हैंహైHaindavamஹிહિં
📍
Font Size:
ருʼண விமோசன அங்கா³ரக ஸ்தோத்ரம்
ஸ்கந்த³ உவாச ।
ருʼணக்³ரஸ்தனராணாம்ʼ து ருʼணமுக்தி꞉ கத²ம்ʼ ப⁴வேத் ।
ப்³ரஹ்மோவாச ।
வக்ஷ்யே(அ)ஹம்ʼ ஸர்வலோகானாம்ʼ ஹிதார்த²ம்ʼ ஹிதகாமத³ம் ॥
அஸ்ய ஶ்ரீ அங்கா³ரக ஸ்தோத்ர மஹாமந்த்ரஸ்ய கௌ³தம ருʼஷி꞉, அனுஷ்டுப் ச²ந்த³꞉, அங்கா³ரகோ தே³வதா மம ருʼண விமோசனார்தே² ஜபே விநியோக³꞉ ।
த்⁴யானம் –
த⁴ரணீ க³ர்ப⁴ ஸம்பூ⁴தம்ʼ வித்³யுத்காந்தி ஸமப்ரப⁴ம் ।
குமாரம்ʼ ஶக்திஹஸ்தம்ʼ தம்ʼ குஜம்ʼ ப்ரணமாம்யஹம் ॥ 1 ॥
ரக்தமால்யாம்ப³ரத⁴ர꞉ ஶூலஶக்திக³தா³த⁴ர꞉ ।
சதுர்பு⁴ஜோ மேஷக³தோ வரத³ஶ்ச த⁴ராஸுத꞉ ॥ 2 ॥
அத² ஸ்தோத்ரம் –
மங்க³லோ பூ⁴மிபுத்ரஶ்ச ருʼணஹர்தா த⁴னப்ரத³꞉ ।
ஸ்தி²ராஸனோ மஹாகாய꞉ ஸர்வகர்மாவபோ³த⁴க꞉ ॥ 3 ॥
லோஹிதோ லோஹிதாங்க³ஶ்ச ஸாமகா³யீ க்ருʼபாகர꞉ ।
த⁴ர்மராஜ꞉ குஜோ பௌ⁴மோ பூ⁴மிஜோ பூ⁴மிநந்த³ன꞉ ॥ 4 ॥
அங்கா³ரகோ யமஶ்சைவ ஸர்வரோகா³பஹாரக꞉ ।
ஸ்ருʼஷ்டிகர்தா(அ)பஹர்தா ச ஸர்வகாமப²லப்ரத³꞉ ॥ 5 ॥
பூ⁴திதோ³ க்³ரஹபூஜ்யஶ்ச வக்த்ரோ ரக்தவபு꞉ ப்ரபு⁴꞉ ।
ஏதானி குஜநாமானி யோ நித்யம்ʼ ப்ரயத꞉ படே²த் ।
ருʼணம்ʼ ந ஜாயதே தஸ்ய த⁴னம்ʼ ப்ராப்னோத்யஸம்ʼஶயம் ॥ 6 ॥
ரக்தபுஷ்பைஶ்ச க³ந்தை⁴ஶ்ச தீ³பதூ⁴பாதி³பி⁴ஸ்ததா² ।
மங்க³லம்ʼ பூஜயித்வா து மங்க³லே(அ)ஹனி ஸர்வதா³ ॥ 7 ॥
ருʼணரேகா²꞉ ப்ரகர்தவ்யா꞉ த³க்³தா⁴ங்கா³ரைஸ்தத³க்³ரத꞉ ।
ஸப்தவிம்ʼஶதிநாமானி படி²த்வா து தத³ந்திகே ॥ 8 ॥
தாஶ்ச ப்ரமார்ஜயேத்பஶ்சாத்³வாமபாதே³ன ஸம்ʼஸ்ப்ருʼஶன் ।
ஏவம்ʼ க்ருʼத்வா ந ஸந்தே³ஹோ ருʼணஹீனோ த⁴னீ ப⁴வேத் ॥ 9 ॥
பூ⁴மிஜஸ்ய ப்ரஸாதே³ன க்³ரஹபீடா³ வினஶ்யதி ।
யேனார்ஜிதா ஜக³த்கீர்திர்பூ⁴மிபுத்ரேண ஶாஶ்வதீ ॥ 10 ॥
ஶத்ரவஶ்ச ஹதா யேன பௌ⁴மேன மஹிதாத்மனா ।
ஸ ப்ரீயதாம்ʼ து பௌ⁴மோ(அ)த்³ய துஷ்டோ பூ⁴யாத் ஸதா³ மம ॥ 11 ॥
மூலமந்த்ர꞉ –
அங்கா³ரக மஹீபுத்ர ப⁴க³வன் ப⁴க்தவத்ஸல ।
நமோ(அ)ஸ்து தே மமாஶேஷ ருʼணமாஶு விமோசய ॥ 12 ॥
அர்க்⁴யம் –
பூ⁴மிபுத்ர மஹாதேஜ꞉ ஸ்வேதோ³த்³ப⁴வ பினாகின꞉ ।
ருʼணார்தஸ்த்வாம்ʼ ப்ரபன்னோ(அ)ஸ்மி க்³ருʼஹாணார்க்⁴யம்ʼ நமோ(அ)ஸ்து தே ॥ 13 ॥
இதி ருʼண விமோசன அங்கா³ரக ஸ்தோத்ரம் ॥
Recite with devotion and pure heart
Regular practice brings spiritual benefits