அக³ஸ்த்ய உவாச – அஶ்வானன மஹாபு³த்³தே⁴ ஸர்வஶாஸ்த்ரவிஶாரத³ । கதி²தம்ʼ லலிதாதே³வ்யாஶ்சரிதம்ʼ பரமாத்³பு⁴தம் ॥ 1 ॥ பூர்வம்ʼ ப்ராது³ர்ப⁴வோ மாதுஸ்தத꞉ பட்டாபி⁴ஷேசனம் । ப⁴ண்டா³ஸுரவத⁴ஶ்சைவ விஸ்தரேண த்வயோதி³த꞉ ॥ 2 ॥ வர்ணிதம்ʼ ஶ்ரீபுரம்ʼ சாபி மஹாவிப⁴வவிஸ்தரம் । ஶ்ரீமத்பஞ்சத³ஶாக்ஷர்யா꞉ மஹிமா வர்ணிதஸ்ததா² ॥ 3 ॥ ஷோடா⁴ந்யாஸாத³யோ ந்யாஸா꞉ ந்யாஸக²ண்டே³ ஸமீரிதா꞉ । அந்தர்யாக³க்ரமஶ்சைவ ப³ஹிர்யாக³க்ரமஸ்ததா² ॥ 4 ॥ மஹாயாக³க்ரமஶ்சைவ பூஜாக²ண்டே³ ப்ரகீர்திதா꞉ । புரஶ்சரணக²ண்டே³ து ஜபலக்ஷணமீரிதம் ॥ 5 ॥ ஹோமக²ண்டே³ த்வயா ப்ரோக்தோ ஹோமத்³ரவ்யவிதி⁴க்ரம꞉ । சக்ரராஜஸ்ய வித்³யாயா꞉ ஶ்ரீதே³வ்யா தே³ஶிகாத்மனோ꞉ ॥ 6 ॥ ரஹஸ்யக²ண்டே³ தாதா³த்ம்யம்ʼ பரஸ்பரமுதீ³ரிதம் । ஸ்தோத்ரக²ண்டே³ ப³ஹுவிதா⁴꞉ ஸ்துதய꞉ பரிகீர்திதா꞉ ॥ 7 ॥ மந்த்ரிணீத³ண்டி³னீதே³வ்யோ꞉ ப்ரோக்தே நாமஸஹஸ்ரகே । ந து ஶ்ரீலலிதாதே³வ்யா꞉ ப்ரோக்தம்ʼ நாமஸஹஸ்ரகம் ॥ 8 ॥ தத்ர மே ஸம்ʼஶயோ ஜாதோ ஹயக்³ரீவ த³யாநிதே⁴ । கிம்ʼ வா த்வயா விஸ்ம்ருʼதம்ʼ தஜ்ஜ்ஞாத்வா வா ஸமுபேக்ஷிதம் ॥ 9 ॥ மம வா யோக்³யதா நாஸ்தி ஶ்ரோதும்ʼ நாமஸஹஸ்ரகம் । கிமர்த²ம்ʼ ப⁴வதா நோக்தம்ʼ தத்ர மே காரணம்ʼ வத³ ॥ 10 ॥ ஸூத உவாச – இதி ப்ருʼஷ்டோ ஹயக்³ரீவோ முனினா கும்ப⁴ஜன்மனா । ப்ரஹ்ருʼஷ்டோ வசனம்ʼ ப்ராஹ தாபஸம்ʼ கும்ப⁴ஸம்ப⁴வம் ॥ 11 ॥ ஶ்ரீஹயக்³ரீவ உவாச – லோபாமுத்³ராபதே(அ)க³ஸ்த்ய ஸாவதா⁴னமனா꞉ ஶ்ருʼணு । நாம்னாம்ʼ ஸஹஸ்ரம்ʼ யன்னோக்தம்ʼ காரணம்ʼ தத்³வதா³மி தே ॥ 12 ॥ ரஹஸ்யமிதி மத்வாஹம்ʼ நோக்தவாம்ʼஸ்தே ந சான்யதா² । புனஶ்ச ப்ருʼச்ச²தே ப⁴க்த்யா தஸ்மாத்தத்தே வதா³ம்யஹம் ॥ 13 ॥ ப்³ரூயாச்சி²ஷ்யாய ப⁴க்தாய ரஹஸ்யமபி தே³ஶிக꞉ । ப⁴வதா ந ப்ரதே³யம்ʼ ஸ்யாத³ப⁴க்தாய கதா³சன ॥ 14 ॥ ந ஶடா²ய ந து³ஷ்டாய நாவிஶ்வாஸாய கர்ஹிசித் । ஶ்ரீமாத்ருʼப⁴க்தியுக்தாய ஶ்ரீவித்³யாராஜவேதி³னே ॥ 15 ॥ உபாஸகாய ஶுத்³தா⁴ய தே³யம்ʼ நாமஸஹஸ்ரகம் । யானி நாமஸஹஸ்ராணி ஸத்³ய꞉ ஸித்³தி⁴ப்ரதா³னி வை ॥ 16 ॥ தந்த்ரேஷு லலிதாதே³வ்யாஸ்தேஷு முக்²யமித³ம்ʼ முனே । ஶ்ரீவித்³யைவ து மந்த்ராணாம்ʼ தத்ர காதி³ர்யதா² பரா ॥ 17 ॥ புராணாம்ʼ ஶ்ரீபுரமிவ ஶக்தீனாம்ʼ லலிதா ததா² । ஶ்ரீவித்³யோபாஸகானாம்ʼ ச யதா² தே³வோ பர꞉ ஶிவ꞉ ॥ 18 ॥ ததா² நாமஸஹஸ்ரேஷு பரமேதத்ப்ரகீர்திதம் । யதா²ஸ்ய பட²நாத்³தே³வீ ப்ரீயதே லலிதாம்பி³கா ॥ 19 ॥ அன்யநாமஸஹஸ்ரஸ்ய பாடா²ன்ன ப்ரீயதே ததா² । ஶ்ரீமாது꞉ ப்ரீதயே தஸ்மாத³நிஶம்ʼ கீர்தயேதி³த³ம் ॥ 20 ॥ பி³ல்வபத்ரைஶ்சக்ரராஜே யோ(அ)ர்சயேல்லலிதாம்பி³காம் । பத்³மைர்வா துலஸீபுஷ்பைரேபி⁴ர்நாமஸஹஸ்ரகை꞉ ॥ 21 ॥ ஸத்³ய꞉ ப்ரஸாத³ம்ʼ குருதே தஸ்ய ஸிம்ʼஹாஸனேஶ்வரீ । சக்ராதி⁴ராஜமப்⁴யர்ச்ய ஜப்த்வா பஞ்சத³ஶாக்ஷரீம் ॥ 22 ॥ ஜபாந்தே கீர்தயேந்நித்யமித³ம்ʼ நாமஸஹஸ்ரகம் । ஜபபூஜாத்³யஶக்தஶ்சேத்படே²ந்நாமஸஹஸ்ரகம் ॥ 23 ॥ ஸாங்கா³ர்சனே ஸாங்க³ஜபே யத்ப²லம்ʼ தத³வாப்னுயாத் । உபாஸனே ஸ்துதீரன்யா꞉ படே²த³ப்⁴யுத³யோ ஹி ஸ꞉ ॥ 24 ॥ இத³ம்ʼ நாமஸஹஸ்ரம்ʼ து கீர்தயேந்நித்யகர்மவத் । சக்ரராஜார்சனம்ʼ தே³வ்யா ஜபோ நாம்னாம்ʼ ச கீர்தனம் ॥ 25 ॥ ப⁴க்தஸ்ய க்ருʼத்யமேதாவத³ன்யத³ப்⁴யுத³யம்ʼ விது³꞉ । ப⁴க்தஸ்யாவஶ்யகமித³ம்ʼ நாமஸாஹஸ்ரகீர்தனம் ॥ 26 ॥ தத்ர ஹேதும்ʼ ப்ரவக்ஷ்யாமி ஶ்ருʼணு த்வம்ʼ கும்ப⁴ஸம்ப⁴வ । புரா ஶ்ரீலலிதாதே³வீ ப⁴க்தானாம்ʼ ஹிதகாம்யயா ॥ 27 ॥ வாக்³தே³வீர்வஶினீமுக்²யா꞉ ஸமாஹூயேத³மப்³ரவீத் । வாக்³தே³வதா வஶின்யாத்³யா꞉ ஶ்ருʼணுத்⁴வம்ʼ வசனம்ʼ மம ॥ 28 ॥ ப⁴வத்யோ மத்ப்ரஸாதே³ன ப்ரோல்லஸத்³வாக்³விபூ⁴தய꞉ । மத்³ப⁴க்தானாம்ʼ வாக்³விபூ⁴திப்ரதா³னே விநியோஜிதா꞉ ॥ 29 ॥ மச்சக்ரஸ்ய ரஹஸ்யஜ்ஞா மம நாமபராயணா꞉ । மம ஸ்தோத்ரவிதா⁴னாய தஸ்மாதா³ஜ்ஞாபயாமி வ꞉ ॥ 30 ॥ குருத்⁴வமங்கிதம்ʼ ஸ்தோத்ரம்ʼ மம நாமஸஹஸ்ரகை꞉ । யேன ப⁴க்தை꞉ ஸ்துதாயா மே ஸத்³ய꞉ ப்ரீதி꞉ பரா ப⁴வேத் ॥ 31 ॥ இத்யாஜ்ஞப்தாஸ்ததோ தே³வ்ய꞉ ஶ்ரீதே³வ்யா லலிதாம்ப³யா । ரஹஸ்யைர்நாமபி⁴ர்தி³வ்யைஶ்சக்ரு꞉ ஸ்தோத்ரமனுத்தமம் ॥ 