ஶ்ரீ மஹாதே³வ உவாச – ததோ ராம꞉ ஸ்வயம்ʼ ப்ராஹ ஹனுமந்தமுபஸ்தி²தம் । ஶருʼணு யத்வம்ʼ ப்ரவக்ஷ்யாமி ஹ்யாத்மானாத்மபராத்மனாம் ॥ 1 ॥ ஆகாஶஸ்ய யதா² பே⁴த³ஸ்த்ரிவிதோ⁴ த்³ருʼஶ்யதே மஹான் । ஜலாஶயே மஹாகாஶஸ்தத³வச்சி²ன்ன ஏவ ஹி । ப்ரதிபி³ம்பா³க்²யமபரம்ʼ த்³ருʼஶ்யதே த்ரிவித⁴ம்ʼ நப⁴꞉ ॥ 2 ॥ பு³த்³த்⁴யவச்சி²ன்னசைதன்யமேகம்ʼ பூர்ணமதா²பரம் । ஆபா⁴ஸஸ்த்வபரம்ʼ பி³ம்ப³பூ⁴தமேவம்ʼ த்ரிதா⁴ சிதி꞉ ॥ 3 ॥ ஸாபா⁴ஸபு³த்³தே⁴꞉ கர்த்ருʼத்வமவிச்சி²ன்னே(அ)விகாரிணி । ஸாக்ஷிண்யாரோப்யதே ப்⁴ராந்த்யா ஜீவத்வம்ʼ ச ததா²(அ)பு³தை⁴꞉ ॥ 4 ॥ ஆபா⁴ஸஸ்து ம்ருʼஷாபு³த்³தி⁴ரவித்³யாகார்யமுச்யதே । அவிச்சி²ன்னம்ʼ து தத்³ப்³ரஹ்ம விச்சே²த³ஸ்து விகல்பித꞉ ॥ 5 ॥ அவிச்சி²ன்னஸ்ய பூர்ணேன ஏகத்வம்ʼ ப்ரதிபத்³யதே । தத்த்வமஸ்யாதி³வாக்யைஶ்ச ஸாபா⁴ஸஸ்யாஹமஸ்ததா² ॥ 6 ॥ ஐக்யஜ்ஞானம்ʼ யதோ³த்பன்னம்ʼ மஹாவாக்யேன சாத்மனோ꞉ । ததா³(அ)வித்³யா ஸ்வகார்யைஶ்ச நஶ்யத்யேவ ந ஸம்ʼஶய꞉ ॥ 7 ॥ ஏதத்³விஜ்ஞாய மத்³ப⁴க்தோ மத்³பா⁴வாயோபபத்³யதே மத்³ப⁴க்திவிமுகா²னாம்ʼ ஹி ஶாஸ்த்ரக³ர்தேஷு முஹ்யதாம் । ந ஜ்ஞானம்ʼ ந ச மோக்ஷ꞉ ஸ்யாத்தேஷாம்ʼ ஜன்மஶதைரபி ॥ 8 ॥ இத³ம்ʼ ரஹஸ்யம்ʼ ஹ்ருʼத³யம்ʼ மமாத்மனோ மயைவ ஸாக்ஷாத்கதி²தம்ʼ தவானக⁴ । மத்³ப⁴க்திஹீனாய ஶடா²ய ந த்வயா தா³தவ்யமைந்த்³ராத³பி ராஜ்யதோ(அ)தி⁴கம் ॥ 9 ॥ ॥ இதி ஶ்ரீ ராம ஹ்ருʼத³யம் ॥