శివ ఉవాచ । పద్మాసనః పద్మకరః పద్మగర్భసమద్యుతిః । సప్తాశ్వః సప్తరజ్జుశ్చ ద్విభుజః స్యాత్ సదా రవిః ॥ 1 ॥ శ్వేతః శ్వేతాంబరధరః శ్వేతాశ్వః శ్వేతవాహనః । గదాపాణిర్ద్విబాహుశ్చ కర్తవ్యో వరదః శశీ ॥ 2 ॥ రక్తమాల్యాంబరధరః శక్తిశూలగదాధరః । చతుర్భుజః రక్తరోమా వరదః స్యాద్ధరాసుతః ॥ 3 ॥ పీతమాల్యాంబరధరః కర్ణికారసమద్యుతిః । ఖడ్గచర్మగదాపాణిః సింహస్థో వరదో బుధః ॥ 3 ॥ దేవదైత్యగురూ తద్వత్పీతశ్వేతౌ చతుర్భుజౌ । దండినౌ వరదౌ కార్యౌ సాక్షసూత్రకమండలూ ॥ 5 ॥ ఇంద్రనీలద్యుతిః శూలీ వరదో గృధ్రవాహనః । బాణబాణాసనధరః కర్తవ్యోఽర్కసుతస్తథా ॥ 6 ॥ కరాలవదనః ఖడ్గచర్మశూలీ వరప్రదః । నీలసింహాసనస్థశ్చ రాహురత్ర ప్రశస్యతే ॥ 7 ॥ ధూమ్రా ద్విబాహవః సర్వే గదినో వికృతాననాః । గృధ్రాసనగతా నిత్యం కేతవః స్యుర్వరప్రదాః ॥ 8 ॥ సర్వే కిరీటినః కార్యా గ్రహా లోకహితావహాః । హ్యంగులేనోచ్ఛ్రితాః సర్వే శతమష్టోత్తరం సదా ॥ 9 ॥