ശിവ ഉവാച । പദ്മാസനഃ പദ്മകരഃ പദ്മഗർഭസമദ്യുതിഃ । സപ്താശ്വഃ സപ്തരജ്ജുശ്ച ദ്വിഭുജഃ സ്യാത് സദാ രവിഃ ॥ 1 ॥ ശ്വേതഃ ശ്വേതാംബരധരഃ ശ്വേതാശ്വഃ ശ്വേതവാഹനഃ । ഗദാപാണിർദ്വിബാഹുശ്ച കർതവ്യോ വരദഃ ശശീ ॥ 2 ॥ രക്തമാല്യാംബരധരഃ ശക്തിശൂലഗദാധരഃ । ചതുർഭുജഃ രക്തരോമാ വരദഃ സ്യാദ്ധരാസുതഃ ॥ 3 ॥ പീതമാല്യാംബരധരഃ കർണികാരസമദ്യുതിഃ । ഖഡ്ഗചർമഗദാപാണിഃ സിംഹസ്ഥോ വരദോ ബുധഃ ॥ 3 ॥ ദേവദൈത്യഗുരൂ തദ്വത്പീതശ്വേതൗ ചതുർഭുജൗ । ദണ്ഡിനൗ വരദൗ കാര്യൗ സാക്ഷസൂത്രകമണ്ഡലൂ ॥ 5 ॥ ഇന്ദ്രനീലദ്യുതിഃ ശൂലീ വരദോ ഗൃധ്രവാഹനഃ । ബാണബാണാസനധരഃ കർതവ്യോഽർകസുതസ്തഥാ ॥ 6 ॥ കരാലവദനഃ ഖഡ്ഗചർമശൂലീ വരപ്രദഃ । നീലസിംഹാസനസ്ഥശ്ച രാഹുരത്ര പ്രശസ്യതേ ॥ 7 ॥ ധൂമ്രാ ദ്വിബാഹവഃ സർവേ ഗദിനോ വികൃതാനനാഃ । ഗൃധ്രാസനഗതാ നിത്യം കേതവഃ സ്യുർവരപ്രദാഃ ॥ 8 ॥ സർവേ കിരീടിനഃ കാര്യാ ഗ്രഹാ ലോകഹിതാവഹാഃ । ഹ്യംഗുലേനോച്ഛ്രിതാഃ സർവേ ശതമഷ്ടോത്തരം സദാ ॥ 9 ॥