ധ്യാനം । ശ്രീമച്ചന്ദനചർചിതോജ്ജ്വലവപുഃ ശുക്ലാംബരാ മല്ലികാ- മാലാലാലിത കുന്തലാ പ്രവിലസന്മുക്താവലീശോഭനാ । സർവജ്ഞാനനിധാനപുസ്തകധരാ രുദ്രാക്ഷമാലാങ്കിതാ വാഗ്ദേവീ വദനാംബുജേ വസതു മേ ത്രൈലോക്യമാതാ ശുഭാ ॥ ശ്രീ നാരദ ഉവാച – ഭഗവൻപരമേശാന സർവലോകൈകനായക । കഥം സരസ്വതീ സാക്ഷാത്പ്രസന്നാ പരമേഷ്ഠിനഃ ॥ 2 ॥ കഥം ദേവ്യാ മഹാവാണ്യാസ്സതത്പ്രാപ സുദുർലഭം । ഏതന്മേ വദ തത്ത്വേന മഹായോഗീശ്വര പ്രഭോ ॥ 3 ॥ ശ്രീ സനത്കുമാര ഉവാച – സാധു പൃഷ്ടം ത്വയാ ബ്രഹ്മൻ ഗുഹ്യാദ്ഗുഹ്യമനുത്തമം । മയാനുഗോപിതം യത്നാദിദാനീം സത്പ്രകാശ്യതേ ॥ 4 ॥ പുരാ പിതാമഹം ദൃഷ്ട്വാ ജഗത്സ്ഥാവരജംഗമം । നിർവികാരം നിരാഭാസം സ്തംഭീഭൂതമചേതസം ॥ 5 ॥ സൃഷ്ട്വാ ത്രൈലോക്യമഖിലം വാഗഭാവാത്തഥാവിധം । ആധിക്യാഭാവതഃ സ്വസ്യ പരമേഷ്ഠീ ജഗദ്ഗുരുഃ ॥ 6 ॥ ദിവ്യവർഷായുതം തേന തപോ ദുഷ്കരമുത്തമം । തതഃ കദാചിത്സഞ്ജാതാ വാണീ സർവാർഥശോഭിതാ ॥ 7 ॥ അഹമസ്മി മഹാവിദ്യാ സർവവാചാമധീശ്വരീ । മമ നാമ്നാം സഹസ്രം തു ഉപദേക്ഷ്യാമ്യനുത്തമം ॥ 8 ॥ അനേന സംസ്തുതാ നിത്യം പത്നീ തവ ഭവാമ്യഹം । ത്വയാ സൃഷ്ടം ജഗത്സർവം വാണീയുക്തം ഭവിഷ്യതി ॥ 9 ॥ ഇദം രഹസ്യം പരമം മമ നാമസഹസ്രകം । സർവപാപൗഘശമനം മഹാസാരസ്വതപ്രദം ॥ 10 ॥ മഹാകവിത്വദം ലോകേ വാഗീശത്വപ്രദായകം । ത്വം വാ പരഃ പുമാന്യസ്തു സ്തവേനാഽനേന തോഷയേത് ॥ 11 ॥ തസ്യാഹം കിങ്കരീ സാക്ഷാദ്ഭവിഷ്യാമി ന സംശയഃ । ഇത്യുക്ത്വാന്തർദധേ വാണീ തദാരഭ്യ പിതാമഹഃ ॥ 12 ॥ സ്തുത്വാ സ്തോത്രേണ ദിവ്യേന തത്പതിത്വമവാപ്തവാൻ । വാണീയുക്തം ജഗത്സർവം തദാരഭ്യാഽഭവന്മുനേ ॥ 13 ॥ തത്തേഹം സമ്പ്രവക്ഷ്യാമി ശൃണു യത്നേന നാരദ । സാവധാനമനാ ഭൂത്വാ ക്ഷണം ശുദ്ധോ മുനീശ്വരഃ ॥ 14 ॥ [ ഐം വദ വദ വാഗ്വാദിനീ സ്വാഹാ ] വാഗ്വാണീ വരദാ വന്ദ്യാ വരാരോഹാ വരപ്രദാ । വൃത്തിർവാഗീശ്വരീ വാർതാ വരാ വാഗീശവല്ലഭാ ॥ 1 ॥ വിശ്വേശ്വരീ വിശ്വവന്ദ്യാ വിശ്വേശപ്രിയകാരിണീ । വാഗ്വാദിനീ ച വാഗ്ദേവീ വൃദ്ധിദാ വൃദ്ധികാരിണീ ॥ 2 ॥ വൃദ്ധിർവൃദ്ധാ വിഷഘ്നീ ച വൃഷ്ടിർവൃഷ്ടിപ്രദായിനീ । വിശ്വാരാധ്യാ വിശ്വമാതാ വിശ്വധാത്രീ വിനായകാ ॥ 3 ॥ വിശ്വശക്തിർവിശ്വസാരാ വിശ്വാ വിശ്വവിഭാവരീ । വേദാന്തവേദിനീ വേദ്യാ വിത്താ വേദത്രയാത്മികാ ॥ 4 ॥ വേദജ്ഞാ വേദജനനീ വിശ്വാ വിശ്വവിഭാവരീ । വരേണ്യാ വാങ്മയീ വൃദ്ധാ വിശിഷ്ടപ്രിയകാരിണീ ॥ 5 ॥ വിശ്വതോവദനാ വ്യാപ്താ വ്യാപിനീ വ്യാപകാത്മികാ । വ്യാലഘ്നീ വ്യാലഭൂഷാംഗീ വിരജാ വേദനായികാ ॥ 