हैंహైHaindavamஹிહિં
📍
Font Size:
നവഗ്രഹ സ്തോത്രം
ജപാകുസുമസങ്കാശം കാശ്യപേയം മഹാദ്യുതിം ।
തമോഽരിം സർവപാപഘ്നം പ്രണതോഽസ്മി ദിവാകരം ॥ 1 ॥
ദധിശംഖതുഷാരാഭം ക്ഷീരോദാർണവസംഭവം ।
നമാമി ശശിനം സോമം ശംഭോർമുകുടഭൂഷണം ॥ 2 ॥
ധരണീഗർഭസംഭൂതം വിദ്യുത്കാന്തിസമപ്രഭം ।
കുമാരം ശക്തിഹസ്തം തം മംഗലം പ്രണമാമ്യഹം ॥ 3 ॥
പ്രിയംഗുകലികാശ്യാമം രൂപേണാപ്രതിമം ബുധം ।
സൗമ്യം സൗമ്യഗുണോപേതം തം ബുധം പ്രണമാമ്യഹം ॥ 4 ॥
ദേവാനാം ച ഋഷീണാം ച ഗുരും കാഞ്ചനസന്നിഭം ।
ബുദ്ധിഭൂതം ത്രിലോകേശം തം നമാമി ബൃഹസ്പതിം ॥ 5 ॥
ഹിമകുന്ദമൃണാലാഭം ദൈത്യാനാം പരമം ഗുരും ।
സർവശാസ്ത്രപ്രവക്താരം ഭാർഗവം പ്രണമാമ്യഹം ॥ 6 ॥
നീലാഞ്ജനസമാഭാസം രവിപുത്രം യമാഗ്രജം ।
ഛായാമാർതാണ്ഡസംഭൂതം തം നമാമി ശനൈശ്ചരം ॥ 7 ॥
അർധകായം മഹാവീര്യം ചന്ദ്രാദിത്യവിമർദനം ।
സിംഹികാഗർഭസംഭൂതം തം രാഹും പ്രണമാമ്യഹം ॥ 8 ॥
പലാശപുഷ്പസങ്കാശം താരകാഗ്രഹമസ്തകം ।
രൗദ്രം രൗദ്രാത്മകം ഘോരം തം കേതും പ്രണമാമ്യഹം ॥ 9 ॥
ഇതി വ്യാസമുഖോദ്ഗീതം യഃ പഠേത് സുസമാഹിതഃ ।
ദിവാ വാ യദി വാ രാത്രൗ വിഘ്നശാന്തിർഭവിഷ്യതി ॥ 10 ॥
നരനാരീനൃപാണാം ച ഭവേദ്ദുഃസ്വപ്നനാശനം ।
ഐശ്വര്യമതുലം തേഷാമാരോഗ്യം പുഷ്ടിവർധനം ॥ 11 ॥
ഗ്രഹനക്ഷത്രജാഃ പീഡാസ്തസ്കരാഗ്നിസമുദ്ഭവാഃ ।
താഃ സർവാഃ പ്രശമം യാന്തി വ്യാസോ ബ്രൂതേ ന സംശയഃ ॥ 12 ॥
Recite with devotion and pure heart
Regular practice brings spiritual benefits