ശ്രീഭൈരവ ഉവാച യോ ദേവദേവോ ഭഗവാൻ ഭാസ്കരോ മഹസാം നിധിഃ । ഗയത്രീനായകോ ഭാസ്വാൻ സവിതേതി പ്രഗീയതേ ॥ 1 ॥ തസ്യാഹം കവചം ദിവ്യം വജ്രപഞ്ജരകാഭിധം । സർവമന്ത്രമയം ഗുഹ്യം മൂലവിദ്യാരഹസ്യകം ॥ 2 ॥ സർവപാപാപഹം ദേവി ദുഃഖദാരിദ്ര്യനാശനം । മഹാകുഷ്ഠഹരം പുണ്യം സർവരോഗനിവർഹണം ॥ 3 ॥ സർവശത്രുസമൂഹഘ്നം സമ്ഗ്രാമേ വിജയപ്രദം । സർവതേജോമയം സർവദേവദാനവപൂജിതം ॥ 4 ॥ രണേ രാജഭയേ ഘോരേ സർവോപദ്രവനാശനം । മാതൃകാവേഷ്ടിതം വർമ ഭൈരവാനനനിർഗതം ॥ 5 ॥ ഗ്രഹപീഡാഹരം ദേവി സർവസങ്കടനാശനം । ധാരണാദസ്യ ദേവേശി ബ്രഹ്മാ ലോകപിതാമഹഃ ॥ 6 ॥ വിഷ്ണുർനാരായണോ ദേവി രണേ ദൈത്യാഞ്ജിഷ്യതി । ശങ്കരഃ സർവലോകേശോ വാസവോഽപി ദിവസ്പതിഃ ॥ 7 ॥ ഓഷധീശഃ ശശീ ദേവി ശിവോഽഹം ഭൈരവേശ്വരഃ । മന്ത്രാത്മകം പരം വർമ സവിതുഃ സാരമുത്തമം ॥ 8 ॥ യോ ധാരയേദ് ഭുജേ മൂർധ്നി രവിവാരേ മഹേശ്വരി । സ രാജവല്ലഭോ ലോകേ തേജസ്വീ വൈരിമർദനഃ ॥ 9 ॥ ബഹുനോക്തേന കിം ദേവി കവചസ്യാസ്യ ധാരണാത് । ഇഹ ലക്ഷ്മീധനാരോഗ്യ-വൃദ്ധിർഭവതി നാന്യഥാ ॥ 10 ॥ പരത്ര പരമാ മുക്തിർദേവാനാമപി ദുർലഭാ । കവചസ്യാസ്യ ദേവേശി മൂലവിദ്യാമയസ്യ ച ॥ 11 ॥ വജ്രപഞ്ജരകാഖ്യസ്യ മുനിർബ്രഹ്മാ സമീരിതഃ । ഗായത്ര്യം ഛന്ദ ഇത്യുക്തം ദേവതാ സവിതാ സ്മൃതഃ ॥ 12 ॥ മായാ ബീജം ശരത് ശക്തിർനമഃ കീലകമീശ്വരി । സർവാർഥസാധനേ ദേവി വിനിയോഗഃ പ്രകീർതിതഃ ॥ 13 ॥ അഥ സൂര്യ കവചം ഓം അം ആം ഇം ഈം ശിരഃ പാതു ഓം സൂര്യോ മന്ത്രവിഗ്രഹഃ । ഉം ഊം ഋം ൠം ലലാടം മേ ഹ്രാം രവിഃ പാതു ചിന്മയഃ ॥ 14 ॥ ~ലും ~ലൂം ഏം ഐം പാതു നേത്രേ ഹ്രീം മമാരുണസാരഥിഃ । ഓം ഔം അം അഃ ശ്രുതീ പാതു സഃ സർവജഗദീശ്വരഃ ॥ 15 ॥ കം ഖം ഗം ഘം പാതു ഗണ്ഡൗ സൂം സൂരഃ സുരപൂജിതഃ । ചം ഛം ജം ഝം ച നാസാം മേ പാതു യാരം അര്യമാ പ്രഭുഃ ॥ 16 ॥ ടം ഠം ഡം ഢം മുഖം പായാദ് യം യോഗീശ്വരപൂജിതഃ । തം ഥം ദം ധം ഗലം പാതു നം നാരായണവല്ലഭഃ ॥ 