6 ॥ വേദവേദാന്തസംവേദ്യാ വേദാന്തജ്ഞാനരൂപിണീ । വിഭാവരീ ച വിക്രാന്താ വിശ്വാമിത്രാ വിധിപ്രിയാ ॥ 7 ॥ വരിഷ്ഠാ വിപ്രകൃഷ്ടാ ച വിപ്രവര്യപ്രപൂജിതാ । വേദരൂപാ വേദമയീ വേദമൂർതിശ്ച വല്ലഭാ ॥ 8 ॥ [ ഓം ഹ്രീം ഗുരുരൂപേ മാം ഗൃഹ്ണ ഗൃഹ്ണ ഐം വദ വദ വാഗ്വാദിനീ സ്വാഹാ ] ഗൗരീ ഗുണവതീ ഗോപ്യാ ഗന്ധർവനഗരപ്രിയാ । ഗുണമാതാ ഗുണാന്തസ്ഥാ ഗുരുരൂപാ ഗുരുപ്രിയാ ॥ 9 ॥ ഗുരുവിദ്യാ ഗാനതുഷ്ടാ ഗായകപ്രിയകാരിണീ । ഗായത്രീ ഗിരീശാരാധ്യാ ഗീർഗിരീശപ്രിയങ്കരീ ॥ 10 ॥ ഗിരിജ്ഞാ ജ്ഞാനവിദ്യാ ച ഗിരിരൂപാ ഗിരീശ്വരീ । ഗീർമാതാ ഗണസംസ്തുത്യാ ഗണനീയഗുണാന്വിതാ ॥ 11 ॥ ഗൂഢരൂപാ ഗുഹാ ഗോപ്യാ ഗോരൂപാ ഗൗർഗുണാത്മികാ । ഗുർവീ ഗുർവംബികാ ഗുഹ്യാ ഗേയജാ ഗൃഹനാശിനീ ॥ 12 ॥ ഗൃഹിണീ ഗൃഹദോഷഘ്നീ ഗവഘ്നീ ഗുരുവത്സലാ । ഗൃഹാത്മികാ ഗൃഹാരാധ്യാ ഗൃഹബാധാവിനാശിനീ ॥ 13 ॥ ഗംഗാ ഗിരിസുതാ ഗമ്യാ ഗജയാനാ ഗുഹസ്തുതാ । ഗരുഡാസനസംസേവ്യാ ഗോമതീ ഗുണശാലിനീ ॥ 14 ॥ [ ഓം ഐം നമഃ ശാരദേ ശ്രീം ശുദ്ധേ നമഃ ശാരദേ വം ഐം വദ വദ വാഗ്വാദിനീ സ്വാഹാ ] ശാരദാ ശാശ്വതീ ശൈവീ ശാങ്കരീ ശങ്കരാത്മികാ । ശ്രീശ്ശർവാണീ ശതഘ്നീ ച ശരച്ചന്ദ്രനിഭാനനാ ॥ 15 ॥ ശർമിഷ്ഠാ ശമനഘ്നീ ച ശതസാഹസ്രരൂപിണീ । ശിവാ ശംഭുപ്രിയാ ശ്രദ്ധാ ശ്രുതിരൂപാ ശ്രുതിപ്രിയാ ॥ 16 ॥ ശുചിഷ്മതീ ശർമകരീ ശുദ്ധിദാ ശുദ്ധിരൂപിണീ । ശിവാ ശിവങ്കരീ ശുദ്ധാ ശിവാരാധ്യാ ശിവാത്മികാ ॥ 17 ॥ ശ്രീമതീ ശ്രീമയീ ശ്രാവ്യാ ശ്രുതിഃ ശ്രവണഗോചരാ । ശാന്തിശ്ശാന്തികരീ ശാന്താ ശാന്താചാരപ്രിയങ്കരീ ॥ 18 ॥ ശീലലഭ്യാ ശീലവതീ ശ്രീമാതാ ശുഭകാരിണീ । ശുഭവാണീ ശുദ്ധവിദ്യാ ശുദ്ധചിത്തപ്രപൂജിതാ ॥ 19 ॥ ശ്രീകരീ ശ്രുതപാപഘ്നീ ശുഭാക്ഷീ ശുചിവല്ലഭാ । ശിവേതരഘ്നീ ശബരീ ശ്രവണീയഗുണാന്വിതാ ॥ 20 ॥ ശാരീ ശിരീഷപുഷ്പാഭാ ശമനിഷ്ഠാ ശമാത്മികാ । ശമാന്വിതാ ശമാരാധ്യാ ശിതികണ്ഠപ്രപൂജിതാ ॥ 21 ॥ ശുദ്ധിഃ ശുദ്ധികരീ ശ്രേഷ്ഠാ ശ്രുതാനന്താ ശുഭാവഹാ । സരസ്വതീ ച സർവജ്ഞാ സർവസിദ്ധിപ്രദായിനീ ॥ 22 ॥ [ ഓം ഐം വദ വദ വാഗ്വാദിനീ സ്വാഹാ ] സരസ്വതീ ച സാവിത്രീ സന്ധ്യാ സർവേപ്സിതപ്രദാ । സർവാർതിഘ്നീ സർവമയീ സർവവിദ്യാപ്രദായിനീ ॥ 23 ॥ സർവേശ്വരീ സർവപുണ്യാ സർഗസ്ഥിത്യന്തകാരിണീ । സർവാരാധ്യാ സർവമാതാ സർവദേവനിഷേവിതാ ॥ 24 ॥ സർവൈശ്വര്യപ്രദാ സത്യാ സതീ സത്വഗുണാശ്രയാ । സർവക്രമപദാകാരാ സർവദോഷനിഷൂദിനീ ॥ 25 ॥ സഹസ്രാക്ഷീ സഹസ്രാസ്യാ സഹസ്രപദസംയുതാ । സഹസ്രഹസ്താ സാഹസ്രഗുണാലങ്കൃതവിഗ്രഹാ ॥ 