ಪ್ರಥಮಂ ಶ್ರೀಧರಂ ವಿದ್ಯಾದ್ದ್ವಿತೀಯಂ ರಘುನಾಯಕಂ । ತೃತೀಯಂ ರಾಮಚಂದ್ರಂ ಚ ಚತುರ್ಥಂ ರಾವಣಾಂತಕಂ ॥ 1 ॥ ಪಂಚಮಂ ಲೋಕಪೂಜ್ಯಂ ಚ ಷಷ್ಠಮಂ ಜಾನಕೀಪತಿಂ । ಸಪ್ತಮಂ ವಾಸುದೇವಂ ಚ ಶ್ರೀರಾಮಂ ಚಾಽಷ್ಟಮಂ ತಥಾ ॥ 2 ॥ ನವಮಂ ಜಲದಶ್ಯಾಮಂ ದಶಮಂ ಲಕ್ಷ್ಮಣಾಗ್ರಜಂ । ಏಕಾದಶಂ ಚ ಗೋವಿಂದಂ ದ್ವಾದಶಂ ಸೇತುಬಂಧನಂ ॥ 3 ॥ ದ್ವಾದಶೈತಾನಿ ನಾಮಾನಿ ಯಃ ಪಠೇಚ್ಛ್ರದ್ಧಯಾನ್ವಿತಃ । ಅರ್ಧರಾತ್ರೇ ತು ದ್ವಾದಶ್ಯಾಂ ಕುಷ್ಠದಾರಿದ್ರ್ಯನಾಶನಂ ॥ 4 ॥ ಅರಣ್ಯೇ ಚೈವ ಸಂಗ್ರಾಮೇ ಅಗ್ನೌ ಭಯನಿವಾರಣಂ । ಬ್ರಹ್ಮಹತ್ಯಾ ಸುರಾಪಾನಂ ಗೋಹತ್ಯಾದಿ ನಿವಾರಣಂ ॥ 5 ॥ ಸಪ್ತವಾರಂ ಪಠೇನ್ನಿತ್ಯಂ ಸರ್ವಾರಿಷ್ಟನಿವಾರಣಂ । ಗ್ರಹಣೇ ಚ ಜಲೇ ಸ್ಥಿತ್ವಾ ನದೀತೀರೇ ವಿಶೇಷತಃ । ಅಶ್ವಮೇಧಶತಂ ಪುಣ್ಯಂ ಬ್ರಹ್ಮಲೋಕಂ ಗಮಿಷ್ಯತಿ ॥ 6 ॥ ಇತಿ ಶ್ರೀ ಸ್ಕಾಂದಪುರಾಣೇ ಉತ್ತರಖಂಡೇ ಶ್ರೀ ಉಮಾಮಹೇಶ್ವರಸಂವಾದೇ ಶ್ರೀ ರಾಮ ದ್ವಾದಶನಾಮಸ್ತೋತ್ರಂ ।