17 ॥ പം ഫം ബം ഭം മമ സ്കന്ധൗ പാതു മം മഹസാം നിധിഃ । യം രം ലം വം ഭുജൗ പാതു മൂലം സകനായകഃ ॥ 18 ॥ ശം ഷം സം ഹം പാതു വക്ഷോ മൂലമന്ത്രമയോ ധ്രുവഃ । ലം ക്ഷഃ കുക്ഷ്സിം സദാ പാതു ഗ്രഹാഥോ ദിനേശ്വരഃ ॥ 19 ॥ ങം ഞം ണം നം മം മേ പാതു പൃഷ്ഠം ദിവസനായകഃ । അം ആം ഇം ഈം ഉം ഊം ഋം ൠം നാഭിം പാതു തമോപഹഃ ॥ 20 ॥ ~ലും ~ലൂം ഏം ഐം ഓം ഔം അം അഃ ലിംഗം മേഽവ്യാദ് ഗ്രഹേശ്വരഃ । കം ഖം ഗം ഘം ചം ഛം ജം ഝം കടിം ഭാനുർമമാവതു ॥ 21 ॥ ടം ഠം ഡം ഢം തം ഥം ദം ധം ജാനൂ ഭാസ്വാൻ മമാവതു । പം ഫം ബം ഭം യം രം ലം വം ജംഘേ മേഽവ്യാദ് വിഭാകരഃ ॥ 22 ॥ ശം ഷം സം ഹം ലം ക്ഷഃ പാതു മൂലം പാദൗ ത്രയിതനുഃ । ങം ഞം ണം നം മം മേ പാതു സവിതാ സകലം വപുഃ ॥ 23 ॥ സോമഃ പൂർവേ ച മാം പാതു ഭൗമോഽഗ്നൗ മാം സദാവതു । ബുധോ മാം ദക്ഷിണേ പാതു നൈഋത്യാ ഗുരരേവ മാം ॥ 24 ॥ പശ്ചിമേ മാം സിതഃ പാതു വായവ്യാം മാം ശനൈശ്ചരഃ । ഉത്തരേ മാം തമഃ പായാദൈശാന്യാം മാം ശിഖീ തഥാ ॥ 25 ॥ ഊർധ്വം മാം പാതു മിഹിരോ മാമധസ്താഞ്ജഗത്പതിഃ । പ്രഭാതേ ഭാസ്കരഃ പാതു മധ്യാഹ്നേ മാം ദിനേശ്വരഃ ॥ 26 ॥ സായം വേദപ്രിയഃ പാതു നിശീഥേ വിസ്ഫുരാപതിഃ । സർവത്ര സർവദാ സൂര്യഃ പാതു മാം ചക്രനായകഃ ॥ 27 ॥ രണേ രാജകുലേ ദ്യൂതേ വിദാദേ ശത്രുസങ്കടേ । സംഗാമേ ച ജ്വരേ രോഗേ പാതു മാം സവിതാ പ്രഭുഃ ॥ 28 ॥ ഓം ഓം ഓം ഉത ഓംഉഔം ഹ സ മ യഃ സൂരോഽവതാന്മാം ഭയാദ് ഹ്രാം ഹ്രീം ഹ്രും ഹഹഹാ ഹസൗഃ ഹസഹസൗഃ ഹംസോഽവതാത് സർവതഃ । സഃ സഃ സഃ സസസാ നൃപാദ്വനചരാച്ചൗരാദ്രണാത് സങ്കടാത് പായാന്മാം കുലനായകോഽപി സവിതാ ഓം ഹ്രീം ഹ സൗഃ സർവദാ ॥ 29 ॥ ദ്രാം ദ്രീം ദ്രൂം ദധനം തഥാ ച തരണിർഭാംഭൈർഭയാദ് ഭാസ്കരോ രാം രീം രൂം രുരുരൂം രവിർജ്വരഭയാത് കുഷ്ഠാച്ച ശൂലാമയാത് । അം അം ആം വിവിവീം മഹാമയഭയം മാം പാതു മാർതണ്ഡകോ മൂലവ്യാപ്തതനുഃ സദാവതു പരം ഹംസഃ സഹസ്രാംശുമാൻ ॥ 30॥ അഥ ഫലശൃതിഃ ഇതി ശ്രീകവചം ദിവ്യം വജ്രപഞ്ജരകാഭിധം । സർവദേവരഹസ്യം ച മാതൃകാമന്ത്രവേഷ്ടിതം ॥ 31 ॥ മഹാരോഗഭയഘ്നം ച പാപഘ്നം മന്മുഖോദിതം । ഗുഹ്യം യശസ്കരം പുണ്യം സർവശ്രേയസ്കരം ശിവേ ॥ 32 ॥ ലിഖിത്വാ രവിവാരേ തു തിഷ്യേ വാ ജന്മഭേ പ്രിയേ । അഷ്ടഗന്ധേന ദിവ്യേന സുധാക്ഷീരേണ പാർവതി ॥ 33 ॥ അർകക്ഷീരേണ പുണ്യേന ഭൂർജത്വചി മഹേശ്വരി । കനകീകാഷ്ഠലേഖന്യാ കവചം ഭാസ്കരോദയേ ॥ 34 ॥ ശ്വേതസൂത്രേണ രക്തേന ശ്യാമേനാവേഷ്ടയേദ് ഗുടീം । സൗവർണേനാഥ സംവേഷ്ഠ്യ ധാരയേന്മൂർധ്നി വാ ഭുജേ ॥ 35 ॥ രണേ രിപൂഞ്ജയേദ് ദേവി വാദേ സദസി ജേഷ്യതി । രാജമാന്യോ ഭവേന്നിത്യം സർവതേജോമയോ ഭവേത് ॥ 36 ॥ കണ്ഠസ്ഥാ പുത്രദാ ദേവി കുക്ഷിസ്ഥാ രോഗനാശിനീ । ശിരഃസ്ഥാ ഗുടികാ ദിവ്യാ രാകലോകവശങ്കരീ ॥ 37 ॥ ഭുജസ്ഥാ ധനദാ നിത്യം തേജോബുദ്ധിവിവർധിനീ । വന്ധ്യാ വാ കാകവന്ധ്യാ വാ മൃതവത്സാ ച യാംഗനാ ॥ 38 ॥ കണ്ഠേ സാ ധാരയേന്നിത്യം ബഹുപുത്രാ പ്രജായയേ । യസ്യ ദേഹേ ഭവേന്നിത്യം ഗുടികൈഷാ മഹേശ്വരി ॥ 39 ॥ മഹാസ്ത്രാണീന്ദ്രമുക്താനി ബ്രഹ്മാസ്ത്രാദീനി പാർവതി । തദ്ദേഹം പ്രാപ്യ വ്യർഥാനി ഭവിഷ്യന്തി ന സംശയഃ ॥ 40 ॥ ത്രികാലം യഃ പഠേന്നിത്യം കവചം വജ്രപഞ്ജരം । തസ്യ സദ്യോ മഹാദേവി സവിതാ വരദോ ഭവേത് ॥ 41 ॥ അജ്ഞാത്വാ കവചം ദേവി പൂജയേദ് യസ്ത്രയീതനും । തസ്യ പൂജാർജിതം പുണ്യം ജന്മകോടിഷു നിഷ്ഫലം ॥ 42 ॥ ശതാവർതം പഠേദ്വർമ സപ്തമ്യാം രവിവാസരേ । മഹാകുഷ്ഠാർദിതോ ദേവി മുച്യതേ നാത്ര സംശയഃ ॥ 43 ॥ നിരോഗോ യഃ പഠേദ്വർമ ദരിദ്രോ വജ്രപഞ്ജരം । ലക്ഷ്മീവാഞ്ജായതേ ദേവി സദ്യഃ സൂര്യപ്രസാദതഃ ॥ 44 ॥ ഭക്ത്യാ യഃ പ്രപഠേദ് ദേവി കവചം പ്രത്യഹം പ്രിയേ । ഇഹ ലോകേ ശ്രിയം ഭുക്ത്വാ ദേഹാന്തേ മുക്തിമാപ്നുയാത് ॥ 45 ॥ ഇതി ശ്രീരുദ്രയാമലേ തന്ത്രേ ശ്രീദേവിരഹസ്യേ വജ്രപഞ്ജരാഖ്യസൂര്യകവചനിരൂപണം ത്രയസ്ത്രിംശഃ പടലഃ ॥