மஹேந்த்³ர உவாச நம: கமலவாஸின்யை நாராயண்யை நமோ நம: । க்ருஷ்ணப்ரியாயை ஸாராயை பத்³மாயை ச நமோ நம: ॥ 1 ॥ பத்³மபத்ரேக்ஷணாயை ச பத்³மாஸ்யாயை நமோ நம: । பத்³மாஸனாயை பத்³மின்யை வைஷ்ணவ்யை ச நமோ நம: ॥ 2 ॥ ஸர்வஸம்பத்ஸ்வரூபாயை ஸர்வதா³த்ர்யை நமோ நம: । ஸுக²தா³யை மோக்ஷதா³யை ஸித்³தி⁴தா³யை நமோ நம: ॥ 3 ॥ ஹரிப⁴க்திப்ரதா³த்ர்யை ச ஹர்ஷதா³த்ர்யை நமோ நம: । க்ருஷ்ணவக்ஷ:ஸ்தி²தாயை ச க்ருஷ்ணேஶாயை நமோ நம: ॥ 4 ॥ க்ருஷ்ணஶோபா⁴ஸ்வரூபாயை ரத்னாட்⁴யாயை நமோ நம: । ஸம்பத்யதி⁴ஷ்டா²த்ருதே³வ்யை மஹாதே³வ்யை நமோ நம: ॥ 5 ॥ ஸஸ்யாதி⁴ஷ்டா²த்ருதே³வ்யை ச ஸஸ்யலக்ஷ்ம்யை நமோ நம: । நமோ பு³த்³தி⁴ஸ்வரூபாயை பு³த்³தி⁴தா³யை நமோ நம: ॥ 6 ॥ வைகுண்டே² ச மஹாலக்ஷ்மீர்லக்ஷ்மீ: க்ஷீரோத³ஸாக³ரே । ஸ்வர்க³லக்ஷ்மீரிந்த்³ரகே³ஹே ராஜலக்ஷ்மீர்ன்ருபாலயே ॥ 7 ॥ க்³ருஹலக்ஷ்மீஶ்ச க்³ருஹிணாம் கே³ஹே ச க்³ருஹதே³வதா । ஸுரபி⁴: ஸா க³வாம் மாதா த³க்ஷிணா யஜ்ஞகாமினீ ॥ 8 ॥ அதி³திர்தே³வமாதா த்வம் கமலா கமலாலயே । ஸ்வாஹா த்வம் ச ஹவிர்தா³னே கவ்யதா³னே ஸ்வதா⁴ ஸ்ம்ருதா ॥ 9 ॥ த்வம் ஹி விஷ்ணுஸ்வரூபா ச ஸர்வாதா⁴ரா வஸுந்த⁴ரா । ஶுத்³த⁴ஸத்த்வஸ்வரூபா த்வம் நாராயணபராயாணா ॥ 10 ॥ க்ரோத⁴ஹிம்ஸாவர்ஜிதா ச வரதா³ ச ஶுபா⁴னநா । பரமார்த²ப்ரதா³ த்வம் ச ஹரிதா³ஸ்யப்ரதா³ பரா ॥ 11 ॥ யயா வினா ஜக³த்ஸர்வம் ப⁴ஸ்மீபூ⁴தமஸாரகம் । ஜீவன்ம்ருதம் ச விஶ்வம் ச ஶவதுல்யம் யயா வினா ॥ 12 ॥ ஸர்வேஷாம் ச பரா த்வம் ஹி ஸர்வபா³ந்த⁴வரூபிணீ । யயா வினா ந ஸம்பா⁴ஷ்யோ பா³ந்த⁴வைர்பா³ந்த⁴வ: ஸதா³ ॥ 13 ॥ த்வயா ஹீனோ ப³ந்து⁴ஹீனஸ்த்வயா யுக்த: ஸபா³ந்த⁴வ: । த⁴ர்மார்த²காமமோக்ஷாணாம் த்வம் ச காரணரூபிணீ ॥ 14 ॥ ஸ்தனந்த⁴யானாம் த்வம் மாதா ஶிஶூனாம் ஶைஶவே யதா² । ததா² த்வம் ஸர்வதா³ மாதா ஸர்வேஷாம் ஸர்வவிஶ்வத: ॥ 15 ॥ த்யக்தஸ்தனோ மாத்ருஹீன: ஸ சேஜ்ஜீவதி தை³வத: । த்வயா ஹீனோ ஜன: கோபி ந ஜீவத்யேவ நிஶ்சிதம் ॥ 