ யோ ஜபேந்நித்யம்ʼ ஸம்பூஜ்ய விதி⁴னா விபு⁴ம் ।
த்ரிவாரம்ʼ பஞ்சவாரம்ʼ வா ப்ரத்யஹம்ʼ க்ரமஶோ யமீ ॥ 8 ॥
மாஸாத³லக்ஷ்மீநாஶ꞉ ஸ்யாத் த்³விமாஸாத் ஸ்யான்னரேந்த்³ரதா ।
த்ரிமாஸான்மஹதை³ஶ்வர்யம்ʼ தத꞉ ஸம்பா⁴ஷணம்ʼ ப⁴வேத் ॥ 9 ॥
மாஸம்ʼ பட²ந்ந்யூனகர்மபூர்திம்ʼ ச ஸமவாப்னுயாத் ।
மார்க³ப்⁴ரஷ்டஶ்ச ஸன்மார்க³ம்ʼ க³தஸ்வ꞉ ஸ்வம்ʼ ஸ்வகீயகம் ॥ 10 ॥
சாஞ்சல்யசித்தோ(அ)சாஞ்சல்யம்ʼ மனஸ்ஸ்வாஸ்த்²யம்ʼ ச க³ச்ச²தி ।
ஆயுராரோக்³யமைஶ்வர்யம்ʼ ஜ்ஞானம்ʼ மோக்ஷம்ʼ ச விந்த³தி ॥ 11 ॥
ஸர்வான்காமானவாப்னோதி ஶாஶ்வதம்ʼ ச பத³ம்ʼ ததா² ।
ஸத்யம்ʼ ஸத்யம்ʼ புனஸ்ஸத்யம்ʼ ஸத்யம்ʼ ஸத்யம்ʼ ந ஸம்ʼஶய꞉ ॥ 12 ॥
இதி ஶ்ரீ ப்³ரஹ்மாண்ட³புராணே வஸிஷ்ட²நாரத³ஸம்ʼவாதே³ ஶ்ரீவேங்கடாசலமாஹாத்ம்யே ஶ்ரீ வேங்கடேஶ ஸஹஸ்ரநாம ஸ்தோத்ரம் ஸமாப்தம் ।
Recite with devotion and pure heart
Regular practice brings spiritual benefits