32 ॥ ரஹஸ்யநாமஸாஹஸ்ரமிதி தத்³விஶ்ருதம்ʼ பரம் । தத꞉ கதா³சித்ஸத³ஸி ஸ்தி²த்வா ஸிம்ʼஹாஸனே(அ)ம்பி³கா ॥ 33 ॥ ஸ்வஸேவாவஸரம்ʼ ப்ராதா³த்ஸர்வேஷாம்ʼ கும்ப⁴ஸம்ப⁴வ । ஸேவார்த²மாக³தாஸ்தத்ர ப்³ரஹ்மாணீப்³ரஹ்மகோடய꞉ ॥ 34 ॥ லக்ஷ்மீநாராயணானாம்ʼ ச கோடய꞉ ஸமுபாக³தா꞉ । கௌ³ரீகோடிஸமேதானாம்ʼ ருத்³ராணாமபி கோடய꞉ ॥ 35 ॥ மந்த்ரிணீத³ண்டி³னீமுக்²யா꞉ ஸேவார்த²ம்ʼ ய꞉ ஸமாக³தா꞉ । ஶக்தயோ விவிதா⁴காராஸ்தாஸாம்ʼ ஸங்க்²யா ந வித்³யதே ॥ 36 ॥ தி³வ்யௌகா⁴ மானவௌகா⁴ஶ்ச ஸித்³தௌ⁴கா⁴ஶ்ச ஸமாக³தா꞉ । தத்ர ஶ்ரீலலிதாதே³வீ ஸர்வேஷாம்ʼ த³ர்ஶனம்ʼ த³தௌ³ ॥ 37 ॥ தேஷு த்³ருʼஷ்ட்வோபவிஷ்டேஷு ஸ்வே ஸ்வே ஸ்தா²னே யதா²க்ரமம் । தத்ர ஶ்ரீலலிதாதே³வீகடாக்ஷாக்ஷேபசோதி³தா꞉ ॥ 38 ॥ உத்தா²ய வஶினீமுக்²யா ப³த்³தா⁴ஞ்ஜலிபுடாஸ்ததா³ । அஸ்துவந்நாமஸாஹஸ்ரை꞉ ஸ்வக்ருʼதைர்லலிதாம்பி³காம் ॥ 39 ॥ ஶ்ருத்வா ஸ்தவம்ʼ ப்ரஸந்நாபூ⁴ல்லலிதா பரமேஶ்வரீ । தே ஸர்வே விஸ்மயம்ʼ ஜக்³முர்யே தத்ர ஸத³ஸி ஸ்தி²தா꞉ ॥ 40 ॥ தத꞉ ப்ரோவாச லலிதா ஸத³ஸ்யான் தே³வதாக³ணான் । தே³வ்யுவாச – மமாஜ்ஞயைவ வாக்³தே³வ்யஶ்சக்ரு꞉ ஸ்தோத்ரமனுத்தமம் ॥ 41 ॥ அங்கிதம்ʼ நாமபி⁴ர்தி³வ்யைர்மம ப்ரீதிவிதா⁴யகை꞉ । தத்பட²த்⁴வம்ʼ ஸதா³ யூயம்ʼ ஸ்தோத்ரம்ʼ மத்ப்ரீதிவ்ருʼத்³த⁴யே ॥ 42 ॥ ப்ரவர்தயத்⁴வம்ʼ ப⁴க்தேஷு மம நாமஸாஹஸ்ரகம் । இத³ம்ʼ நாமஸஹஸ்ரம்ʼ மே யோ ப⁴க்த꞉ பட²தே ஸக்ருʼத் ॥ 43 ॥ ஸ மே ப்ரியதமோ ஜ்ஞேயஸ்தஸ்மை காமான் த³தா³ம்யஹம் । ஶ்ரீசக்ரே மாம்ʼ ஸமப்⁴யர்ச்ய ஜப்த்வா பஞ்சத³ஶாக்ஷரீம் ॥ 44 ॥ பஶ்சாந்நாமஸஹஸ்ரம்ʼ மே கீர்தயேன்மம துஷ்டயே । மாமர்சயது வா மா வா வித்³யாம்ʼ ஜபது வா ந வா ॥ 45 ॥ கீர்தயேந்நாமஸாஹஸ்ரமித³ம்ʼ மத்ப்ரீதயே ஸதா³ । மத்ப்ரீத்யா ஸகலான்காமாம்ʼல்லப⁴தே நாத்ர ஸம்ʼஶய꞉ ॥ 46 ॥ தஸ்மாந்நாமஸஹஸ்ரம்ʼ மே கீர்தயத்⁴வம்ʼ ஸதா³த³ராத் । ஶ்ரீஹயக்³ரீவ உவாச – இதி ஶ்ரீலலிதேஶானீ ஶாஸ்தி தே³வான் ஸஹானுகா³ன் ॥ 47 ॥ ததா³ஜ்ஞயா ததா³ரப்⁴ய ப்³ரஹ்மவிஷ்ணுமஹேஶ்வரா꞉ । ஶக்தயோ மந்த்ரிணீமுக்²யா இத³ம்ʼ நாமஸஹஸ்ரகம் ॥ 48 ॥ பட²ந்தி ப⁴க்த்யா ஸததம்ʼ லலிதாபரிதுஷ்டயே । தஸ்மாத³வஶ்யம்ʼ ப⁴க்தேன கீர்தனீயமித³ம்ʼ முனே ॥ 49 ॥ ஆவஶ்யகத்வே ஹேதுஸ்தே மயா ப்ரோக்தோ முனீஶ்வர । இதா³னீம்ʼ நாமஸாஹஸ்ரம்ʼ வக்ஷ்யாமி ஶ்ரத்³த⁴யா ஶ்ருʼணு ॥ 50 ॥ இதி ஶ்ரீப்³ரஹ்மாண்ட³புராணே ஹயக்³ரீவாக³ஸ்த்யஸம்ʼவாதே³ லலிதாஸஹஸ்ரநாமபூர்வபா⁴கோ³ நாம ப்ரத²மோ(அ)த்⁴யாய꞉ ॥ ஓம் அஸ்ய ஶ்ரீ லலிதா தி³வ்ய ஸஹஸ்ரநாம ஸ்தோத்ர மஹாமந்த்ரஸ்ய, வஶின்யாதி³ வாக்³தே³வதா ருʼஷய꞉, அனுஷ்டுப் ச²ந்த³꞉, ஶ்ரீ லலிதா பராப⁴ட்டாரிகா மஹா த்ரிபுர ஸுந்த³ரீ தே³வதா, ஐம்ʼ பீ³ஜம்ʼ, க்லீம்ʼ ஶக்தி꞉, ஸௌ꞉ கீலகம்ʼ, மம த⁴ர்மார்த² காம மோக்ஷ சதுர்வித⁴ ப²லபுருஷார்த² ஸித்³த்⁴யர்தே² லலிதா த்ரிபுரஸுந்த³ரீ பராப⁴ட்டாரிகா ஸஹஸ்ர நாம ஜபே விநியோக³꞉ கரந்யாஸ꞉ – ஐம்ʼ அங்கு³ஷ்டாப்⁴யாம்ʼ நம꞉, க்லீம்ʼ தர்ஜனீப்⁴யாம்ʼ நம꞉, ஸௌ꞉ மத்⁴யமாப்⁴யாம்ʼ நம꞉, ஸௌ꞉ அநாமிகாப்⁴யாம்ʼ நம꞉, க்லீம்ʼ கநிஷ்டி²காப்⁴யாம்ʼ நம꞉, ஐம்ʼ கரதல கரப்ருʼஷ்டா²ப்⁴யாம்ʼ நம꞉ அங்க³ந்யாஸ꞉ – ஐம்ʼ ஹ்ருʼத³யாய நம꞉, க்லீம்ʼ ஶிரஸே ஸ்வாஹா, ஸௌ꞉ ஶிகா²யை வஷட், ஸௌ꞉ கவசாய ஹும்ʼ, க்லீம்ʼ நேத்ரத்ரயாய வௌஷட், ஐம்ʼ அஸ்த்ராயப²ட், பூ⁴ர்பு⁴வஸ்ஸுவரோமிதி தி³க்³ப³ந்த⁴꞉ த்⁴யானம்ʼ – அருணாம்ʼ கருணா தரங்கி³தாக்ஷீம்ʼ த்⁴ருʼதபாஶாங்குஶ புஷ்பபா³ணசாபாம் । அணிமாதி³பி⁴ ராவ்ருʼதாம்ʼ மயூகை²꞉ அஹமித்யேவ விபா⁴வயே ப⁴வானீம் ॥ 1 ॥ த்⁴யாயேத் பத்³மாஸனஸ்தா²ம்ʼ விகஸிதவத³னாம்ʼ பத்³ம பத்ராயதாக்ஷீம்ʼ ஹேமாபா⁴ம்ʼ பீதவஸ்த்ராம்ʼ கரகலித லஸத்³தே⁴மபத்³மாம்ʼ வராங்கீ³ம் । ஸர்வாலங்காரயுக்தாம்ʼ ஸகலமப⁴யதா³ம்ʼ ப⁴க்தனம்ராம்ʼ ப⁴வானீம்ʼ ஶ்ரீ வித்³யாம்ʼ ஶாந்தமூர்திம்ʼ ஸகல ஸுரனுதாம்ʼ ஸர்வஸம்பத்-ப்ரதா³த்ரீம் ॥ 2 ॥ ஸகுங்கும விலேபனா மலிகசும்பி³ கஸ்தூரிகாம்ʼ ஸமந்த³ ஹஸிதேக்ஷணாம்ʼ ஸஶரசாப பாஶாங்குஶாம் । அஶேஷ ஜநமோஹினீ மருணமால்ய பூ⁴ஷோஜ்ஜ்வலாம்ʼ ஜபாகுஸும பா⁴ஸுராம்ʼ ஜபவிதௌ⁴ ஸ்மரே த³ம்பி³காம் ॥ 3 ॥ ஸிந்தூ⁴ராருண விக்³ரஹாம்ʼ த்ரிணயனாம்ʼ மாணிக்ய மௌலிஸ்பு²ர- த்தாராநாயக ஶேக²ராம்ʼ ஸ்மிதமுகீ² மாபீன வக்ஷோருஹாம் । பாணிப்⁴யா மலிபூர்ண ரத்ன சஷகம்ʼ ரக்தோத்பலம்ʼ பி³ப்⁴ரதீம்ʼ ஸௌம்யாம்ʼ ரத்னக⁴டஸ்த² ரக்த சரணாம்ʼ த்⁴யாயேத்பராமம்பி³காம் ॥ 4 ॥ லமித்யாதி³ பஞ்சபூஜாம்ʼ விபா⁴வயேத் லம்ʼ ப்ருʼதி²வீ தத்த்வாத்மிகாயை ஶ்ரீ லலிதாதே³வ்யை க³ந்த⁴ம்ʼ பரிகல்பயாமி ஹம்ʼ ஆகாஶ தத்த்வாத்மிகாயை ஶ்ரீ லலிதாதே³வ்யை புஷ்பம்ʼ பரிகல்பயாமி யம்ʼ வாயு தத்த்வாத்மிகாயை ஶ்ரீ லலிதாதே³வ்யை தூ⁴பம்ʼ பரிகல்பயாமி ரம்ʼ வஹ்னி தத்த்வாத்மிகாயை ஶ்ரீ லலிதாதே³வ்யை தீ³பம்ʼ பரிகல்பயாமி வம்ʼ அம்ருʼத தத்த்வாத்மிகாயை ஶ்ரீ லலிதாதே³வ்யை அம்ருʼத நைவேத்³யம்ʼ பரிகல்பயாமி ஸம்ʼ ஸர்வ தத்த்வாத்மிகாயை ஶ்ரீ லலிதாதே³வ்யை தாம்பூ³லாதி³ ஸர்வோபசாரான் பரிகல்பயாமி கு³ருர்ப்³ரஹ்ம கு³ருர்விஷ்ணு꞉ கு³ருர்தே³வோ மஹேஶ்வர꞉ । கு³ருஸ்ஸாக்ஷாத் பரப்³ரஹ்ம தஸ்மை ஶ்ரீ கு³ரவே நம꞉ ॥ ஸ்தோத்ரம் – ஹரி꞉ ஓம்ʼ ஶ்ரீமாதா, ஶ்ரீமஹாராஜ்ஞீ, ஶ்ரீமத்-ஸிம்ʼஹாஸனேஶ்வரீ । சித³க்³னி-குண்ட³-ஸம்பூ⁴தா, தே³வகார்ய-ஸமுத்³யதா ॥ 1 ॥ உத்³யத்³பா⁴னு-ஸஹஸ்ராபா⁴, சதுர்பா³ஹு-ஸமன்விதா । ராக³ஸ்வரூப-பாஶாட்⁴யா, க்ரோதா⁴காராங்குஶோஜ்ஜ்வலா ॥ 2 ॥ மனோரூபேக்ஷு-கோத³ண்டா³, பஞ்சதன்மாத்ர-ஸாயகா । நிஜாருண ப்ரபா⁴பூர மஜ்ஜத்³-ப்³ரஹ்மாண்ட³மண்ட³லா ॥ 3 ॥ சம்பகாஶோக புந்நாக³ ஸௌக³ந்தி⁴க லஸத்கசா குருவிந்த³ மணிஶ்ரேணீ கனத்கோடீர மண்டி³தா ॥ 4 ॥ அஷ்டமீ சந்த்³ர விப்⁴ராஜ த³லிகஸ்த²ல ஶோபி⁴தா । முக²சந்த்³ர கலங்காப⁴ ம்ருʼக³நாபி⁴ விஶேஷகா ॥ 5 ॥ வத³னஸ்மர மாங்க³ல்ய க்³ருʼஹதோரண சில்லிகா । வக்த்ரலக்ஷ்மீ பரீவாஹ சலன்மீநாப⁴ லோசனா ॥ 6 ॥ நவசம்பக புஷ்பாப⁴ நாஸாத³ண்ட³ விராஜிதா । தாராகாந்தி திரஸ்காரி நாஸாப⁴ரண பா⁴ஸுரா ॥ 7 ॥ கத³ம்ப³ மஞ்ஜரீக்லுʼப்த கர்ணபூர மனோஹரா । தாடங்க யுக³லீபூ⁴த தபனோடு³ப மண்ட³லா ॥ 8 ॥ பத்³மராக³ ஶிலாத³ர்ஶ பரிபா⁴வி கபோலபூ⁴꞉ । நவவித்³ரும பி³ம்ப³ஶ்ரீ꞉ ந்யக்காரி ரத³னச்ச²தா³ ॥ 9 ॥ ஶுத்³த⁴ வித்³யாங்குராகார த்³விஜபங்க்தி த்³வயோஜ்ஜ்வலா । கர்பூரவீடி காமோத³ ஸமாகர்ஷத்³தி³க³ந்தரா ॥ 10 ॥ நிஜஸல்லாப மாது⁴ர்ய விநிர்ப⁴த்ஸித கச்ச²பீ । மந்த³ஸ்மித ப்ரபா⁴பூர மஜ்ஜத்-காமேஶ மானஸா ॥ 11 ॥ அனாகலித ஸாத்³ருʼஶ்ய சுபு³க ஶ்ரீ விராஜிதா । காமேஶப³த்³த⁴ மாங்க³ல்ய ஸூத்ரஶோபி⁴த கந்த²ரா ॥ 12 ॥ கனகாங்க³த³ கேயூர கமனீய பு⁴ஜான்விதா । ரத்னக்³ரைவேய சிந்தாக லோலமுக்தா ப²லான்விதா ॥ 13 ॥ காமேஶ்வர ப்ரேமரத்ன மணி ப்ரதிபணஸ்தனீ। நாப்⁴யாலவால ரோமாலி லதாப²ல குசத்³வயீ ॥ 14 ॥ லக்ஷ்யரோமலதா தா⁴ரதா ஸமுன்னேய மத்⁴யமா । ஸ்தனபா⁴ர த³லன்-மத்⁴ய பட்டப³ந்த⁴ வலித்ரயா ॥ 15 ॥ அருணாருண கௌஸும்ப⁴ வஸ்த்ர பா⁴ஸ்வத்-கடீதடீ । ரத்னகிங்கிணி காரம்ய ரஶநாதா³ம பூ⁴ஷிதா ॥ 16 ॥ காமேஶ ஜ்ஞாத ஸௌபா⁴க்³ய மார்த³வோரு த்³வயான்விதா । மாணிக்ய மகுடாகார ஜானுத்³வய விராஜிதா ॥ 17 ॥ இந்த்³ரகோ³ப பரிக்ஷிப்த ஸ்மர தூணாப⁴ ஜங்கி⁴கா । கூ³ட⁴கு³ல்பா⁴ கூர்மப்ருʼஷ்ட² ஜயிஷ்ணு ப்ரபதா³ன்விதா ॥ 18 ॥ நக²தீ³தி⁴தி ஸஞ்ச²ன்ன நமஜ்ஜன தமோகு³ணா । பத³த்³வய ப்ரபா⁴ஜால பராக்ருʼத ஸரோருஹா ॥ 19 ॥ ஶிஞ்ஜான மணிமஞ்ஜீர மண்டி³த ஶ்ரீ பதா³ம்பு³ஜா । மராலீ மந்த³க³மனா, மஹாலாவண்ய ஶேவதி⁴꞉ ॥ 20 ॥ ஸர்வாருணா(அ)னவத்³யாங்கீ³ ஸர்வாப⁴ரண பூ⁴ஷிதா । ஶிவகாமேஶ்வராங்கஸ்தா², ஶிவா, ஸ்வாதீ⁴ன வல்லபா⁴ ॥ 21 ॥ ஸுமேரு மத்⁴யஶ்ருʼங்க³ஸ்தா², ஶ்ரீமந்நக³ர நாயிகா । சிந்தாமணி க்³ருʼஹாந்தஸ்தா², பஞ்சப்³ரஹ்மாஸனஸ்தி²தா ॥ 22 ॥ மஹாபத்³மாடவீ ஸம்ʼஸ்தா², கத³ம்ப³ வனவாஸினீ । ஸுதா⁴ஸாக³ர மத்⁴யஸ்தா², காமாக்ஷீ காமதா³யினீ ॥ 23 ॥ தே³வர்ஷி க³ணஸங்கா⁴த ஸ்தூயமானாத்ம வைப⁴வா । ப⁴ண்டா³ஸுர வதோ⁴த்³யுக்த ஶக்திஸேனா ஸமன்விதா ॥ 24 ॥ ஸம்பத்கரீ ஸமாரூட⁴ ஸிந்து⁴ர வ்ரஜஸேவிதா । அஶ்வாரூடா⁴தி⁴ஷ்டி²தாஶ்வ கோடிகோடி பி⁴ராவ்ருʼதா ॥ 25 ॥ சக்ரராஜ ரதா²ரூட⁴ ஸர்வாயுத⁴ பரிஷ்க்ருʼதா । கே³யசக்ர ரதா²ரூட⁴ மந்த்ரிணீ பரிஸேவிதா ॥ 26 ॥ கிரிசக்ர ரதா²ரூட⁴ த³ண்ட³நாதா² புரஸ்க்ருʼதா । ஜ்வாலாமாலினி காக்ஷிப்த வஹ்னிப்ராகார மத்⁴யகா³ ॥ 27 ॥ ப⁴ண்ட³ஸைன்ய வதோ⁴த்³யுக்த ஶக்தி விக்ரமஹர்ஷிதா । நித்யா பராக்ரமாடோப நிரீக்ஷண ஸமுத்ஸுகா ॥ 28 ॥ ப⁴ண்ட³புத்ர வதோ⁴த்³யுக்த பா³லாவிக்ரம நந்தி³தா । மந்த்ரிண்யம்பா³ விரசித விஷங்க³ வத⁴தோஷிதா ॥ 29 ॥ விஶுக்ர ப்ராணஹரண வாராஹீ வீர்யனந்தி³தா । காமேஶ்வர முகா²லோக கல்பித ஶ்ரீ க³ணேஶ்வரா ॥ 30 ॥ மஹாக³ணேஶ நிர்பி⁴ன்ன விக்⁴னயந்த்ர ப்ரஹர்ஷிதா । ப⁴ண்டா³ஸுரேந்த்³ர நிர்முக்த ஶஸ்த்ர ப்ரத்யஸ்த்ர வர்ஷிணீ ॥ 31 ॥ கராங்கு³லி நகோ²த்பன்ன நாராயண த³ஶாக்ருʼதி꞉ । மஹாபாஶுபதாஸ்த்ராக்³னி நிர்த³க்³தா⁴ஸுர ஸைனிகா ॥ 32 ॥ காமேஶ்வராஸ்த்ர நிர்த³க்³த⁴ ஸப⁴ண்டா³ஸுர ஶூன்யகா । ப்³ரஹ்மோபேந்த்³ர மஹேந்த்³ராதி³ தே³வஸம்ʼஸ்துத வைப⁴வா ॥ 33 ॥ ஹரநேத்ராக்³னி ஸந்த³க்³த⁴ காம ஸஞ்ஜீவனௌஷதி⁴꞉ । ஶ்ரீமத்³வாக்³ப⁴வ கூடைக ஸ்வரூப முக²பங்கஜா ॥ 34 ॥ கண்டா²த⁴꞉ கடிபர்யந்த மத்⁴யகூட ஸ்வரூபிணீ । ஶக்திகூடைக தாபன்ன கட்யதோ²பா⁴க³ தா⁴ரிணீ ॥ 35 ॥ மூலமந்த்ராத்மிகா, மூலகூட த்ரய கலேப³ரா । குலாம்ருʼதைக ரஸிகா, குலஸங்கேத பாலினீ ॥ 36 ॥ குலாங்க³னா, குலாந்த꞉ஸ்தா², கௌலினீ, குலயோகி³னீ । அகுலா, ஸமயாந்த꞉ஸ்தா², ஸமயாசார தத்பரா ॥ 37 ॥ மூலாதா⁴ரைக நிலயா, ப்³ரஹ்மக்³ரந்தி² விபே⁴தி³னீ । மணிபூராந்த ருதி³தா, விஷ்ணுக்³ரந்தி² விபே⁴தி³னீ ॥ 38 ॥ ஆஜ்ஞா சக்ராந்தராலஸ்தா², ருத்³ரக்³ரந்தி² விபே⁴தி³னீ । ஸஹஸ்ராராம்பு³ஜா ரூடா⁴, ஸுதா⁴ஸாராபி⁴ வர்ஷிணீ ॥ 39 ॥ தடில்லதா ஸமருசி꞉, ஷட்-சக்ரோபரி ஸம்ʼஸ்தி²தா । மஹாஶக்தி꞉, குண்ட³லினீ, பி³ஸதந்து தனீயஸீ ॥ 40 ॥ ப⁴வானீ, பா⁴வநாக³ம்யா, ப⁴வாரண்ய குடா²ரிகா । ப⁴த்³ரப்ரியா, ப⁴த்³ரமூர்தி, ர்ப⁴க்தஸௌபா⁴க்³ய தா³யினீ ॥ 41 ॥ ப⁴க்திப்ரியா, ப⁴க்திக³ம்யா, ப⁴க்திவஶ்யா, ப⁴யாபஹா । ஶாம்ப⁴வீ, ஶாரதா³ராத்⁴யா, ஶர்வாணீ, ஶர்மதா³யினீ ॥ 42 ॥ ஶாங்கரீ, ஶ்ரீகரீ, ஸாத்⁴வீ, ஶரச்சந்த்³ரனிபா⁴னனா । ஶாதோத³ரீ, ஶாந்திமதீ, நிராதா⁴ரா, நிரஞ்ஜனா ॥ 43 ॥ நிர்லேபா, நிர்மலா, நித்யா, நிராகாரா, நிராகுலா । நிர்கு³ணா, நிஷ்கலா, ஶாந்தா, நிஷ்காமா, நிருபப்லவா ॥ 44 ॥ நித்யமுக்தா, நிர்விகாரா, நிஷ்ப்ரபஞ்சா, நிராஶ்ரயா । நித்யஶுத்³தா⁴, நித்யபு³த்³தா⁴, நிரவத்³யா, நிரந்தரா ॥ 45 ॥ நிஷ்காரணா, நிஷ்கலங்கா, நிருபாதி⁴, ர்நிரீஶ்வரா । நீராகா³, ராக³மத²னீ, நிர்மதா³, மத³நாஶினீ ॥ 46 ॥ நிஶ்சிந்தா, நிரஹங்காரா, நிர்மோஹா, மோஹநாஶினீ । நிர்மமா, மமதாஹந்த்ரீ, நிஷ்பாபா, பாபநாஶினீ ॥ 47 ॥ நிஷ்க்ரோதா⁴, க்ரோத⁴ஶமனீ, நிர்லோபா⁴, லோப⁴நாஶினீ । நி꞉ஸம்ʼஶயா, ஸம்ʼஶயக்⁴னீ, நிர்ப⁴வா, ப⁴வநாஶினீ ॥ 48 ॥ நிர்விகல்பா, நிராபா³தா⁴, நிர்பே⁴தா³, பே⁴த³நாஶினீ । நிர்நாஶா, ம்ருʼத்யுமத²னீ, நிஷ்க்ரியா, நிஷ்பரிக்³ரஹா ॥ 49 ॥ நிஸ்துலா, நீலசிகுரா, நிரபாயா, நிரத்யயா । து³ர்லபா⁴, து³ர்க³மா, து³ர்கா³, து³꞉க²ஹந்த்ரீ, ஸுக²ப்ரதா³ ॥ 50 ॥ து³ஷ்டதூ³ரா, து³ராசார ஶமனீ, தோ³ஷவர்ஜிதா । ஸர்வஜ்ஞா, ஸாந்த்³ரகருணா, ஸமானாதி⁴கவர்ஜிதா ॥ 51 ॥ ஸர்வஶக்திமயீ, ஸர்வமங்க³லா, ஸத்³க³திப்ரதா³ । ஸர்வேஶ்வரீ, ஸர்வமயீ, ஸர்வமந்த்ர ஸ்வரூபிணீ ॥ 52 ॥ ஸர்வயந்த்ராத்மிகா, ஸர்வதந்த்ரரூபா, மனோன்மனீ । மாஹேஶ்வரீ, மஹாதே³வீ, மஹாலக்ஷ்மீ, ர்ம்ருʼட³ப்ரியா ॥ 53 ॥ மஹாரூபா, மஹாபூஜ்யா, மஹாபாதக நாஶினீ । மஹாமாயா, மஹாஸத்த்வா, மஹாஶக்தி ர்மஹாரதி꞉ ॥ 54 ॥ மஹாபோ⁴கா³, மஹைஶ்வர்யா, மஹாவீர்யா, மஹாப³லா । மஹாபு³த்³தி⁴, ர்மஹாஸித்³தி⁴, ர்மஹாயோகே³ஶ்வரேஶ்வரீ ॥ 55 ॥ மஹாதந்த்ரா, மஹாமந்த்ரா, மஹாயந்த்ரா, மஹாஸனா । மஹாயாக³ க்ரமாராத்⁴யா, மஹாபை⁴ரவ பூஜிதா ॥ 56 ॥ மஹேஶ்வர மஹாகல்ப மஹாதாண்ட³வ ஸாக்ஷிணீ । மஹாகாமேஶ மஹிஷீ, மஹாத்ரிபுர ஸுந்த³ரீ ॥ 57 ॥ சது꞉ஷஷ்ட்யுபசாராட்⁴யா, சதுஷ்ஷஷ்டி கலாமயீ । மஹா சதுஷ்ஷஷ்டி கோடி யோகி³னீ க³ணஸேவிதா ॥ 58 ॥ மனுவித்³யா, சந்த்³ரவித்³யா, சந்த்³ரமண்ட³லமத்⁴யகா³ । சாருரூபா, சாருஹாஸா, சாருசந்த்³ர கலாத⁴ரா ॥ 59 ॥ சராசர ஜக³ந்நாதா², சக்ரராஜ நிகேதனா । பார்வதீ, பத்³மநயனா, பத்³மராக³ ஸமப்ரபா⁴ ॥ 60 ॥ பஞ்சப்ரேதாஸனாஸீனா, பஞ்சப்³ரஹ்ம ஸ்வரூபிணீ । சின்மயீ, பரமானந்தா³, விஜ்ஞான க⁴னரூபிணீ ॥ 61 ॥ த்⁴யானத்⁴யாத்ருʼ த்⁴யேயரூபா, த⁴ர்மாத⁴ர்ம விவர்ஜிதா । விஶ்வரூபா, ஜாக³ரிணீ, ஸ்வபந்தீ, தைஜஸாத்மிகா ॥ 62 ॥ ஸுப்தா, ப்ராஜ்ஞாத்மிகா, துர்யா, ஸர்வாவஸ்தா² விவர்ஜிதா । ஸ்ருʼஷ்டிகர்த்ரீ, ப்³ரஹ்மரூபா, கோ³ப்த்ரீ, கோ³விந்த³ரூபிணீ ॥ 63 ॥ ஸம்ʼஹாரிணீ, ருத்³ரரூபா, திரோதா⁴னகரீஶ்வரீ । ஸதா³ஶிவானுக்³ரஹதா³, பஞ்சக்ருʼத்ய பராயணா ॥ 64 ॥ பா⁴னுமண்ட³ல மத்⁴யஸ்தா², பை⁴ரவீ, ப⁴க³மாலினீ । பத்³மாஸனா, ப⁴க³வதீ, பத்³மநாப⁴ ஸஹோத³ரீ ॥ 65 ॥ உன்மேஷ நிமிஷோத்பன்ன விபன்ன பு⁴வனாவலி꞉ । ஸஹஸ்ரஶீர்ஷவத³னா, ஸஹஸ்ராக்ஷீ, ஸஹஸ்ரபாத் ॥ 66 ॥ ஆப்³ரஹ்ம கீடஜனனீ, வர்ணாஶ்ரம விதா⁴யினீ । நிஜாஜ்ஞாரூபநிக³மா, புண்யாபுண்ய ப²லப்ரதா³ ॥ 67 ॥ ஶ்ருதி ஸீமந்த ஸிந்தூ⁴ரீக்ருʼத பாதா³ப்³ஜதூ⁴லிகா । ஸகலாக³ம ஸந்தோ³ஹ ஶுக்திஸம்புட மௌக்திகா ॥ 68 ॥ புருஷார்த²ப்ரதா³, பூர்ணா, போ⁴கி³னீ, பு⁴வனேஶ்வரீ । அம்பி³கா,(அ)நாதி³ நித⁴னா, ஹரிப்³ரஹ்மேந்த்³ர ஸேவிதா ॥ 69 ॥ நாராயணீ, நாத³ரூபா, நாமரூப விவர்ஜிதா । ஹ்ரீங்காரீ, ஹ்ரீமதீ, ஹ்ருʼத்³யா, ஹேயோபாதே³ய வர்ஜிதா ॥ 70 ॥ ராஜராஜார்சிதா, ராஜ்ஞீ, ரம்யா, ராஜீவலோசனா । ரஞ்ஜனீ, ரமணீ, ரஸ்யா, ரணத்கிங்கிணி மேக²லா ॥ 71 ॥ ரமா, ராகேந்து³வத³னா, ரதிரூபா, ரதிப்ரியா । ரக்ஷாகரீ, ராக்ஷஸக்⁴னீ, ராமா, ரமணலம்படா ॥ 72 ॥ காம்யா, காமகலாரூபா, கத³ம்ப³ குஸுமப்ரியா । கல்யாணீ, ஜக³தீகந்தா³, கருணாரஸ ஸாக³ரா ॥ 73 ॥ கலாவதீ, கலாலாபா, காந்தா, காத³ம்ப³ரீப்ரியா । வரதா³, வாமநயனா, வாருணீமத³விஹ்வலா ॥ 74 ॥ விஶ்வாதி⁴கா, வேத³வேத்³யா, விந்த்⁴யாசல நிவாஸினீ । விதா⁴த்ரீ, வேத³ஜனனீ, விஷ்ணுமாயா, விலாஸினீ ॥ 75 ॥ க்ஷேத்ரஸ்வரூபா, க்ஷேத்ரேஶீ, க்ஷேத்ர க்ஷேத்ரஜ்ஞ பாலினீ । க்ஷயவ்ருʼத்³தி⁴ விநிர்முக்தா, க்ஷேத்ரபால ஸமர்சிதா ॥ 76 ॥ விஜயா, விமலா, வந்த்³யா, வந்தா³ரு ஜனவத்ஸலா । வாக்³வாதி³னீ, வாமகேஶீ, வஹ்னிமண்ட³ல வாஸினீ ॥ 77 ॥ ப⁴க்திமத்-கல்பலதிகா, பஶுபாஶ விமோசனீ । ஸம்ʼஹ்ருʼதாஶேஷ பாஷண்டா³, ஸதா³சார ப்ரவர்திகா ॥ 78 ॥ தாபத்ரயாக்³னி ஸந்தப்த ஸமாஹ்லாத³ன சந்த்³ரிகா । தருணீ, தாபஸாராத்⁴யா, தனுமத்⁴யா, தமோ(அ)பஹா ॥ 79 ॥ சிதி, ஸ்தத்பத³லக்ஷ்யார்தா², சிதே³க ரஸரூபிணீ । ஸ்வாத்மானந்த³லவீபூ⁴த ப்³ரஹ்மாத்³யானந்த³ ஸந்ததி꞉ ॥ 80 ॥ பரா, ப்ரத்யக்சிதீ ரூபா, பஶ்யந்தீ, பரதே³வதா । மத்⁴யமா, வைக²ரீரூபா, ப⁴க்தமானஸ ஹம்ʼஸிகா ॥ 81 ॥ காமேஶ்வர ப்ராணநாடீ³, க்ருʼதஜ்ஞா, காமபூஜிதா । ஶ்ருʼங்கா³ர ரஸஸம்பூர்ணா, ஜயா, ஜாலந்த⁴ரஸ்தி²தா ॥ 82 ॥ ஓட்³யாண பீட²நிலயா, பி³ந்து³மண்ட³ல வாஸினீ । ரஹோயாக³ க்ரமாராத்⁴யா, ரஹஸ்தர்பண தர்பிதா ॥ 83 ॥ ஸத்³ய꞉ ப்ரஸாதி³னீ, விஶ்வஸாக்ஷிணீ, ஸாக்ஷிவர்ஜிதா । ஷட³ங்க³தே³வதா யுக்தா, ஷாட்³கு³ண்ய பரிபூரிதா ॥ 84 ॥ நித்யக்லின்னா, நிருபமா, நிர்வாண ஸுக²தா³யினீ । நித்யா, ஷோட³ஶிகாரூபா, ஶ்ரீகண்டா²ர்த⁴ ஶரீரிணீ ॥ 85 ॥ ப்ரபா⁴வதீ, ப்ரபா⁴ரூபா, ப்ரஸித்³தா⁴, பரமேஶ்வரீ । மூலப்ரக்ருʼதி ரவ்யக்தா, வ்யக்தா(அ)வ்யக்த ஸ்வரூபிணீ ॥ 86 ॥ வ்யாபினீ, விவிதா⁴காரா, வித்³யா(அ)வித்³யா ஸ்வரூபிணீ । மஹாகாமேஶ நயனா குமுதா³ஹ்லாத³ கௌமுதீ³ ॥ 87 ॥ ப⁴க்தஹார்த³ தமோபே⁴த³ பா⁴னுமத்³-பா⁴னுஸந்ததி꞉ । ஶிவதூ³தீ, ஶிவாராத்⁴யா, ஶிவமூர்தி, ஶ்ஶிவங்கரீ ॥ 88 ॥ ஶிவப்ரியா, ஶிவபரா, ஶிஷ்டேஷ்டா, ஶிஷ்டபூஜிதா । அப்ரமேயா, ஸ்வப்ரகாஶா, மனோவாசாம கோ³சரா ॥ 89 ॥ சிச்ச²க்தி, ஶ்சேதனாரூபா, ஜட³ஶக்தி, ர்ஜடா³த்மிகா । கா³யத்ரீ, வ்யாஹ்ருʼதி, ஸ்ஸந்த்⁴யா, த்³விஜப்³ருʼந்த³ நிஷேவிதா ॥ 