हैंహైHaindavamஹிહિં
📍
Font Size:
കൃഷ്ണ സഹസ്രനാമ സ്തോത്രം
ഓം അസ്യ ശ്രീകൃഷ്ണസഹസ്രനാമസ്തോത്രമന്ത്രസ്യ പരാശര ഋഷിഃ, അനുഷ്ടുപ് ഛന്ദഃ, ശ്രീകൃഷ്ണഃ പരമാത്മാ ദേവതാ, ശ്രീകൃഷ്ണേതി ബീജം, ശ്രീവല്ലഭേതി ശക്തിഃ, ശാർങ്ഗീതി കീലകം, ശ്രീകൃഷ്ണപ്രീത്യർഥേ ജപേ വിനിയോഗഃ ॥
ന്യാസഃ –
പരാശരായ ഋഷയേ നമഃ ഇതി ശിരസി,
അനുഷ്ടുപ് ഛന്ദസേ നമഃ ഇതി മുഖേ,
ഗോപാലകൃഷ്ണദേവതായൈ നമഃ ഇതി ഹൃദയേ,
ശ്രീകൃഷ്ണായ ബീജായ നമഃ ഇതി ഗുഹ്യേ,
ശ്രീവല്ലഭായ ശക്ത്യൈ നമഃ ഇതി പാദയോഃ,
ശാർങ്ഗധരായ കീലകായ നമഃ ഇതി സർവാംഗേ ॥
കരന്യാസഃ –
ശ്രീകൃഷ്ണ ഇത്യാരഭ്യ ശൂരവംശൈകധീരിത്യന്താനി അംഗുഷ്ഠാഭ്യാം നമഃ ।
ശൗരിരിത്യാരഭ്യ സ്വഭാസോദ്ഭാസിതവ്രജ ഇത്യന്താനി തർജനീഭ്യാം നമഃ ।
കൃതാത്മവിദ്യാവിന്യാസ ഇത്യാരഭ്യ പ്രസ്ഥാനശകടാരൂഢ ഇതി മധ്യമാഭ്യാം നമഃ,
ബൃന്ദാവനകൃതാലയ ഇത്യാരഭ്യ മധുരാജനവീക്ഷിത ഇത്യനാമികാഭ്യാം നമഃ,
രജകപ്രതിഘാതക ഇത്യാരഭ്യ ദ്വാരകാപുരകല്പന ഇതി കനിഷ്ഠികാഭ്യാം നമഃ
ദ്വാരകാനിലയ ഇത്യാരഭ്യ പരാശര ഇതി കരതലകരപൃഷ്ഠാഭ്യാം നമഃ,
ഏവം ഹൃദയാദിന്യാസഃ ॥
ധ്യാനം –
കേഷാഞ്ചിത്പ്രേമപുംസാം വിഗലിതമനസാം ബാലലീലാവിലാസം
കേഷാം ഗോപാലലീലാങ്കിതരസികതനുർവേണുവാദ്യേന ദേവം ।
കേഷാം വാമാസമാജേ ജനിതമനസിജോ ദൈത്യദർപാപഹൈവം
ജ്ഞാത്വാ ഭിന്നാഭിലാഷം സ ജയതി ജഗതാമീശ്വരസ്താദൃശോഽഭൂത് ॥ 1 ॥
ക്ഷീരാബ്ധൗ കൃതസംസ്തവസ്സുരഗണൈർബ്രഹ്മാദിഭിഃ പണ്ഡിതൈഃ
പ്രോദ്ഭൂതോ വസുദേവസദ്മനി മുദാ ചിക്രീഡ യോ ഗോകുലേ ।
കംസധ്വംസകൃതേ ജഗാമ മധുരാം സാരാമസദ്വാരകാം
ഗോപാലോഽഖിലഗോപികാജനസഖഃ പായാദപായാത് സ നഃ ॥ 2 ॥
