അസ്യ ശ്രീരാമസഹസ്രനാമസ്തോത്ര മഹാമന്ത്രസ്യ, ഭഗവാൻ ഈശ്വര ഋഷിഃ, അനുഷ്ടുപ്ഛന്ദഃ, ശ്രീരാമഃ പരമാത്മാ ദേവതാ, ശ്രീമാന്മഹാവിഷ്ണുരിതി ബീജം, ഗുണഭൃന്നിർഗുണോ മഹാനിതി ശക്തിഃ, സംസാരതാരകോ രാമ ഇതി മന്ത്രഃ, സച്ചിദാനന്ദവിഗ്രഹ ഇതി കീലകം, അക്ഷയഃ പുരുഷഃ സാക്ഷീതി കവചം, അജേയഃ സർവഭൂതാനാം ഇത്യസ്ത്രം, രാജീവലോചനഃ ശ്രീമാനിതി ധ്യാനം ശ്രീരാമപ്രീത്യർഥേ ദിവ്യസഹസ്രനാമജപേ വിനിയോഗഃ । ധ്യാനം । ധ്യായേദാജാനുബാഹും ധൃതശരധനുഷം ബദ്ധപദ്മാസനസ്ഥം പീതം വാസോ വസാനം നവകമലദലസ്പർധിനേത്രം പ്രസന്നം । വാമാങ്കാരൂഢസീതാമുഖകമലമിലല്ലോചനം നീരദാഭം നാനാലങ്കാരദീപ്തം ദധതമുരുജടാമണ്ഡലം രാമചന്ദ്രം ॥ നീലാംഭോധരകാന്തികാന്തമനിശം വീരാസനാധ്യാസിനം മുദ്രാം ജ്ഞാനമയീം ദധാനമപരം ഹസ്താംബുജം ജാനുനി । സീതാം പാർശ്വഗതാം സരോരുഹകരാം വിദ്യുന്നിഭാം രാഘവം പശ്യന്തീം മുകുടാംഗദാദിവിവിധാകല്പോജ്ജ്വലാംഗം ഭജേ ॥ അഥ സ്തോത്രം । രാജീവലോചനഃ ശ്രീമാൻ ശ്രീരാമോ രഘുപുംഗവഃ । രാമഭദ്രഃ സദാചാരോ രാജേന്ദ്രോ ജാനകീപതിഃ ॥ 1 ॥ അഗ്രഗണ്യോ വരേണ്യശ്ച വരദഃ പരമേശ്വരഃ । ജനാർദനോ ജിതാമിത്രഃ പരാർഥൈകപ്രയോജനഃ ॥ 2 ॥ വിശ്വാമിത്രപ്രിയോ ദാന്തഃ ശത്രുജിച്ഛത്രുതാപനഃ । സർവജ്ഞഃ സർവദേവാദിഃ ശരണ്യോ വാലിമർദനഃ ॥ 3 ॥ ജ്ഞാനഭാവ്യോഽപരിച്ഛേദ്യോ വാഗ്മീ സത്യവ്രതഃ ശുചിഃ । ജ്ഞാനഗമ്യോ ദൃഢപ്രജ്ഞഃ ഖരധ്വംസീ പ്രതാപവാൻ ॥ 4 ॥ ദ്യുതിമാനാത്മവാന്വീരോ ജിതക്രോധോഽരിമർദനഃ । വിശ്വരൂപോ വിശാലാക്ഷഃ പ്രഭുഃ പരിവൃഢോ ദൃഢഃ ॥ 5 ॥ ഈശഃ ഖഡ്ഗധരഃ ശ്രീമാൻ കൗസലേയോഽനസൂയകഃ । വിപുലാംസോ മഹോരസ്കഃ പരമേഷ്ഠീ പരായണഃ ॥ 6 ॥ സത്യവ്രതഃ സത്യസന്ധോ ഗുരുഃ പരമധാർമികഃ । ലോകജ്ഞോ ലോകവന്ദ്യശ്ച ലോകാത്മാ ലോകകൃത്പരഃ ॥ 7 ॥ അനാദിർഭഗവാൻ സേവ്യോ ജിതമായോ രഘൂദ്വഹഃ । രാമോ ദയാകരോ ദക്ഷഃ സർവജ്ഞഃ സർവപാവനഃ ॥ 