हैंహైHaindavamஹிહિં
📍
Font Size:
കാശ്യഷ്ടകം
സ്വർഗതഃ സുഖകരീ ദിവൗകസാം ശൈലരാജതനയാഽതിവല്ലഭാ ।
ഢുണ്ഢിഭൈരവവിദാരിതവിഘ്നാ വിശ്വനാഥനഗരീ ഗരീയസീ ॥ 1 ॥
യത്ര ദേഹപതനേന ദേഹിനാം മുക്തിരേവ ഭവതീതി നിശ്ചിതം ।
പൂർവപുണ്യ നിചയേന ലഭ്യതേ വിശ്വനാഥനഗരീ ഗരീയസീ ॥ 2 ॥
സർവദാഽമരഗണൈശ്ചവന്ദിതാ യാ ഗജേന്ദ്രമുഖവാരിതവിഘ്നാ ।
കാലഭൈരവകൃതൈകശാസനാ വിശ്വനാഥനഗരീ ഗരീയസീ ॥ 3 ॥
യത്ര തീർഥമമലാ മണികർണികാ യാ സദാശിവ സുഖപ്രദായിനീ ।
യാ ശിവേന രചിതാ നിജായുധൈഃ വിശ്വനാഥനഗരീ ഗരീയസീ ॥ 4 ॥
സർവതീർഥകൃതമജ്ജനപുണ്യൈർജന്മജന്മസുകൃതൈഃ ഖലു ലഭ്യാ ।
പ്രാപ്യതേ ഭവ ഭവാർതിനാശിനി വിശ്വനാഥനഗരീ ഗരീയസീ ॥ 5 ॥
യത്ര മുക്തിരഖിലൈസ്തു ജന്തുഭിർലഭ്യതേ മരണമാത്രതഃ സദാ ।
നാഖിലാമരഗണൈശ്ചവന്ദിതാ വിശ്വനാഥനഗരീ ഗരീയസീ ॥ 6 ॥
യത്ര ശക്രനഗരീ തനീയസീ യത്ര ധാതൃനഗരീ കനീയസീ ।
യത്ര കേശവപുരീ ലഘീയസീ വിശ്വനാഥനഗരീ ഗരീയസീ ॥ 7 ॥
യത്ര ദേവതടിനീ പ്രഥീയസീ യത്ര വിശ്വജനനീ പടീയസീ ।
യത്ര ഭൈരവകൃതിർബലീയസീ വിശ്വനാഥനഗരീ ഗരീയസീ ॥ 8 ॥
വിശ്വനാഥനഗരീസ്തവം ശുഭം
യഃ പഠേത് പ്രയതമാനസഃ സദാ ।
പുത്രദാരഗൃഹലാഭമവ്യയം
മുക്തിമാർഗമനഘം ലഭേത്സദാ ॥ 9 ॥
Recite with devotion and pure heart
Regular practice brings spiritual benefits