ഫുല്ലേന്ദീവരകാന്തിമിന്ദുവദനം ബർഹാവതംസപ്രിയം
ശ്രീവത്സാങ്കമുദാരകൗസ്തുഭധരം പീതാംബരം സുന്ദരം ।
ഗോപീനാം നയനോത്പലാർചിതതനും ഗോഗോപസംഘാവൃതം
ഗോവിന്ദം കലവേണുവാദനരതം ദിവ്യാംഗഭൂഷം ഭജേ ॥ 3 ॥
ഓം ।
കൃഷ്ണഃ ശ്രീവല്ലഭഃ ശാർങ്ഗീ വിഷ്വക്സേനഃ സ്വസിദ്ധിദഃ ।
ക്ഷീരോദധാമാ വ്യൂഹേശഃ ശേഷശായീ ജഗന്മയഃ ॥ 1 ॥
ഭക്തിഗമ്യസ്ത്രയീമൂർതിർഭാരാർതവസുധാസ്തുതഃ ।
ദേവദേവോ ദയാസിന്ധുർദേവദേവശിഖാമണിഃ ॥ 2 ॥
സുഖഭാവസ്സുഖാധാരോ മുകുന്ദോ മുദിതാശയഃ ।
അവിക്രിയഃ ക്രിയാമൂർതിരധ്യാത്മസ്വസ്വരൂപവാൻ ॥ 3 ॥
ശിഷ്ടാഭിലക്ഷ്യോ ഭൂതാത്മാ ധർമത്രാണാർഥചേഷ്ടിതഃ ।
അന്തര്യാമീ കലാരൂപഃ കാലാവയവസാക്ഷികഃ ॥ 4 ॥
വസുധായാസഹരണോ നാരദപ്രേരണോന്മുഖഃ ।
പ്രഭൂഷ്ണുർനാരദോദ്ഗീതോ ലോകരക്ഷാപരായണഃ ॥ 5 ॥
രൗഹിണേയകൃതാനന്ദോ യോഗജ്ഞാനനിയോജകഃ ।
മഹാഗുഹാന്തർനിക്ഷിപ്തഃ പുരാണവപുരാത്മവാൻ ॥ 6 ॥
ശൂരവംശൈകധീശ്ശൗരിഃ കംസശങ്കാവിഷാദകൃത് ।
വസുദേവോല്ലസച്ഛക്തിർദേവക്യഷ്ടമഗർഭഗഃ ॥ 7 ॥
വസുദേവസുതഃ ശ്രീമാന്ദേവകീനന്ദനോ ഹരിഃ ।
ആശ്ചര്യബാലഃ ശ്രീവത്സലക്ഷ്മവക്ഷാശ്ചതുർഭുജഃ ॥ 8 ॥
സ്വഭാവോത്കൃഷ്ടസദ്ഭാവഃ കൃഷ്ണാഷ്ടമ്യന്തസംഭവഃ ।
പ്രാജാപത്യർക്ഷസംഭൂതോ നിശീഥസമയോദിതഃ ॥ 9 ॥
ശംഖചക്രഗദാപദ്മപാണിഃ പദ്മനിഭേക്ഷണഃ ।
കിരീടീ കൗസ്തുഭോരസ്കഃ സ്ഫുരന്മകരകുണ്ഡലഃ ॥ 10 ॥
പീതവാസാ ഘനശ്യാമഃ കുഞ്ചിതാഞ്ചിതകുന്തലഃ ।
സുവ്യക്തവ്യക്താഭരണഃ സൂതികാഗൃഹഭൂഷണഃ ॥ 11 ॥
കാരാഗാരാന്ധകാരഘ്നഃ പിതൃപ്രാഗ്ജന്മസൂചകഃ ।
വസുദേവസ്തുതഃ സ്തോത്രം താപത്രയനിവാരണഃ ॥ 12 ॥
നിരവദ്യഃ ക്രിയാമൂർതിർന്യായവാക്യനിയോജകഃ ।
അദൃഷ്ടചേഷ്ടഃ കൂടസ്ഥോ ധൃതലൗകികവിഗ്രഹഃ ॥ 13 ॥