26 ॥ സഹസ്രശീർഷാ സദ്രൂപാ സ്വധാ സ്വാഹാ സുധാമയീ । ഷഡ്ഗ്രന്ഥിഭേദിനീ സേവ്യാ സർവലോകൈകപൂജിതാ ॥ 27 ॥ സ്തുത്യാ സ്തുതിമയീ സാധ്യാ സവിതൃപ്രിയകാരിണീ । സംശയച്ഛേദിനീ സാംഖ്യവേദ്യാ സംഖ്യാ സദീശ്വരീ ॥ 28 ॥ സിദ്ധിദാ സിദ്ധസമ്പൂജ്യാ സർവസിദ്ധിപ്രദായിനീ । സർവജ്ഞാ സർവശക്തിശ്ച സർവസമ്പത്പ്രദായിനീ ॥ 29 ॥ സർവാഽശുഭഘ്നീ സുഖദാ സുഖസംവിത്സ്വരൂപിണീ । സർവസംഭാഷണീ സർവജഗത്സമ്മോഹിനീ തഥാ ॥ 30 ॥ സർവപ്രിയങ്കരീ സർവശുഭദാ സർവമംഗലാ । സർവമന്ത്രമയീ സർവതീർഥപുണ്യഫലപ്രദാ ॥ 31 ॥ സർവപുണ്യമയീ സർവവ്യാധിഘ്നീ സർവകാമദാ । സർവവിഘ്നഹരീ സർവവന്ദിതാ സർവമംഗലാ ॥ 32 ॥ സർവമന്ത്രകരീ സർവലക്ഷ്മീഃ സർവഗുണാന്വിതാ । സർവാനന്ദമയീ സർവജ്ഞാനദാ സത്യനായികാ ॥ 33 ॥ സർവജ്ഞാനമയീ സർവരാജ്യദാ സർവമുക്തിദാ । സുപ്രഭാ സർവദാ സർവാ സർവലോകവശങ്കരീ ॥ 34 ॥ സുഭഗാ സുന്ദരീ സിദ്ധാ സിദ്ധാംബാ സിദ്ധമാതൃകാ । സിദ്ധമാതാ സിദ്ധവിദ്യാ സിദ്ധേശീ സിദ്ധരൂപിണീ ॥ 35 ॥ സുരൂപിണീ സുഖമയീ സേവകപ്രിയകാരിണീ । സ്വാമിനീ സർവദാ സേവ്യാ സ്ഥൂലസൂക്ഷ്മാപരാംബികാ ॥ 36 ॥ സാരരൂപാ സരോരൂപാ സത്യഭൂതാ സമാശ്രയാ । സിതാഽസിതാ സരോജാക്ഷീ സരോജാസനവല്ലഭാ ॥ 37 ॥ സരോരുഹാഭാ സർവാംഗീ സുരേന്ദ്രാദിപ്രപൂജിതാ । [ ഓം ഹ്രീം ഐം മഹാസരസ്വതി സാരസ്വതപ്രദേ ഐം വദ വദ വാഗ്വാദിനീ സ്വാഹാ ] മഹാദേവീ മഹേശാനീ മഹാസാരസ്വതപ്രദാ ॥ 38 ॥ മഹാസരസ്വതീ മുക്താ മുക്തിദാ മോഹനാശിനീ । മഹേശ്വരീ മഹാനന്ദാ മഹാമന്ത്രമയീ മഹീ ॥ 39 ॥ മഹാലക്ഷ്മീർമഹാവിദ്യാ മാതാ മന്ദരവാസിനീ । മന്ത്രഗമ്യാ മന്ത്രമാതാ മഹാമന്ത്രഫലപ്രദാ ॥ 40 ॥ മഹാമുക്തിർമഹാനിത്യാ മഹാസിദ്ധിപ്രദായിനീ । മഹാസിദ്ധാ മഹാമാതാ മഹദാകാരസംയുതാ ॥ 41 ॥ മഹീ മഹേശ്വരീ മൂർതിർമോക്ഷദാ മണിഭൂഷണാ । മേനകാ മാനിനീ മാന്യാ മൃത്യുഘ്നീ മേരുരൂപിണീ ॥ 42 ॥ മദിരാക്ഷീ മദാവാസാ മഖരൂപാ മഖേശ്വരീ । മഹാമോഹാ മഹാമായാ മാതൄണാം മൂർധ്നിസംസ്ഥിതാ ॥ 43 ॥ മഹാപുണ്യാ മുദാവാസാ മഹാസമ്പത്പ്രദായിനീ । മണിപൂരൈകനിലയാ മധുരൂപാ മദോത്കടാ ॥ 44 ॥ മഹാസൂക്ഷ്മാ മഹാശാന്താ മഹാശാന്തിപ്രദായിനീ । മുനിസ്തുതാ മോഹഹന്ത്രീ മാധവീ മാധവപ്രിയാ ॥ 45 ॥ മാ മഹാദേവസംസ്തുത്യാ മഹിഷീഗണപൂജിതാ । മൃഷ്ടാന്നദാ ച മാഹേന്ദ്രീ മഹേന്ദ്രപദദായിനീ ॥ 46 ॥ മതിർമതിപ്രദാ മേധാ മർത്യലോകനിവാസിനീ । മുഖ്യാ മഹാനിവാസാ ച മഹാഭാഗ്യജനാശ്രിതാ ॥ 47 ॥ മഹിലാ മഹിമാ മൃത്യുഹാരീ മേധാപ്രദായിനീ । മേധ്യാ മഹാവേഗവതീ മഹാമോക്ഷഫലപ്രദാ ॥ 