8 ॥ ബ്രഹ്മണ്യോ നീതിമാൻ ഗോപ്താ സർവദേവമയോ ഹരിഃ । സുന്ദരഃ പീതവാസാശ്ച സൂത്രകാരഃ പുരാതനഃ ॥ 9 ॥ സൗമ്യോ മഹർഷിഃ കോദണ്ഡീ സർവജ്ഞഃ സർവകോവിദഃ । കവിഃ സുഗ്രീവവരദഃ സർവപുണ്യാധികപ്രദഃ ॥ 10 ॥ ഭവ്യോ ജിതാരിഷഡ്വർഗോ മഹോദാരോഽഘനാശനഃ । സുകീർതിരാദിപുരുഷഃ കാന്തഃ പുണ്യകൃതാഗമഃ ॥ 11 ॥ അകല്മഷശ്ചതുർബാഹുഃ സർവാവാസോ ദുരാസദഃ । സ്മിതഭാഷീ നിവൃത്താത്മാ സ്മൃതിമാൻ വീര്യവാൻ പ്രഭുഃ ॥ 12 ॥ ധീരോ ദാന്തോ ഘനശ്യാമഃ സർവായുധവിശാരദഃ । അധ്യാത്മയോഗനിലയഃ സുമനാ ലക്ഷ്മണാഗ്രജഃ ॥ 13 ॥ സർവതീർഥമയഃ ശൂരഃ സർവയജ്ഞഫലപ്രദഃ । യജ്ഞസ്വരൂപീ യജ്ഞേശോ ജരാമരണവർജിതഃ ॥ 14 ॥ വർണാശ്രമകരോ വർണീ ശത്രുജിത് പുരുഷോത്തമഃ । വിഭീഷണപ്രതിഷ്ഠാതാ പരമാത്മാ പരാത്പരഃ ॥ 15 ॥ പ്രമാണഭൂതോ ദുർജ്ഞേയഃ പൂർണഃ പരപുരഞ്ജയഃ । അനന്തദൃഷ്ടിരാനന്ദോ ധനുർവേദോ ധനുർധരഃ ॥ 16 ॥ ഗുണാകരോ ഗുണശ്രേഷ്ഠഃ സച്ചിദാനന്ദവിഗ്രഹഃ । അഭിവന്ദ്യോ മഹാകായോ വിശ്വകർമാ വിശാരദഃ ॥ 17 ॥ വിനീതാത്മാ വീതരാഗസ്തപസ്വീശോ ജനേശ്വരഃ । കല്യാണപ്രകൃതിഃ കല്പഃ സർവേശഃ സർവകാമദഃ ॥ 18 ॥ അക്ഷയഃ പുരുഷഃ സാക്ഷീ കേശവഃ പുരുഷോത്തമഃ । ലോകാധ്യക്ഷോ മഹാമായോ വിഭീഷണവരപ്രദഃ ॥ 19 ॥ ആനന്ദവിഗ്രഹോ ജ്യോതിർഹനുമത്പ്രഭുരവ്യയഃ । ഭ്രാജിഷ്ണുഃ സഹനോ ഭോക്താ സത്യവാദീ ബഹുശ്രുതഃ ॥ 20 ॥ സുഖദഃ കാരണം കർതാ ഭവബന്ധവിമോചനഃ । ദേവചൂഡാമണിർനേതാ ബ്രഹ്മണ്യോ ബ്രഹ്മവർധനഃ ॥ 21 ॥ സംസാരോത്താരകോ രാമഃ സർവദുഃഖവിമോക്ഷകൃത് । വിദ്വത്തമോ വിശ്വകർതാ വിശ്വഹർതാ ച വിശ്വധൃത് ॥ 22 ॥ [കൃത്] നിത്യോ നിയതകല്യാണഃ സീതാശോകവിനാശകൃത് । കാകുത്സ്ഥഃ പുണ്ഡരീകാക്ഷോ വിശ്വാമിത്രഭയാപഹഃ ॥ 23 ॥ മാരീചമഥനോ രാമോ വിരാധവധപണ്ഡിതഃ । ദുഃസ്വപ്നനാശനോ രമ്യഃ കിരീടീ ത്രിദശാധിപഃ ॥ 24 ॥ മഹാധനുർമഹാകായോ ഭീമോ ഭീമപരാക്രമഃ । തത്ത്വസ്വരൂപീ തത്ത്വജ്ഞസ്തത്ത്വവാദീ സുവിക്രമഃ ॥ 25 ॥ ഭൂതാത്മാ ഭൂതകൃത് സ്വാമീ കാലജ്ഞാനീ മഹാപടുഃ । അനിർവിണ്ണോ ഗുണഗ്രാഹീ നിഷ്കലങ്കഃ കലങ്കഹാ ॥ 26 ॥ സ്വഭാവഭദ്രഃ ശത്രുഘ്നഃ കേശവഃ സ്ഥാണുരീശ്വരഃ । ഭൂതാദിഃ ശംഭുരാദിത്യഃ സ്ഥവിഷ്ഠഃ ശാശ്വതോ ധ്രുവഃ ॥ 27 ॥ കവചീ കുണ്ഡലീ ചക്രീ ഖഡ്ഗീ ഭക്തജനപ്രിയഃ । അമൃത്യുർജന്മരഹിതഃ സർവജിത്സർവഗോചരഃ ॥ 28 ॥ അനുത്തമോഽപ്രമേയാത്മാ സർവാദിർഗുണസാഗരഃ । സമഃ സമാത്മാ സമഗോ ജടാമുകുടമണ്ഡിതഃ ॥ 29 ॥ അജേയഃ സർവഭൂതാത്മാ വിഷ്വക്സേനോ മഹാതപഃ । ലോകാധ്യക്ഷോ മഹാബാഹുരമൃതോ വേദവിത്തമഃ ॥ 30 ॥ സഹിഷ്ണുഃ സദ്ഗതിഃ ശാസ്താ വിശ്വയോനിർമഹാദ്യുതിഃ । അതീന്ദ്ര ഊർജിതഃ പ്രാംശുരുപേന്ദ്രോ വാമനോ ബലീ ॥ 31 ॥ ധനുർവേദോ വിധാതാ ച ബ്രഹ്മാ വിഷ്ണുശ്ച ശങ്കരഃ । ഹംസോ മരീചിർഗോവിന്ദോ രത്നഗർഭോ മഹാമതിഃ ॥ 32 ॥ വ്യാസോ വാചസ്പതിഃ സർവദർപിതാസുരമർദനഃ । ജാനകീവല്ലഭഃ പൂജ്യഃ പ്രകടഃ പ്രീതിവർധനഃ ॥ 33 ॥ സംഭവോഽതീന്ദ്രിയോ വേദ്യോഽനിർദേശോ ജാംബവത്പ്രഭുഃ । മദനോ മഥനോ വ്യാപീ വിശ്വരൂപോ നിരഞ്ജനഃ ॥ 34 ॥ നാരായണോഽഗ്രണീഃ സാധുർജടായുപ്രീതിവർധനഃ । നൈകരൂപോ ജഗന്നാഥഃ സുരകാര്യഹിതഃ സ്വഭൂഃ ॥ 35 ॥ ജിതക്രോധോ ജിതാരാതിഃ പ്ലവഗാധിപരാജ്യദഃ । വസുദഃ സുഭുജോ നൈകമായോ ഭവ്യപ്രമോദനഃ ॥ 36 ॥ ചണ്ഡാംശുഃ സിദ്ധിദഃ കല്പഃ ശരണാഗതവത്സലഃ । അഗദോ രോഗഹർതാ ച മന്ത്രജ്ഞോ മന്ത്രഭാവനഃ ॥ 37 ॥ സൗമിത്രിവത്സലോ ധുര്യോ വ്യക്താവ്യക്തസ്വരൂപധൃത് । വസിഷ്ഠോ ഗ്രാമണീഃ ശ്രീമാനനുകൂലഃ പ്രിയംവദഃ ॥ 38 ॥ അതുലഃ സാത്ത്വികോ ധീരഃ ശരാസനവിശാരദഃ । ജ്യേഷ്ഠഃ സർവഗുണോപേതഃ ശക്തിമാംസ്താടകാന്തകഃ ॥ 39 ॥ വൈകുണ്ഠഃ പ്രാണിനാം പ്രാണഃ കമഠഃ കമലാപതിഃ । ഗോവർധനധരോ മത്സ്യരൂപഃ കാരുണ്യസാഗരഃ ॥ 40 ॥ കുംഭകർണപ്രഭേത്താ ച ഗോപീഗോപാലസംവൃതഃ । മായാവീ വ്യാപകോ വ്യാപീ രൈണുകേയബലാപഹഃ ॥ 