śrībhairava uvācha yō dēvadēvō bhagavān bhāskarō mahasāṃ nidhiḥ । gayatrīnāyakō bhāsvān savitēti pragīyatē ॥ 1 ॥ tasyāhaṃ kavachaṃ divyaṃ vajrapañjarakābhidham । sarvamantramayaṃ guhyaṃ mūlavidyārahasyakam ॥ 2 ॥ sarvapāpāpahaṃ dēvi duḥkhadāridryanāśanam । mahākuṣṭhaharaṃ puṇyaṃ sarvarōganivarhaṇam ॥ 3 ॥ sarvaśatrusamūhaghnaṃ samgrāmē vijayapradam । sarvatējōmayaṃ sarvadēvadānavapūjitam ॥ 4 ॥ raṇē rājabhayē ghōrē sarvōpadravanāśanam । mātṛkāvēṣṭitaṃ varma bhairavānananirgatam ॥ 5 ॥ grahapīḍāharaṃ dēvi sarvasaṅkaṭanāśanam । dhāraṇādasya dēvēśi brahmā lōkapitāmahaḥ ॥ 6 ॥ viṣṇurnārāyaṇō dēvi raṇē daityāñjiṣyati । śaṅkaraḥ sarvalōkēśō vāsavō'pi divaspatiḥ ॥ 7 ॥ ōṣadhīśaḥ śaśī dēvi śivō'haṃ bhairavēśvaraḥ । mantrātmakaṃ paraṃ varma savituḥ sāramuttamam ॥ 8 ॥ yō dhārayēd bhujē mūrdhni ravivārē mahēśvari । sa rājavallabhō lōkē tējasvī vairimardanaḥ ॥ 9 ॥ bahunōktēna kiṃ dēvi kavachasyāsya dhāraṇāt । iha lakṣmīdhanārōgya-vṛddhirbhavati nānyathā ॥ 10 ॥ paratra paramā muktirdēvānāmapi durlabhā । kavachasyāsya dēvēśi mūlavidyāmayasya cha ॥ 11 ॥ vajrapañjarakākhyasya munirbrahmā samīritaḥ । gāyatryaṃ Chanda ityuktaṃ dēvatā savitā smṛtaḥ ॥ 12 ॥ māyā bījaṃ śarat śaktirnamaḥ kīlakamīśvari । sarvārthasādhanē dēvi viniyōgaḥ prakīrtitaḥ ॥ 13 ॥ atha sūrya kavachaṃ ōṁ aṃ āṃ iṃ īṃ śiraḥ pātu ōṁ sūryō mantravigrahaḥ । uṃ ūṃ ṛṃ ṝṃ lalāṭaṃ mē hrāṃ raviḥ pātu chinmayaḥ ॥ 14 ॥ ~ḻuṃ ~ḻūṃ ēṃ aiṃ pātu nētrē hrīṃ mamāruṇasārathiḥ । ōṁ auṃ aṃ aḥ śrutī pātu saḥ sarvajagadīśvaraḥ ॥ 15 ॥ kaṃ khaṃ gaṃ ghaṃ pātu gaṇḍau sūṃ sūraḥ surapūjitaḥ । chaṃ Chaṃ jaṃ jhaṃ cha nāsāṃ mē pātu yārṃ aryamā prabhuḥ ॥ 16 ॥ ṭaṃ ṭhaṃ ḍaṃ ḍhaṃ mukhaṃ pāyād yaṃ yōgīśvarapūjitaḥ । taṃ thaṃ daṃ dhaṃ galaṃ pātu naṃ nārāyaṇavallabhaḥ ॥ 17 ॥ paṃ phaṃ baṃ bhaṃ mama skandhau pātu maṃ mahasāṃ nidhiḥ । yaṃ raṃ laṃ vaṃ bhujau pātu mūlaṃ sakanāyakaḥ ॥ 18 ॥ śaṃ ṣaṃ saṃ haṃ pātu vakṣō mūlamantramayō dhruvaḥ । ḻaṃ kṣaḥ kukṣsiṃ sadā pātu grahāthō dinēśvaraḥ ॥ 19 ॥ ṅaṃ ñaṃ ṇaṃ naṃ maṃ mē pātu pṛṣṭhaṃ divasanāyakaḥ । aṃ āṃ iṃ īṃ uṃ ūṃ ṛṃ ṝṃ nābhiṃ pātu tamōpahaḥ ॥ 20 ॥ ~ḻuṃ ~ḻūṃ ēṃ aiṃ ōṁ auṃ aṃ aḥ liṅgaṃ mē'vyād grahēśvaraḥ । kaṃ khaṃ gaṃ ghaṃ chaṃ Chaṃ jaṃ jhaṃ kaṭiṃ bhānurmamāvatu ॥ 21 ॥ ṭaṃ ṭhaṃ ḍaṃ ḍhaṃ taṃ thaṃ daṃ dhaṃ jānū bhāsvān mamāvatu । paṃ phaṃ baṃ bhaṃ yaṃ raṃ laṃ vaṃ jaṅghē mē'vyād vibhākaraḥ ॥ 22 ॥ śaṃ ṣaṃ saṃ haṃ ḻaṃ kṣaḥ pātu mūlaṃ pādau trayitanuḥ । ṅaṃ ñaṃ ṇaṃ naṃ maṃ mē pātu savitā sakalaṃ vapuḥ ॥ 23 ॥ sōmaḥ pūrvē cha māṃ pātu bhaumō'gnau māṃ sadāvatu । budhō māṃ dakṣiṇē pātu naiṛtyā gurarēva mām ॥ 