ശ്രിയഃ കാംതായ കല്യാണനിധയേ നിധയേഽര്ഥിനാമ് । ശ്രീവേംകട നിവാസായ ശ്രീനിവാസായ മംഗളമ് ॥ 1 ॥ ലക്ഷ്മീ സവിഭ്രമാലോക സുഭ്രൂ വിഭ്രമ ചക്ഷുഷേ । ചക്ഷുഷേ സർവലോകാനാം വേംകടേശായ മംഗളമ് ॥ 2 ॥ ശ്രീവേംകടാദ്രി ശൃംഗാഗ്ര മംഗളാഭരണാംഘ്രയേ । മംഗളാനാം നിവാസായ ശ്രീനിവാസായ മംഗളമ് ॥ 3 ॥ സർവാവയവ സൌംദര്യ സംപദാ സർവചേതസാമ് । സദാ സമ്മോഹനായാസ്തു വേംകടേശായ മംഗളമ് ॥ 4 ॥ നിത്യായ നിരവദ്യായ സത്യാനംദ ചിദാത്മനേ । സർവാംതരാത്മനേ ശ്രീമദ്-വേംകടേശായ മംഗളമ് ॥ 5 ॥ സ്വത സ്സർവവിദേ സർവ ശക്തയേ സർവശേഷിണേ । സുലഭായ സുശീലായ വേംകടേശായ മംഗളമ് ॥ 6 ॥ പരസ്മൈ ബ്രഹ്മണേ പൂര്ണകാമായ പരമാത്മനേ । പ്രയുംജേ പരതത്ത്വായ വേംകടേശായ മംഗളമ് ॥ 7 ॥ ആകാലതത്ത്വ മശ്രാംത മാത്മനാ മനുപശ്യതാമ് । അതൃപ്ത്യമൃത രൂപായ വേംകടേശായ മംഗളമ് ॥ 8 ॥ പ്രായഃ സ്വചരണൌ പുംസാം ശരണ്യത്വേന പാണിനാ । കൃപയാഽഽദിശതേ ശ്രീമദ്-വേംകടേശായ മംഗളമ് ॥ 9 ॥ ദയാഽമൃത തരംഗിണ്യാ സ്തരംഗൈരിവ ശീതലൈഃ । അപാംഗൈ സ്സിംചതേ വിശ്വം വേംകടേശായ മംഗളമ് ॥ 10 ॥ സ്രഗ്-ഭൂഷാംബര ഹേതീനാം സുഷമാഽഽവഹമൂര്തയേ । സർവാര്തി ശമനായാസ്തു വേംകടേശായ മംഗളമ് ॥ 11 ॥ ശ്രീവൈകുംഠ വിരക്തായ സ്വാമി പുഷ്കരിണീതടേ । രമയാ രമമാണായ വേംകടേശായ മംഗളമ് ॥ 12 ॥ ശ്രീമത്-സുംദരജാ മാതൃമുനി മാനസവാസിനേ । സർവലോക നിവാസായ ശ്രീനിവാസായ മംഗളമ് ॥ 13 ॥ മംഗളാ ശാസനപരൈര്-മദാചാര്യ പുരോഗമൈഃ । സർവൈശ്ച പൂർവൈരാചാര്യൈഃ സത്കൃതായാസ്തു മംഗളമ് ॥ 14 ॥ ശ്രീ പദ്മാവതീ സമേത ശ്രീ ശ്രീനിവാസ പരബ്രഹ്മണേ നമഃ