ശ്രീവസിഷ്ഠ ഉവാച । ഭഗവൻ കേന വിധിനാ നാമഭിർവേങ്കടേശ്വരം । പൂജയാമാസ തം ദേവം ബ്രഹ്മാ തു കമലൈഃ ശുഭൈഃ ॥ 1 ॥ പൃച്ഛാമി താനി നാമാനി ഗുണയോഗപരാണി കിം । മുഖ്യവൃത്തീനി കിം ബ്രൂഹി ലക്ഷകാണ്യഥവാ ഹരേഃ ॥ 2 ॥ നാരദ ഉവാച । നാമാന്യനന്താനി ഹരേഃ ഗുണയോഗാനി കാനി ചിത് । മുഖ്യവൃത്തീനി ചാന്യാനി ലക്ഷകാണ്യപരാണി ച ॥ 3 ॥ പരമാർഥൈഃ സർവശബ്ദൈരേകോ ജ്ഞേയഃ പരഃ പുമാൻ । ആദിമധ്യാന്തരഹിതസ്ത്വവ്യക്തോഽനന്തരൂപഭൃത് ॥ 4 ॥ ചന്ദ്രാർകവഹ്നിവായ്വാദ്യാ ഗ്രഹർക്ഷാണി നഭോ ദിശഃ । അന്വയവ്യതിരേകാഭ്യാം സന്തി നോ സന്തി യന്മതേഃ ॥ 5 ॥ തസ്യ ദേവസ്യ നാമ്നാം ഹി പാരം ഗന്തും ഹി കഃ ക്ഷമഃ । തഥാഽപി ചാഭിധാനാനി വേങ്കടേശസ്യ കാനിചിത് ॥ 6 ॥ ബ്രഹ്മഗീതാനി പുണ്യാനി താനി വക്ഷ്യാമി സുവ്രത । യദുച്ചാരണമാത്രേണ വിമുക്താഘഃ പരം വ്രജേത് ॥ 7 ॥ വേങ്കടേശസ്യ നാമ്നാം ഹി സഹസ്രസ്യ ഋഷിർവിധിഃ । ഛന്ദോഽനുഷ്ടുപ്തഥാ ദേവഃ ശ്രീവത്സാങ്കോ രമാപതിഃ ॥ 8 ॥ ബീജഭൂതസ്തഥോങ്കാരോ ഹ്രീം ക്ലീം ശക്തിശ്ച കീലകം । ഓം നമോ വേങ്കടേശായേത്യാദിർമന്ത്രോഽത്ര കഥ്യതേ ॥ 9 ॥ ബ്രഹ്മാണ്ഡഗർഭഃ കവചമസ്ത്രം ചക്രഗദാധരഃ । വിനിയോഗോഽഭീഷ്ടസിദ്ധൗ ഹൃദയം സാമഗായനഃ ॥ 10 ॥ അസ്യ ശ്രീ വേങ്കടേശ സഹസ്രനാമ സ്തോത്ര മഹാമന്ത്രസ്യ ബ്രഹ്മാ ഋഷിഃ അനുഷ്ടുപ് ഛന്ദഃ ശ്രീവത്സാങ്കോ രമാപതിർദേവതാ ഓം ബീജം ഹ്രീം ശക്തിഃ ക്ലീം കീലകം ബ്രഹ്മാണ്ഡഗർഭ ഇതി കവചം ചക്രഗദാധര ഇത്യസ്ത്രം സാമഗാനമിതി ഹൃദയം ഓം നമോ വേങ്കടേശായേത്യാദിർമന്ത്രഃ ശ്രീ വേങ്കടേശ പ്രീത്യർഥേ ജപേ വിനിയോഗഃ ॥ ധ്യാനം । ഭാസ്വച്ചന്ദ്രമസൗ യദീയനയനേ ഭാര്യാ യദീയാ രമാ യസ്മാദ്വിശ്വസൃഡപ്യഭൂദ്യമികുലം യദ്ധ്യാനയുക്തം സദാ നാഥോ യോ ജഗതാം നഗേന്ദ്രദുഹിതുർനാഥോഽപി യദ്ഭക്തിമാൻ താതോ യോ മദനസ്യ യോ ദുരിതഹാ തം വേങ്കടേശം ഭജേ ॥ ഊർധ്വൗ ഹസ്തൗ യദീയൗ സുരരിപുദലനേ ബിഭ്രതൗ ശംഖചക്രേ സേവ്യാവംഘ്രീ സ്വകീയാവഭിദധദധരോ ദക്ഷിണോ യസ്യ പാണിഃ । താവന്മാത്രം ഭവാബ്ധിം ഗമയതി ഭജതാമൂരുഗോ വാമപാണിഃ ശ്രീവത്സാങ്കശ്ച ലക്ഷ്മീര്യദുരസി ലസതസ്തം ഭജേ വേങ്കടേശം ॥ ഇതി ധ്യായൻ വേങ്കടേശം ശ്രീവത്സാങ്കം രമാപതിം । വേങ്കടേശോ വിരൂപാക്ഷ ഇത്യാരഭ്യ ജപേത്ക്രമാത് ॥ (സ്തോത്രം) ഓം വേങ്കടേശോ വിരൂപാക്ഷോ വിശ്വേശോ വിശ്വഭാവനഃ । വിശ്വസൃഡ്വിശ്വസംഹർതാ വിശ്വപ്രാണോ വിരാഡ്വപുഃ ॥ 1 ॥ ശേഷാദ്രിനിലയോഽശേഷഭക്തദുഃഖപ്രണാശനഃ । ശേഷസ്തുത്യഃ ശേഷശായീ വിശേഷജ്ഞോ വിഭുഃ സ്വഭൂഃ ॥ 2 ॥ വിഷ്ണുർജിഷ്ണുശ്ച വർധിഷ്ണുരുത്സഹിഷ്ണുഃ സഹിഷ്ണുകഃ । ഭ്രാജിഷ്ണുശ്ച ഗ്രസിഷ്ണുശ്ച വർതിഷ്ണുശ്ച ഭരിഷ്ണുകഃ ॥ 3 ॥ കാലയന്താ കാലഗോപ്താ കാലഃ കാലാന്തകോഽഖിലഃ । കാലഗമ്യഃ കാലകണ്ഠവന്ദ്യഃ കാലകലേശ്വരഃ ॥ 4 ॥ ശംഭുഃ സ്വയംഭൂരംഭോജനാഭിഃ സ്തംഭിതവാരിധിഃ । അംഭോധിനന്ദിനീജാനിഃ ശോണാംഭോജപദപ്രഭഃ ॥ 5 ॥ കംബുഗ്രീവഃ ശംബരാരിരൂപഃ ശംബരജേക്ഷണഃ । ബിംബാധരോ ബിംബരൂപീ പ്രതിബിംബക്രിയാതിഗഃ ॥ 6 ॥ ഗുണവാൻ ഗുണഗമ്യശ്ച ഗുണാതീതോ ഗുണപ്രിയഃ । ദുർഗുണധ്വംസകൃത്സർവസുഗുണോ ഗുണഭാസകഃ ॥ 7 ॥ പരേശഃ പരമാത്മാ ച പരഞ്ജ്യോതിഃ പരാ ഗതിഃ । പരം പദം വിയദ്വാസാഃ പാരമ്പര്യശുഭപ്രദഃ ॥ 8 ॥ ബ്രഹ്മാണ്ഡഗർഭോ ബ്രഹ്മണ്യോ ബ്രഹ്മസൃഡ്ബ്രഹ്മബോധിതഃ । ബ്രഹ്മസ്തുത്യോ ബ്രഹ്മവാദീ ബ്രഹ്മചര്യപരായണഃ ॥ 9 ॥ സത്യവ്രതാർഥസന്തുഷ്ടഃ സത്യരൂപീ ഝഷാംഗവാൻ । സോമകപ്രാണഹാരീ ചാഽഽനീതാമ്നായോഽബ്ധിസഞ്ചരഃ ॥ 10 ॥ ദേവാസുരവരസ്തുത്യഃ പതന്മന്ദരധാരകഃ । ധന്വന്തരിഃ കച്ഛപാംഗഃ പയോനിധിവിമന്ഥകഃ ॥ 11 ॥ അമരാമൃതസന്ധാതാ ധൃതസംമോഹിനീവപുഃ । ഹരമോഹകമായാവീ രക്ഷസ്സന്ദോഹഭഞ്ജനഃ ॥ 12 ॥ ഹിരണ്യാക്ഷവിദാരീ ച യജ്ഞോ യജ്ഞവിഭാവനഃ । യജ്ഞീയോർവീസമുദ്ധർതാ ലീലാക്രോഡഃ പ്രതാപവാൻ ॥ 13 ॥ ദണ്ഡകാസുരവിധ്വംസീ വക്രദംഷ്ട്രഃ ക്ഷമാധരഃ । ഗന്ധർവശാപഹരണഃ പുണ്യഗന്ധോ വിചക്ഷണഃ ॥ 14 ॥ കരാലവക്ത്രഃ സോമാർകനേത്രഃ ഷഡ്ഗുണവൈഭവഃ । ശ്വേതഘോണീ ഘൂർണിതഭ്രൂർഘുർഘുരധ്വനിവിഭ്രമഃ ॥ 15 ॥ ദ്രാഘീയാൻ നീലകേശീ ച ജാഗ്രദംബുജലോചനഃ । ഘൃണാവാൻ ഘൃണിസമ്മോഹോ മഹാകാലാഗ്നിദീധിതിഃ ॥ 16 ॥ ജ്വാലാകരാലവദനോ മഹോൽകാകുലവീക്ഷണഃ । സടാനിർഭിന്നമേഘൗഘോ ദംഷ്ട്രാരുഗ്വ്യാപ്തദിക്തടഃ ॥ 17 ॥ ഉച്ഛ്വാസാകൃഷ്ടഭൂതേശോ നിശ്ശ്വാസത്യക്തവിശ്വസൃട് । അന്തർഭ്രമജ്ജഗദ്ഗർഭോഽനന്തോ ബ്രഹ്മകപാലഹൃത് ॥ 18 ॥ ഉഗ്രോ വീരോ മഹാവിഷ്ണുർജ്വലനഃ സർവതോമുഖഃ । നൃസിംഹോ ഭീഷണോ ഭദ്രോ മൃത്യുമൃത്യുഃ സനാതനഃ ॥ 19 ॥ സഭാസ്തംഭോദ്ഭവോ ഭീമഃ ശീരോമാലീ മഹേശ്വരഃ । ദ്വാദശാദിത്യചൂഡാലഃ കല്പധൂമസടാച്ഛവിഃ ॥ 20 ॥ ഹിരണ്യകോരഃസ്ഥലഭിന്നഖഃ സിംഹമുഖോഽനഘഃ । പ്രഹ്ലാദവരദോ ധീമാൻ ഭക്തസംഘപ്രതിഷ്ഠിതഃ ॥ 21 ॥ ബ്രഹ്മരുദ്രാദിസംസേവ്യഃ സിദ്ധസാധ്യപ്രപൂജിതഃ । ലക്ഷ്മീനൃസിംഹോ ദേവേശോ ജ്വാലാജിഹ്വാന്ത്രമാലികഃ ॥ 22 ॥ ഖഡ്ഗീ ഖേടീ മഹേഷ്വാസീ കപാലീ മുസലീ ഹലീ । പാശീ ശൂലീ മഹാബാഹുർജ്വരഘ്നോ രോഗലുണ്ഠകഃ ॥ 23 ॥ മൗഞ്ജീയുക് ഛാത്രകോ ദണ്ഡീ കൃഷ്ണാജിനധരോ വടുഃ । അധീതവേദോ വേദാന്തോദ്ധാരകോ ബ്രഹ്മനൈഷ്ഠികഃ ॥ 24 ॥ അഹീനശയനപ്രീതഃ ആദിതേയോഽനഘോ ഹരിഃ । സംവിത്പ്രിയഃ സാമവേദ്യോ ബലിവേശ്മപ്രതിഷ്ഠിതഃ ॥ 25 ॥ ബലിക്ഷാലിതപാദാബ്ജോ വിന്ധ്യാവലിവിമാനിതഃ । ത്രിപാദഭൂമിസ്വീകർതാ വിശ്വരൂപപ്രദർശകഃ ॥ 26 ॥ ധൃതത്രിവിക്രമഃ സ്വാംഘ്രിനഖഭിന്നാണ്ഡഖർപരഃ । പജ്ജാതവാഹിനീധാരാപവിത്രിതജഗത്ത്രയഃ ॥ 27 ॥ വിധിസമ്മാനിതഃ പുണ്യോ ദൈത്യയോദ്ധാ ജയോർജിതഃ । സുരരാജ്യപ്രദഃ ശുക്രമദഹൃത്സുഗതീശ്വരഃ ॥ 28 ॥ ജാമദഗ്ന്യഃ കുഠാരീ ച കാർതവീര്യവിദാരണഃ । രേണുകായാഃ ശിരോഹാരീ ദുഷ്ടക്ഷത്രിയമർദനഃ ॥ 29 ॥ വർചസ്വീ ദാനശീലശ്ച ധനുഷ്മാൻ ബ്രഹ്മവിത്തമഃ । അത്യുദഗ്രഃ സമഗ്രശ്ച ന്യഗ്രോധോ ദുഷ്ടനിഗ്രഹഃ ॥ 30 ॥ രവിവംശസമുദ്ഭൂതോ രാഘവോ ഭരതാഗ്രജഃ । കൗസല്യാതനയോ രാമോ വിശ്വാമിത്രപ്രിയങ്കരഃ ॥ 31 ॥ താടകാരിഃ സുബാഹുഘ്നോ ബലാതിബലമന്ത്രവാൻ । അഹല്യാശാപവിച്ഛേദീ പ്രവിഷ്ടജനകാലയഃ ॥ 32 ॥ സ്വയംവരസഭാസംസ്ഥ ഈശചാപപ്രഭഞ്ജനഃ । ജാനകീപരിണേതാ ച ജനകാധീശസംസ്തുതഃ ॥ 33 ॥ ജമദഗ്നിതനൂജാതയോദ്ധാഽയോധ്യാധിപാഗ്രണീഃ । പിതൃവാക്യപ്രതീപാലസ്ത്യക്തരാജ്യഃ സലക്ഷ്മണഃ ॥ 34 ॥ സസീതശ്ചിത്രകൂടസ്ഥോ ഭരതാഹിതരാജ്യകഃ । കാകദർപപ്രഹർതാ ച ദണ്ഡകാരണ്യവാസകഃ ॥ 35 ॥ പഞ്ചവട്യാം വിഹാരീ ച സ്വധർമപരിപോഷകഃ । വിരാധഹാഽഗസ്ത്യമുഖ്യമുനിസമ്മാനിതഃ പുമാൻ ॥ 36 ॥ ഇന്ദ്രചാപധരഃ ഖഡ്ഗധരശ്ചാക്ഷയസായകഃ । ഖരാന്തകോ ദൂഷണാരിസ്ത്രിശിരസ്കരിപുർവൃഷഃ ॥ 37 ॥ തതഃ ശൂർപണഖാനാസാച്ഛേത്താ വൽകലധാരകഃ । ജടാവാൻ പർണശാലാസ്ഥോ മാരീചബലമർദകഃ ॥ 38 ॥ പക്ഷിരാട്കൃതസംവാദോ രവിതേജാ മഹാബലഃ । ശബര്യാനീതഫലഭുക് ഹനൂമത്പരിതോഷിതഃ ॥ 39 ॥ സുഗ്രീവാഽഭയദോ ദൈത്യകായക്ഷേപണഭാസുരഃ । സപ്തതാലസമുച്ഛേത്താ വാലിഹൃത്കപിസംവൃതഃ ॥ 40 ॥ വായുസൂനുകൃതാസേവസ്ത്യക്തപമ്പഃ കുശാസനഃ । ഉദന്വത്തീരഗഃ ശൂരോ വിഭീഷണവരപ്രദഃ ॥ 41 ॥ സേതുകൃദ്ദൈത്യഹാ പ്രാപ്തലങ്കോഽലങ്കാരവാൻ സ്വയം । അതികായശിരശ്ഛേത്താ കുംഭകർണവിഭേദനഃ ॥ 42 ॥ ദശകണ്ഠശിരോധ്വംസീ ജാംബവത്പ്രമുഖാവൃതഃ । ജാനകീശഃ സുരാധ്യക്ഷഃ സാകേതേശഃ പുരാതനഃ ॥ 43 ॥ പുണ്യശ്ലോകോ വേദവേദ്യഃ സ്വാമിതീർഥനിവാസകഃ । ലക്ഷ്മീസരഃകേലിലോലോ ലക്ഷ്മീശോ ലോകരക്ഷകഃ ॥ 44 ॥ ദേവകീഗർഭസംഭൂതോ യശോദേക്ഷണലാലിതഃ । വസുദേവകൃതസ്തോത്രോ നന്ദഗോപമനോഹരഃ ॥ 45 ॥ ചതുർഭുജഃ കോമലാംഗോ ഗദാവാന്നീലകുന്തലഃ । പൂതനാപ്രാണസംഹർതാ തൃണാവർതവിനാശനഃ ॥ 46 ॥ ഗർഗാരോപിതനാമാങ്കോ വാസുദേവോ ഹ്യധോക്ഷജഃ । ഗോപികാസ്തന്യപായീ ച ബലഭദ്രാനുജോഽച്യുതഃ ॥ 47 ॥ വൈയാഘ്രനഖഭൂഷശ്ച വത്സജിദ്വത്സവർധനഃ । ക്ഷീരസാരാശനരതോ ദധിഭാണ്ഡപ്രമർദനഃ ॥ 48 ॥ നവനീതാപഹർതാ ച നീലനീരദഭാസുരഃ । ആഭീരദൃഷ്ടദൗർജന്യോ നീലപദ്മനിഭാനനഃ ॥ 49 ॥ മാതൃദർശിതവിശ്വാഽഽസ്യ ഉലൂഖലനിബന്ധനഃ । നലകൂബരശാപാന്തോ ഗോധൂലിച്ഛുരിതാംഗകഃ ॥ 50 ॥ ഗോസംഘരക്ഷകഃ ശ്രീശോ ബൃന്ദാരണ്യനിവാസകഃ । വത്സാന്തകോ ബകദ്വേഷീ ദൈത്യാംബുദമഹാനിലഃ ॥ 51 ॥ മഹാജഗരചണ്ഡാഗ്നിഃ ശകടപ്രാണകണ്ടകഃ । ഇന്ദ്രസേവ്യഃ പുണ്യഗാത്രഃ ഖരജിച്ചണ്ഡദീധിതിഃ ॥ 52 ॥ താലപക്വഫലാശീ ച കാലീയഫണിദർപഹാ । നാഗപത്നീസ്തുതിപ്രീതഃ പ്രലംബാസുരഖണ്ഡനഃ ॥ 53 ॥ ദാവാഗ്നിബലസംഹാരീ ഫലാഹാരീ ഗദാഗ്രജഃ । ഗോപാംഗനാചേലചോരഃ പാഥോലീലാവിശാരദഃ ॥ 54 ॥ വംശഗാനപ്രവീണശ്ച ഗോപീഹസ്താംബുജാർചിതഃ । മുനിപത്ന്യാഹൃതാഹാരോ മുനിശ്രേഷ്ഠോ മുനിപ്രിയഃ ॥ 