മഹർഷിമാനസോല്ലാസോ മഹീമംഗലദായകഃ ।
സന്തോഷിതസുരവ്രാതഃ സാധുചിത്തപ്രസാദകഃ ॥ 14 ॥
ജനകോപായനിർദേഷ്ടാ ദേവകീനയനോത്സവഃ ।
പിതൃപാണിപരിഷ്കാരോ മോഹിതാഗാരരക്ഷകഃ ॥ 15 ॥
സ്വശക്ത്യുദ്ധാടിതാശേഷകപാടഃ പിതൃവാഹകഃ ।
ശേഷോരഗഫണാച്ഛത്രശ്ശേഷോക്താഖ്യാസഹസ്രകഃ ॥ 16 ॥
യമുനാപൂരവിധ്വംസീ സ്വഭാസോദ്ഭാസിതവ്രജഃ ।
കൃതാത്മവിദ്യാവിന്യാസോ യോഗമായാഗ്രസംഭവഃ ॥ 17 ॥
ദുർഗാനിവേദിതോദ്ഭാവോ യശോദാതല്പശായകഃ ।
നന്ദഗോപോത്സവസ്ഫൂർതിർവ്രജാനന്ദകരോദയഃ ॥ 18 ॥
സുജാതജാതകർമ ശ്രീർഗോപീഭദ്രോക്തിനിർവൃതഃ ।
അലീകനിദ്രോപഗമഃ പൂതനാസ്തനപീഡനഃ ॥ 19 ॥
സ്തന്യാത്തപൂതനാപ്രാണഃ പൂതനാക്രോശകാരകഃ ।
വിന്യസ്തരക്ഷാഗോധൂലിര്യശോദാകരലാലിതഃ ॥ 20 ॥
നന്ദാഘ്രാതശിരോമധ്യഃ പൂതനാസുഗതിപ്രദഃ ।
ബാലഃ പര്യങ്കനിദ്രാലുർമുഖാർപിതപദാംഗുലിഃ ॥ 21 ॥
അഞ്ജനസ്നിഗ്ധനയനഃ പര്യായാങ്കുരിതസ്മിതഃ ।
ലീലാക്ഷസ്തരലാലോകശ്ശകടാസുരഭഞ്ജനഃ ॥ 22 ॥
ദ്വിജോദിതസ്വസ്ത്യയനോ മന്ത്രപൂതജലാപ്ലുതഃ ।
യശോദോത്സംഗപര്യങ്കോ യശോദാമുഖവീക്ഷകഃ ॥ 23 ॥
യശോദാസ്തന്യമുദിതസ്തൃണാവർതാദിദുസ്സഹഃ ।
തൃണാവർതാസുരധ്വംസീ മാതൃവിസ്മയകാരകഃ ॥ 24 ॥
പ്രശസ്തനാമകരണോ ജാനുചങ്ക്രമണോത്സുകഃ ।
വ്യാലംബിചൂലികാരത്നോ ഘോഷഗോപപ്രഹർഷണഃ ॥ 25 ॥
സ്വമുഖപ്രതിബിംബാർഥീ ഗ്രീവാവ്യാഘ്രനഖോജ്ജ്വലഃ ।
പങ്കാനുലേപരുചിരോ മാംസലോരുകടീതടഃ ॥ 26 ॥
ഘൃഷ്ടജാനുകരദ്വന്ദ്വഃ പ്രതിബിംബാനുകാരകൃത് ।
അവ്യക്തവർണവാഗ്വൃത്തിഃ സ്മിതലക്ഷ്യരദോദ്ഗമഃ ॥ 27 ॥
ധാത്രീകരസമാലംബീ പ്രസ്ഖലച്ചിത്രചങ്ക്രമഃ ।
അനുരൂപവയസ്യാഢ്യശ്ചാരുകൗമാരചാപലഃ ॥ 28 ॥
വത്സപുച്ഛസമാകൃഷ്ടോ വത്സപുച്ഛവികർഷണഃ ।
