हैंహైHaindavamஹிહિં
📍
Font Size:
ബൃഹസ്പതി കവചം
അസ്യ ശ്രീബൃഹസ്പതി കവചമഹാ മന്ത്രസ്യ, ഈശ്വര ഋഷിഃ,
അനുഷ്ടുപ് ഛന്ദഃ, ബൃഹസ്പതിർദേവതാ,
ഗം ബീജം, ശ്രീം ശക്തിഃ, ക്ലീം കീലകം,
ബൃഹസ്പതി പ്രസാദ സിദ്ധ്യർഥേ ജപേ വിനിയോഗഃ ॥
ധ്യാനം
അഭീഷ്ടഫലദം വന്ദേ സർവജ്ഞം സുരപൂജിതം ।
അക്ഷമാലാധരം ശാന്തം പ്രണമാമി ബൃഹസ്പതിം ॥
അഥ ബൃഹസ്പതി കവചം
ബൃഹസ്പതിഃ ശിരഃ പാതു ലലാടം പാതു മേ ഗുരുഃ ।
കർണൗ സുരഗുരുഃ പാതു നേത്രേ മേഭീഷ്ടദായകഃ ॥ 1 ॥
ജിഹ്വാം പാതു സുരാചാര്യഃ നാസം മേ വേദപാരഗഃ ।
മുഖം മേ പാതു സർവജ്ഞഃ കണ്ഠം മേ ദേവതാഗുരുഃ ॥ 2 ॥
ഭുജാ വംഗീരസഃ പാതു കരൗ പാതു ശുഭപ്രദഃ ।
സ്തനൗ മേ പാതു വാഗീശഃ കുക്ഷിം മേ ശുഭലക്ഷണഃ ॥ 3 ॥
നാഭിം ദേവഗുരുഃ പാതു മധ്യം പാതു സുഖപ്രദഃ ।
കടിം പാതു ജഗദ്വന്ദ്യഃ ഊരൂ മേ പാതു വാക്പതിഃ ॥ 4 ॥
ജാനുജംഘേ സുരാചാര്യഃ പാദൗ വിശ്വാത്മകഃ സദാ ।
അന്യാനി യാനി ചാംഗാനി രക്ഷേന്മേ സർവതോ ഗുരുഃ ॥ 5 ॥
ഫലശൃതിഃ
ഇത്യേതത്കവചം ദിവ്യം ത്രിസന്ധ്യം യഃ പഠേന്നരഃ ।
സർവാൻ കാമാനവാപ്നോതി സർവത്ര വിജയീ ഭവേത് ॥
॥ ഇതി ശ്രീ ബൃഹസ്പതി കവചം ॥
Recite with devotion and pure heart
Regular practice brings spiritual benefits