90 ॥ தத்த்வாஸனா, தத்த்வமயீ, பஞ்சகோஶாந்தரஸ்தி²தா । நிஸ்ஸீமமஹிமா, நித்யயௌவனா, மத³ஶாலினீ ॥ 91 ॥ மத³கூ⁴ர்ணித ரக்தாக்ஷீ, மத³பாடல க³ண்ட³பூ⁴꞉ । சந்த³ன த்³ரவதி³க்³தா⁴ங்கீ³, சாம்பேய குஸும ப்ரியா ॥ 92 ॥ குஶலா, கோமலாகாரா, குருகுல்லா, குலேஶ்வரீ । குலகுண்டா³லயா, கௌல மார்க³தத்பர ஸேவிதா ॥ 93 ॥ குமார க³ணநாதா²ம்பா³, துஷ்டி꞉, புஷ்டி, ர்மதி, ர்த்⁴ருʼதி꞉ । ஶாந்தி꞉, ஸ்வஸ்திமதீ, காந்தி, ர்னந்தி³னீ, விக்⁴னநாஶினீ ॥ 94 ॥ தேஜோவதீ, த்ரிநயனா, லோலாக்ஷீ காமரூபிணீ । மாலினீ, ஹம்ʼஸினீ, மாதா, மலயாசல வாஸினீ ॥ 95 ॥ ஸுமுகீ², நலினீ, ஸுப்⁴ரூ꞉, ஶோப⁴னா, ஸுரநாயிகா । காலகண்டீ², காந்திமதீ, க்ஷோபி⁴ணீ, ஸூக்ஷ்மரூபிணீ ॥ 96 ॥ வஜ்ரேஶ்வரீ, வாமதே³வீ, வயோ(அ)வஸ்தா² விவர்ஜிதா । ஸித்³தே⁴ஶ்வரீ, ஸித்³த⁴வித்³யா, ஸித்³த⁴மாதா, யஶஸ்வினீ ॥ 97 ॥ விஶுத்³தி⁴ சக்ரநிலயா,(ஆ)ரக்தவர்ணா, த்ரிலோசனா । க²ட்வாங்கா³தி³ ப்ரஹரணா, வத³னைக ஸமன்விதா ॥ 98 ॥ பாயஸான்னப்ரியா, த்வக்​ஸ்தா², பஶுலோக ப⁴யங்கரீ । அம்ருʼதாதி³ மஹாஶக்தி ஸம்ʼவ்ருʼதா, டா³கினீஶ்வரீ ॥ 99 ॥ அனாஹதாப்³ஜ நிலயா, ஶ்யாமாபா⁴, வத³னத்³வயா । த³ம்ʼஷ்ட்ரோஜ்ஜ்வலா,(அ)க்ஷமாலாதி⁴த⁴ரா, ருதி⁴ர ஸம்ʼஸ்தி²தா ॥ 100 ॥ காலராத்ர்யாதி³ ஶக்த்யோக⁴வ்ருʼதா, ஸ்னிக்³தௌ⁴த³னப்ரியா । மஹாவீரேந்த்³ர வரதா³, ராகிண்யம்பா³ ஸ்வரூபிணீ ॥ 101 ॥ மணிபூராப்³ஜ நிலயா, வத³னத்ரய ஸம்ʼயுதா । வஜ்ராதி⁴காயுதோ⁴பேதா, டா³மர்யாதி³பி⁴ ராவ்ருʼதா ॥ 102 ॥ ரக்தவர்ணா, மாம்ʼஸநிஷ்டா², கு³டா³ன்ன ப்ரீதமானஸா । ஸமஸ்த ப⁴க்தஸுக²தா³, லாகின்யம்பா³ ஸ்வரூபிணீ ॥ 103 ॥ ஸ்வாதி⁴ஷ்டா²னாம்பு³ ஜக³தா, சதுர்வக்த்ர மனோஹரா । ஶூலாத்³யாயுத⁴ ஸம்பன்னா, பீதவர்ணா,(அ)திக³ர்விதா ॥ 104 ॥ மேதோ³நிஷ்டா², மது⁴ப்ரீதா, ப³ந்தி³ன்யாதி³ ஸமன்விதா । த³த்⁴யன்னாஸக்த ஹ்ருʼத³யா, காகினீ-ரூபதா⁴ரிணீ ॥ 105 ॥ மூலா தா⁴ராம்பு³ஜாரூடா⁴, பஞ்சவக்த்ரா,(அ)ஸ்தி²ஸம்ʼஸ்தி²தா । அங்குஶாதி³ ப்ரஹரணா, வரதா³தி³ நிஷேவிதா ॥ 106 ॥ முத்³கௌ³த³னாஸக்த சித்தா, ஸாகின்யம்பா³ஸ்வரூபிணீ । ஆஜ்ஞா சக்ராப்³ஜநிலயா, ஶுக்லவர்ணா, ஷடா³னனா ॥ 107 ॥ மஜ்ஜாஸம்ʼஸ்தா², ஹம்ʼஸவதீ-முக்²யஶக்தி-ஸமன்விதா । ஹரித்³ரான்னைக ரஸிகா, ஹாகினீ-ரூபதா⁴ரிணீ ॥ 108 ॥ ஸஹஸ்ரத³ல பத்³மஸ்தா², ஸர்வவர்ணோப ஶோபி⁴தா । ஸர்வாயுத⁴த⁴ரா, ஶுக்ல ஸம்ʼஸ்தி²தா, ஸர்வதோமுகீ² ॥ 109 ॥ ஸர்வௌத³ன ப்ரீதசித்தா, யாகின்யம்பா³ ஸ்வரூபிணீ । ஸ்வாஹா, ஸ்வதா⁴,(அ)மதி, ர்மேதா⁴, ஶ்ருதி꞉, ஸ்ம்ருʼதி, ரனுத்தமா ॥ 110 ॥ புண்யகீர்தி꞉, புண்யலப்⁴யா, புண்யஶ்ரவண கீர்தனா । புலோமஜார்சிதா, ப³ந்த⁴மோசனீ, ப³ந்து⁴ராலகா ॥ 111 ॥ விமர்ஶரூபிணீ, வித்³யா, வியதா³தி³ ஜக³த்ப்ரஸூ꞉ । ஸர்வவ்யாதி⁴ ப்ரஶமனீ, ஸர்வம்ருʼத்யு நிவாரிணீ ॥ 112 ॥ அக்³ரக³ண்யா,(அ)சிந்த்யரூபா, கலிகல்மஷ நாஶினீ । காத்யாயினீ, காலஹந்த்ரீ, கமலாக்ஷ நிஷேவிதா ॥ 113 ॥ தாம்பூ³ல பூரித முகீ², தா³டி³மீ குஸுமப்ரபா⁴ । ம்ருʼகா³க்ஷீ, மோஹினீ, முக்²யா, ம்ருʼடா³னீ, மித்ரரூபிணீ ॥ 114 ॥ நித்யத்ருʼப்தா, ப⁴க்தநிதி⁴, ர்நியந்த்ரீ, நிகி²லேஶ்வரீ । மைத்ர்யாதி³ வாஸனாலப்⁴யா, மஹாப்ரலய ஸாக்ஷிணீ ॥ 115 ॥ பராஶக்தி꞉, பராநிஷ்டா², ப்ரஜ்ஞான க⁴னரூபிணீ । மாத்⁴வீபானாலஸா, மத்தா, மாத்ருʼகா வர்ண ரூபிணீ ॥ 116 ॥ மஹாகைலாஸ நிலயா, ம்ருʼணால ம்ருʼது³தோ³ர்லதா । மஹனீயா, த³யாமூர்தீ, ர்மஹாஸாம்ராஜ்யஶாலினீ ॥ 117 ॥ ஆத்மவித்³யா, மஹாவித்³யா, ஶ்ரீவித்³யா, காமஸேவிதா । ஶ்ரீஷோட³ஶாக்ஷரீ வித்³யா, த்ரிகூடா, காமகோடிகா ॥ 118 ॥ கடாக்ஷகிங்கரீ பூ⁴த கமலா கோடிஸேவிதா । ஶிர꞉ஸ்தி²தா, சந்த்³ரனிபா⁴, பா²லஸ்தே²ந்த்³ர த⁴னு꞉ப்ரபா⁴ ॥ 119 ॥ ஹ்ருʼத³யஸ்தா², ரவிப்ரக்²யா, த்ரிகோணாந்தர தீ³பிகா । தா³க்ஷாயணீ, தை³த்யஹந்த்ரீ, த³க்ஷயஜ்ஞ விநாஶினீ ॥ 120 ॥ த³ராந்தோ³லித தீ³ர்கா⁴க்ஷீ, த³ரஹாஸோஜ்ஜ்வலன்முகீ² । கு³ருமூர்தி, ர்கு³ணநிதி⁴, ர்கோ³மாதா, கு³ஹஜன்மபூ⁴꞉ ॥ 121 ॥ தே³வேஶீ, த³ண்ட³நீதிஸ்தா², த³ஹராகாஶ ரூபிணீ । ப்ரதிபன்முக்²ய ராகாந்த திதி²மண்ட³ல பூஜிதா ॥ 122 ॥ கலாத்மிகா, கலாநாதா², காவ்யாலாப வினோதி³னீ । ஸசாமர ரமாவாணீ ஸவ்யத³க்ஷிண ஸேவிதா ॥ 123 ॥ ஆதி³ஶக்தி, ரமேயா,(ஆ)த்மா, பரமா, பாவனாக்ருʼதி꞉ । அனேககோடி ப்³ரஹ்மாண்ட³ ஜனனீ, தி³வ்யவிக்³ரஹா ॥ 124 ॥ க்லீங்காரீ, கேவலா, கு³ஹ்யா, கைவல்ய பத³தா³யினீ । த்ரிபுரா, த்ரிஜக³த்³வந்த்³யா, த்ரிமூர்தி, ஸ்த்ரித³ஶேஶ்வரீ ॥ 125 ॥ த்ர்யக்ஷரீ, தி³வ்யக³ந்தா⁴ட்⁴யா, ஸிந்தூ⁴ர திலகாஞ்சிதா । உமா, ஶைலேந்த்³ரதனயா, கௌ³ரீ, க³ந்த⁴ர்வ ஸேவிதா ॥ 126 ॥ விஶ்வக³ர்பா⁴, ஸ்வர்ணக³ர்பா⁴,(அ)வரதா³ வாக³தீ⁴ஶ்வரீ । த்⁴யானக³ம்யா,(அ)பரிச்சே²த்³யா, ஜ்ஞானதா³, ஜ்ஞானவிக்³ரஹா ॥ 127 ॥ ஸர்வவேதா³ந்த ஸம்ʼவேத்³யா, ஸத்யானந்த³ ஸ்வரூபிணீ । லோபாமுத்³ரார்சிதா, லீலாக்லுʼப்த ப்³ரஹ்மாண்ட³மண்ட³லா ॥ 128 ॥ அத்³ருʼஶ்யா, த்³ருʼஶ்யரஹிதா, விஜ்ஞாத்ரீ, வேத்³யவர்ஜிதா । யோகி³னீ, யோக³தா³, யோக்³யா, யோகா³னந்தா³, யுக³ந்த⁴ரா ॥ 129 ॥ இச்சா²ஶக்தி ஜ்ஞானஶக்தி க்ரியாஶக்தி ஸ்வரூபிணீ । ஸர்வாதா⁴ரா, ஸுப்ரதிஷ்டா², ஸத³ஸத்³-ரூபதா⁴ரிணீ ॥ 130 ॥ அஷ்டமூர்தி, ரஜாஜைத்ரீ, லோகயாத்ரா விதா⁴யினீ । ஏகாகினீ, பூ⁴மரூபா, நிர்த்³வைதா, த்³வைதவர்ஜிதா ॥ 131 ॥ அன்னதா³, வஸுதா³, வ்ருʼத்³தா⁴, ப்³ரஹ்மாத்மைக்ய ஸ்வரூபிணீ । ப்³ருʼஹதீ, ப்³ராஹ்மணீ, ப்³ராஹ்மீ, ப்³ரஹ்மானந்தா³, ப³லிப்ரியா ॥ 132 ॥ பா⁴ஷாரூபா, ப்³ருʼஹத்ஸேனா, பா⁴வாபா⁴வ விவர்ஜிதா । ஸுகா²ராத்⁴யா, ஶுப⁴கரீ, ஶோப⁴னா ஸுலபா⁴க³தி꞉ ॥ 133 ॥ ராஜராஜேஶ்வரீ, ராஜ்யதா³யினீ, ராஜ்யவல்லபா⁴ । ராஜத்-க்ருʼபா, ராஜபீட² நிவேஶித நிஜாஶ்ரிதா꞉ ॥ 134 ॥ ராஜ்யலக்ஷ்மீ꞉, கோஶநாதா², சதுரங்க³ ப³லேஶ்வரீ । ஸாம்ராஜ்யதா³யினீ, ஸத்யஸந்தா⁴, ஸாக³ரமேக²லா ॥ 135 ॥ தீ³க்ஷிதா, தை³த்யஶமனீ, ஸர்வலோக வஶங்கரீ । ஸர்வார்த²தா³த்ரீ, ஸாவித்ரீ, ஸச்சிதா³னந்த³ ரூபிணீ ॥ 136 ॥ தே³ஶகாலா(அ)பரிச்சி²ன்னா, ஸர்வகா³, ஸர்வமோஹினீ । ஸரஸ்வதீ, ஶாஸ்த்ரமயீ, கு³ஹாம்பா³, கு³ஹ்யரூபிணீ ॥ 137 ॥ ஸர்வோபாதி⁴ விநிர்முக்தா, ஸதா³ஶிவ பதிவ்ரதா । ஸம்ப்ரதா³யேஶ்வரீ, ஸாத்⁴வீ, கு³ருமண்ட³ல ரூபிணீ ॥ 138 ॥ குலோத்தீர்ணா, ப⁴கா³ராத்⁴யா, மாயா, மது⁴மதீ, மஹீ । க³ணாம்பா³, கு³ஹ்யகாராத்⁴யா, கோமலாங்கீ³, கு³ருப்ரியா ॥ 139 ॥ ஸ்வதந்த்ரா, ஸர்வதந்த்ரேஶீ, த³க்ஷிணாமூர்தி ரூபிணீ । ஸனகாதி³ ஸமாராத்⁴யா, ஶிவஜ்ஞான ப்ரதா³யினீ ॥ 140 ॥ சித்கலா,(அ)னந்த³கலிகா, ப்ரேமரூபா, ப்ரியங்கரீ । நாமபாராயண ப்ரீதா, நந்தி³வித்³யா, நடேஶ்வரீ ॥ 141 ॥ மித்²யா ஜக³த³தி⁴ஷ்டா²னா முக்திதா³, முக்திரூபிணீ । லாஸ்யப்ரியா, லயகரீ, லஜ்ஜா, ரம்பா⁴தி³ வந்தி³தா ॥ 142 ॥ ப⁴வதா³வ ஸுதா⁴வ்ருʼஷ்டி꞉, பாபாரண்ய த³வானலா । தௌ³ர்பா⁴க்³யதூல வாதூலா, ஜராத்⁴வாந்த ரவிப்ரபா⁴ ॥ 143 ॥ பா⁴க்³யாப்³தி⁴சந்த்³ரிகா, ப⁴க்தசித்தகேகி க⁴னாக⁴னா । ரோக³பர்வத த³ம்போ⁴லி, ர்ம்ருʼத்யுதா³ரு குடா²ரிகா ॥ 144 ॥ மஹேஶ்வரீ, மஹாகாலீ, மஹாக்³ராஸா, மஹா(அ)ஶனா । அபர்ணா, சண்டி³கா, சண்ட³முண்டா³(அ)ஸுர நிஷூதி³னீ ॥ 145 ॥ க்ஷராக்ஷராத்மிகா, ஸர்வலோகேஶீ, விஶ்வதா⁴ரிணீ । த்ரிவர்க³தா³த்ரீ, ஸுப⁴கா³, த்ர்யம்ப³கா, த்ரிகு³ணாத்மிகா ॥ 146 ॥ ஸ்வர்கா³பவர்க³தா³, ஶுத்³தா⁴, ஜபாபுஷ்ப நிபா⁴க்ருʼதி꞉ । ஓஜோவதீ, த்³யுதித⁴ரா, யஜ்ஞரூபா, ப்ரியவ்ரதா ॥ 147 ॥ து³ராராத்⁴யா, து³ராத³ர்ஷா, பாடலீ குஸுமப்ரியா । மஹதீ, மேருநிலயா, மந்தா³ர குஸுமப்ரியா ॥ 148 ॥ வீராராத்⁴யா, விராட்³ரூபா, விரஜா, விஶ்வதோமுகீ² । ப்ரத்யக்³ரூபா, பராகாஶா, ப்ராணதா³, ப்ராணரூபிணீ ॥ 149 ॥ மார்தாண்ட³ பை⁴ரவாராத்⁴யா, மந்த்ரிணீ ந்யஸ்தராஜ்யதூ⁴꞉ । த்ரிபுரேஶீ, ஜயத்ஸேனா, நிஸ்த்ரைகு³ண்யா, பராபரா ॥ 150 ॥ ஸத்யஜ்ஞானா(அ)னந்த³ரூபா, ஸாமரஸ்ய பராயணா । கபர்தி³னீ, கலாமாலா, காமது⁴க்,காமரூபிணீ ॥ 151 ॥ கலாநிதி⁴꞉, காவ்யகலா, ரஸஜ்ஞா, ரஸஶேவதி⁴꞉ । புஷ்டா, புராதனா, பூஜ்யா, புஷ்கரா, புஷ்கரேக்ஷணா ॥ 152 ॥ பரஞ்ஜ்யோதி꞉, பரந்தா⁴ம, பரமாணு꞉, பராத்பரா । பாஶஹஸ்தா, பாஶஹந்த்ரீ, பரமந்த்ர விபே⁴தி³னீ ॥ 153 ॥ மூர்தா,(அ)மூர்தா,(அ)நித்யத்ருʼப்தா, முனி மானஸ ஹம்ʼஸிகா । ஸத்யவ்ரதா, ஸத்யரூபா, ஸர்வாந்தர்யாமினீ, ஸதீ ॥ 154 ॥ ப்³ரஹ்மாணீ, ப்³ரஹ்மஜனனீ, ப³ஹுரூபா, பு³தா⁴ர்சிதா । ப்ரஸவித்ரீ, ப்ரசண்டா³(அ)ஜ்ஞா, ப்ரதிஷ்டா², ப்ரகடாக்ருʼதி꞉ ॥ 155 ॥ ப்ராணேஶ்வரீ, ப்ராணதா³த்ரீ, பஞ்சாஶத்-பீட²ரூபிணீ । விஶ்ருʼங்க²லா, விவிக்தஸ்தா², வீரமாதா, வியத்ப்ரஸூ꞉ ॥ 156 ॥ முகுந்தா³, முக்தி நிலயா, மூலவிக்³ரஹ ரூபிணீ । பா⁴வஜ்ஞா, ப⁴வரோக³க்⁴னீ ப⁴வசக்ர ப்ரவர்தினீ ॥ 157 ॥ ச²ந்த³ஸ்ஸாரா, ஶாஸ்த்ரஸாரா, மந்த்ரஸாரா, தலோத³ரீ । உதா³ரகீர்தி, ருத்³தா³மவைப⁴வா, வர்ணரூபிணீ ॥ 158 ॥ ஜன்மம்ருʼத்யு ஜராதப்த ஜன விஶ்ராந்தி தா³யினீ । ஸர்வோபநிஷ து³த்³கு⁴ஷ்டா, ஶாந்த்யதீத கலாத்மிகா ॥ 159 ॥ க³ம்பீ⁴ரா, க³க³னாந்த꞉ஸ்தா², க³ர்விதா, கா³னலோலுபா । கல்பனாரஹிதா, காஷ்டா², காந்தா, காந்தார்த⁴ விக்³ரஹா ॥ 160 ॥ கார்யகாரண நிர்முக்தா, காமகேலி தரங்கி³தா । கனத்-கனகதாடங்கா, லீலாவிக்³ரஹ தா⁴ரிணீ ॥ 161 ॥ அஜாக்ஷய விநிர்முக்தா, முக்³தா⁴ க்ஷிப்ரப்ரஸாதி³னீ । அந்தர்முக² ஸமாராத்⁴யா, ப³ஹிர்முக² ஸுது³ர்லபா⁴ ॥ 162 ॥ த்ரயீ, த்ரிவர்க³ நிலயா, த்ரிஸ்தா², த்ரிபுரமாலினீ । நிராமயா, நிராலம்பா³, ஸ்வாத்மாராமா, ஸுதா⁴ஸ்ருʼதி꞉ ॥ 163 ॥ ஸம்ʼஸாரபங்க நிர்மக்³ன ஸமுத்³த⁴ரண பண்டி³தா । யஜ்ஞப்ரியா, யஜ்ஞகர்த்ரீ, யஜமான ஸ்வரூபிணீ ॥ 164 ॥ த⁴ர்மாதா⁴ரா, த⁴னாத்⁴யக்ஷா, த⁴னதா⁴ன்ய விவர்தி⁴னீ । விப்ரப்ரியா, விப்ரரூபா, விஶ்வப்⁴ரமண காரிணீ ॥ 165 ॥ விஶ்வக்³ராஸா, வித்³ருமாபா⁴, வைஷ்ணவீ, விஷ்ணுரூபிணீ । அயோனி, ர்யோனிநிலயா, கூடஸ்தா², குலரூபிணீ ॥ 166 ॥ வீரகோ³ஷ்டீ²ப்ரியா, வீரா, நைஷ்கர்ம்யா, நாத³ரூபிணீ । விஜ்ஞான கலனா, கல்யா வித³க்³தா⁴, பை³ந்த³வாஸனா ॥ 167 ॥ தத்த்வாதி⁴கா, தத்த்வமயீ, தத்த்வமர்த² ஸ்வரூபிணீ । ஸாமகா³னப்ரியா, ஸௌம்யா, ஸதா³ஶிவ குடும்பி³னீ ॥ 168 ॥ ஸவ்யாபஸவ்ய மார்க³ஸ்தா², ஸர்வாபத்³வி நிவாரிணீ । ஸ்வஸ்தா², ஸ்வபா⁴வமது⁴ரா, தீ⁴ரா, தீ⁴ர ஸமர்சிதா ॥ 169 ॥ சைதன்யார்க்⁴ய ஸமாராத்⁴யா, சைதன்ய குஸுமப்ரியா । ஸதோ³தி³தா, ஸதா³துஷ்டா, தருணாதி³த்ய பாடலா ॥ 170 ॥ த³க்ஷிணா, த³க்ஷிணாராத்⁴யா, த³ரஸ்மேர முகா²ம்பு³ஜா । கௌலினீ கேவலா,(அ)னர்க்⁴யா கைவல்ய பத³தா³யினீ ॥ 171 ॥ ஸ்தோத்ரப்ரியா, ஸ்துதிமதீ, ஶ்ருதிஸம்ʼஸ்துத வைப⁴வா । மனஸ்வினீ, மானவதீ, மஹேஶீ, மங்க³லாக்ருʼதி꞉ ॥ 172 ॥ விஶ்வமாதா, ஜக³த்³தா⁴த்ரீ, விஶாலாக்ஷீ, விராகி³ணீ। ப்ரக³ல்பா⁴, பரமோதா³ரா, பராமோதா³, மனோமயீ ॥ 173 ॥ வ்யோமகேஶீ, விமானஸ்தா², வஜ்ரிணீ, வாமகேஶ்வரீ । பஞ்சயஜ்ஞப்ரியா, பஞ்சப்ரேத மஞ்சாதி⁴ஶாயினீ ॥ 174 ॥ பஞ்சமீ, பஞ்சபூ⁴தேஶீ, பஞ்ச ஸங்க்²யோபசாரிணீ । ஶாஶ்வதீ, ஶாஶ்வதைஶ்வர்யா, ஶர்மதா³, ஶம்பு⁴மோஹினீ ॥ 175 ॥ த⁴ரா, த⁴ரஸுதா, த⁴ன்யா, த⁴ர்மிணீ, த⁴ர்மவர்தி⁴னீ । லோகாதீதா, கு³ணாதீதா, ஸர்வாதீதா, ஶமாத்மிகா ॥ 176 ॥ ப³ந்தூ⁴க குஸும ப்ரக்²யா, பா³லா, லீலாவினோதி³னீ । ஸுமங்க³லீ, ஸுக²கரீ, ஸுவேஷாட்³யா, ஸுவாஸினீ ॥ 177 ॥ ஸுவாஸின்யர்சனப்ரீதா, ஶோப⁴னா, ஶுத்³த⁴ மானஸா । பி³ந்து³ தர்பண ஸந்துஷ்டா, பூர்வஜா, த்ரிபுராம்பி³கா ॥ 178 ॥ த³ஶமுத்³ரா ஸமாராத்⁴யா, த்ரிபுரா ஶ்ரீவஶங்கரீ । ஜ்ஞானமுத்³ரா, ஜ்ஞானக³ம்யா, ஜ்ஞானஜ்ஞேய ஸ்வரூபிணீ ॥ 179 ॥ யோனிமுத்³ரா, த்ரிக²ண்டே³ஶீ, த்ரிகு³ணாம்பா³, த்ரிகோணகா³ । அனகா⁴த்³பு⁴த சாரித்ரா, வாஞ்சி²தார்த² ப்ரதா³யினீ ॥ 180 ॥ அப்⁴யாஸாதி ஶயஜ்ஞாதா, ஷட³த்⁴வாதீத ரூபிணீ । அவ்யாஜ கருணாமூர்தி, ரஜ்ஞானத்⁴வாந்த தீ³பிகா ॥ 181 ॥ ஆபா³லகோ³ப விதி³தா, ஸர்வானுல்லங்க்⁴ய ஶாஸனா । ஶ்ரீ சக்ரராஜநிலயா, ஶ்ரீமத்த்ரிபுர ஸுந்த³ரீ ॥ 182 ॥ ஶ்ரீ ஶிவா, ஶிவஶக்த்யைக்ய ரூபிணீ, லலிதாம்பி³கா । ஏவம்ʼ ஶ்ரீலலிதாதே³வ்யா நாம்னாம்ʼ ஸாஹஸ்ரகம்ʼ ஜகு³꞉ ॥ 183 ॥ ॥ இதி ஶ்ரீ லலிதா ஸஹஸ்ரநாம ஸ்தோத்ரம் ॥