വിസ്മാരിതാന്യവ്യാപാരോ ഗോപഗോപീമുദാവഹഃ ॥ 29 ॥
അകാലവത്സനിർമോക്താ വ്രജവ്യാക്രോശസുസ്മിതഃ ।
നവനീതമഹാചോരോ ദാരകാഹാരദായകഃ ॥ 30 ॥
പീഠോലൂഖലസോപാനഃ ക്ഷീരഭാണ്ഡവിഭേദനഃ ।
ശിക്യഭാണ്ഡസമാകർഷീ ധ്വാന്താഗാരപ്രവേശകൃത് ॥ 31 ॥
ഭൂഷാരത്നപ്രകാശാഢ്യോ ഗോപ്യുപാലംഭഭർത്സിതഃ ।
പരാഗധൂസരാകാരോ മൃദ്ഭക്ഷണകൃതേക്ഷണഃ ॥ 32 ॥
ബാലോക്തമൃത്കഥാരംഭോ മിത്രാന്തർഗൂഢവിഗ്രഹഃ ।
കൃതസന്ത്രാസലോലാക്ഷോ ജനനീപ്രത്യയാവഹഃ ॥ 33॥
മാതൃദൃശ്യാത്തവദനോ വക്ത്രലക്ഷ്യചരാചരഃ ।
യശോദാലാലിതസ്വാത്മാ സ്വയം സ്വാച്ഛന്ദ്യമോഹനഃ ॥ 34 ॥
സവിത്രീസ്നേഹസംശ്ലിഷ്ടഃ സവിത്രീസ്തനലോലുപഃ ।
നവനീതാർഥനാപ്രഹ്വോ നവനീതമഹാശനഃ ॥ 35 ॥
മൃഷാകോപപ്രകമ്പോഷ്ഠോ ഗോഷ്ഠാംഗണവിലോകനഃ ।
ദധിമന്ഥഘടീഭേത്താ കിങ്കിണീക്വാണസൂചിതഃ ॥ 36 ॥
ഹൈയംഗവീനരസികോ മൃഷാശ്രുശ്ചൗര്യശങ്കിതഃ ।
ജനനീശ്രമവിജ്ഞാതാ ദാമബന്ധനിയന്ത്രിതഃ ॥ 37 ॥
ദാമാകല്പശ്ചലാപാംഗോ ഗാഢോലൂഖലബന്ധനഃ ।
ആകൃഷ്ടോലൂഖലോഽനന്തഃ കുബേരസുതശാപവിത് ॥ । 38 ॥
നാരദോക്തിപരാമർശീ യമലാർജുനഭഞ്ജനഃ ।
ധനദാത്മജസംഘുഷ്ടോ നന്ദമോചിതബന്ധനഃ ॥ 39 ॥
ബാലകോദ്ഗീതനിരതോ ബാഹുക്ഷേപോദിതപ്രിയഃ ।
ആത്മജ്ഞോ മിത്രവശഗോ ഗോപീഗീതഗുണോദയഃ ॥ 40 ॥
പ്രസ്ഥാനശകടാരൂഢോ ബൃന്ദാവനകൃതാലയഃ ।
ഗോവത്സപാലനൈകാഗ്രോ നാനാക്രീഡാപരിച്ഛദഃ ॥ 41 ॥
ക്ഷേപണീക്ഷേപണപ്രീതോ വേണുവാദ്യവിശാരദഃ ।
വൃഷവത്സാനുകരണോ വൃഷധ്വാനവിഡംബനഃ ॥ 42 ॥
നിയുദ്ധലീലാസംഹൃഷ്ടഃ കൂജാനുകൃതകോകിലഃ ।
ഉപാത്തഹംസഗമനസ്സർവജന്തുരുതാനുകൃത് ॥ 43 ॥
ഭൃംഗാനുകാരീ ദധ്യന്നചോരോ വത്സപുരസ്സരഃ ।
ബലീ ബകാസുരഗ്രാഹീ ബകതാലുപ്രദാഹകഃ ॥ 44 ॥
