ശുദ്ധലക്ഷ്മ്യൈ ബുദ്ധിലക്ഷ്മ്യൈ വരലക്ഷ്മ്യൈ നമോ നമഃ । നമസ്തേ സൗഭാഗ്യലക്ഷ്യൈ മഹാലക്ഷ്മ്യൈ നമോ നമഃ ॥ 1 ॥ വചോലക്ഷ്മ്യൈ കാവ്യലക്ഷ്മ്യൈ ഗാനലക്ഷ്മ്യൈ നമോ നമഃ । നമസ്തേ ശൃംഗാരലക്ഷ്മ്യൈ മഹാലക്ഷ്മ്യൈ നമോ നമഃ ॥ 2 ॥ ധനലക്ഷ്മ്യൈ ധാന്യലക്ഷ്മ്യൈ ധരാലക്ഷ്മ്യൈ നമോ നമഃ । നമസ്തേഽഷ്ടൈശ്വര്യലക്ഷ്മ്യൈ മഹാലക്ഷ്മ്യൈ നമോ നമഃ ॥ 3 ॥ ഗൃഹലക്ഷ്മ്യൈ ഗ്രാമലക്ഷ്മ്യൈ രാജ്യലക്ഷ്മ്യൈ നമോ നമഃ । നമസ്തേ സാമ്രാജ്യലക്ഷ്മ്യൈ മഹാലക്ഷ്മ്യൈ നമോ നമഃ ॥ 4 ॥ ശാന്തിലക്ഷ്മ്യൈ ദാന്തിലക്ഷ്മ്യൈ ക്ഷാന്തിലക്ഷ്മ്യൈ നമോ നമഃ । നമോഽസ്ത്വാത്മാനന്ദലക്ഷ്മ്യൈ മഹാലക്ഷ്മ്യൈ നമോ നമഃ ॥ 5 ॥ സത്യലക്ഷ്മ്യൈ ദയാലക്ഷ്മ്യൈ സൗഖ്യലക്ഷ്മ്യൈ നമോ നമഃ । നമഃ പാതിവ്രത്യലക്ഷ്മ്യൈ മഹാലക്ഷ്മ്യൈ നമോ നമഃ ॥ 6 ॥ ഗജലക്ഷ്മ്യൈ രാജലക്ഷ്മ്യൈ തേജോലക്ഷ്മ്യൈ നമോ നമഃ । നമഃ സർവോത്കർഷലക്ഷ്മ്യൈ മഹാലക്ഷ്മ്യൈ നമോ നമഃ ॥ 7 ॥ സത്ത്വലക്ഷ്മ്യൈ തത്ത്വലക്ഷ്മ്യൈ ഭോധലക്ഷ്മ്യൈ നമോ നമഃ । നമസ്തേ വിജ്ഞാനലക്ഷ്മ്യൈ മഹാലക്ഷ്മ്യൈ നമോ നമഃ ॥ 8 ॥ സ്ഥൈര്യലക്ഷ്മ്യൈ വീര്യലക്ഷ്മ്യൈ ധൈര്യലക്ഷ്മ്യൈ നമോ നമഃ । നമസ്തേഽസ്ത്വൗദാര്യലക്ഷ്മ്യൈ മഹാലക്ഷ്മ്യൈ നമോ നമഃ ॥ 9 ॥ സിദ്ധിലക്ഷ്മ്യൈ ഋദ്ധിലക്ഷ്മ്യൈ വിദ്യാലക്ഷ്മ്യൈ നമോ നമഃ । നമസ്തേ കല്യാണലക്ഷ്മ്യൈ മഹാലക്ഷ്മ്യൈ നമോ നമഃ ॥ 10 ॥ കീർതിലക്ഷ്മ്യൈ മൂർതിലക്ഷ്മ്യൈ വർചോലക്ഷ്മ്യൈ നമോ നമഃ । നമസ്തേ ത്വനന്തലക്ഷ്മ്യൈ മഹാലക്ഷ്മ്യൈ നമോ നമഃ ॥ 11 ॥ ജപലക്ഷ്മ്യൈ തപോലക്ഷ്മ്യൈ വ്രതലക്ഷ്മ്യൈ നമോ നമഃ । നമസ്തേ വൈരാഗ്യലക്ഷ്മ്യൈ മഹാലക്ഷ്മ്യൈ നമോ നമഃ ॥ 12 ॥ മന്ത്രലക്ഷ്മ്യൈ തന്ത്രലക്ഷ്മ്യൈ യന്ത്രലക്ഷ്മ്യൈ നമോ നമഃ । നമോ ഗുരുകൃപാലക്ഷ്മ്യൈ മഹാലക്ഷ്മ്യൈ നമോ നമഃ ॥ 13 ॥ സഭാലക്ഷ്മ്യൈ പ്രഭാലക്ഷ്മ്യൈ കലാലക്ഷ്മ്യൈ നമോ നമഃ । നമസ്തേ ലാവണ്യലക്ഷ്മ്യൈ മഹാലക്ഷ്മ്യൈ നമോ നമഃ ॥ 