ഹേ സ്വാമിനാഥ കരുണാകര ദീനബംധോ, ശ്രീപാർവതീശമുഖപംകജ പദ്മബംധോ । ശ്രീശാദിദേവഗണപൂജിതപാദപദ്മ, വല്ലീസനാഥ മമ ദേഹി കരാവലംബമ് ॥ 1 ॥ ദേവാദിദേവനുത ദേവഗണാധിനാഥ, ദേവേംദ്രവംദ്യ മൃദുപംകജമംജുപാദ । ദേവര്ഷിനാരദമുനീംദ്രസുഗീതകീര്തേ, വല്ലീസനാഥ മമ ദേഹി കരാവലംബമ് ॥ 2 ॥ നിത്യാന്നദാന നിരതാഖില രോഗഹാരിന്, തസ്മാത്പ്രദാന പരിപൂരിതഭക്തകാമ । ശൃത്യാഗമപ്രണവവാച്യനിജസ്വരൂപ, വല്ലീസനാഥ മമ ദേഹി കരാവലംബമ് ॥ 3 ॥ ക്രൌംചാസുരേംദ്ര പരിഖംഡന ശക്തിശൂല, പാശാദിശസ്ത്രപരിമംഡിതദിവ്യപാണേ । ശ്രീകുംഡലീശ ധൃതതുംഡ ശിഖീംദ്രവാഹ, വല്ലീസനാഥ മമ ദേഹി കരാവലംബമ് ॥ 4 ॥ ദേവാദിദേവ രഥമംഡല മധ്യ വേദ്യ, ദേവേംദ്ര പീഠനഗരം ദൃഢചാപഹസ്തമ് । ശൂരം നിഹത്യ സുരകോടിഭിരീഡ്യമാന, വല്ലീസനാഥ മമ ദേഹി കരാവലംബമ് ॥ 5 ॥ ഹാരാദിരത്നമണിയുക്തകിരീടഹാര, കേയൂരകുംഡലലസത്കവചാഭിരാമ । ഹേ വീര താരക ജയാഽമരബൃംദവംദ്യ, വല്ലീസനാഥ മമ ദേഹി കരാവലംബമ് ॥ 6 ॥ പംചാക്ഷരാദിമനുമംത്രിത ഗാംഗതോയൈഃ, പംചാമൃതൈഃ പ്രമുദിതേംദ്രമുഖൈര്മുനീംദ്രൈഃ । പട്ടാഭിഷിക്ത ഹരിയുക്ത പരാസനാഥ, വല്ലീസനാഥ മമ ദേഹി കരാവലംബമ് ॥ 7 ॥ ശ്രീകാര്തികേയ കരുണാമൃതപൂര്ണദൃഷ്ട്യാ, കാമാദിരോഗകലുഷീകൃതദുഷ്ടചിത്തമ് । ഭക്ത്വാ തു മാമവകളാധര കാംതികാംത്യാ, വല്ലീസനാഥ മമ ദേഹി കരാവലംബമ് ॥ 8 ॥ സുബ്രഹ്മണ്യ കരാവലംബം പുണ്യം യേ പഠംതി ദ്വിജോത്തമാഃ । തേ സർവേ മുക്തി മായാംതി സുബ്രഹ്മണ്യ പ്രസാദതഃ । സുബ്രഹ്മണ്യ കരാവലംബമിദം പ്രാതരുത്ഥായ യഃ പഠേത് । കോടിജന്മകൃതം പാപം തത്​ക്ഷണാദേവ നശ്യതി ॥