ഭീതഗോപാർഭകാഹൂതോ ബകചഞ്ചുവിദാരണഃ ।
ബകാസുരാരിർഗോപാലോ ബാലോ ബാലാദ്ഭുതാവഹഃ ॥ 45 ॥
ബലഭദ്രസമാശ്ലിഷ്ടഃ കൃതക്രീഡാനിലായനഃ ।
ക്രീഡാസേതുനിധാനജ്ഞഃ പ്ലവംഗോത്പ്ലവനോഽദ്ഭുതഃ ॥ 46 ॥
കന്ദുകക്രീഡനോ ലുപ്തനന്ദാദിഭവവേദനഃ ।
സുമനോഽലങ്കൃതശിരാഃ സ്വാദുസ്നിഗ്ധാന്നശിക്യഭൃത് ॥ 47 ॥
ഗുഞ്ജാപ്രാലംബനച്ഛന്നഃ പിഞ്ഛൈരലകവേഷകൃത് ।
വന്യാശനപ്രിയഃ ശൃംഗരവാകാരിതവത്സകഃ ॥ 48 ॥
മനോജ്ഞപല്ലവോത്തംസപുഷ്പസ്വേച്ഛാത്തഷട്പദഃ ।
മഞ്ജുശിഞ്ജിതമഞ്ജീരചരണഃ കരകങ്കണഃ ॥ 49 ॥
അന്യോന്യശാസനഃ ക്രീഡാപടുഃ പരമകൈതവഃ ।
പ്രതിധ്വാനപ്രമുദിതഃ ശാഖാചതുരചങ്ക്രമഃ ॥ 50 ॥
അഘദാനവസംഹർതാ വ്രജവിഘ്നവിനാശനഃ ।
വ്രജസഞ്ജീവനഃ ശ്രേയോനിധിർദാനവമുക്തിദഃ ॥ 51 ॥
കാലിന്ദീപുലിനാസീനസ്സഹഭുക്തവ്രജാർഭകഃ ।
കക്ഷാജഠരവിന്യസ്തവേണുർവല്ലവചേഷ്ടിതഃ ॥ 52 ॥
ഭുജസന്ധ്യന്തരന്യസ്തശൃംഗവേത്രഃ ശുചിസ്മിതഃ ।
വാമപാണിസ്ഥദധ്യന്നകബലഃ കലഭാഷണഃ ॥ 53 ॥
അംഗുല്യന്തരവിന്യസ്തഫലഃ പരമപാവനഃ ।
അദൃശ്യതർണകാന്വേഷീ വല്ലവാർഭകഭീതിഹാ ॥ 54 ॥
അദൃഷ്ടവത്സപവ്രാതോ ബ്രഹ്മവിജ്ഞാതവൈഭവഃ ।
ഗോവത്സവത്സപാന്വേഷീ വിരാട്-പുരുഷവിഗ്രഹഃ ॥ 55 ॥
സ്വസങ്കല്പാനുരൂപാർഥോ വത്സവത്സപരൂപധൃക് ।
യഥാവത്സക്രിയാരൂപോ യഥാസ്ഥാനനിവേശനഃ ॥ 56 ॥
യഥാവ്രജാർഭകാകാരോ ഗോഗോപീസ്തന്യപസ്സുഖീ ।
ചിരാദ്വലോഹിതോ ദാന്തോ ബ്രഹ്മവിജ്ഞാതവൈഭവഃ ॥ 57 ॥
വിചിത്രശക്തിർവ്യാലീനസൃഷ്ടഗോവത്സവത്സപഃ ।
ബ്രഹ്മത്രപാകരോ ധാതൃസ്തുതസ്സർവാർഥസാധകഃ ॥ 58 ॥
ബ്രഹ്മ ബ്രഹ്മമയോഽവ്യക്തസ്തേജോരൂപസ്സുഖാത്മകഃ ।
നിരുക്തം വ്യാകൃതിർവ്യക്തോ നിരാലംബനഭാവനഃ ॥ 59 ॥
പ്രഭവിഷ്ണുരതന്ത്രീകോ ദേവപക്ഷാർഥരൂപധൃക് ।
