ശ്രീരാമസൌമിത്രിജടായുവേദ ഷഡാനനാദിത്യ കുജാര്ചിതായ । ശ്രീനീലകംഠായ ദയാമയായ ശ്രീവൈദ്യനാഥായ നമഃശിവായ ॥ 1 ॥ ഗംഗാപ്രവാഹേംദു ജടാധരായ ത്രിലോചനായ സ്മര കാലഹംത്രേ । സമസ്ത ദേവൈരഭിപൂജിതായ ശ്രീവൈദ്യനാഥായ നമഃ ശിവായ ॥ 2 ॥ ഭക്തഃപ്രിയായ ത്രിപുരാംതകായ പിനാകിനേ ദുഷ്ടഹരായ നിത്യമ് । പ്രത്യക്ഷലീലായ മനുഷ്യലോകേ ശ്രീവൈദ്യനാഥായ നമഃ ശിവായ ॥ 3 ॥ പ്രഭൂതവാതാദി സമസ്തരോഗ പ്രനാശകര്ത്രേ മുനിവംദിതായ । പ്രഭാകരേംദ്വഗ്നി വിലോചനായ ശ്രീവൈദ്യനാഥായ നമഃ ശിവായ ॥ 4 ॥ വാക് ശ്രോത്ര നേത്രാംഘ്രി വിഹീനജംതോഃ വാക്ശ്രോത്രനേത്രാംഘ്രിസുഖപ്രദായ । കുഷ്ഠാദിസർവോന്നതരോഗഹംത്രേ ശ്രീവൈദ്യനാഥായ നമഃ ശിവായ ॥ 5 ॥ വേദാംതവേദ്യായ ജഗന്മയായ യോഗീശ്വരദ്യേയ പദാംബുജായ । ത്രിമൂര്തിരൂപായ സഹസ്രനാമ്നേ ശ്രീവൈദ്യനാഥായ നമഃ ശിവായ ॥ 6 ॥ സ്വതീര്ഥമൃദ്ഭസ്മഭൃതാംഗഭാജാം പിശാചദുഃഖാര്തിഭയാപഹായ । ആത്മസ്വരൂപായ ശരീരഭാജാം ശ്രീവൈദ്യനാഥായ നമഃ ശിവായ ॥ 7 ॥ ശ്രീനീലകംഠായ വൃഷധ്വജായ സ്രക്ഗംധ ഭസ്മാദ്യഭിശോഭിതായ । സുപുത്രദാരാദി സുഭാഗ്യദായ ശ്രീവൈദ്യനാഥായ നമഃ ശിവായ ॥ 8 ॥ ബാലാംബികേശ വൈദ്യേശ ഭവരോഗ ഹരേതി ച । ജപേന്നാമത്രയം നിത്യം മഹാരോഗനിവാരണമ് ॥ 9 ॥ ॥ ഇതി ശ്രീ വൈദ്യനാഥാഷ്ടകമ് ॥