darśanādabhrasadasi jananātkamalālayē । kāśyāṃ tu maraṇānmuktiḥ smaraṇādaruṇāchalē ॥ 1 ॥ karuṇāpūritāpāṅgaṃ śaraṇāgatavatsalam । taruṇēndujaṭāmauliṃ smaraṇādaruṇāchalam ॥ 2 ॥ samastajagadādhāraṃ sachchidānandavigraham । sahasrarathasōpētaṃ smaraṇādaruṇāchalam ॥ 3 ॥ kāñchanapratimābhāsaṃ vāñChitārthaphalapradam । māṃ cha rakṣa surādhyakṣaṃ smaraṇādaruṇāchalam ॥ 4 ॥ baddhachandrajaṭājūṭamardhanārīkalēbaram । vardhamānadayāmbhōdhiṃ smaraṇādaruṇāchalam ॥ 5 ॥ kāñchanapratimābhāsaṃ sūryakōṭisamaprabham । baddhavyāghrapurīdhyānaṃ smaraṇādaruṇāchalam ॥ 6 ॥ śikṣayākhiladēvāri bhakṣitakṣvēlakandharam । rakṣayākhilabhaktānāṃ smaraṇādaruṇāchalam ॥ 7 ॥ aṣṭabhūtisamāyuktamiṣṭakāmaphalapradam । śiṣṭabhaktisamāyuktān smaraṇādaruṇāchalam ॥ 8 ॥ vināyakasurādhyakṣaṃ viṣṇubrahmēndrasēvitam । vimalāruṇapādābjaṃ smaraṇādaruṇāchalam ॥ 9 ॥ mandāramallikājātikundachampakapaṅkajaiḥ । indrādipūjitāṃ dēvīṃ smaraṇādaruṇāchalam ॥ 10 ॥ sampatkaraṃ pārvatīśaṃ sūryachandrāgnilōchanam । mandasmitamukhāmbhōjaṃ smaraṇādaruṇāchalam ॥ 11 ॥ iti śrīaruṇāchalāṣṭakam ॥