അകാമസ്സർവവേദാദിരണീയസ്ഥൂലരൂപവാൻ ॥ 60 ॥
വ്യാപീ വ്യാപ്യഃ കൃപാകർതാ വിചിത്രാചാരസമ്മതഃ ।
ഛന്ദോമയഃ പ്രധാനാത്മാ മൂർതാമൂർതിദ്വയാകൃതിഃ ॥ 61 ॥
അനേകമൂർതിരക്രോധഃ പരഃ പ്രകൃതിരക്രമഃ ।
സകലാവരണോപേതസ്സർവദേവോ മഹേശ്വരഃ ॥ 62 ॥
മഹാപ്രഭാവനഃ പൂർവവത്സവത്സപദർശകഃ ।
കൃഷ്ണയാദവഗോപാലോ ഗോപാലോകനഹർഷിതഃ ॥ 63 ॥
സ്മിതേക്ഷാഹർഷിതബ്രഹ്മാ ഭക്തവത്സലവാക്പ്രിയഃ ।
ബ്രഹ്മാനന്ദാശ്രുധൗതാംഘ്രിർലീലാവൈചിത്ര്യകോവിദഃ ॥ 64 ॥
ബലഭദ്രൈകഹൃദയോ നാമാകാരിതഗോകുലഃ ।
ഗോപാലബാലകോ ഭവ്യോ രജ്ജുയജ്ഞോപവീതവാൻ ॥ 65 ॥
വൃക്ഷച്ഛായാഹതാശാന്തിർഗോപോത്സംഗോപബർഹണഃ ।
ഗോപസംവാഹിതപദോ ഗോപവ്യജനവീജിതഃ ॥ 66।
ഗോപഗാനസുഖോന്നിദ്രഃ ശ്രീദാമാർജിതസൗഹൃദഃ ।
സുനന്ദസുഹൃദേകാത്മാ സുബലപ്രാണരഞ്ജനഃ ॥ 67 ॥
താലീവനകൃതക്രീഡോ ബലപാതിതധേനുകഃ ।
ഗോപീസൗഭാഗ്യസംഭാവ്യോ ഗോധൂലിച്ഛുരിതാലകഃ ॥ 68 ॥
ഗോപീവിരഹസന്തപ്തോ ഗോപികാകൃതമജ്ജനഃ ।
പ്രലംബബാഹുരുത്ഫുല്ലപുണ്ഡരീകാവതംസകഃ ॥ 69 ॥
വിലാസലലിതസ്മേരഗർഭലീലാവലോകനഃ ।
സ്രഗ്ഭൂഷണാനുലേപാഢ്യോ ജനന്യുപഹൃതാന്നഭുക് ॥ 70 ॥
വരശയ്യാശയോ രാധാപ്രേമസല്ലാപനിർവൃതഃ ।
യമുനാതടസഞ്ചാരീ വിഷാർതവ്രജഹർഷദഃ ॥ 71 ॥
കാലിയക്രോധജനകഃ വൃദ്ധാഹികുലവേഷ്ടിതഃ ।
കാലിയാഹിഫണാരംഗനടഃ കാലിയമർദനഃ ॥ 72 ॥
നാഗപത്നീസ്തുതിപ്രീതോ നാനാവേഷസമൃദ്ധികൃത് ।
അവിഷ്വക്തദൃഗാത്മേശഃ സ്വദൃഗാത്മസ്തുതിപ്രിയഃ ॥ 73 ॥
സർവേശ്വരസ്സർവഗുണഃ പ്രസിദ്ധസ്സർവസാത്വതഃ ।
അകുണ്ഠധാമാ ചന്ദ്രാർകദൃഷ്ടിരാകാശനിർമലഃ ॥ 74 ॥
അനിർദേശ്യഗതിർനാഗവനിതാപതിഭൈക്ഷദഃ ।
സ്വാംഘ്രിമുദ്രാങ്കനാഗേന്ദ്രമൂർധാ കാലിയസംസ്തുതഃ ॥ 75 ॥