48 ॥ മഹാപ്രഭാഭാ മഹതീ മഹാദേവപ്രിയങ്കരീ । മഹാപോഷാ മഹർഥിശ്ച മുക്താഹാരവിഭൂഷണാ ॥ 49 ॥ മാണിക്യഭൂഷണാ മന്ത്രാ മുഖ്യചന്ദ്രാർധശേഖരാ । മനോരൂപാ മനശ്ശുദ്ധിഃ മനശ്ശുദ്ധിപ്രദായിനീ ॥ 50 ॥ മഹാകാരുണ്യസമ്പൂർണാ മനോനമനവന്ദിതാ । മഹാപാതകജാലഘ്നീ മുക്തിദാ മുക്തഭൂഷണാ ॥ 51 ॥ മനോന്മനീ മഹാസ്ഥൂലാ മഹാക്രതുഫലപ്രദാ । മഹാപുണ്യഫലപ്രാപ്യാ മായാത്രിപുരനാശിനീ ॥ 52 ॥ മഹാനസാ മഹാമേധാ മഹാമോദാ മഹേശ്വരീ । മാലാധരീ മഹോപായാ മഹാതീർഥഫലപ്രദാ ॥ 53 ॥ മഹാമംഗലസമ്പൂർണാ മഹാദാരിദ്ര്യനാശിനീ । മഹാമഖാ മഹാമേഘാ മഹാകാലീ മഹാപ്രിയാ ॥ 54 ॥ മഹാഭൂഷാ മഹാദേഹാ മഹാരാജ്ഞീ മുദാലയാ । [ ഓം ഹ്രീം ഐം നമോ ഭഗവതി ഐം വദ വദ വാഗ്വാദിനീ സ്വാഹാ ] ഭൂരിദാ ഭാഗ്യദാ ഭോഗ്യാ ഭോഗ്യദാ ഭോഗദായിനീ ॥ 55 ॥ ഭവാനീ ഭൂതിദാ ഭൂതിഃ ഭൂമിർഭൂമിസുനായികാ । ഭൂതധാത്രീ ഭയഹരീ ഭക്തസാരസ്വതപ്രദാ ॥ 56 ॥ ഭുക്തിർഭുക്തിപ്രദാ ഭോക്ത്രീ ഭക്തിർഭക്തിപ്രദായിനീ । ഭക്തസായുജ്യദാ ഭക്തസ്വർഗദാ ഭക്തരാജ്യദാ ॥ 57 ॥ ഭാഗീരഥീ ഭവാരാധ്യാ ഭാഗ്യാസജ്ജനപൂജിതാ । ഭവസ്തുത്യാ ഭാനുമതീ ഭവസാഗരതാരിണീ ॥ 58 ॥ ഭൂതിർഭൂഷാ ച ഭൂതേശീ ഭാലലോചനപൂജിതാ । ഭൂതാ ഭവ്യാ ഭവിഷ്യാ ച ഭവവിദ്യാ ഭവാത്മികാ ॥ 59 ॥ ബാധാപഹാരിണീ ബന്ധുരൂപാ ഭുവനപൂജിതാ । ഭവഘ്നീ ഭക്തിലഭ്യാ ച ഭക്തരക്ഷണതത്പരാ ॥ 60 ॥ ഭക്താർതിശമനീ ഭാഗ്യാ ഭോഗദാനകൃതോദ്യമാ । ഭുജംഗഭൂഷണാ ഭീമാ ഭീമാക്ഷീ ഭീമരൂപിണീ ॥ 61 ॥ ഭാവിനീ ഭ്രാതൃരൂപാ ച ഭാരതീ ഭവനായികാ । ഭാഷാ ഭാഷാവതീ ഭീഷ്മാ ഭൈരവീ ഭൈരവപ്രിയാ ॥ 62 ॥ ഭൂതിർഭാസിതസർവാംഗീ ഭൂതിദാ ഭൂതിനായികാ । ഭാസ്വതീ ഭഗമാലാ ച ഭിക്ഷാദാനകൃതോദ്യമാ ॥ 63 ॥ ഭിക്ഷുരൂപാ ഭക്തികരീ ഭക്തലക്ഷ്മീപ്രദായിനീ । ഭ്രാന്തിഘ്നാ ഭ്രാന്തിരൂപാ ച ഭൂതിദാ ഭൂതികാരിണീ ॥ 64 ॥ ഭിക്ഷണീയാ ഭിക്ഷുമാതാ ഭാഗ്യവദ്ദൃഷ്ടിഗോചരാ । ഭോഗവതീ ഭോഗരൂപാ ഭോഗമോക്ഷഫലപ്രദാ ॥ 65 ॥ ഭോഗശ്രാന്താ ഭാഗ്യവതീ ഭക്താഘൗഘവിനാശിനീ । [ ഓം ഐം ക്ലീം സൗഃ ബാലേ ബ്രാഹ്മീ ബ്രഹ്മപത്നീ ഐം വദ വദ വാഗ്വാദിനീ സ്വാഹാ ] ബ്രാഹ്മീ ബ്രഹ്മസ്വരൂപാ ച ബൃഹതീ ബ്രഹ്മവല്ലഭാ ॥ 66 ॥ ബ്രഹ്മദാ ബ്രഹ്മമാതാ ച ബ്രഹ്മാണീ ബ്രഹ്മദായിനീ । ബ്രഹ്മേശീ ബ്രഹ്മസംസ്തുത്യാ ബ്രഹ്മവേദ്യാ ബുധപ്രിയാ ॥ 67 ॥ ബാലേന്ദുശേഖരാ ബാലാ ബലിപൂജാകരപ്രിയാ । ബലദാ ബിന്ദുരൂപാ ച ബാലസൂര്യസമപ്രഭാ ॥ 68 ॥ ബ്രഹ്മരൂപാ ബ്രഹ്മമയീ ബ്രധ്നമണ്ഡലമധ്യഗാ । ബ്രഹ്മാണീ ബുദ്ധിദാ ബുദ്ധിർബുദ്ധിരൂപാ ബുധേശ്വരീ ॥ 