అస్య శ్రీ ఆదిత్యకవచస్తోత్రమహామంత్రస్య అగస్త్యో భగవానృషిః అనుష్టుప్ఛందః ఆదిత్యో దేవతా శ్రీం బీజం ణీం శక్తిః సూం కీలకం మమ ఆదిత్యప్రసాదసిద్ధ్యర్థే జపే వినియోగః । ధ్యానం జపాకుసుమసంకాశం ద్విభుజం పద్మహస్తకం సిందూరాంబరమాల్యం చ రక్తగంధానులేపనం । మాణిక్యరత్నఖచిత-సర్వాభరణభూషితం సప్తాశ్వరథవాహం తు మేరుం చైవ ప్రదక్షిణం ॥ దేవాసురవరైర్వంద్యం ఘృణిభిః పరిసేవితం । ధ్యాయేత్పఠేత్సువర్ణాభం సూర్యస్య కవచం ముదా ॥ కవచం ఘృణిః పాతు శిరోదేశే సూర్యః పాతు లలాటకం । ఆదిత్యో లోచనే పాతు శ్రుతీ పాతు దివాకరః ॥ ఘ్రాణం పాతు సదా భానుః ముఖం పాతు సదారవిః । జిహ్వాం పాతు జగన్నేత్రః కంఠం పాతు విభావసుః ॥ స్కంధౌ గ్రహపతిః పాతు భుజౌ పాతు ప్రభాకరః । కరావబ్జకరః పాతు హృదయం పాతు నభోమణిః ॥ ద్వాదశాత్మా కటిం పాతు సవితా పాతు సక్థినీ । ఊరూ పాతు సురశ్రేష్టో జానునీ పాతు భాస్కరః ॥ జంఘే మే పాతు మార్తాండో గుల్ఫౌ పాతు త్విషాంపతిః । పాదౌ దినమణిః పాతు పాతు మిత్రోఽఖిలం వపుః ॥ ఆదిత్యకవచం పుణ్యమభేద్యం వజ్రసన్నిభం । సర్వరోగభయాదిభ్యో ముచ్యతే నాత్ర సంశయః ॥ సంవత్సరముపాసిత్వా సామ్రాజ్యపదవీం లభేత్ । అశేషరోగశాంత్యర్థం ధ్యాయేదాదిత్యమండలం । ఆదిత్య మండల స్తుతిః – అనేకరత్నసంయుక్తం స్వర్ణమాణిక్యభూషణం । కల్పవృక్షసమాకీర్ణం కదంబకుసుమప్రియం ॥ సిందూరవర్ణాయ సుమండలాయ సువర్ణరత్నాభరణాయ తుభ్యం । పద్మాదినేత్రే చ సుపంకజాయ బ్రహ్మేంద్ర-నారాయణ-శంకరాయ ॥ సంరక్తచూర్ణం ససువర్ణతోయం సకుంకుమాభం సకుశం సపుష్పం । ప్రదత్తమాదాయ చ హేమపాత్రే ప్రశస్తనాదం భగవన్ ప్రసీద ॥ ఇతి ఆదిత్యకవచం ।