അഭയോ വിശ്വതശ്ചക്ഷുഃ സ്തുതോത്തമഗുണഃ പ്രഭുഃ ।
അഹമാത്മാ മരുത്പ്രാണഃ പരമാത്മാ ദ്യുശീർഷവാൻ ॥ 76 ॥
നാഗോപായനഹൃഷ്ടാത്മാ ഹ്രദോത്സാരിതകാലിയഃ ।
ബലഭദ്രസുഖാലാപോ ഗോപാലിംഗനനിർവൃതഃ ॥ 77 ॥
ദാവാഗ്നിഭീതഗോപാലഗോപ്താ ദാവാഗ്നിനാശനഃ ।
നയനാച്ഛാദനക്രീഡാലമ്പടോ നൃപചേഷ്ടിതഃ ॥ 78 ॥
കാകപക്ഷധരസ്സൗമ്യോ ബലവാഹകകേലിമാൻ ।
ബലഘാതിതദുർധർഷപ്രലംബോ ബലവത്സലഃ ॥ 79 ॥
മുഞ്ജാടവ്യഗ്നിശമനഃ പ്രാവൃട്കാലവിനോദവാൻ ।
ശിലാന്യസ്താന്നഭൃദ്ദൈത്യസംഹർതാ ശാദ്വലാസനഃ ॥ 80 ॥
സദാപ്തഗോപികോദ്ഗീതഃ കർണികാരാവതംസകഃ ।
നടവേഷധരഃ പദ്മമാലാങ്കോ ഗോപികാവൃതഃ ॥ 81 ॥
ഗോപീമനോഹരാപാംഗോ വേണുവാദനതത്പരഃ ।
വിന്യസ്തവദനാംഭോജശ്ചാരുശബ്ദകൃതാനനഃ ॥ 82 ॥
ബിംബാധരാർപിതോദാരവേണുർവിശ്വവിമോഹനഃ ।
വ്രജസംവർണിതശ്രാവ്യവേണുനാദഃ ശ്രുതിപ്രിയഃ ॥ 83 ॥
ഗോഗോപഗോപീജന്മേപ്സുർബ്രഹ്മേന്ദ്രാദ്യഭിവന്ദിതഃ ।
ഗീതസ്നുതിസരിത്പൂരോ നാദനർതിതബർഹിണഃ ॥ 84 ॥
രാഗപല്ലവിതസ്ഥാണുർഗീതാനമിതപാദപഃ ।
വിസ്മാരിതതൃണഗ്രാസമൃഗോ മൃഗവിലോഭിതഃ ॥ 85 ॥
വ്യാഘ്രാദിഹിംസ്രസഹജവൈരഹർതാ സുഗായനഃ ।
ഗാഢോദീരിതഗോബൃന്ദപ്രേമോത്കർണിതതർണകഃ ॥ 86 ॥
നിഷ്പന്ദയാനബ്രഹ്മാദിവീക്ഷിതോ വിശ്വവന്ദിതഃ ।
ശാഖോത്കർണശകുന്തൗഘശ്ഛത്രായിതബലാഹകഃ ॥ 87 ॥
പ്രസന്നഃ പരമാനന്ദശ്ചിത്രായിതചരാചരഃ ।
ഗോപികാമദനോ ഗോപീകുചകുങ്കുമമുദ്രിതഃ ॥ 88 ॥
ഗോപികന്യാജലക്രീഡാഹൃഷ്ടോ ഗോപ്യംശുകാപഹൃത് ।
സ്കന്ധാരോപിതഗോപസ്ത്രീവാസാഃ കുന്ദനിഭസ്മിതഃ ॥ 89 ॥
ഗോപീനേത്രോത്പലശശീ ഗോപികായാചിതാംശുകഃ ।
ഗോപീനമസ്ക്രിയാദേഷ്ടാ ഗോപ്യേകകരവന്ദിതഃ ॥ 90 ॥
