tridalaṃ triguṇākāraṃ trinetraṃ ca triyāyudham । trijanma pāpasaṃhāraṃ ekabilvaṃ śivārpaṇam ॥ triśākhaiḥ bilvapatraiśca acchidraiḥ komalaiḥ śubhaiḥ । tavapūjāṃ kariṣyāmi ekabilvaṃ śivārpaṇam ॥ koṭi kanyā mahādānaṃ tilaparvata koṭayaḥ । kāṃcanaṃ śailadānena ekabilvaṃ śivārpaṇam ॥ kāśīkṣetra nivāsaṃ ca kālabhairava darśanam । prayāge mādhavaṃ dṛṣṭvā ekabilvaṃ śivārpaṇam ॥ iṃduvāre vrataṃ sthitvā nirāhāro maheśvarāḥ । naktaṃ hauṣyāmi deveśa ekabilvaṃ śivārpaṇam ॥ rāmaliṃga pratiṣṭhā ca vaivāhika kṛtaṃ tathā । taṭākānica saṃdhānaṃ ekabilvaṃ śivārpaṇam ॥ akhaṃḍa bilvapatraṃ ca āyutaṃ śivapūjanam । kṛtaṃ nāma sahasreṇa ekabilvaṃ śivārpaṇam ॥ umayā sahadeveśa naṃdi vāhanameva ca । bhasmalepana sarvāṃgaṃ ekabilvaṃ śivārpaṇam ॥ sālagrāmeṣu viprāṇāṃ taṭākaṃ daśakūpayoḥ । yajñnakoṭi sahasrasya ekabilvaṃ śivārpaṇam ॥ daṃti koṭi sahasreṣu aśvamedhaśatakratau ca । koṭikanyā mahādānaṃ ekabilvaṃ śivārpaṇam ॥ bilvāṇāṃ darśanaṃ puṇyaṃ sparśanaṃ pāpanāśanam । aghora pāpasaṃhāraṃ ekabilvaṃ śivārpaṇam ॥ sahasraveda pāṭeṣu brahmastāpanamucyate । anekavrata koṭīnāṃ ekabilvaṃ śivārpaṇam ॥ annadāna sahasreṣu sahasropanayanaṃ tadhā । aneka janmapāpāni ekabilvaṃ śivārpaṇam ॥ bilvāṣṭakamidaṃ puṇyaṃ yaḥ paṭheśśiva sannidhau । śivalokamavāpnoti ekabilvaṃ śivārpaṇam ॥ vikalpa saṃkarpaṇa – tridalaṃ triguṇākāraṃ trinetraṃ ca triyāyudham । trijanma pāpasaṃhāraṃ ekabilvaṃ śivārpitam ॥ 1 ॥ triśākhaiḥ bilvapatraiśca acchidraiḥ komalaiḥ śubhaiḥ । tavapūjāṃ kariṣyāmi ekabilvaṃ śivārpitam ॥ 2 ॥ darśanaṃ bilvavṛkṣasya sparśanaṃ pāpanāśanam । aghorapāpasaṃhāraṃ ekabilvaṃ śivārpitam ॥ 3 ॥ sālagrāmeṣu vipreṣu taṭāke vanakūpayoḥ । yajñnakoṭi sahasrāṇāṃ ekabilvaṃ śivārpitam ॥ 4 ॥ daṃtikoṭi sahasreṣu aśvamedha śatāni ca । koṭikanyāpradānena ekabilvaṃ śivārpitam ॥ 5 ॥ ekaṃ ca bilvapatraiśca koṭiyajñna phalaṃ labhet । mahādevaiśca pūjārthaṃ ekabilvaṃ śivārpitam ॥ 6 ॥ kāśīkṣetre nivāsaṃ ca kālabhairava darśanam । gayāprayāga me dṛṣṭvā ekabilvaṃ śivārpitam ॥ 7 ॥ umayā saha deveśaṃ vāhanaṃ naṃdiśaṃkaram । mucyate sarvapāpebhyo ekabilvaṃ śivārpitam ॥ 8 ॥ iti śrī bilvāṣṭakam ॥