மாத்ருʼ பஞ்சகம்

ஆஸ்தாம்ʼ தாவதி³யம்ʼ ப்ரஸூதிஸமயே து³ர்வாரஶூலவ்யதா²

நைருஜ்யம்ʼ தனுஶோஷணம்ʼ மலமயீ ஶய்யா ச ஸாம்ʼவத்ஸரீ ।

ஏகஸ்யாபி ந க³ர்ப⁴பா⁴ரப⁴ரணக்லேஶஸ்ய யஸ்ய க்ஷம꞉

தா³தும்ʼ நிஷ்க்ருʼதிமுன்னதோ(அ)பி தனயஸ்தஸ்யை ஜனன்யை நம꞉ ॥ 1 ॥

கு³ருகுலமுபஸ்ருʼத்ய ஸ்வப்னகாலே து த்³ருʼஷ்ட்வா

யதிஸமுசிதவேஷம்ʼ ப்ராருதோ³ மாம்ʼ த்வமுச்சை꞉ ।

கு³ருகுலமத² ஸர்வம்ʼ ப்ராருத³த்தே ஸமக்ஷம்ʼ

ஸபதி³ சரணயோஸ்தே மாதரஸ்து ப்ரணாம꞉ ॥ 2 ॥

ந த³த்தம்ʼ மாதஸ்தே மரணஸமயே தோயமபி வா

ஸ்வதா⁴ வா நோ த³த்தா மரணதி³வஸே ஶ்ராத்³த⁴விதி⁴னா ।

ந ஜப்தோ மாதஸ்தே மரணஸமயே தாரகமனு꞉

அகாலே ஸம்ப்ராப்தே மயி குரு த³யாம்ʼ மாதரதுலாம் ॥ 3 ॥

முக்தாமணிஸ்த்வம்ʼ நயனம்ʼ மமேதி

ராஜேதி ஜீவேதி சிரம்ʼ ஸுத த்வம் ।

இத்யுக்தவத்யாஸ்தவ வாசி மாத꞉

த³தா³ம்யஹம்ʼ தண்டு³லமேஷ ஶுஷ்கம் ॥ 4 ॥

அம்பே³தி தாதேதி ஶிவேதி தஸ்மின்

ப்ரஸூதிகாலே யத³வோச உச்சை꞉ ।

க்ருʼஷ்ணேதி கோ³விந்த³ ஹரே முகுந்தே³-

-த்யஹோ ஜனன்யை ரசிதோ(அ)யமஞ்ஜலி꞉ ॥ 5 ॥

இதி ஶ்ரீமச்ச²ங்கராசார்ய விரசிதம்ʼ மாத்ருʼ பஞ்சகம் ॥

Recite with devotion and pure heart

Regular practice brings spiritual benefits