41 ॥ [സ്വാപനോ] പിനാകമഥനോ വന്ദ്യഃ സമർഥോ ഗരുഡധ്വജഃ । ലോകത്രയാശ്രയോ ലോകചരിതോ ഭരതാഗ്രജഃ ॥ 42 ॥ ശ്രീധരഃ സദ്ഗതിർലോകസാക്ഷീ നാരായണോ ബുധഃ । മനോവേഗീ മനോരൂപീ പൂർണഃ പുരുഷപുംഗവഃ ॥ 43 ॥ യദുശ്രേഷ്ഠോ യദുപതിർഭൂതാവാസഃ സുവിക്രമഃ । തേജോധരോ ധരാധാരശ്ചതുർമൂർതിർമഹാനിധിഃ ॥ 44 ॥ ചാണൂരമർദനോ ദിവ്യഃ ശാന്തോ ഭരതവന്ദിതഃ । ശബ്ദാതിഗോ ഗഭീരാത്മാ കോമലാംഗഃ പ്രജാഗരഃ ॥ 45 ॥ ലോകഗർഭഃ ശേഷശായീ ക്ഷീരാബ്ധിനിലയോഽമലഃ । ആത്മയോനിരദീനാത്മാ സഹസ്രാക്ഷഃ സഹസ്രപാത് ॥ 46 ॥ അമൃതാംശുർമഹാഗർഭോ നിവൃത്തവിഷയസ്പൃഹഃ । ത്രികാലജ്ഞോ മുനിഃ സാക്ഷീ വിഹായസഗതിഃ കൃതീ ॥ 47 ॥ പർജന്യഃ കുമുദോ ഭൂതാവാസഃ കമലലോചനഃ । ശ്രീവത്സവക്ഷാഃ ശ്രീവാസോ വീരഹാ ലക്ഷ്മണാഗ്രജഃ ॥ 48 ॥ ലോകാഭിരാമോ ലോകാരിമർദനഃ സേവകപ്രിയഃ । സനാതനതമോ മേഘശ്യാമലോ രാക്ഷസാന്തകൃത് ॥ 49 ॥ ദിവ്യായുധധരഃ ശ്രീമാനപ്രമേയോ ജിതേന്ദ്രിയഃ । ഭൂദേവവന്ദ്യോ ജനകപ്രിയകൃത് പ്രപിതാമഹഃ ॥ 50 ॥ ഉത്തമഃ സാത്ത്വികഃ സത്യഃ സത്യസന്ധസ്ത്രിവിക്രമഃ । സുവ്രതഃ സുലഭഃ സൂക്ഷ്മഃ സുഘോഷഃ സുഖദഃ സുധീഃ ॥ 51 ॥ ദാമോദരോഽച്യുതഃ ശാർങ്ഗീ വാമനോ മധുരാധിപഃ । ദേവകീനന്ദനഃ ശൗരിഃ ശൂരഃ കൈടഭമർദനഃ ॥ 52 ॥ സപ്തതാലപ്രഭേത്താ ച മിത്രവംശപ്രവർധനഃ । കാലസ്വരൂപീ കാലാത്മാ കാലഃ കല്യാണദഃ കവിഃ । സംവത്സര ഋതുഃ പക്ഷോ ഹ്യയനം ദിവസോ യുഗഃ ॥ 53 ॥ സ്തവ്യോ വിവിക്തോ നിർലേപഃ സർവവ്യാപീ നിരാകുലഃ । അനാദിനിധനഃ സർവലോകപൂജ്യോ നിരാമയഃ ॥ 54 ॥ രസോ രസജ്ഞഃ സാരജ്ഞോ ലോകസാരോ രസാത്മകഃ । സർവദുഃഖാതിഗോ വിദ്യാരാശിഃ പരമഗോചരഃ ॥ 55 ॥ ശേഷോ വിശേഷോ വിഗതകല്മഷോ രഘുനായകഃ । വർണശ്രേഷ്ഠോ വർണവാഹ്യോ വർണ്യോ വർണ്യഗുണോജ്ജ്വലഃ ॥ 56 ॥ കർമസാക്ഷ്യമരശ്രേഷ്ഠോ ദേവദേവഃ സുഖപ്രദഃ । ദേവാധിദേവോ ദേവർഷിർദേവാസുരനമസ്കൃതഃ ॥ 