ഓം അസ്യ ശ്രീ രുദ്ര കവചസ്തോത്ര മഹാമന്ത്രസ്യ ദൂർവാസൃഷിഃ അനുഷ്ഠുപ് ഛന്ദഃ ത്ര്യംബക രുദ്രോ ദേവതാ ഹ്രാം ബീജം ശ്രീം ശക്തിഃ ഹ്രീം കീലകം മമ മനസോഽഭീഷ്ടസിദ്ധ്യർഥേ ജപേ വിനിയോഗഃ । ഹ്രാമിത്യാദി ഷഡ്ബീജൈഃ ഷഡംഗന്യാസഃ ॥ ധ്യാനം – ശാന്തം പദ്മാസനസ്ഥം ശശിധരമകുടം പഞ്ചവക്ത്രം ത്രിനേത്രം ശൂലം വജ്രം ച ഖഡ്ഗം പരശുമഭയദം ദക്ഷഭാഗേ വഹന്തം । നാഗം പാശം ച ഘണ്ടാം പ്രലയ ഹുതവഹം സാങ്കുശം വാമഭാഗേ നാനാലങ്കാരയുക്തം സ്ഫടികമണിനിഭം പാർവതീശം നമാമി ॥ ദൂർവാസ ഉവാച – പ്രണമ്യ ശിരസാ ദേവം സ്വയംഭും പരമേശ്വരം । ഏകം സർവഗതം ദേവം സർവദേവമയം വിഭും ॥ 1 ॥ രുദ്ര വർമ പ്രവക്ഷ്യാമി അംഗ പ്രാണസ്യ രക്ഷയേ । അഹോരാത്രമയം ദേവം രക്ഷാർഥം നിർമിതം പുരാ ॥ 2 ॥ രുദ്രോ മേ ചാഗ്രതഃ പാതു പാതു പാർശ്വൗ ഹരസ്തഥാ । ശിരോ മേ ഈശ്വരഃ പാതു ലലാടം നീലലോഹിതഃ ॥ 3 ॥ നേത്രയോസ്ത്ര്യംബകഃ പാതു മുഖം പാതു മഹേശ്വരഃ । കർണയോഃ പാതു മേ ശംഭുഃ നാസികായാം സദാശിവഃ ॥ 4 ॥ വാഗീശഃ പാതു മേ ജിഹ്വാം ഓഷ്ഠൗ പാത്വംബികാപതിഃ । ശ്രീകണ്ഠഃ പാതു മേ ഗ്രീവാം ബാഹൂംശ്ചൈവ പിനാകധൃത് ॥ 5 ॥ ഹൃദയം മേ മഹാദേവഃ ഈശ്വരോവ്യാത് സ്തനാന്തരം । നാഭിം കടിം ച വക്ഷശ്ച പാതു സർവം ഉമാപതിഃ ॥ 6 ॥ ബാഹുമധ്യാന്തരം ചൈവ സൂക്ഷ്മരൂപഃ സദാശിവഃ । സ്വരം രക്ഷതു സർവേശോ ഗാത്രാണി ച യഥാ ക്രമം ॥ 7 ॥ വജ്രശക്തിധരം ചൈവ പാശാങ്കുശധരം തഥാ । ഗണ്ഡശൂലധരം നിത്യം രക്ഷതു ത്രിദശേശ്വരഃ ॥ 8 ॥ പ്രസ്ഥാനേഷു പദേ ചൈവ വൃക്ഷമൂലേ നദീതടേ । സന്ധ്യായാം രാജഭവനേ വിരൂപാക്ഷസ്തു പാതു മാം ॥ 9 ॥ ശീതോഷ്ണാദഥ കാലേഷു തുഹി ന ദ്രുമകണ്ടകേ । നിർമനുഷ്യേഽസമേ മാർഗേ ത്രാഹി മാം വൃഷഭധ്വജ ॥ 10 ॥ ഇത്യേതദ്രുദ്രകവചം പവിത്രം പാപനാശനം । മഹാദേവപ്രസാദേന ദൂർവാസോ മുനികല്പിതം ॥ 11 ॥ മമാഖ്യാതം സമാസേന ന ഭയം വിന്ദതി ക്വചിത് । പ്രാപ്നോതി പരമാരോഗ്യം പുണ്യമായുഷ്യവർധനം ॥ 12 ॥ വിദ്യാർഥീ ലഭതേ വിദ്യാം ധനാർഥീ ലഭതേ ധനം । കന്യാർഥീ ലഭതേ കന്യാം ന ഭയം വിന്ദതേ ക്വചിത് ॥ 13 ॥ അപുത്രോ ലഭതേ പുത്രം മോക്ഷാർഥീ മോക്ഷമാപ്നുയാത് । ത്രാഹി ത്രാഹി മഹാദേവ ത്രാഹി ത്രാഹി ത്രയീമയ ॥ 14 ॥ ത്രാഹി മാം പാർവതീനാഥ ത്രാഹി മാം ത്രിപുരന്തക । പാശം ഖട്വാംഗ ദിവ്യാസ്ത്രം ത്രിശൂലം രുദ്രമേവ ച ॥ 15 ॥ നമസ്കരോമി ദേവേശ ത്രാഹി മാം ജഗദീശ്വര । ശത്രുമധ്യേ സഭാമധ്യേ ഗ്രാമമധ്യേ ഗൃഹാന്തരേ ॥ 16 ॥ ഗമനാഗമനേ ചൈവ ത്രാഹി മാം ഭക്തവത്സല । ത്വം ചിത്തം ത്വം മാനസം ച ത്വം ബുദ്ധിസ്ത്വം പരായണം ॥ 17 ॥ കർമണാ മനസാ ചൈവ ത്വം ബുദ്ധിശ്ച യഥാ സദാ । ജ്വരഭയം ഛിന്ദി സർവജ്വരഭയം ഛിന്ദി ഗ്രഹഭയം ഛിന്ദി ॥ 18 ॥ സർവശത്രൂന്നിവർത്യാപി സർവവ്യാധിനിവാരണം । രുദ്രലോകം സ ഗച്ഛതി രുദ്രലോകം സഗച്ഛത്യോന്നമ ഇതി ॥ 19 ॥ ഇതി സ്കന്ദപുരാണേ ദൂർവാസ പ്രോക്തം ശ്രീ രുദ്രകവചം ॥