24 ॥ paśchimē māṃ sitaḥ pātu vāyavyāṃ māṃ śanaiścharaḥ । uttarē māṃ tamaḥ pāyādaiśānyāṃ māṃ śikhī tathā ॥ 25 ॥ ūrdhvaṃ māṃ pātu mihirō māmadhastāñjagatpatiḥ । prabhātē bhāskaraḥ pātu madhyāhnē māṃ dinēśvaraḥ ॥ 26 ॥ sāyaṃ vēdapriyaḥ pātu niśīthē visphurāpatiḥ । sarvatra sarvadā sūryaḥ pātu māṃ chakranāyakaḥ ॥ 27 ॥ raṇē rājakulē dyūtē vidādē śatrusaṅkaṭē । saṅgāmē cha jvarē rōgē pātu māṃ savitā prabhuḥ ॥ 28 ॥ ōṁ ōṁ ōṁ uta ōṁuauṃ ha sa ma yaḥ sūrō'vatānmāṃ bhayād hrāṃ hrīṃ hruṃ hahahā hasauḥ hasahasauḥ haṃsō'vatāt sarvataḥ । saḥ saḥ saḥ sasasā nṛpādvanacharāchchaurādraṇāt saṅkaṭāt pāyānmāṃ kulanāyakō'pi savitā ōṁ hrīṃ ha sauḥ sarvadā ॥ 29 ॥ drāṃ drīṃ drūṃ dadhanaṃ tathā cha taraṇirbhāmbhairbhayād bhāskarō rāṃ rīṃ rūṃ rururūṃ ravirjvarabhayāt kuṣṭhāchcha śūlāmayāt । aṃ aṃ āṃ vivivīṃ mahāmayabhayaṃ māṃ pātu mārtaṇḍakō mūlavyāptatanuḥ sadāvatu paraṃ haṃsaḥ sahasrāṃśumān ॥ 30॥ atha phalaśṛtiḥ iti śrīkavachaṃ divyaṃ vajrapañjarakābhidham । sarvadēvarahasyaṃ cha mātṛkāmantravēṣṭitam ॥ 31 ॥ mahārōgabhayaghnaṃ cha pāpaghnaṃ manmukhōditam । guhyaṃ yaśaskaraṃ puṇyaṃ sarvaśrēyaskaraṃ śivē ॥ 32 ॥ likhitvā ravivārē tu tiṣyē vā janmabhē priyē । aṣṭagandhēna divyēna sudhākṣīrēṇa pārvati ॥ 33 ॥ arkakṣīrēṇa puṇyēna bhūrjatvachi mahēśvari । kanakīkāṣṭhalēkhanyā kavachaṃ bhāskarōdayē ॥ 34 ॥ śvētasūtrēṇa raktēna śyāmēnāvēṣṭayēd guṭīm । sauvarṇēnātha saṃvēṣṭhya dhārayēnmūrdhni vā bhujē ॥ 35 ॥ raṇē ripūñjayēd dēvi vādē sadasi jēṣyati । rājamānyō bhavēnnityaṃ sarvatējōmayō bhavēt ॥ 36 ॥ kaṇṭhasthā putradā dēvi kukṣisthā rōganāśinī । śiraḥsthā guṭikā divyā rākalōkavaśaṅkarī ॥ 37 ॥ bhujasthā dhanadā nityaṃ tējōbuddhivivardhinī । vandhyā vā kākavandhyā vā mṛtavatsā cha yāṅganā ॥ 38 ॥ kaṇṭhē sā dhārayēnnityaṃ bahuputrā prajāyayē । yasya dēhē bhavēnnityaṃ guṭikaiṣā mahēśvari ॥ 39 ॥ mahāstrāṇīndramuktāni brahmāstrādīni pārvati । taddēhaṃ prāpya vyarthāni bhaviṣyanti na saṃśayaḥ ॥ 40 ॥ trikālaṃ yaḥ paṭhēnnityaṃ kavachaṃ vajrapañjaram । tasya sadyō mahādēvi savitā varadō bhavēt ॥ 41 ॥ ajñātvā kavachaṃ dēvi pūjayēd yastrayītanum । tasya pūjārjitaṃ puṇyaṃ janmakōṭiṣu niṣphalam ॥ 42 ॥ śatāvartaṃ paṭhēdvarma saptamyāṃ ravivāsarē । mahākuṣṭhārditō dēvi muchyatē nātra saṃśayaḥ ॥ 43 ॥ nirōgō yaḥ paṭhēdvarma daridrō vajrapañjaram । lakṣmīvāñjāyatē dēvi sadyaḥ sūryaprasādataḥ ॥ 44 ॥ bhaktyā yaḥ prapaṭhēd dēvi kavachaṃ pratyahaṃ priyē । iha lōkē śriyaṃ bhuktvā dēhāntē muktimāpnuyāt ॥ 45 ॥ iti śrīrudrayāmalē tantrē śrīdēvirahasyē vajrapañjarākhyasūryakavachanirūpaṇaṃ trayastriṃśaḥ paṭalaḥ ॥