57 ॥ സർവദേവമയശ്ചക്രീ ശാർങ്ഗപാണീ രഘൂത്തമഃ । മനോ ബുദ്ധിരഹങ്കാരഃ പ്രകൃതിഃ പുരുഷോഽവ്യയഃ ॥ 58 ॥ അഹല്യാപാവനഃ സ്വാമീ പിതൃഭക്തോ വരപ്രദഃ । ന്യായോ ന്യായീ നയീ ശ്രീമാന്നയോ നഗധരോ ധ്രുവഃ ॥ 59 ॥ ലക്ഷ്മീവിശ്വംഭരാഭർതാ ദേവേന്ദ്രോ ബലിമർദനഃ । വാണാരിമർദനോ യജ്വാനുത്തമോ മുനിസേവിതഃ ॥ 60 ॥ ദേവാഗ്രണീഃ ശിവധ്യാനതത്പരഃ പരമഃ പരഃ । സാമഗേയഃ പ്രിയോഽക്രൂരഃ പുണ്യകീർതിഃ സുലോചനഃ ॥ 61 ॥ പുണ്യഃ പുണ്യാധികഃ പൂർവഃ പൂർണഃ പൂരയിതാ രവിഃ । ജടിലഃ കല്മഷധ്വാന്തപ്രഭഞ്ജനവിഭാവസുഃ ॥ 62 ॥ അവ്യക്തലക്ഷണോഽവ്യക്തോ ദശാസ്യദ്വീപകേസരീ । കലാനിധിഃ കലാനാഥോ കമലാനന്ദവർധനഃ ॥ 63 ॥ ജയീ ജിതാരിഃ സർവാദിഃ ശമനോ ഭവഭഞ്ജനഃ । അലങ്കരിഷ്ണുരചലോ രോചിഷ്ണുർവിക്രമോത്തമഃ ॥ 64 ॥ ആശുഃ ശബ്ദപതിഃ ശബ്ദഗോചരോ രഞ്ജനോ രഘുഃ । നിശ്ശബ്ദഃ പ്രണവോ മാലീ സ്ഥൂലഃ സൂക്ഷ്മോ വിലക്ഷണഃ ॥ 65 ॥ ആത്മയോനിരയോനിശ്ച സപ്തജിഹ്വഃ സഹസ്രപാത് । സനാതനതമഃ സ്രഗ്വീ പേശലോ ജവിനാം വരഃ ॥ 66 ॥ ശക്തിമാൻ ശംഖഭൃന്നാഥഃ ഗദാപദ്മരഥാംഗഭൃത് । നിരീഹോ നിർവികല്പശ്ച ചിദ്രൂപോ വീതസാധ്വസഃ ॥ 67 ॥ ശതാനനഃ സഹസ്രാക്ഷഃ ശതമൂർതിർഘനപ്രഭഃ । ഹൃത്പുണ്ഡരീകശയനഃ കഠിനോ ദ്രവ ഏവ ച ॥ 68 ॥ ഉഗ്രോ ഗ്രഹപതിഃ ശ്രീമാൻ സമർഥോഽനർഥനാശനഃ । [കൃഷ്ണോ] അധർമശത്രൂ രക്ഷോഘ്നഃ പുരുഹൂതഃ പുരുഷ്ടുതഃ ॥ 69 ॥ ബ്രഹ്മഗർഭോ ബൃഹദ്ഗർഭോ ധർമധേനുർധനാഗമഃ । ഹിരണ്യഗർഭോ ജ്യോതിഷ്മാൻ സുലലാടഃ സുവിക്രമഃ ॥ 70 ॥ ശിവപൂജാരതഃ ശ്രീമാൻ ഭവാനീപ്രിയകൃദ്വശീ । നരോ നാരായണഃ ശ്യാമഃ കപർദീ നീലലോഹിതഃ ॥ 71 ॥ രുദ്രഃ പശുപതിഃ സ്ഥാണുർവിശ്വാമിത്രോ ദ്വിജേശ്വരഃ । മാതാമഹോ മാതരിശ്വാ വിരിഞ്ചോ വിഷ്ടരശ്രവാഃ ॥ 72 ॥ അക്ഷോഭ്യഃ സർവഭൂതാനാം ചണ്ഡഃ സത്യപരാക്രമഃ । വാലഖില്യോ മഹാകല്പഃ കല്പവൃക്ഷഃ കലാധരഃ ॥ 73 ॥ നിദാഘസ്തപനോഽമോഘഃ ശ്ലക്ഷ്ണഃ പരബലാപഹൃത് । കബന്ധമഥനോ ദിവ്യഃ കംബുഗ്രീവഃ ശിവപ്രിയഃ ॥ 74 ॥ ശംഖോഽനിലഃ സുനിഷ്പന്നഃ സുലഭഃ ശിശിരാത്മകഃ । അസംസൃഷ്ടോഽതിഥിഃ ശൂരഃ പ്രമാഥീ പാപനാശകൃത് ॥ 75 ॥ വസുശ്രവാഃ കവ്യവാഹഃ പ്രതപ്തോ വിശ്വഭോജനഃ । രാമോ നീലോത്പലശ്യാമോ ജ്ഞാനസ്കന്ധോ മഹാദ്യുതിഃ ॥ 76 ॥ പവിത്രപാദഃ പാപാരിർമണിപൂരോ നഭോഗതിഃ । ഉത്താരണോ ദുഷ്കൃതിഹാ ദുർധർഷോ ദുസ്സഹോഽഭയഃ ॥ 77 ॥ അമൃതേശോഽമൃതവപുർധർമീ ധർമഃ കൃപാകരഃ । ഭർഗോ വിവസ്വാനാദിത്യോ യോഗാചാര്യോ ദിവസ്പതിഃ ॥ 78 ॥ ഉദാരകീർതിരുദ്യോഗീ വാങ്മയഃ സദസന്മയഃ । നക്ഷത്രമാലീ നാകേശഃ സ്വാധിഷ്ഠാനഷഡാശ്രയഃ ॥ 79 ॥ ചതുർവർഗഫലോ വർണീ ശക്തിത്രയഫലം നിധിഃ । നിധാനഗർഭോ നിർവ്യാജോ ഗിരീശോ വ്യാലമർദനഃ ॥ 80 ॥ ശ്രീവല്ലഭഃ ശിവാരംഭഃ ശാന്തിർഭദ്രഃ സമഞ്ജസഃ । ഭൂശയോ ഭൂതികൃദ്ഭൂതിർഭൂഷണോ ഭൂതവാഹനഃ ॥ 81 ॥ അകായോ ഭക്തകായസ്ഥഃ കാലജ്ഞാനീ മഹാവടുഃ । പരാർഥവൃത്തിരചലോ വിവിക്തഃ ശ്രുതിസാഗരഃ ॥ 82 ॥ സ്വഭാവഭദ്രോ മധ്യസ്ഥഃ സംസാരഭയനാശനഃ । വേദ്യോ വൈദ്യോ വിയദ്ഗോപ്താ സർവാമരമുനീശ്വരഃ ॥ 83 ॥ സുരേന്ദ്രഃ കരണം കർമ കർമകൃത്കർമ്യധോക്ഷജഃ । ധ്യേയോ ധുര്യോ ധരാധീശഃ സങ്കല്പഃ ശർവരീപതിഃ ॥ 84 ॥ പരമാർഥഗുരുർവൃദ്ധഃ ശുചിരാശ്രിതവത്സലഃ । വിഷ്ണുർജിഷ്ണുർവിഭുർവന്ദ്യോ യജ്ഞേശോ യജ്ഞപാലകഃ ॥ 85 ॥ [യജ്ഞോ] പ്രഭവിഷ്ണുർഗ്രസിഷ്ണുശ്ച ലോകാത്മാ ലോകഭാവനഃ । കേശവഃ കേശിഹാ കാവ്യഃ കവിഃ കാരണകാരണം ॥ 86 ॥ കാലകർതാ കാലശേഷോ വാസുദേവഃ പുരുഷ്ടുതഃ । ആദികർതാ വരാഹശ്ച മാധവോ മധുസൂദനഃ ॥ 87 ॥ നാരായണോ നരോ ഹംസോ വിഷ്വക്സേനോ ജനാർദനഃ । വിശ്വകർതാ മഹായജ്ഞോ ജ്യോതിഷ്മാൻ പുരുഷോത്തമഃ ॥ 88 ॥ വൈകുണ്ഠഃ പുണ്ഡരീകാക്ഷഃ കൃഷ്ണഃ സൂര്യഃ സുരാർചിതഃ । നാരസിംഹോ മഹാഭീമോ വക്രദംഷ്ട്രോ നഖായുധഃ ॥ 89 ॥ ആദിദേവോ ജഗത്കർതാ യോഗീശോ ഗരുഡധ്വജഃ । ഗോവിന്ദോ ഗോപതിർഗോപ്താ ഭൂപതിർഭുവനേശ്വരഃ ॥ 90 ॥ പദ്മനാഭോ ഹൃഷീകേശോ ധാതാ ദാമോദരഃ പ്രഭുഃ । ത്രിവിക്രമസ്ത്രിലോകേശോ ബ്രഹ്മേശഃ പ്രീതിവർധനഃ ॥ 91 ॥ വാമനോ ദുഷ്ടദമനോ ഗോവിന്ദോ ഗോപവല്ലഭഃ । ഭക്തപ്രിയോഽച്യുതഃ സത്യഃ സത്യകീർതിർധൃതിഃ സ്മൃതിഃ ॥ 92 ॥ കാരുണ്യം കരുണോ വ്യാസഃ പാപഹാ ശാന്തിവർധനഃ । സംന്യാസീ ശാസ്ത്രതത്ത്വജ്ഞോ മന്ദരാദ്രിനികേതനഃ ॥ 93 ॥ ബദരീനിലയഃ ശാന്തസ്തപസ്വീ വൈദ്യുതപ്രഭഃ । ഭൂതാവാസോ ഗുഹാവാസഃ ശ്രീനിവാസഃ ശ്രിയഃ പതിഃ ॥ 94 ॥ തപോവാസോ മുദാവാസഃ സത്യവാസഃ സനാതനഃ । പുരുഷഃ പുഷ്കരഃ പുണ്യഃ പുഷ്കരാക്ഷോ മഹേശ്വരഃ ॥ 95 ॥ പൂർണമൂർതിഃ പുരാണജ്ഞഃ പുണ്യദഃ പുണ്യവർധനഃ । ശംഖീ ചക്രീ ഗദീ ശാർങ്ഗീ ലാംഗലീ മുസലീ ഹലീ ॥ 96 ॥ കിരീടീ കുണ്ഡലീ ഹാരീ മേഖലീ കവചീ ധ്വജീ । യോദ്ധാ ജേതാ മഹാവീര്യഃ ശത്രുജിച്ഛത്രുതാപനഃ ॥ 97 ॥ ശാസ്താ ശാസ്ത്രകരഃ ശാസ്ത്രം ശങ്കരഃ ശങ്കരസ്തുതഃ । സാരഥിഃ സാത്ത്വികഃ സ്വാമീ സാമവേദപ്രിയഃ സമഃ ॥ 98 ॥ പവനഃ സംഹതഃ ശക്തിഃ സമ്പൂർണാംഗഃ സമൃദ്ധിമാൻ । [സാഹസഃ] സ്വർഗദഃ കാമദഃ ശ്രീദഃ കീർതിദോഽകീർതിനാശനഃ ॥ 99 ॥ മോക്ഷദഃ പുണ്ഡരീകാക്ഷഃ ക്ഷീരാബ്ധികൃതകേതനഃ । സർവാത്മാ സർവലോകേശഃ പ്രേരകഃ പാപനാശനഃ ॥ 100 ॥ സർവവ്യാപീ ജഗന്നാഥഃ സർവലോകമഹേശ്വരഃ । [സർവദേവോ] സർഗസ്ഥിത്യന്തകൃദ്ദേവഃ സർവലോകസുഖാവഹഃ ॥ 101 ॥ അക്ഷയ്യഃ ശാശ്വതോഽനന്തഃ ക്ഷയവൃദ്ധിവിവർജിതഃ । നിർലേപോ നിർഗുണഃ സൂക്ഷ്മോ നിർവികാരോ നിരഞ്ജനഃ ॥ 102 ॥ സർവോപാധിവിനിർമുക്തഃ സത്താമാത്രവ്യവസ്ഥിതഃ । അധികാരീ വിഭുർനിത്യഃ പരമാത്മാ സനാതനഃ ॥ 103 ॥ അചലോ നിർമലോ വ്യാപീ നിത്യതൃപ്തോ നിരാശ്രയഃ । ശ്യാമോ യുവാ ലോഹിതാക്ഷോ ദീപ്താസ്യോ മിതഭാഷണഃ ॥ 104 ॥ ആജാനുബാഹുഃ സുമുഖഃ സിംഹസ്കന്ധോ മഹാഭുജഃ । സത്യവാൻ ഗുണസമ്പന്നഃ സ്വയന്തേജാഃ സുദീപ്തിമാൻ ॥ 