നമഃ കൃഷ്ണായ നീലായ ശിഖിഖണ്ഡനിഭായ ച । നമോ നീലമധൂകായ നീലോത്പലനിഭായ ച ॥ 1 ॥ നമോ നിർമാംസദേഹായ ദീർഘശ്രുതിജടായ ച । നമോ വിശാലനേത്രായ ശുഷ്കോദര ഭയാനക ॥ 2 ॥ നമഃ പൗരുഷഗാത്രായ സ്ഥൂലരോമായ തേ നമഃ । നമോ നിത്യം ക്ഷുധാർതായ നിത്യതൃപ്തായ തേ നമഃ ॥ 3 ॥ നമോ ഘോരായ രൗദ്രായ ഭീഷണായ കരാലിനേ । നമോ ദീർഘായ ശുഷ്കായ കാലദംഷ്ട്ര നമോഽസ്തു തേ ॥ 4 ॥ നമസ്തേ ഘോരരൂപായ ദുർനിരീക്ഷ്യായ തേ നമഃ । നമസ്തേ സർവഭക്ഷായ വലീമുഖ നമോഽസ്തു തേ ॥ 5 ॥ സൂര്യപുത്ത്ര നമസ്തേഽസ്തു ഭാസ്വരോഭയദായിനേ । അധോദൃഷ്ടേ നമസ്തേഽസ്തു സംവർതക നമോഽസ്തു തേ ॥ 6 ॥ നമോ മന്ദഗതേ തുഭ്യം നിഷ്പ്രഭായ നമോനമഃ । തപസാ ജ്ഞാനദേഹായ നിത്യയോഗരതായ ച ॥ 7 ॥ ജ്ഞാനചക്ഷുർനമസ്തേഽസ്തു കാശ്യപാത്മജസൂനവേ । തുഷ്ടോ ദദാസി രാജ്യം ത്വം ക്രുദ്ധോ ഹരസി തത് ക്ഷണാത് ॥ 8 ॥ ദേവാസുരമനുഷ്യാശ്ച സിദ്ധവിദ്യാധരോരഗാഃ । ത്വയാവലോകിതാസ്സൗരേ ദൈന്യമാശുവ്രജന്തിതേ ॥ 9 ॥ ബ്രഹ്മാ ശക്രോയമശ്ചൈവ മുനയഃ സപ്തതാരകാഃ । രാജ്യഭ്രഷ്ടാഃ പതന്തീഹ തവ ദൃഷ്ട്യാഽവലോകിതഃ ॥ 10 ॥ ത്വയാഽവലോകിതാസ്തേഽപി നാശം യാന്തി സമൂലതഃ । പ്രസാദം കുരു മേ സൗരേ പ്രണത്വാഹിത്വമർഥിതഃ ॥ 11 ॥