നീലാംബരോ നീലവപുഃ കിരീടീ ഗൃധ്രസ്ഥിതാസ്ത്രകരോ ധനുഷ്മാൻ । ചതുർഭുജഃ സൂര്യസുതഃ പ്രസന്നഃ സദാ മമസ്യാദ്വരദഃ പ്രശാന്തഃ ॥ ബ്രഹ്മാ ഉവാച । ശൃണുധ്വം ഋഷയഃ സർവേ ശനി പീഡാഹരം മഹത് । കവചം ശനിരാജസ്യ സൗരൈരിദമനുത്തമം ॥ കവചം ദേവതാവാസം വജ്ര പഞ്ജര സംംഗകം । ശനൈശ്ചര പ്രീതികരം സർവസൗഭാഗ്യദായകം ॥ അഥ ശ്രീ ശനി വജ്ര പഞ്ജര കവചം । ഓം ശ്രീ ശനൈശ്ചരഃ പാതു ഫാലം മേ സൂര്യനന്ദനഃ । [ഭാലം] നേത്രേ ഛായാത്മജഃ പാതു പാതു കർണൗ യമാനുജഃ ॥ 1 ॥ നാസാം വൈവസ്വതഃ പാതു മുഖം മേ ഭാസ്കരഃ സദാ । സ്നിഗ്ധകണ്ഠശ്ച മേ കണ്ഠം ഭുജൗ പാതു മഹാഭുജഃ ॥ 2 ॥ സ്കന്ധൗ പാതു ശനിശ്ചൈവ കരൗ പാതു ശുഭപ്രദഃ । വക്ഷഃ പാതു യമഭ്രാതാ കുക്ഷിം പാത്വസിതസ്തഥാ ॥ 3 ॥ നാഭിം ഗ്രഹപതിഃ പാതു മന്ദഃ പാതു കടിം തഥാ । ഊരൂ മമാന്തകഃ പാതു യമോ ജാനുയുഗം തഥാ ॥ 4 ॥ പാദൗ മന്ദഗതിഃ പാതു സർവാംഗം പാതു പിപ്പലഃ । അംഗോപാംഗാനി സർവാണി രക്ഷേൻ മേ സൂര്യനന്ദനഃ ॥ 5 ॥ ഫലശ്രുതിഃ ഇത്യേതത്കവചം ദിവ്യം പഠേത്സൂര്യസുതസ്യ യഃ । ന തസ്യ ജായതേ പീഡാ പ്രീതോ ഭവതി സൂര്യജഃ ॥ വ്യയജന്മദ്വിതീയസ്ഥോ മൃത്യുസ്ഥാനഗതോപിവാ । കലത്രസ്ഥോ ഗതോവാപി സുപ്രീതസ്തു സദാ ശനിഃ ॥ അഷ്ടമസ്ഥോ സൂര്യസുതേ വ്യയേ ജന്മദ്വിതീയഗേ । കവചം പഠതേ നിത്യം ന പീഡാ ജായതേ ക്വചിത് ॥ ഇത്യേതത്കവചം ദിവ്യം സൗരേര്യന്നിർമിതം പുരാ । ദ്വാദശാഷ്ടമജന്മസ്ഥദോഷാന്നാശയതേ സദാ । ജന്മലഗ്നസ്ഥിതാൻ ദോഷാൻ സർവാന്നാശയതേ പ്രഭുഃ ॥ ഇതി ശ്രീ ബ്രഹ്മാണ്ഡപുരാണേ ബ്രഹ്മനാരദസംവാദേ ശനിവജ്രപഞ്ജര കവചം സമ്പൂർണം ॥