हैंహైHaindavamஹிહિં
📍
Font Size:
த்³வாத³ஶ ஆதி³த்ய த்⁴யான ஶ்லோகா꞉
1. தா⁴தா –
தா⁴தா க்ருʼதஸ்த²லீ ஹேதிர்வாஸுகீ ரத²க்ருʼன்முனே ।
புலஸ்த்யஸ்தும்பு³ருரிதி மது⁴மாஸம்ʼ நயந்த்யமீ ॥
தா⁴தா ஶுப⁴ஸ்ய மே தா³தா பூ⁴யோ பூ⁴யோ(அ)பி பூ⁴யஸ꞉ ।
ரஶ்மிஜாலஸமாஶ்லிஷ்ட꞉ தமஸ்தோமவிநாஶன꞉ ॥
2. அர்யம –
அர்யமா புலஹோ(அ)தௌ²ஜா꞉ ப்ரஹேதி புஞ்ஜிகஸ்த²லீ ।
நாரத³꞉ கச்ச²நீரஶ்ச நயந்த்யேதே ஸ்ம மாத⁴வம் ॥
மேருஶ்ருʼங்கா³ந்தரசர꞉ கமலாகரபா³ந்த⁴வ꞉ ।
அர்யமா து ஸதா³ பூ⁴த்யை பூ⁴யஸ்யை ப்ரணதஸ்ய மே ॥
3. மித்ர꞉ –
மித்ரோ(அ)த்ரி꞉ பௌருஷேயோ(அ)த² தக்ஷகோ மேனகா ஹஹ꞉ ।
ரத²ஸ்வன இதி ஹ்யேதே ஶுக்ரமாஸம்ʼ நயந்த்யமீ ॥
நிஶாநிவாரணபடு꞉ உத³யாத்³ரிக்ருʼதாஶ்ரய꞉ ।
மித்ரோ(அ)ஸ்து மம மோதா³ய தமஸ்தோமவிநாஶன꞉ ॥
4. வருண꞉ –
வஸிஷ்டோ² ஹ்யருணோ ரம்பா⁴ ஸஹஜன்யஸ்ததா² ஹுஹு꞉ ।
ஶுக்ரஶ்சித்ரஸ்வனஶ்சைவ ஶுசிமாஸம்ʼ நயந்த்யமீ ॥
ஸூர்யஸ்யந்த³னமாரூட⁴ அர்சிர்மாலீ ப்ரதாபவான் ।
காலபூ⁴த꞉ காமரூபோ ஹ்யருண꞉ ஸேவ்யதே மயா ॥
5. இந்த்³ர꞉ –
இந்த்³ரோ விஶ்வாவஸு꞉ ஶ்ரோதா ஏலாபத்ரஸ்ததா²(அ)ங்கி³ரா꞉ ।
ப்ரம்லோசா ராக்ஷஸோவர்யோ நபோ⁴மாஸம்ʼ நயந்த்யமீ ॥
ஸஹஸ்ரரஶ்மிஸம்ʼவீதம்ʼ இந்த்³ரம்ʼ வரத³மாஶ்ரயே ।
ஶிரஸா ப்ரணமாம்யத்³ய ஶ்ரேயோ வ்ருʼத்³தி⁴ப்ரதா³யகம் ॥
6. விவஸ்வான் –
விவஸ்வானுக்³ரஸேனஶ்ச வ்யாக்⁴ர ஆஸாரணோ ப்⁴ருʼகு³꞉ ।
அனும்லோசா꞉ ஶங்க²பாலோ நப⁴ஸ்யாக்²யம்ʼ நயந்த்யமீ ॥
ஜக³ந்நிர்மாணகர்தாரம்ʼ ஸர்வதி³க்³வ்யாப்ததேஜஸம் ।
நபோ⁴க்³ரஹமஹாதீ³பம்ʼ விவஸ்வந்தம்ʼ நமாம்யஹம் ॥
7. த்வஷ்டா –
த்வஷ்டா ருʼசீகதனய꞉ கம்ப³லாக்²யஸ்திலோத்தமா ।
ப்³ரஹ்மாபேதோ(அ)த² ஶதஜித் த்⁴ருʼதராஷ்ட்ர இஷம்ப⁴ரா ॥
