லகு⁴ ஸ்தோத்ரம் ஸௌராஷ்ட்ரே ஸோமனாத⁴ஞ்ச ஶ்ரீஶைலே மல்லிகார்ஜுனம் । உஜ்ஜயின்யாம்ʼ மஹாகாலம்ʼ ஓங்காரேத்வமாமலேஶ்வரம் ॥ பர்ல்யாம்ʼ வைத்³யனாத⁴ஞ்ச டா⁴கின்யாம்ʼ பீ⁴ம ஶங்கரம் । ஸேதுப³ந்தே⁴து ராமேஶம்ʼ நாகே³ஶம்ʼ தா³ருகாவனே ॥ வாரணாஶ்யாந்து விஶ்வேஶம்ʼ த்ரயம்ப³கம்ʼ கௌ³தமீதடே । ஹிமாலயேது கேதா³ரம்ʼ க்⁴ருʼஷ்ணேஶந்து விஶாலகே ॥ ஏதானி ஜ்யோதிர்லிங்கா³னி ஸாயம்ʼ ப்ராத꞉ படே²ன்னர꞉ । ஸப்த ஜன்ம க்ருʼதம்ʼ பாபம்ʼ ஸ்மரணேன வினஶ்யதி ॥ ஸம்பூர்ண ஸ்தோத்ரம் ஸௌராஷ்ட்ரதே³ஶே விஶதே³(அ)திரம்யே ஜ்யோதிர்மயம்ʼ சந்த்³ரகலாவதம்ʼஸம் । ப⁴க்தப்ரதா³னாய க்ருʼபாவதீர்ணம்ʼ தம்ʼ ஸோமநாத²ம்ʼ ஶரணம்ʼ ப்ரபத்³யே ॥ 1 ॥ ஶ்ரீஶைலஶ்ருʼங்கே³ விவித⁴ப்ரஸங்கே³ ஶேஷாத்³ரிஶ்ருʼங்கே³(அ)பி ஸதா³ வஸந்தம் । தமர்ஜுனம்ʼ மல்லிகபூர்வமேனம்ʼ நமாமி ஸம்ʼஸாரஸமுத்³ரஸேதும் ॥ 2 ॥ அவந்திகாயாம்ʼ விஹிதாவதாரம்ʼ முக்திப்ரதா³னாய ச ஸஜ்ஜனானாம் । அகாலம்ருʼத்யோ꞉ பரிரக்ஷணார்த²ம்ʼ வந்தே³ மஹாகாலமஹாஸுரேஶம் ॥ 3 ॥ காவேரிகானர்மத³யோ꞉ பவித்ரே ஸமாக³மே ஸஜ்ஜனதாரணாய । ஸதை³வ மாந்தா⁴த்ருʼபுரே வஸந்தம்ʼ ஓங்காரமீஶம்ʼ ஶிவமேகமீடே³ ॥ 4 ॥ பூர்வோத்தரே ப்ரஜ்வலிகாநிதா⁴னே ஸதா³ வஸம்ʼ தம்ʼ கி³ரிஜாஸமேதம் । ஸுராஸுராராதி⁴தபாத³பத்³மம்ʼ ஶ்ரீவைத்³யநாத²ம்ʼ தமஹம்ʼ நமாமி ॥ 5 ॥ யம்ʼ டா³கிநிஶாகினிகாஸமாஜே நிஷேவ்யமாணம்ʼ பிஶிதாஶனைஶ்ச । ஸதை³வ பீ⁴மாதி³பத³ப்ரஸித்³த⁴ம்ʼ தம்ʼ ஶங்கரம்ʼ ப⁴க்தஹிதம்ʼ நமாமி ॥ 6 ॥ ஶ்ரீதாம்ரபர்ணீஜலராஶியோகே³ நிப³த்⁴ய ஸேதும்ʼ விஶிகை²ரஸங்க்²யை꞉ । ஶ்ரீராமசந்த்³ரேண ஸமர்பிதம்ʼ தம்ʼ ராமேஶ்வராக்²யம்ʼ நியதம்ʼ நமாமி ॥ 7 ॥ யாம்யே ஸத³ங்கே³ நக³ரே(அ)திரம்யே விபூ⁴ஷிதாங்க³ம்ʼ விவிதை⁴ஶ்ச போ⁴கை³꞉ । ஸத்³ப⁴க்திமுக்திப்ரத³மீஶமேகம்ʼ ஶ்ரீநாக³நாத²ம்ʼ ஶரணம்ʼ ப்ரபத்³யே ॥ 8 ॥ ஸானந்த³மானந்த³வனே வஸந்தம்ʼ ஆனந்த³கந்த³ம்ʼ ஹதபாபப்³ருʼந்த³ம் । வாராணஸீநாத²மநாத²நாத²ம்ʼ ஶ்ரீவிஶ்வநாத²ம்ʼ ஶரணம்ʼ ப்ரபத்³யே ॥ 9 ॥ ஸஹ்யாத்³ரிஶீர்ஷே விமலே வஸந்தம்ʼ கோ³தா³வரிதீரபவித்ரதே³ஶே । யத்³த³ர்ஶனாத் பாதகம்ʼ பாஶு நாஶம்ʼ ப்ரயாதி தம்ʼ த்ர்யம்ப³கமீஶமீடே³ ॥ 10 ॥ மஹாத்³ரிபார்ஶ்வே ச தடே ரமந்தம்ʼ ஸம்பூஜ்யமானம்ʼ ஸததம்ʼ முனீந்த்³ரை꞉ । ஸுராஸுரைர்யக்ஷ மஹோரகா³ட்⁴யை꞉ கேதா³ரமீஶம்ʼ ஶிவமேகமீடே³ ॥ 11 ॥ இலாபுரே ரம்யவிஶாலகே(அ)ஸ்மின் ஸமுல்லஸந்தம்ʼ ச ஜக³த்³வரேண்யம் । வந்தே³ மஹோதா³ரதரஸ்வபா⁴வம்ʼ க்⁴ருʼஷ்ணேஶ்வராக்²யம்ʼ ஶரணம்ʼ ப்ரபத்³யே ॥ 12 ॥ ஜ்யோதிர்மயத்³வாத³ஶலிங்க³கானாம்ʼ ஶிவாத்மனாம்ʼ ப்ரோக்தமித³ம்ʼ க்ரமேண । ஸ்தோத்ரம்ʼ படி²த்வா மனுஜோ(அ)திப⁴க்த்யா ப²லம்ʼ ததா³லோக்ய நிஜம்ʼ ப⁴ஜேச்ச ॥