69 ॥ ബന്ധക്ഷയകരീ ബാധാനാശിനീ ബന്ധുരൂപിണീ । ബിന്ദ്വാലയാ ബിന്ദുഭൂഷാ ബിന്ദുനാദസമന്വിതാ ॥ 70 ॥ ബീജരൂപാ ബീജമാതാ ബ്രഹ്മണ്യാ ബ്രഹ്മകാരിണീ । ബഹുരൂപാ ബലവതീ ബ്രഹ്മജ്ഞാ ബ്രഹ്മചാരിണീ ॥ 71 ॥ ബ്രഹ്മസ്തുത്യാ ബ്രഹ്മവിദ്യാ ബ്രഹ്മാണ്ഡാധിപവല്ലഭാ । ബ്രഹ്മേശവിഷ്ണുരൂപാ ച ബ്രഹ്മവിഷ്ണ്വീശസംസ്ഥിതാ ॥ 72 ॥ ബുദ്ധിരൂപാ ബുധേശാനീ ബന്ധീ ബന്ധവിമോചനീ । [ ഓം ഹ്രീം ഐം അം ആം ഇം ഈം ഉം ഊം ഋം ൠം ~ലും ~ലൂം ഏം ഐം ഓം ഔം കം ഖം ഗം ഘം ങം ചം ഛം ജം ഝം ഞം ടം ഠം ഡം ഢം ണം തം ഥം ദം ധം നം പം ഫം ബം ഭം മം യം രം ലം വം ശം ഷം സം ഹം ലം ക്ഷം അക്ഷമാലേ അക്ഷരമാലികാ സമലങ്കൃതേ വദ വദ വാഗ്വാദിനീ സ്വാഹാ ] അക്ഷമാലാഽക്ഷരാകാരാഽക്ഷരാഽക്ഷരഫലപ്രദാ ॥ 73 ॥ അനന്താഽനന്ദസുഖദാഽനന്തചന്ദ്രനിഭാനനാ । അനന്തമഹിമാഽഘോരാനന്തഗംഭീരസമ്മിതാ ॥ 74 ॥ അദൃഷ്ടാഽദൃഷ്ടദാഽനന്താദൃഷ്ടഭാഗ്യഫലപ്രദാ । അരുന്ധത്യവ്യയീനാഥാഽനേകസദ്ഗുണസംയുതാ ॥ 75 ॥ അനേകഭൂഷണാഽദൃശ്യാഽനേകലേഖനിഷേവിതാ । അനന്താഽനന്തസുഖദാഽഘോരാഽഘോരസ്വരൂപിണീ ॥ 76 ॥ അശേഷദേവതാരൂപാഽമൃതരൂപാഽമൃതേശ്വരീ । അനവദ്യാഽനേകഹസ്താഽനേകമാണിക്യഭൂഷണാ ॥ 77 ॥ അനേകവിഘ്നസംഹർത്രീ ത്വനേകാഭരണാന്വിതാ । അവിദ്യാജ്ഞാനസംഹർത്രീ ഹ്യവിദ്യാജാലനാശിനീ ॥ 78 ॥ അഭിരൂപാനവദ്യാംഗീ ഹ്യപ്രതർക്യഗതിപ്രദാ । അകലങ്കരൂപിണീ ച ഹ്യനുഗ്രഹപരായണാ ॥ 79 ॥ അംബരസ്ഥാഽമ്ബരമയാഽമ്ബരമാലാഽമ്ബുജേക്ഷണാ । അംബികാഽബ്ജകരാഽബ്ജസ്ഥാഽംശുമത്യഽംശുശതാന്വിതാ ॥ 80 ॥ അംബുജാഽനവരാഽഖണ്ഡാഽമ്ബുജാസനമഹാപ്രിയാ । അജരാഽമരസംസേവ്യാഽജരസേവിതപദ്യുഗാ ॥ 81 ॥ അതുലാർഥപ്രദാഽർഥൈക്യാഽത്യുദാരാത്വഭയാന്വിതാ । അനാഥവത്സലാഽനന്തപ്രിയാഽനന്തേപ്സിതപ്രദാ ॥ 82 ॥ അംബുജാക്ഷ്യംബുരൂപാഽമ്ബുജാതോദ്ഭവമഹാപ്രിയാ । അഖണ്ഡാ ത്വമരസ്തുത്യാഽമരനായകപൂജിതാ ॥ 83 ॥ അജേയാ ത്വജസങ്കാശാഽജ്ഞാനനാശിന്യഭീഷ്ടദാ । അക്താഘനേന ചാഽസ്ത്രേശീ ഹ്യലക്ഷ്മീനാശിനീ തഥാ ॥ 84 ॥ അനന്തസാരാഽനന്തശ്രീരനന്തവിധിപൂജിതാ । അഭീഷ്ടാമർത്യസമ്പൂജ്യാ ഹ്യസ്തോദയവിവർജിതാ ॥ 85 ॥ ആസ്തികസ്വാന്തനിലയാഽസ്ത്രരൂപാഽസ്ത്രവതീ തഥാ । അസ്ഖലത്യസ്ഖലദ്രൂപാഽസ്ഖലദ്വിദ്യാപ്രദായിനീ ॥ 86 ॥ അസ്ഖലത്സിദ്ധിദാഽഽനന്ദാഽമ്ബുജാതാഽഽമരനായികാ । അമേയാഽശേഷപാപഘ്ന്യക്ഷയസാരസ്വതപ്രദാ ॥ 87 ॥ [ ഓം ജ്യാം ഹ്രീം ജയ ജയ ജഗന്മാതഃ ഐം വദ വദ വാഗ്വാദിനീ സ്വാഹാ ] ജയാ ജയന്തീ ജയദാ ജന്മകർമവിവർജിതാ । ജഗത്പ്രിയാ ജഗന്മാതാ ജഗദീശ്വരവല്ലഭാ ॥ 