14 ॥ വേദലക്ഷ്മ്യൈ നാദലക്ഷ്മ്യൈ ശാസ്ത്രലക്ഷ്മ്യൈ നമോ നമഃ । നമസ്തേ വേദാന്തലക്ഷ്മ്യൈ മഹാലക്ഷ്മ്യൈ നമോ നമഃ ॥ 15 ॥ ക്ഷേത്രലക്ഷ്മ്യൈ തീർഥലക്ഷ്മ്യൈ വേദിലക്ഷ്മ്യൈ നമോ നമഃ । നമസ്തേ സന്താനലക്ഷ്മ്യൈ മഹാലക്ഷ്മ്യൈ നമോ നമഃ ॥ 16 ॥ യോഗലക്ഷ്മ്യൈ ഭോഗലക്ഷ്മ്യൈ യജ്ഞലക്ഷ്മ്യൈ നമോ നമഃ । ക്ഷീരാർണവപുണ്യലക്ഷ്മ്യൈ മഹാലക്ഷ്മ്യൈ നമോ നമഃ ॥ 17 ॥ അന്നലക്ഷ്മ്യൈ മനോലക്ഷ്മ്യൈ പ്രജ്ഞാലക്ഷ്മ്യൈ നമോ നമഃ । വിഷ്ണുവക്ഷോഭൂഷലക്ഷ്മ്യൈ മഹാലക്ഷ്മ്യൈ നമോ നമഃ ॥ 18 ॥ ധർമലക്ഷ്മ്യൈ അർഥലക്ഷ്മ്യൈ കാമലക്ഷ്മ്യൈ നമോ നമഃ । നമസ്തേ നിർവാണലക്ഷ്മ്യൈ മഹാലക്ഷ്മ്യൈ നമോ നമഃ ॥ 19 ॥ പുണ്യലക്ഷ്മ്യൈ ക്ഷേമലക്ഷ്മ്യൈ ശ്രദ്ധാലക്ഷ്മ്യൈ നമോ നമഃ । നമസ്തേ ചൈതന്യലക്ഷ്മ്യൈ മഹാലക്ഷ്മ്യൈ നമോ നമഃ ॥ 20 ॥ ഭൂലക്ഷ്മ്യൈ തേ ഭുവർലക്ഷ്മ്യൈ സുവർലക്ഷ്മ്യൈ നമോ നമഃ । നമസ്തേ ത്രൈലോക്യലക്ഷ്മ്യൈ മഹാലക്ഷ്മ്യൈ നമോ നമഃ ॥ 21 ॥ മഹാലക്ഷ്മ്യൈ ജനലക്ഷ്മ്യൈ തപോലക്ഷ്മ്യൈ നമോ നമഃ । നമഃ സത്യലോകലക്ഷ്മ്യൈ മഹാലക്ഷ്മ്യൈ നമോ നമഃ ॥ 22 ॥ ഭാവലക്ഷ്മ്യൈ വൃദ്ധിലക്ഷ്മ്യൈ ഭവ്യലക്ഷ്മ്യൈ നമോ നമഃ । നമസ്തേ വൈകുണ്ഠലക്ഷ്മ്യൈ മഹാലക്ഷ്മ്യൈ നമോ നമഃ ॥ 23 ॥ നിത്യലക്ഷ്മ്യൈ സത്യലക്ഷ്മ്യൈ വംശലക്ഷ്മ്യൈ നമോ നമഃ । നമസ്തേ കൈലാസലക്ഷ്മ്യൈ മഹാലക്ഷ്മ്യൈ നമോ നമഃ ॥ 24 ॥ പ്രകൃതിലക്ഷ്മ്യൈ ശ്രീലക്ഷ്മ്യൈ സ്വസ്തിലക്ഷ്മ്യൈ നമോ നമഃ । നമസ്തേ ഗോലോകലക്ഷ്മ്യൈ മഹാലക്ഷ്മ്യൈ നമോ നമഃ ॥ 25 ॥ ശക്തിലക്ഷ്മ്യൈ ഭക്തിലക്ഷ്മ്യൈ മുക്തിലക്ഷ്മ്യൈ നമോ നമഃ । നമസ്തേ ത്രിമൂർതിലക്ഷ്മ്യൈ മഹാലക്ഷ്മ്യൈ നമോ നമഃ ॥ 26 ॥ നമശ്ചക്രരാജലക്ഷ്മ്യൈ ആദിലക്ഷ്മ്യൈ നമോ നമഃ । നമോ ബ്രഹ്മാനന്ദലക്ഷ്മ്യൈ മഹാലക്ഷ്മ്യൈ നമോ നമഃ ॥ 27 ॥ ഇതി ശ്രീ മഹാലക്ഷ്മീ സ്തുതിഃ ।