16 ॥ ஸுப்ரஸன்னஸ்வரூபா த்வம் மே ப்ரஸன்னா ப⁴வாம்பி³கே । வைரிக்³ரஸ்தம் ச விஷயம் தே³ஹி மஹ்யம் ஸனாதனி ॥ 17 ॥ வயம் யாவத்த்வயா ஹீனா ப³ந்து⁴ஹீனாஶ்ச பி⁴க்ஷுகா: । ஸர்வஸம்பத்³விஹீனாஶ்ச தாவதே³வ ஹரிப்ரியே ॥ 18 ॥ ராஜ்யம் தே³ஹி ஶ்ரியம் தே³ஹி ப³லம் தே³ஹி ஸுரேஶ்வரி । கீர்திம் தே³ஹி த⁴னம் தே³ஹி புத்ரான்மஹ்யம் ச தே³ஹி வை ॥ 19 ॥ காமம் தே³ஹி மதிம் தே³ஹி போ⁴கா³ன் தே³ஹி ஹரிப்ரியே । ஜ்ஞானம் தே³ஹி ச த⁴ர்மம் ச ஸர்வஸௌபா⁴க்³யமீப்ஸிதம் ॥ 20 ॥ ஸர்வாதி⁴காரமேவம் வை ப்ரபா⁴வாம் ச ப்ரதாபகம் । ஜயம் பராக்ரமம் யுத்³தே⁴ பரமைஶ்வர்யமைவ ச ॥ 21 ॥ இத்யுக்த்வா து மஹேந்த்³ரஶ்ச ஸர்வை: ஸுரக³ணை: ஸஹ । நனாம ஸாஶ்ருனேத்ரோயம் மூர்த்⁴னா சைவ புன: புன: ॥ 22 ॥ ப்³ரஹ்மா ச ஶங்கரஶ்சைவ ஶேஷோ த⁴ர்மஶ்ச கேஶவ: । ஸர்வே சக்ரு: பரீஹாரம் ஸுரார்தே² ச புன: புன: ॥ 23 ॥ தே³வேப்⁴யஶ்ச வரம் த³த்த்வா புஷ்பமாலாம் மனோஹராம் । கேஶவாய த³தௌ³ லக்ஷ்மீ: ஸந்துஷ்டா ஸுரஸம்ஸதி³ ॥ 24 ॥ யயுர்தை³வாஶ்ச ஸந்துஷ்டா: ஸ்வம் ஸ்வம் ஸ்தா²னம் ச நாரத³ । தே³வீ யயௌ ஹரே: க்ரோட³ம் ஹ்ருஷ்டா க்ஷீரோத³ஶாயின: ॥ 25 ॥ யயதுஸ்தௌ ஸ்வஸ்வக்³ருஹம் ப்³ரஹ்மேஶானௌ ச நாரத³ । த³த்த்வா ஶுபா⁴ஶிஷம் தௌ ச தே³வேப்⁴ய: ப்ரீதிபூர்வகம் ॥ 26 ॥ இத³ம் ஸ்தோத்ரம் மஹாபுண்யம் த்ரிஸந்த்⁴யம் ய: படே²ன்னர: । குபே³ரதுல்ய: ஸ ப⁴வேத்³ராஜராஜேஶ்வரோ மஹான் ॥ 27 ॥ ஸித்³த⁴ஸ்தோத்ரம் யதி³ படே²த் ஸோபி கல்பதருர்னர: । பஞ்சலக்ஷஜபேனைவ ஸ்தோத்ரஸித்³தி⁴ர்ப⁴வேன்ன்ருணாம் ॥ 28 ॥ ஸித்³த⁴ஸ்தோத்ரம் யதி³ படே²ன்மாஸமேகம் ச ஸம்யத: । மஹாஸுகீ² ச ராஜேந்த்³ரோ ப⁴விஷ்யதி ந ஸம்ஶய: ॥ 29 ॥ இதி ஶ்ரீப்³ரஹ்மவைவர்தே மஹாபுராணே த்³விதீயே ப்ரக்ருதிக²ண்டே³ நாரத³னாராயணஸம்வாதே³ ஏகோனசத்வாரிம்ஶத்தமோத்⁴யாயே மஹேந்த்³ர க்ருத ஶ்ரீ மஹாலக்ஷ்மீ ஸ்தோத்ரம் ।