അസ്യ ശ്രീബുധകവചസ്തോത്രമന്ത്രസ്യ, കശ്യപ ഋഷിഃ, അനുഷ്ടുപ് ഛന്ദഃ, ബുധോ ദേവതാ, ബുധപ്രീത്യർഥം ജപേ വിനിയോഗഃ । അഥ ബുധ കവചം – ബുധസ്തു പുസ്തകധരഃ കുങ്കുമസ്യ സമദ്യുതിഃ । പീതാംബരധരഃ പാതു പീതമാല്യാനുലേപനഃ ॥ 1 ॥ കടിം ച പാതു മേ സൗമ്യഃ ശിരോദേശം ബുധസ്തഥാ । നേത്രേ ജ്ഞാനമയഃ പാതു ശ്രോത്രേ പാതു നിശാപ്രിയഃ ॥ 2 ॥ ഘ്രാണം ഗന്ധപ്രിയഃ പാതു ജിഹ്വാം വിദ്യാപ്രദോ മമ । കണ്ഠം പാതു വിധോഃ പുത്രോ ഭുജൗ പുസ്തകഭൂഷണഃ ॥ 3 ॥ വക്ഷഃ പാതു വരാംഗശ്ച ഹൃദയം രോഹിണീസുതഃ । നാഭിം പാതു സുരാരാധ്യോ മധ്യം പാതു ഖഗേശ്വരഃ ॥ 4 ॥ ജാനുനീ രൗഹിണേയശ്ച പാതു ജംഘേ??ഉഖിലപ്രദഃ । പാദൗ മേ ബോധനഃ പാതു പാതു സൗമ്യോ??ഉഖിലം വപുഃ ॥ 5 ॥ അഥ ഫലശ്രുതിഃ – ഏതദ്ധി കവചം ദിവ്യം സർവപാപപ്രണാശനം । സർവരോഗപ്രശമനം സർവദുഃഖനിവാരണം ॥ 6 ॥ ആയുരാരോഗ്യശുഭദം പുത്രപൗത്രപ്രവർധനം । യഃ പഠേച്ഛൃണുയാദ്വാപി സർവത്ര വിജയീ ഭവേത് ॥ 7 ॥ ॥ ഇതി ശ്രീബ്രഹ്മവൈവർതപുരാണേ ബുധകവചം സമ്പൂർണം ॥