55 ॥ ഗോവർധനാദ്രിസന്ധർതാ സങ്ക്രന്ദനതമോഽപഹഃ । സദുദ്യാനവിലാസീ ച രാസക്രീഡാപരായണഃ ॥ 56 ॥ വരുണാഭ്യർചിതോ ഗോപീപ്രാർഥിതഃ പുരുഷോത്തമഃ । അക്രൂരസ്തുതിസമ്പ്രീതഃ കുബ്ജായൗവനദായകഃ ॥ 57 ॥ മുഷ്ടികോരഃപ്രഹാരീ ച ചാണൂരോദരദാരണഃ । മല്ലയുദ്ധാഗ്രഗണ്യശ്ച പിതൃബന്ധനമോചകഃ ॥ 58 ॥ മത്തമാതംഗപഞ്ചാസ്യഃ കംസഗ്രീവാനികൃന്തനഃ । ഉഗ്രസേനപ്രതിഷ്ഠാതാ രത്നസിംഹാസനസ്ഥിതഃ ॥ 59 ॥ കാലനേമിഖലദ്വേഷീ മുചുകുന്ദവരപ്രദഃ । സാല്വസേവിതദുർധർഷരാജസ്മയനിവാരണഃ ॥ 60 ॥ രുക്മിഗർവാപഹാരീ ച രുക്മിണീനയനോത്സവഃ । പ്രദ്യുമ്നജനകഃ കാമീ പ്രദ്യുമ്നോ ദ്വാരകാധിപഃ ॥ 61 ॥ മണ്യാഹർതാ മഹാമായോ ജാംബവത്കൃതസംഗരഃ । ജാംബൂനദാംബരധരോ ഗമ്യോ ജാംബവതീവിഭുഃ ॥ 62 ॥ കാലിന്ദീപ്രഥിതാരാമകേലിർഗുഞ്ജാവതംസകഃ । മന്ദാരസുമനോഭാസ്വാൻ ശചീശാഭീഷ്ടദായകഃ ॥ 63 ॥ സത്രാജിന്മാനസോല്ലാസീ സത്യാജാനിഃ ശുഭാവഹഃ । ശതധന്വഹരഃ സിദ്ധഃ പാണ്ഡവപ്രിയകോത്സവഃ ॥ 64 ॥ ഭദ്രപ്രിയഃ സുഭദ്രായാ ഭ്രാതാ നാഗ്നാജിതീവിഭുഃ । കിരീടകുണ്ഡലധരഃ കല്പപല്ലവലാലിതഃ ॥ 65 ॥ ഭൈഷ്മീപ്രണയഭാഷാവാൻ മിത്രവിന്ദാധിപോഽഭയഃ । സ്വമൂർതികേലിസമ്പ്രീതോ ലക്ഷ്മണോദാരമാനസഃ ॥ 66 ॥ പ്രാഗ്ജ്യോതിഷാധിപധ്വംസീ തത്സൈന്യാന്തകരോഽമൃതഃ । ഭൂമിസ്തുതോ ഭൂരിഭോഗോ ഭൂഷണാംബരസമ്യുതഃ ॥ 67 ॥ ബഹുരാമാകൃതാഹ്ലാദോ ഗന്ധമാല്യാനുലേപനഃ । നാരദാദൃഷ്ടചരിതോ ദേവേശോ വിശ്വരാഡ്ഗുരുഃ ॥ 68 ॥ ബാണബാഹുവിദാരശ്ച താപജ്വരവിനാശകഃ । ഉഷോദ്ധർഷയിതാഽവ്യക്തഃ ശിവവാക്തുഷ്ടമാനസഃ ॥ 69 ॥ മഹേശജ്വരസംസ്തുത്യഃ ശീതജ്വരഭയാന്തകഃ । നൃഗരാജോദ്ധാരകശ്ച പൗണ്ഡ്രകാദിവധോദ്യതഃ ॥ 70 ॥ വിവിധാരിച്ഛലോദ്വിഗ്നബ്രാഹ്മണേഷു ദയാപരഃ । ജരാസന്ധബലദ്വേഷീ കേശിദൈത്യഭയങ്കരഃ ॥ 71 ॥ ചക്രീ ചൈദ്യാന്തകഃ സഭ്യോ രാജബന്ധവിമോചകഃ । രാജസൂയഹവിർഭോക്താ സ്നിഗ്ധാംഗഃ ശുഭലക്ഷണഃ ॥ 72 ॥ ധാനാഭക്ഷണസമ്പ്രീതഃ കുചേലാഭീഷ്ടദായകഃ । സത്ത്വാദിഗുണഗംഭീരോ ദ്രൗപദീമാനരക്ഷകഃ ॥ 73 ॥ ഭീഷ്മധ്യേയോ ഭക്തവശ്യോ ഭീമപൂജ്യോ ദയാനിധിഃ । ദന്തവക്ത്രശിരശ്ഛേത്താ കൃഷ്ണഃ കൃഷ്ണാസഖഃ സ്വരാട് ॥ 74 ॥ വൈജയന്തീപ്രമോദീ ച ബർഹിബർഹവിഭൂഷണഃ । പാർഥകൗരവസന്ധാനകാരീ ദുശ്ശാസനാന്തകഃ ॥ 75 ॥ ബുദ്ധോ വിശുദ്ധഃ സർവജ്ഞഃ ക്രതുഹിംസാവിനിന്ദകഃ । ത്രിപുരസ്ത്രീമാനഭംഗഃ സർവശാസ്ത്രവിശാരദഃ ॥ 76 ॥ നിർവികാരോ നിർമമശ്ച നിരാഭാസോ നിരാമയഃ । ജഗന്മോഹകധർമീ ച ദിഗ്വസ്ത്രോ ദിക്പതീശ്വരഃ ॥ 77 ॥ കൽകീ മ്ലേച്ഛപ്രഹർതാ ച ദുഷ്ടനിഗ്രഹകാരകഃ । ധർമപ്രതിഷ്ടാകാരീ ച ചാതുർവർണ്യവിഭാഗകൃത് ॥ 78 ॥ യുഗാന്തകോ യുഗാക്രാന്തോ യുഗകൃദ്യുഗഭാസകഃ । കാമാരിഃ കാമകാരീ ച നിഷ്കാമഃ കാമിതാർഥദഃ ॥ 79 ॥ ഭർഗോ വരേണ്യഃ സവിതുഃ ശാർങ്ഗീ വൈകുണ്ഠമന്ദിരഃ । ഹയഗ്രീവഃ കൈടഭാരിഃ ഗ്രാഹഘ്നോ ഗജരക്ഷകഃ ॥ 80 ॥ സർവസംശയവിച്ഛേത്താ സർവഭക്തസമുത്സുകഃ । കപർദീ കാമഹാരീ ച കലാ കാഷ്ഠാ സ്മൃതിർധൃതിഃ ॥ 81 ॥ അനാദിരപ്രമേയൗജാഃ പ്രധാനഃ സന്നിരൂപകഃ । നിർലേപോ നിഃസ്പൃഹോഽസംഗോ നിർഭയോ നീതിപാരഗഃ ॥ 82 ॥ നിഷ്പ്രേഷ്യോ നിഷ്ക്രിയഃ ശാന്തോ നിഷ്പ്രപഞ്ചോ നിധിർനയഃ കർമ്യകർമീ വികർമീ ച കർമേപ്സുഃ കർമഭാവനഃ ॥ 83 ॥ കർമാംഗഃ കർമവിന്യാസോ മഹാകർമീ മഹാവ്രതീ । കർമഭുക്കർമഫലദഃ കർമേശഃ കർമനിഗ്രഹഃ ॥ 84 ॥ നരോ നാരായണോ ദാന്തഃ കപിലഃ കാമദഃ ശുചിഃ । തപ്താ ജപ്താഽക്ഷമാലാവാൻ ഗന്താ നേതാ ലയോ ഗതിഃ ॥ 85 ॥ ശിഷ്ടോ ദ്രഷ്ടാ രിപുദ്വേഷ്ടാ രോഷ്ടാ വേഷ്ടാ മഹാനടഃ । രോദ്ധാ ബോദ്ധാ മഹായോദ്ധാ ശ്രദ്ധാവാൻ സത്യധീഃ ശുഭഃ ॥ 86 ॥ മന്ത്രീ മന്ത്രോ മന്ത്രഗമ്യോ മന്ത്രകൃത്പരമന്ത്രഹൃത് । മന്ത്രഭൃന്മന്ത്രഫലദോ മന്ത്രേശോ മന്ത്രവിഗ്രഹഃ ॥ 87 ॥ മന്ത്രാംഗോ മന്ത്രവിന്യാസോ മഹാമന്ത്രോ മഹാക്രമഃ । സ്ഥിരധീഃ സ്ഥിരവിജ്ഞാനഃ സ്ഥിരപ്രജ്ഞഃ സ്ഥിരാസനഃ ॥ 88 ॥ സ്ഥിരയോഗഃ സ്ഥിരാധാരഃ സ്ഥിരമാർഗഃ സ്ഥിരാഗമഃ । നിശ്ശ്രേയസോ നിരീഹോഽഗ്നിർനിരവദ്യോ നിരഞ്ജനഃ ॥ 89 ॥ നിർവൈരോ നിരഹങ്കാരോ നിർദംഭോ നിരസൂയകഃ । അനന്തോഽനന്തബാഹൂരുരനന്താംഘ്രിരനന്തദൃക് ॥ 90 ॥ അനന്തവക്ത്രോഽനന്താംഗോഽനന്തരൂപോ ഹ്യനന്തകൃത് । ഊർധ്വരേതാ ഊർധ്വലിംഗോ ഹ്യൂർധ്വമൂർധോർധ്വശാഖകഃ ॥ 91 ॥ ഊർധ്വ ഊർധ്വാധ്വരക്ഷീ ച ഹ്യൂർധ്വജ്വാലോ നിരാകുലഃ । ബീജം ബീജപ്രദോ നിത്യോ നിദാനം നിഷ്കൃതിഃ കൃതീ ॥ 92 ॥ മഹാനണീയൻ ഗരിമാ സുഷമാ ചിത്രമാലികഃ । നഭഃ സ്പൃങ്നഭസോ ജ്യോതിർനഭസ്വാന്നിർനഭാ നഭഃ ॥ 93 ॥ അഭുർവിഭുഃ പ്രഭുഃ ശംഭുർമഹീയാൻ ഭൂർഭുവാകൃതിഃ । മഹാനന്ദോ മഹാശൂരോ മഹോരാശിർമഹോത്സവഃ ॥ 94 ॥ മഹാക്രോധോ മഹാജ്വാലോ മഹാശാന്തോ മഹാഗുണഃ । സത്യവ്രതഃ സത്യപരഃ സത്യസന്ധഃ സതാം ഗതിഃ ॥ 95 ॥ സത്യേശഃ സത്യസങ്കല്പഃ സത്യചാരിത്രലക്ഷണഃ । അന്തശ്ചരോ ഹ്യന്തരാത്മാ പരമാത്മാ ചിദാത്മകഃ ॥ 96 ॥ രോചനോ രോചമാനശ്ച സാക്ഷീ ശൗരിർജനാർദനഃ । മുകുന്ദോ നന്ദനിഷ്പന്ദഃ സ്വർണബിന്ദുഃ പുരന്ദരഃ ॥ 97 ॥ അരിന്ദമഃ സുമന്ദശ്ച കുന്ദമന്ദാരഹാസവാൻ । സ്യന്ദനാരൂഢചണ്ഡാംഗോ ഹ്യാനന്ദീ നന്ദനന്ദനഃ ॥ 98 ॥ അനസൂയാനന്ദനോഽത്രിനേത്രാനന്ദഃ സുനന്ദവാൻ । ശംഖവാൻപങ്കജകരഃ കുങ്കുമാങ്കോ ജയാങ്കുശഃ ॥ 99 ॥ അംഭോജമകരന്ദാഢ്യോ നിഷ്പങ്കോഽഗരുപങ്കിലഃ । ഇന്ദ്രശ്ചന്ദ്രരഥശ്ചന്ദ്രോഽതിചന്ദ്രശ്ചന്ദ്രഭാസകഃ ॥ 100 ॥ ഉപേന്ദ്ര ഇന്ദ്രരാജശ്ച വാഗിന്ദ്രശ്ചന്ദ്രലോചനഃ । പ്രത്യക് പരാക് പരന്ധാമ പരമാർഥഃ പരാത്പരഃ ॥ 101 ॥ അപാരവാക് പാരഗാമീ പാരാവാരഃ പരാവരഃ । സഹസ്വാനർഥദാതാ ച സഹനഃ സാഹസീ ജയീ ॥ 102 ॥ തേജസ്വീ വായുവിശിഖീ തപസ്വീ താപസോത്തമഃ । ഐശ്വര്യോദ്ഭൂതികൃദ്ഭൂതിരൈശ്വര്യാംഗകലാപവാൻ ॥ 103 ॥ അംഭോധിശായീ ഭഗവാൻ സർവജ്ഞഃ സാമപാരഗഃ । മഹായോഗീ മഹാധീരോ മഹാഭോഗീ മഹാപ്രഭുഃ ॥ 104 ॥ മഹാവീരോ മഹാതുഷ്ടിർമഹാപുഷ്ടിർമഹാഗുണഃ । മഹാദേവോ മഹാബാഹുർമഹാധർമോ മഹേശ്വരഃ ॥ 105 ॥ സമീപഗോ ദൂരഗാമീ സ്വർഗമാർഗനിരർഗലഃ । നഗോ നഗധരോ നാഗോ നാഗേശോ നാഗപാലകഃ ॥ 106 ॥ ഹിരണ്മയഃ സ്വർണരേതാ ഹിരണ്യാർചിർഹിരണ്യദഃ । ഗുണഗണ്യഃ ശരണ്യശ്ച പുണ്യകീർതിഃ പുരാണഗഃ ॥ 107 ॥ ജന്യഭൃജ്ജന്യസന്നദ്ധോ ദിവ്യപഞ്ചായുധോ വശീ । ദൗർജന്യഭംഗഃ പർജന്യഃ സൗജന്യനിലയോഽലയഃ ॥ 108 ॥ ജലന്ധരാന്തകോ ഭസ്മദൈത്യനാശീ മഹാമനാഃ । ശ്രേഷ്ഠഃ ശ്രവിഷ്ഠോ ദ്രാഘിഷ്ഠോ ഗരിഷ്ഠോ ഗരുഡധ്വജഃ ॥ 109 ॥ ജ്യേഷ്ഠോ ദ്രഢിഷ്ഠോ വർഷിഷ്ഠോ ദ്രാഘീയാൻ പ്രണവഃ ഫണീ । സമ്പ്രദായകരഃ സ്വാമീ സുരേശോ മാധവോ മധുഃ ॥ 110 ॥ നിർനിമേഷോ വിധിർവേധാ ബലവാൻ ജീവനം ബലീ । സ്മർതാ ശ്രോതാ വികർതാ ച ധ്യാതാ നേതാ സമോഽസമഃ ॥ 111 ॥ ഹോതാ പോതാ മഹാവക്താ രന്താ മന്താ ഖലാന്തകഃ । ദാതാ ഗ്രാഹയിതാ മാതാ നിയന്താഽനന്തവൈഭവഃ ॥ 112 ॥ ഗോപ്താ ഗോപയിതാ ഹന്താ ധർമജാഗരിതാ ധവഃ । കർതാ ക്ഷേത്രകരഃ ക്ഷേത്രപ്രദഃ ക്ഷേത്രജ്ഞ ആത്മവിത് ॥ 113 ॥ ക്ഷേത്രീ ക്ഷേത്രഹരഃ ക്ഷേത്രപ്രിയഃ ക്ഷേമകരോ മരുത് । ഭക്തിപ്രദോ മുക്തിദായീ ശക്തിദോ യുക്തിദായകഃ ॥ 114 ॥ ശക്തിയുങ്മൗക്തികസ്രഗ്വീ സൂക്തിരാമ്നായസൂക്തിഗഃ । ധനഞ്ജയോ ധനാധ്യക്ഷോ ധനികോ ധനദാധിപഃ ॥ 115 ॥ മഹാധനോ മഹാമാനീ ദുര്യോധനവിമാനിതഃ । രത്നാകരോ രത്നരോചീ രത്നഗർഭാശ്രയഃ ശുചിഃ ॥ 116 ॥ രത്നസാനുനിധിർമൗലിരത്നഭാ രത്നകങ്കണഃ । അന്തർലക്ഷ്യോഽന്തരഭ്യാസീ ചാന്തർധ്യേയോ ജിതാസനഃ ॥ 117 ॥ അന്തരംഗോ ദയാവാംശ്ച ഹ്യന്തർമായോ മഹാർണവഃ । സരസഃ സിദ്ധരസികഃ സിദ്ധിഃ സാധ്യഃ സദാഗതിഃ ॥ 118 ॥ ആയുഃപ്രദോ മഹായുഷ്മാനർചിഷ്മാനോഷധീപതിഃ । അഷ്ടശ്രീരഷ്ടഭാഗോഽഷ്ടകകുബ്വ്യാപ്തയശോ വ്രതീ ॥ 119 ॥ അഷ്ടാപദഃ സുവർണാഭോ ഹ്യഷ്ടമൂർതിസ്ത്രിമൂർതിമാൻ । അസ്വപ്നഃ സ്വപ്നഗഃ സ്വപ്നഃ സുസ്വപ്നഫലദായകഃ ॥ 120 ॥ ദുഃസ്വപ്നധ്വംസകോ ധ്വസ്തദുർനിമിത്തഃ ശിവങ്കരഃ । സുവർണവർണഃ സംഭാവ്യോ വർണിതോ വർണസമ്മുഖഃ ॥ 121 ॥ സുവർണമുഖരീതീരശിവധ്യാതപദാംബുജഃ । ദാക്ഷായണീവചസ്തുഷ്ടോ ദൂർവാസോദൃഷ്ടിഗോചരഃ ॥ 122 ॥ അംബരീഷവ്രതപ്രീതോ മഹാകൃത്തിവിഭഞ്ജനഃ । മഹാഭിചാരകധ്വംസീ കാലസർപഭയാന്തകഃ ॥ 123 ॥ സുദർശനഃ കാലമേഘശ്യാമഃ ശ്രീമന്ത്രഭാവിതഃ । ഹേമാംബുജസരഃസ്നായീ ശ്രീമനോഭാവിതാകൃതിഃ ॥ 124 ॥ ശ്രീപ്രദത്താംബുജസ്രഗ്വീ ശ്രീകേലിഃ ശ്രീനിധിർഭവഃ । ശ്രീപ്രദോ വാമനോ ലക്ഷ്മീനായകശ്ച ചതുർഭുജഃ ॥ 125 ॥ സന്തൃപ്തസ്തർപിതസ്തീർഥസ്നാതൃസൗഖ്യപ്രദർശകഃ । അഗസ്ത്യസ്തുതിസംഹൃഷ്ടോ ദർശിതാവ്യക്തഭാവനഃ ॥ 126 ॥ കപിലാർചിഃ കപിലവാൻ സുസ്നാതാഘവിപാടനഃ । വൃഷാകപിഃ കപിസ്വാമിമനോഽന്തഃസ്ഥിതവിഗ്രഹഃ ॥ 127 ॥ വഹ്നിപ്രിയോഽർഥസംഭാവ്യോ ജനലോകവിധായകഃ । വഹ്നിപ്രഭോ വഹ്നിതേജാഃ ശുഭാഭീഷ്ടപ്രദോ യമീ ॥ 128 ॥ വാരുണക്ഷേത്രനിലയോ വരുണോ വാരണാർചിതഃ । വായുസ്ഥാനകൃതാവാസോ വായുഗോ വായുസംഭൃതഃ ॥ 129 ॥ യമാന്തകോഽഭിജനനോ യമലോകനിവാരണഃ । യമിനാമഗ്രഗണ്യശ്ച സമ്യമീ യമഭാവിതഃ ॥ 130 ॥ ഇന്ദ്രോദ്യാനസമീപസ്ഥഃ ഇന്ദ്രദൃഗ്വിഷയഃ പ്രഭുഃ । യക്ഷരാട് സരസീവാസോ ഹ്യക്ഷയ്യനിധികോശകൃത് ॥ 131 ॥ സ്വാമിതീർഥകൃതാവാസഃ സ്വാമിധ്യേയോ ഹ്യധോക്ഷജഃ । വരാഹാദ്യഷ്ടതീർഥാഭിസേവിതാംഘ്രിസരോരുഹഃ ॥ 132 ॥ പാണ്ഡുതീർഥാഭിഷിക്താംഗോ യുധിഷ്ഠിരവരപ്രദഃ । ഭീമാന്തഃകരണാരൂഢഃ ശ്വേതവാഹനസഖ്യവാൻ ॥ 133 ॥ നകുലാഭയദോ മാദ്രീസഹദേവാഭിവന്ദിതഃ । കൃഷ്ണാശപഥസന്ധാതാ കുന്തീസ്തുതിരതോ ദമീ ॥ 134 ॥ നാരദാദിമുനിസ്തുത്യോ നിത്യകർമപരായണഃ । ദർശിതാവ്യക്തരൂപശ്ച വീണാനാദപ്രമോദിതഃ ॥ 135 ॥ ഷട്കോടിതീർഥചര്യാവാൻ ദേവതീർഥകൃതാശ്രമഃ । ബില്വാമലജലസ്നായീ സരസ്വത്യംബുസേവിതഃ ॥ 136 ॥ തുംബുരൂദകസംസ്പർശജനചിത്തതമോഽപഹഃ । മത്സ്യവാമനകൂർമാദിതീർഥരാജഃ പുരാണഭൃത് ॥ 137 ॥ ചക്രധ്യേയപദാംഭോജഃ ശംഖപൂജിതപാദുകഃ । രാമതീർഥവിഹാരീ ച ബലഭദ്രപ്രതിഷ്ഠിതഃ ॥ 138 ॥ ജാമദഗ്ന്യസരസ്തീർഥജലസേചനതർപിതഃ । പാപാപഹാരികീലാലസുസ്നാതാഘവിനാശനഃ ॥ 139 ॥ നഭോഗംഗാഭിഷിക്തശ്ച നാഗതീർഥാഭിഷേകവാൻ । കുമാരധാരാതീർഥസ്ഥോ വടുവേഷഃ സുമേഖലഃ ॥ 140 ॥ വൃദ്ധസ്യ സുകുമാരത്വപ്രദഃ സൗന്ദര്യവാൻ സുഖീ । പ്രിയംവദോ മഹാകുക്ഷിരിക്ഷ്വാകുകുലനന്ദനഃ ॥ 141 ॥ നീലഗോക്ഷീരധാരാഭൂർവരാഹാചലനായകഃ । ഭരദ്വാജപ്രതിഷ്ഠാവാൻ ബൃഹസ്പതിവിഭാവിതഃ ॥ 142 ॥ അഞ്ജനാകൃതപൂജാവാൻ ആഞ്ജനേയകരാർചിതഃ । അഞ്ജനാദ്രിനിവാസശ്ച മുഞ്ജകേശഃ പുരന്ദരഃ ॥ 143 ॥ കിന്നരദ്വയസംബന്ധിബന്ധമോക്ഷപ്രദായകഃ । വൈഖാനസമഖാരംഭോ വൃഷജ്ഞേയോ വൃഷാചലഃ ॥ 144 ॥ വൃഷകായപ്രഭേത്താ ച ക്രീഡനാചാരസംഭ്രമഃ । സൗവർചലേയവിന്യസ്തരാജ്യോ നാരായണഃ പ്രിയഃ ॥ 145 ॥ ദുർമേധോഭഞ്ജകഃ പ്രാജ്ഞോ ബ്രഹ്മോത്സവമഹോത്സുകഃ । ഭദ്രാസുരശിരശ്ഛേത്താ ഭദ്രക്ഷേത്രീ സുഭദ്രവാൻ ॥ 146 ॥ മൃഗയാഽക്ഷീണസന്നാഹഃ ശംഖരാജന്യതുഷ്ടിദഃ । സ്ഥാണുസ്ഥോ വൈനതേയാംഗഭാവിതോ ഹ്യശരീരവാൻ ॥ 147 ॥ ഭോഗീന്ദ്രഭോഗസംസ്ഥാനോ ബ്രഹ്മാദിഗണസേവിതഃ । സഹസ്രാർകച്ഛടാഭാസ്വദ്വിമാനാന്തഃസ്ഥിതോ ഗുണീ ॥ 148 ॥ വിഷ്വക്സേനകൃതസ്തോത്രഃ സനന്ദനവരീവൃതഃ । ജാഹ്നവ്യാദിനദീസേവ്യഃ സുരേശാദ്യഭിവന്ദിതഃ ॥ 149 ॥ സുരാംഗനാനൃത്യപരോ ഗന്ധർവോദ്ഗായനപ്രിയഃ । രാകേന്ദുസങ്കാശനഖഃ കോമലാംഘ്രിസരോരുഹഃ ॥ 150 ॥ കച്ഛപപ്രപദഃ കുന്ദഗുൽഫകഃ സ്വച്ഛകൂർപരഃ । മേദുരസ്വർണവസ്ത്രാഢ്യകടിദേശസ്ഥമേഖലഃ ॥ 151 ॥ പ്രോല്ലസച്ഛുരികാഭാസ്വത്കടിദേശഃ ശുഭങ്കരഃ । അനന്തപദ്മജസ്ഥാനനാഭിർമൗക്തികമാലികഃ ॥ 152 ॥ മന്ദാരചാമ്പേയമാലീ രത്നാഭരണസംഭൃതഃ । ലംബയജ്ഞോപവീതീ ച ചന്ദ്രശ്രീഖണ്ഡലേപവാൻ ॥ 153 ॥ വരദോഽഭയദശ്ചക്രീ ശംഖീ കൗസ്തുഭദീപ്തിമാൻ । ശ്രീവത്സാങ്കിതവക്ഷസ്കോ ലക്ഷ്മീസംശ്രിതഹൃത്തടഃ ॥ 154 ॥ നീലോത്പലനിഭാകാരഃ ശോണാംഭോജസമാനനഃ । കോടിമന്മഥലാവണ്യശ്ചന്ദ്രികാസ്മിതപൂരിതഃ ॥ 155 ॥ സുധാസ്വച്ഛോർധ്വപുണ്ഡ്രശ്ച കസ്തൂരീതിലകാഞ്ചിതഃ । പുണ്ഡരീകേക്ഷണഃ സ്വച്ഛോ മൗലിശോഭാവിരാജിതഃ ॥ 156 ॥ പദ്മസ്ഥഃ പദ്മനാഭശ്ച സോമമണ്ഡലഗോ ബുധഃ । വഹ്നിമണ്ഡലഗഃ സൂര്യഃ സൂര്യമണ്ഡലസംസ്ഥിതഃ ॥ 157 ॥ ശ്രീപതിർഭൂമിജാനിശ്ച വിമലാദ്യഭിസംവൃതഃ । ജഗത്കുടുംബജനിതാ രക്ഷകഃ കാമിതപ്രദഃ ॥ 158 ॥ അവസ്ഥാത്രയയന്താ ച വിശ്വതേജസ്സ്വരൂപവാൻ । ജ്ഞപ്തിർജ്ഞേയോ ജ്ഞാനഗമ്യോ ജ്ഞാനാതീതഃ സുരാതിഗഃ ॥ 159 ॥ ബ്രഹ്മാണ്ഡാന്തർബഹിർവ്യാപ്തോ വേങ്കടാദ്രിഗദാധരഃ । വേങ്കടാദ്രിഗദാധര ഓം നമഃ ഇതി ॥ ഏവം ശ്രീവേങ്കടേശസ്യ കീർതിതം പരമാദ്ഭുതം ॥ 160 ॥ നാമ്നാം സഹസ്രം സംശ്രാവ്യം പവിത്രം പുണ്യവർധനം । ശ്രവണാത്സർവദോഷഘ്നം രോഗഘ്നം മൃത്യുനാശനം ॥ 1 ॥ ദാരിദ്ര്യഭേദനം ധർമ്യം സർവൈശ്വര്യഫലപ്രദം । കാലാഹിവിഷവിച്ഛേദി ജ്വരാപസ്മാരഭഞ്ജനം ॥ 2 ॥ [ശത്രുക്ഷയകരം രാജഗ്രഹപീഡാനിവാരണം । ബ്രഹ്മരാക്ഷസകൂഷ്മാണ്ഡഭേതാലഭയഭഞ്ജനം ॥ ] വിദ്യാഭിലാഷീ വിദ്യാവാൻ ധനാർഥീ ധനവാൻ ഭവേത് । അനന്തകല്പജീവീ സ്യാദായുഷ്കാമോ മഹായശാഃ ॥ 3 ॥ പുത്രാർഥീ സുഗുണാൻപുത്രാൻ ലഭേതാഽഽയുഷ്മതസ്തതഃ । സംഗ്രാമേ ശത്രുവിജയീ സഭായാം പ്രതിവാദിജിത് ॥ 4 ॥ ദിവ്യൈർനാമഭിരേഭിസ്തു തുലസീപൂജനാത്സകൃത് । വൈകുണ്ഠവാസീ ഭഗവത്സദൃശോ വിഷ്ണുസന്നിധൗ ॥ 5 ॥ കൽഹാരപൂജനാന്മാസാത് ദ്വിതീയ ഇവ യക്ഷരാട് । നീലോത്പലാർചനാത്സർവരാജപൂജ്യഃ സദാ ഭവേത് ॥ 6 ॥ ഹൃത്സംസ്ഥിതൈർനാമഭിസ്തു ഭൂയാദ്ദൃഗ്വിഷയോ ഹരിഃ । വാഞ്ഛിതാർഥം തദാ ദത്വാ വൈകുണ്ഠം ച പ്രയച്ഛതി ॥ 7 ॥ ത്രിസന്ധ്യം യോ ജപേന്നിത്യം സമ്പൂജ്യ വിധിനാ വിഭും । ത്രിവാരം പഞ്ചവാരം വാ പ്രത്യഹം ക്രമശോ യമീ ॥ 8 ॥ മാസാദലക്ഷ്മീനാശഃ സ്യാത് ദ്വിമാസാത് സ്യാന്നരേന്ദ്രതാ । ത്രിമാസാന്മഹദൈശ്വര്യം തതഃ സംഭാഷണം ഭവേത് ॥ 9 ॥ മാസം പഠന്ന്യൂനകർമപൂർതിം ച സമവാപ്നുയാത് । മാർഗഭ്രഷ്ടശ്ച സന്മാർഗം ഗതസ്വഃ സ്വം സ്വകീയകം ॥ 10 ॥ ചാഞ്ചല്യചിത്തോഽചാഞ്ചല്യം മനസ്സ്വാസ്ഥ്യം ച ഗച്ഛതി । ആയുരാരോഗ്യമൈശ്വര്യം ജ്ഞാനം മോക്ഷം ച വിന്ദതി ॥ 11 ॥ സർവാൻകാമാനവാപ്നോതി ശാശ്വതം ച പദം തഥാ । സത്യം സത്യം പുനസ്സത്യം സത്യം സത്യം ന സംശയഃ ॥ 12 ॥ ഇതി ശ്രീ ബ്രഹ്മാണ്ഡപുരാണേ വസിഷ്ഠനാരദസംവാദേ ശ്രീവേങ്കടാചലമാഹാത്മ്യേ ശ്രീ വേങ്കടേശ സഹസ്രനാമ സ്തോത്രം സമാപ്തം ।