శ్రీభైరవ ఉవాచ యో దేవదేవో భగవాన్ భాస్కరో మహసాం నిధిః । గయత్రీనాయకో భాస్వాన్ సవితేతి ప్రగీయతే ॥ 1 ॥ తస్యాహం కవచం దివ్యం వజ్రపంజరకాభిధం । సర్వమంత్రమయం గుహ్యం మూలవిద్యారహస్యకం ॥ 2 ॥ సర్వపాపాపహం దేవి దుఃఖదారిద్ర్యనాశనం । మహాకుష్ఠహరం పుణ్యం సర్వరోగనివర్హణం ॥ 3 ॥ సర్వశత్రుసమూహఘ్నం సమ్గ్రామే విజయప్రదం । సర్వతేజోమయం సర్వదేవదానవపూజితం ॥ 4 ॥ రణే రాజభయే ఘోరే సర్వోపద్రవనాశనం । మాతృకావేష్టితం వర్మ భైరవానననిర్గతం ॥ 5 ॥ గ్రహపీడాహరం దేవి సర్వసంకటనాశనం । ధారణాదస్య దేవేశి బ్రహ్మా లోకపితామహః ॥ 6 ॥ విష్ణుర్నారాయణో దేవి రణే దైత్యాంజిష్యతి । శంకరః సర్వలోకేశో వాసవోఽపి దివస్పతిః ॥ 7 ॥ ఓషధీశః శశీ దేవి శివోఽహం భైరవేశ్వరః । మంత్రాత్మకం పరం వర్మ సవితుః సారముత్తమం ॥ 8 ॥ యో ధారయేద్ భుజే మూర్ధ్ని రవివారే మహేశ్వరి । స రాజవల్లభో లోకే తేజస్వీ వైరిమర్దనః ॥ 9 ॥ బహునోక్తేన కిం దేవి కవచస్యాస్య ధారణాత్ । ఇహ లక్ష్మీధనారోగ్య-వృద్ధిర్భవతి నాన్యథా ॥ 10 ॥ పరత్ర పరమా ముక్తిర్దేవానామపి దుర్లభా । కవచస్యాస్య దేవేశి మూలవిద్యామయస్య చ ॥ 11 ॥ వజ్రపంజరకాఖ్యస్య మునిర్బ్రహ్మా సమీరితః । గాయత్ర్యం ఛంద ఇత్యుక్తం దేవతా సవితా స్మృతః ॥ 12 ॥ మాయా బీజం శరత్ శక్తిర్నమః కీలకమీశ్వరి । సర్వార్థసాధనే దేవి వినియోగః ప్రకీర్తితః ॥ 13 ॥ అథ సూర్య కవచం ఓం అం ఆం ఇం ఈం శిరః పాతు ఓం సూర్యో మంత్రవిగ్రహః । ఉం ఊం ఋం ౠం లలాటం మే హ్రాం రవిః పాతు చిన్మయః ॥ 14 ॥ ~లుం ~లూం ఏం ఐం పాతు నేత్రే హ్రీం మమారుణసారథిః । ఓం ఔం అం అః శ్రుతీ పాతు సః సర్వజగదీశ్వరః ॥ 15 ॥ కం ఖం గం ఘం పాతు గండౌ సూం సూరః సురపూజితః । చం ఛం జం ఝం చ నాసాం మే పాతు యారం అర్యమా ప్రభుః ॥ 16 ॥ టం ఠం డం ఢం ముఖం పాయాద్ యం యోగీశ్వరపూజితః । తం థం దం ధం గలం పాతు నం నారాయణవల్లభః ॥ 17 ॥ పం ఫం బం భం మమ స్కంధౌ పాతు మం మహసాం నిధిః । యం రం లం వం భుజౌ పాతు మూలం సకనాయకః ॥ 18 ॥ శం షం సం హం పాతు వక్షో మూలమంత్రమయో ధ్రువః । లం క్షః కుక్ష్సిం సదా పాతు గ్రహాథో దినేశ్వరః ॥ 19 ॥ ఙం ఞం ణం నం మం మే పాతు పృష్ఠం దివసనాయకః । అం ఆం ఇం ఈం ఉం ఊం ఋం ౠం నాభిం పాతు తమోపహః ॥ 20 ॥ ~లుం ~లూం ఏం ఐం ఓం ఔం అం అః లింగం మేఽవ్యాద్ గ్రహేశ్వరః । కం ఖం గం ఘం చం ఛం జం ఝం కటిం భానుర్మమావతు ॥ 21 ॥ టం ఠం డం ఢం తం థం దం ధం జానూ భాస్వాన్ మమావతు । పం ఫం బం భం యం రం లం వం జంఘే మేఽవ్యాద్ విభాకరః ॥ 22 ॥ శం షం సం హం లం క్షః పాతు మూలం పాదౌ త్రయితనుః । ఙం ఞం ణం నం మం మే పాతు సవితా సకలం వపుః ॥ 23 ॥ సోమః పూర్వే చ మాం పాతు భౌమోఽగ్నౌ మాం సదావతు । బుధో మాం దక్షిణే పాతు నైఋత్యా గురరేవ మాం ॥ 24 ॥ పశ్చిమే మాం సితః పాతు వాయవ్యాం మాం శనైశ్చరః । ఉత్తరే మాం తమః పాయాదైశాన్యాం మాం శిఖీ తథా ॥ 25 ॥ ఊర్ధ్వం మాం పాతు మిహిరో మామధస్తాంజగత్పతిః । ప్రభాతే భాస్కరః పాతు మధ్యాహ్నే మాం దినేశ్వరః ॥ 26 ॥ సాయం వేదప్రియః పాతు నిశీథే విస్ఫురాపతిః । సర్వత్ర సర్వదా సూర్యః పాతు మాం చక్రనాయకః ॥ 27 ॥ రణే రాజకులే ద్యూతే విదాదే శత్రుసంకటే । సంగామే చ జ్వరే రోగే పాతు మాం సవితా ప్రభుః ॥ 28 ॥ ఓం ఓం ఓం ఉత ఓంఉఔం హ స మ యః సూరోఽవతాన్మాం భయాద్ హ్రాం హ్రీం హ్రుం హహహా హసౌః హసహసౌః హంసోఽవతాత్ సర్వతః । సః సః సః సససా నృపాద్వనచరాచ్చౌరాద్రణాత్ సంకటాత్ పాయాన్మాం కులనాయకోఽపి సవితా ఓం హ్రీం హ సౌః సర్వదా ॥ 29 ॥ ద్రాం ద్రీం ద్రూం దధనం తథా చ తరణిర్భాంభైర్భయాద్ భాస్కరో రాం రీం రూం రురురూం రవిర్జ్వరభయాత్ కుష్ఠాచ్చ శూలామయాత్ । అం అం ఆం వివివీం మహామయభయం మాం పాతు మార్తండకో మూలవ్యాప్తతనుః సదావతు పరం హంసః సహస్రాంశుమాన్ ॥ 30॥ అథ ఫలశృతిః ఇతి శ్రీకవచం దివ్యం వజ్రపంజరకాభిధం । సర్వదేవరహస్యం చ మాతృకామంత్రవేష్టితం ॥ 31 ॥ మహారోగభయఘ్నం చ పాపఘ్నం మన్ముఖోదితం । గుహ్యం యశస్కరం పుణ్యం సర్వశ్రేయస్కరం శివే ॥ 32 ॥ లిఖిత్వా రవివారే తు తిష్యే వా జన్మభే ప్రియే । అష్టగంధేన దివ్యేన సుధాక్షీరేణ పార్వతి ॥ 33 ॥ అర్కక్షీరేణ పుణ్యేన భూర్జత్వచి మహేశ్వరి । కనకీకాష్ఠలేఖన్యా కవచం భాస్కరోదయే ॥ 34 ॥ శ్వేతసూత్రేణ రక్తేన శ్యామేనావేష్టయేద్ గుటీం । సౌవర్ణేనాథ సంవేష్ఠ్య ధారయేన్మూర్ధ్ని వా భుజే ॥ 35 ॥ రణే రిపూంజయేద్ దేవి వాదే సదసి జేష్యతి । రాజమాన్యో భవేన్నిత్యం సర్వతేజోమయో భవేత్ ॥ 36 ॥ కంఠస్థా పుత్రదా దేవి కుక్షిస్థా రోగనాశినీ । శిరఃస్థా గుటికా దివ్యా రాకలోకవశంకరీ ॥ 37 ॥ భుజస్థా ధనదా నిత్యం తేజోబుద్ధివివర్ధినీ । వంధ్యా వా కాకవంధ్యా వా మృతవత్సా చ యాంగనా ॥ 38 ॥ కంఠే సా ధారయేన్నిత్యం బహుపుత్రా ప్రజాయయే । యస్య దేహే భవేన్నిత్యం గుటికైషా మహేశ్వరి ॥ 39 ॥ మహాస్త్రాణీంద్రముక్తాని బ్రహ్మాస్త్రాదీని పార్వతి । తద్దేహం ప్రాప్య వ్యర్థాని భవిష్యంతి న సంశయః ॥ 40 ॥ త్రికాలం యః పఠేన్నిత్యం కవచం వజ్రపంజరం । తస్య సద్యో మహాదేవి సవితా వరదో భవేత్ ॥ 41 ॥ అజ్ఞాత్వా కవచం దేవి పూజయేద్ యస్త్రయీతనుం । తస్య పూజార్జితం పుణ్యం జన్మకోటిషు నిష్ఫలం ॥ 42 ॥ శతావర్తం పఠేద్వర్మ సప్తమ్యాం రవివాసరే । మహాకుష్ఠార్దితో దేవి ముచ్యతే నాత్ర సంశయః ॥ 43 ॥ నిరోగో యః పఠేద్వర్మ దరిద్రో వజ్రపంజరం । లక్ష్మీవాంజాయతే దేవి సద్యః సూర్యప్రసాదతః ॥ 44 ॥ భక్త్యా యః ప్రపఠేద్ దేవి కవచం ప్రత్యహం ప్రియే । ఇహ లోకే శ్రియం భుక్త్వా దేహాంతే ముక్తిమాప్నుయాత్ ॥ 45 ॥ ఇతి శ్రీరుద్రయామలే తంత్రే శ్రీదేవిరహస్యే వజ్రపంజరాఖ్యసూర్యకవచనిరూపణం త్రయస్త్రింశః పటలః ॥