த்வஷ்டா ஶுபா⁴ய மே பூ⁴யாத் ஶிஷ்டாவலிநிஷேவித꞉ ।
நாநாஶில்பகரோ நானாதா⁴துரூப꞉ ப்ரபா⁴கர꞉ ।
8. விஷ்ணு꞉ –
விஷ்ணுரஶ்வதரோ ரம்பா⁴ ஸூர்யவர்சாஶ்ச ஸத்யஜித் ।
விஶ்வாமித்ரோ மகா²பேத ஊர்ஜமாஸம்ʼ நயந்த்யமீ ॥
பா⁴னுமண்ட³லமத்⁴யஸ்த²ம்ʼ வேத³த்ரயநிஷேவிதம் ।
கா³யத்ரீப்ரதிபாத்³யம்ʼ தம்ʼ விஷ்ணும்ʼ ப⁴க்த்யா நமாம்யஹம் ॥
9. அம்ʼஶுமன் –
அதா²ம்ʼஶு꞉ கஶ்யபஸ்தார்க்ஷ்ய ருʼதஸேனஸ்ததோ²ர்வஶீ ।
வித்³யுச்ச²த்ருர்மஹாஶங்க²꞉ ஸஹோமாஸம்ʼ நயந்த்யமீ ॥
ஸதா³ வித்³ராவணரதோ ஜக³ன்மங்க³லதீ³பக꞉ ।
முனீந்த்³ரனிவஹஸ்துத்யோ பூ⁴திதோ³(அ)ம்ʼஶுர்ப⁴வேன்மம ॥
10. ப⁴க³꞉ –
ப⁴க³꞉ ஸ்பூ²ர்ஜோ(அ)ரிஷ்டனேமி꞉ ஊர்ண ஆயுஶ்ச பஞ்சம꞉ ।
கர்கோடக꞉ பூர்வசித்தி꞉ பௌஷமாஸம்ʼ நயந்த்யமீ ॥
திதி² மாஸ ருʼதூனாம்ʼ ச வத்ஸரா(அ)யனயோரபி ।
க⁴டிகானாம்ʼ ச ய꞉ கர்தா ப⁴கோ³ பா⁴க்³யப்ரதோ³(அ)ஸ்து மே ॥
11. பூஷ –
பூஷா த⁴னஞ்ஜயோ வாத꞉ ஸுஷேண꞉ ஸுருசிஸ்ததா² ।
க்⁴ருʼதாசீ கௌ³தமஶ்சேதி தபோமாஸம்ʼ நயந்த்யமீ ।
பூஷா தோஷாய மே பூ⁴யாத் ஸர்வபாபா(அ)பனோத³னாத் ।
ஸஹஸ்ரகரஸம்ʼவீத꞉ ஸமஸ்தாஶாந்தராந்தர꞉ ॥
12. பர்ஜன்ய꞉ –
க்ரதுர்வார்சா ப⁴ரத்³வாஜ꞉ பர்ஜன்ய꞉ ஸேனஜித் ததா² ।
விஶ்வஶ்சைராவதஶ்சைவ தபஸ்யாக்²யம்ʼ நயந்த்யமீ ॥
ப்ரபஞ்சம்ʼ ப்ரதபன் பூ⁴யோ வ்ருʼஷ்டிபி⁴ர்மாத³யன் புன꞉ ।
ஜக³தா³னந்த³ஜனக꞉ பர்ஜன்ய꞉ பூஜ்யதே மயா ॥
த்⁴யாயேஸ்ஸதா³ ஸவித்ருʼமண்ட³லமத்⁴யவர்தீ
நாராயணஸ்ஸரஸிஜாஸன ஸந்நிவிஷ்ட꞉।
கேயூரவான் மகரகுண்ட³லவான் கிரீடீ
ஹாரீ ஹிரண்மயவபு꞉ த்⁴ருʼதஶங்க²சக்ர꞉ ॥
Recite with devotion and pure heart
Regular practice brings spiritual benefits