88 ॥ ജാതിർജയാ ജിതാമിത്രാ ജപ്യാ ജപനകാരിണീ । ജീവനീ ജീവനിലയാ ജീവാഖ്യാ ജീവധാരിണീ ॥ 89 ॥ ജാഹ്നവീ ജ്യാ ജപവതീ ജാതിരൂപാ ജയപ്രദാ । ജനാർദനപ്രിയകരീ ജോഷനീയാ ജഗത്സ്ഥിതാ ॥ 90 ॥ ജഗജ്ജ്യേഷ്ഠാ ജഗന്മായാ ജീവനത്രാണകാരിണീ । ജീവാതുലതികാ ജീവജന്മീ ജന്മനിബർഹണീ ॥ 91 ॥ ജാഡ്യവിധ്വംസനകരീ ജഗദ്യോനിർജയാത്മികാ । ജഗദാനന്ദജനനീ ജംബൂശ്ച ജലജേക്ഷണാ ॥ 92 ॥ ജയന്തീ ജംഗപൂഗഘ്നീ ജനിതജ്ഞാനവിഗ്രഹാ । ജടാ ജടാവതീ ജപ്യാ ജപകർതൃപ്രിയങ്കരീ ॥ 93 ॥ ജപകൃത്പാപസംഹർത്രീ ജപകൃത്ഫലദായിനീ । ജപാപുഷ്പസമപ്രഖ്യാ ജപാകുസുമധാരിണീ ॥ 94 ॥ ജനനീ ജന്മരഹിതാ ജ്യോതിർവൃത്യഭിദായിനീ । ജടാജൂടനചന്ദ്രാർധാ ജഗത്സൃഷ്ടികരീ തഥാ ॥ 95 ॥ ജഗത്ത്രാണകരീ ജാഡ്യധ്വംസകർത്രീ ജയേശ്വരീ । ജഗദ്ബീജാ ജയാവാസാ ജന്മഭൂർജന്മനാശിനീ ॥ 96 ॥ ജന്മാന്ത്യരഹിതാ ജൈത്രീ ജഗദ്യോനിർജപാത്മികാ । ജയലക്ഷണസമ്പൂർണാ ജയദാനകൃതോദ്യമാ ॥ 97 ॥ ജംഭരാദ്യാദിസംസ്തുത്യാ ജംഭാരിഫലദായിനീ । ജഗത്ത്രയഹിതാ ജ്യേഷ്ഠാ ജഗത്ത്രയവശങ്കരീ ॥ 98 ॥ ജഗത്ത്രയാംബാ ജഗതീ ജ്വാലാ ജ്വാലിതലോചനാ । ജ്വാലിനീ ജ്വലനാഭാസാ ജ്വലന്തീ ജ്വലനാത്മികാ ॥ 99 ॥ ജിതാരാതിസുരസ്തുത്യാ ജിതക്രോധാ ജിതേന്ദ്രിയാ । ജരാമരണശൂന്യാ ച ജനിത്രീ ജന്മനാശിനീ ॥ 100 ॥ ജലജാഭാ ജലമയീ ജലജാസനവല്ലഭാ । ജലജസ്ഥാ ജപാരാധ്യാ ജനമംഗലകാരിണീ ॥ 101 ॥ [ ഐം ക്ലീം സൗഃ കല്യാണീ കാമധാരിണീ വദ വദ വാഗ്വാദിനീ സ്വാഹാ ] കാമിനീ കാമരൂപാ ച കാമ്യാ കാമ്യപ്രദായിനീ । കമൗലീ കാമദാ കർത്രീ ക്രതുകർമഫലപ്രദാ ॥ 102 ॥ കൃതഘ്നഘ്നീ ക്രിയാരൂപാ കാര്യകാരണരൂപിണീ । കഞ്ജാക്ഷീ കരുണാരൂപാ കേവലാമരസേവിതാ ॥ 103 ॥ കല്യാണകാരിണീ കാന്താ കാന്തിദാ കാന്തിരൂപിണീ । കമലാ കമലാവാസാ കമലോത്പലമാലിനീ ॥ 104 ॥ കുമുദ്വതീ ച കല്യാണീ കാന്തിഃ കാമേശവല്ലഭാ । കാമേശ്വരീ കമലിനീ കാമദാ കാമബന്ധിനീ ॥ 105 ॥ കാമധേനുഃ കാഞ്ചനാക്ഷീ കാഞ്ചനാഭാ കലാനിധിഃ । ക്രിയാ കീർതികരീ കീർതിഃ ക്രതുശ്രേഷ്ഠാ കൃതേശ്വരീ ॥ 106 ॥ ക്രതുസർവക്രിയാസ്തുത്യാ ക്രതുകൃത്പ്രിയകാരിണീ । ക്ലേശനാശകരീ കർത്രീ കർമദാ കർമബന്ധിനീ ॥ 107 ॥ കർമബന്ധഹരീ കൃഷ്ടാ ക്ലമഘ്നീ കഞ്ജലോചനാ । കന്ദർപജനനീ കാന്താ കരുണാ കരുണാവതീ ॥ 108 ॥ ക്ലീങ്കാരിണീ കൃപാകാരാ കൃപാസിന്ധുഃ കൃപാവതീ । കരുണാർദ്രാ കീർതികരീ കല്മഷഘ്നീ ക്രിയാകരീ ॥ 109 ॥ ക്രിയാശക്തിഃ കാമരൂപാ കമലോത്പലഗന്ധിനീ । കലാ കലാവതീ കൂർമീ കൂടസ്ഥാ കഞ്ജസംസ്ഥിതാ ॥ 110 ॥ കാലികാ കല്മഷഘ്നീ ച കമനീയജടാന്വിതാ । കരപദ്മാ കരാഭീഷ്ടപ്രദാ ക്രതുഫലപ്രദാ ॥ 111 ॥ കൗശികീ കോശദാ കാവ്യാ കർത്രീ കോശേശ്വരീ കൃശാ । കൂർമയാനാ കല്പലതാ കാലകൂടവിനാശിനീ ॥ 112 ॥ കല്പോദ്യാനവതീ കല്പവനസ്ഥാ കല്പകാരിണീ । കദംബകുസുമാഭാസാ കദംബകുസുമപ്രിയാ ॥ 113 ॥ കദംബോദ്യാനമധ്യസ്ഥാ കീർതിദാ കീർതിഭൂഷണാ । കുലമാതാ കുലാവാസാ കുലാചാരപ്രിയങ്കരീ ॥ 114 ॥ കുലനാഥാ കാമകലാ കലാനാഥാ കലേശ്വരീ । കുന്ദമന്ദാരപുഷ്പാഭാ കപർദസ്ഥിതചന്ദ്രികാ ॥ 115 ॥ കവിത്വദാ കാമ്യമാതാ കവിമാതാ കലാപ്രദാ । [ ഓം സൗഃ ക്ലീം ഐം തതോ വദ വദ വാഗ്വാദിനീ സ്വാഹാ ] തരുണീ തരുണീതാതാ താരാധിപസമാനനാ ॥ 116 ॥ തൃപ്തിസ്തൃപ്തിപ്രദാ തർക്യാ തപനീ താപിനീ തഥാ । തർപണീ തീർഥരൂപാ ച ത്രിപദാ ത്രിദശേശ്വരീ ॥ 117 ॥ ത്രിദിവേശീ ത്രിജനനീ ത്രിമാതാ ത്ര്യംബകേശ്വരീ । ത്രിപുരാ ത്രിപുരേശാനീ ത്ര്യംബകാ ത്രിപുരാംബികാ ॥ 118 ॥ ത്രിപുരശ്രീസ്ത്രയീരൂപാ ത്രയീവേദ്യാ ത്രയീശ്വരീ । ത്രയ്യന്തവേദിനീ താമ്രാ താപത്രിതയഹാരിണീ ॥ 119 ॥ തമാലസദൃശീ ത്രാതാ തരുണാദിത്യസന്നിഭാ । ത്രൈലോക്യവ്യാപിനീ തൃപ്താ തൃപ്തികൃത്തത്ത്വരൂപിണീ ॥ 120 ॥ തുര്യാ ത്രൈലോക്യസംസ്തുത്യാ ത്രിഗുണാ ത്രിഗുണേശ്വരീ । ത്രിപുരഘ്നീ ത്രിമാതാ ച ത്ര്യംബകാ ത്രിഗുണാന്വിതാ ॥ 121 ॥ തൃഷ്ണാച്ഛേദകരീ തൃപ്താ തീക്ഷ്ണാ തീക്ഷ്ണസ്വരൂപിണീ । തുലാ തുലാദിരഹിതാ തത്തദ്ബ്രഹ്മസ്വരൂപിണീ ॥ 122 ॥ ത്രാണകർത്രീ ത്രിപാപഘ്നീ ത്രിദശാ ത്രിദശാന്വിതാ । തഥ്യാ ത്രിശക്തിസ്ത്രിപദാ തുര്യാ ത്രൈലോക്യസുന്ദരീ ॥ 123 ॥ തേജസ്കരീ ത്രിമൂർത്യാദ്യാ തേജോരൂപാ ത്രിധാമതാ । ത്രിചക്രകർത്രീ ത്രിഭഗാ തുര്യാതീതഫലപ്രദാ ॥ 124 ॥ തേജസ്വിനീ താപഹാരീ താപോപപ്ലവനാശിനീ । തേജോഗർഭാ തപസ്സാരാ ത്രിപുരാരിപ്രിയങ്കരീ ॥ 125 ॥ തന്വീ താപസസന്തുഷ്ടാ തപനാംഗജഭീതിനുത് । ത്രിലോചനാ ത്രിമാർഗാ ച തൃതീയാ ത്രിദശസ്തുതാ ॥ 126 ॥ ത്രിസുന്ദരീ ത്രിപഥഗാ തുരീയപദദായിനീ । [ ഓം ഹ്രീം ശ്രീം ക്ലീം ഐം നമശ്ശുദ്ധഫലദേ ഐം വദ വദ വാഗ്വാദിനീ സ്വാഹാ ] ശുഭാ ശുഭാവതീ ശാന്താ ശാന്തിദാ ശുഭദായിനീ ॥ 127 ॥ ശീതലാ ശൂലിനീ ശീതാ ശ്രീമതീ ച ശുഭാന്വിതാ । [ ഓം ഐം യാം യീം യൂം യൈം യൗം യഃ ഐം വദ വദ വാഗ്വാദിനീ സ്വാഹാ ] യോഗസിദ്ധിപ്രദാ യോഗ്യാ യജ്ഞേനപരിപൂരിതാ ॥ 128 ॥ യജ്ഞാ യജ്ഞമയീ യക്ഷീ യക്ഷിണീ യക്ഷിവല്ലഭാ । യജ്ഞപ്രിയാ യജ്ഞപൂജ്യാ യജ്ഞതുഷ്ടാ യമസ്തുതാ ॥ 129 ॥ യാമിനീയപ്രഭാ യാമ്യാ യജനീയാ യശസ്കരീ । യജ്ഞകർത്രീ യജ്ഞരൂപാ യശോദാ യജ്ഞസംസ്തുതാ ॥ 130 ॥ യജ്ഞേശീ യജ്ഞഫലദാ യോഗയോനിര്യജുസ്സ്തുതാ । യമിസേവ്യാ യമാരാധ്യാ യമിപൂജ്യാ യമീശ്വരീ ॥ 131 ॥ യോഗിനീ യോഗരൂപാ ച യോഗകർതൃപ്രിയങ്കരീ । യോഗയുക്താ യോഗമയീ യോഗയോഗീശ്വരാംബികാ ॥ 132 ॥ യോഗജ്ഞാനമയീ യോനിര്യമാദ്യഷ്ടാംഗയോഗതാ । യന്ത്രിതാഘൗഘസംഹാരാ യമലോകനിവാരിണീ ॥ 133 ॥ യഷ്ടിവ്യഷ്ടീശസംസ്തുത്യാ യമാദ്യഷ്ടാംഗയോഗയുക് । യോഗീശ്വരീ യോഗമാതാ യോഗസിദ്ധാ ച യോഗദാ ॥ 134 ॥ യോഗാരൂഢാ യോഗമയീ യോഗരൂപാ യവീയസീ । യന്ത്രരൂപാ ച യന്ത്രസ്ഥാ യന്ത്രപൂജ്യാ ച യന്ത്രികാ ॥ 135 ॥ യുഗകർത്രീ യുഗമയീ യുഗധർമവിവർജിതാ । യമുനാ യാമിനീ യാമ്യാ യമുനാജലമധ്യഗാ ॥ 136 ॥ യാതായാതപ്രശമനീ യാതനാനാന്നികൃന്തനീ । യോഗാവാസാ യോഗിവന്ദ്യാ യത്തച്ഛബ്ദസ്വരൂപിണീ ॥ 137 ॥ യോഗക്ഷേമമയീ യന്ത്രാ യാവദക്ഷരമാതൃകാ । യാവത്പദമയീ യാവച്ഛബ്ദരൂപാ യഥേശ്വരീ ॥ 138 ॥ യത്തദീയാ യക്ഷവന്ദ്യാ യദ്വിദ്യാ യതിസംസ്തുതാ । യാവദ്വിദ്യാമയീ യാവദ്വിദ്യാബൃന്ദസുവന്ദിതാ ॥ 139 ॥ യോഗിഹൃത്പദ്മനിലയാ യോഗിവര്യപ്രിയങ്കരീ । യോഗിവന്ദ്യാ യോഗിമാതാ യോഗീശഫലദായിനീ ॥ 140 ॥ യക്ഷവന്ദ്യാ യക്ഷപൂജ്യാ യക്ഷരാജസുപൂജിതാ । യജ്ഞരൂപാ യജ്ഞതുഷ്ടാ യായജൂകസ്വരൂപിണീ ॥ 141 ॥ യന്ത്രാരാധ്യാ യന്ത്രമധ്യാ യന്ത്രകർതൃപ്രിയങ്കരീ । യന്ത്രാരൂഢാ യന്ത്രപൂജ്യാ യോഗിധ്യാനപരായണാ ॥ 142 ॥ യജനീയാ യമസ്തുത്യാ യോഗയുക്താ യശസ്കരീ । യോഗബദ്ധാ യതിസ്തുത്യാ യോഗജ്ഞാ യോഗനായകീ ॥ 143 ॥ യോഗിജ്ഞാനപ്രദാ യക്ഷീ യമബാധാവിനാശിനീ । യോഗികാമ്യപ്രദാത്രീ ച യോഗിമോക്ഷപ്രദായിനീ ॥ 144 ॥ ഫലശ്രുതിഃ ഇതി നാമ്നാം സരസ്വത്യാഃ സഹസ്രം സമുദീരിതം । മന്ത്രാത്മകം മഹാഗോപ്യം മഹാസാരസ്വതപ്രദം ॥ 1 ॥ യഃ പഠേച്ഛൃണുയാദ്ഭക്ത്യാത്ത്രികാലം സാധകഃ പുമാൻ । സർവവിദ്യാനിധിഃ സാക്ഷാത് സ ഏവ ഭവതി ധ്രുവം ॥ 2 ॥ ലഭതേ സമ്പദഃ സർവാഃ പുത്രപൗത്രാദിസംയുതാഃ । മൂകോഽപി സർവവിദ്യാസു ചതുർമുഖ ഇവാപരഃ ॥ 3 ॥ ഭൂത്വാ പ്രാപ്നോതി സാന്നിധ്യം അന്തേ ധാതുർമുനീശ്വര । സർവമന്ത്രമയം സർവവിദ്യാമാനഫലപ്രദം ॥ 4 ॥ മഹാകവിത്വദം പുംസാം മഹാസിദ്ധിപ്രദായകം । കസ്മൈ ചിന്ന പ്രദാതവ്യം പ്രാണൈഃ കണ്ഠഗതൈരപി ॥ 5 ॥ മഹാരഹസ്യം സതതം വാണീനാമസഹസ്രകം । സുസിദ്ധമസ്മദാദീനാം സ്തോത്രം തേ സമുദീരിതം ॥ 6 ॥ ഇതി ശ്രീസ്കാന്ദപുരാണാന്തർഗത ശ്രീസനത്കുമാര സംഹിതായാം നാരദ സനത്കുമാര സംവാദേ ശ്രീ സരസ്വതീ സഹസ്രനാമ സ്തോത്രം സമ്പൂർണം ॥