105 ॥ കാലാത്മാ ഭഗവാൻ കാലഃ കാലചക്രപ്രവർതകഃ । നാരായണഃ പരഞ്ജ്യോതിഃ പരമാത്മാ സനാതനഃ ॥ 106 ॥ വിശ്വസൃഡ്വിശ്വഗോപ്താ ച വിശ്വഭോക്താ ച ശാശ്വതഃ । വിശ്വേശ്വരോ വിശ്വമൂർതിർവിശ്വാത്മാ വിശ്വഭാവനഃ ॥ 107 ॥ സർവഭൂതസുഹൃച്ഛാന്തഃ സർവഭൂതാനുകമ്പനഃ । സർവേശ്വരേശ്വരഃ സർവഃ ശ്രീമാനാശ്രിതവത്സലഃ ॥ 108 ॥ സർവഗഃ സർവഭൂതേശഃ സർവഭൂതാശയസ്ഥിതഃ । അഭ്യന്തരസ്ഥസ്തമസശ്ഛേത്താ നാരായണഃ പരഃ ॥ 109 ॥ അനാദിനിധനഃ സ്രഷ്ടാ പ്രജാപതിപതിർഹരിഃ । നരസിംഹോ ഹൃഷീകേശഃ സർവാത്മാ സർവദൃഗ്വശീ ॥ 110 ॥ ജഗതസ്തസ്ഥുഷശ്ചൈവ പ്രഭുർനേതാ സനാതനഃ । കർതാ ധാതാ വിധാതാ ച സർവേഷാം പ്രഭുരീശ്വരഃ ॥ 111 ॥ സഹസ്രമൂർതിർവിശ്വാത്മാ വിഷ്ണുർവിശ്വദൃഗവ്യയഃ । പുരാണപുരുഷഃ സ്രഷ്ടാ സഹസ്രാക്ഷഃ സഹസ്രപാത് ॥ 112 ॥ തത്ത്വം നാരായണോ വിഷ്ണുർവാസുദേവഃ സനാതനഃ । പരമാത്മാ പരം ബ്രഹ്മ സച്ചിദാനന്ദവിഗ്രഹഃ ॥ 113 ॥ പരഞ്ജ്യോതിഃ പരന്ധാമഃ പരാകാശഃ പരാത്പരഃ । അച്യുതഃ പുരുഷഃ കൃഷ്ണഃ ശാശ്വതഃ ശിവ ഈശ്വരഃ ॥ 114 ॥ നിത്യഃ സർവഗതഃ സ്ഥാണുരുഗ്രഃ സാക്ഷീ പ്രജാപതിഃ । ഹിരണ്യഗർഭഃ സവിതാ ലോകകൃല്ലോകഭൃദ്വിഭുഃ ॥ 115 ॥ രാമഃ ശ്രീമാൻ മഹാവിഷ്ണുർജിഷ്ണുർദേവഹിതാവഹഃ । തത്ത്വാത്മാ താരകം ബ്രഹ്മ ശാശ്വതഃ സർവസിദ്ധിദഃ ॥ 116 ॥ അകാരവാച്യോ ഭഗവാൻ ശ്രീർഭൂലീലാപതിഃ പുമാൻ । സർവലോകേശ്വരഃ ശ്രീമാൻ സർവജ്ഞഃ സർവതോമുഖഃ ॥ 117 ॥ സ്വാമീ സുശീലഃ സുലഭഃ സർവജ്ഞഃ സർവശക്തിമാൻ । നിത്യഃ സമ്പൂർണകാമശ്ച നൈസർഗികസുഹൃത്സുഖീ ॥ 118 ॥ കൃപാപീയൂഷജലധിഃ ശരണ്യഃ സർവദേഹിനാം । ശ്രീമാന്നാരായണഃ സ്വാമീ ജഗതാം പതിരീശ്വരഃ ॥ 119 ॥ ശ്രീശഃ ശരണ്യോ ഭൂതാനാം സംശ്രിതാഭീഷ്ടദായകഃ । അനന്തഃ ശ്രീപതീ രാമോ ഗുണഭൃന്നിർഗുണോ മഹാൻ ॥ 120 ॥ ഇതി ശ്രീആനന്ദരാമായണേ വാല്മീകീയേ ശ്രീരാമസഹസ്രനാമസ്തോത്രം ।