ഗോപ്യഞ്ജലിവിശേഷാർഥീ ഗോപക്രീഡാവിലോഭിതഃ ।
ശാന്തവാസസ്ഫുരദ്ഗോപീകൃതാഞ്ജലിരഘാപഹഃ ॥ 91 ॥
ഗോപീകേലിവിലാസാർഥീ ഗോപീസമ്പൂർണകാമദഃ ।
ഗോപസ്ത്രീവസ്ത്രദോ ഗോപീചിത്തചോരഃ കുതൂഹലീ ॥ 92 ॥
ബൃന്ദാവനപ്രിയോ ഗോപബന്ധുര്യജ്വാന്നയാചിതാ ।
യജ്ഞേശോ യജ്ഞഭാവജ്ഞോ യജ്ഞപത്ന്യഭിവാഞ്ഛിതഃ ॥ 93 ॥
മുനിപത്നീവിതീർണാന്നതൃപ്തോ മുനിവധൂപ്രിയഃ ।
ദ്വിജപത്ന്യഭിഭാവജ്ഞോ ദ്വിജപത്നീവരപ്രദഃ ॥ 94 ॥
പ്രതിരുദ്ധസതീമോക്ഷപ്രദോ ദ്വിജവിമോഹിതാ ।
മുനിജ്ഞാനപ്രദോ യജ്വസ്തുതോ വാസവയാഗവിത് ॥ 95 ॥
പിതൃപ്രോക്തക്രിയാരൂപശക്രയാഗനിവാരണഃ ।
ശക്രാഽമർഷകരശ്ശക്രവൃഷ്ടിപ്രശമനോന്മുഖഃ ॥ 96 ॥
ഗോവർധനധരോ ഗോപഗോബൃന്ദത്രാണതത്പരഃ ।
ഗോവർധനഗിരിച്ഛത്രചണ്ഡദണ്ഡഭുജാർഗലഃ ॥ 97 ॥
സപ്താഹവിധൃതാദ്രീന്ദ്രോ മേഘവാഹനഗർവഹാ ।
ഭുജാഗ്രോപരിവിന്യസ്തക്ഷ്മാധരക്ഷ്മാഭൃദച്യുതഃ ॥ 98 ॥
സ്വസ്ഥാനസ്ഥാപിതഗിരിർഗോപീദധ്യക്ഷതാർചിതഃ ।
സുമനസ്സുമനോവൃഷ്ടിഹൃഷ്ടോ വാസവവന്ദിതഃ ॥ 99 ॥
കാമധേനുപയഃപൂരാഭിഷിക്തസ്സുരഭിസ്തുതഃ ।
ധരാംഘ്രിരോഷധീരോമാ ധർമഗോപ്താ മനോമയഃ ॥ 100 ॥
ജ്ഞാനയജ്ഞപ്രിയശ്ശാസ്ത്രനേത്രസ്സർവാർഥസാരഥിഃ ।
ഐരാവതകരാനീതവിയദ്ഗംഗാപ്ലുതോ വിഭുഃ ॥ 101 ॥
ബ്രഹ്മാഭിഷിക്തോ ഗോഗോപ്താ സർവലോകശുഭങ്കരഃ ।
സർവവേദമയോ മഗ്നനന്ദാന്വേഷിപിതൃപ്രിയഃ ॥ 102 ॥
വരുണോദീരിതാത്മേക്ഷാകൗതുകോ വരുണാർചിതഃ ।
വരുണാനീതജനകോ ഗോപജ്ഞാതാത്മവൈഭവഃ ॥ 103 ॥
സ്വർലോകാലോകസംഹൃഷ്ടഗോപവർഗത്രിവർഗദഃ ।
ബ്രഹ്മഹൃദ്ഗോപിതോ ഗോപദ്രഷ്ടാ ബ്രഹ്മപദപ്രദഃ ॥ 104 ॥
ശരച്ചന്ദ്രവിഹാരോത്കഃ ശ്രീപതിർവശകോ ക്ഷമഃ ।
ഭയാപഹോ ഭർതൃരുദ്ധഗോപികാധ്യാനഗോചരഃ ॥ 105 ॥
ഗോപികാനയനാസ്വാദ്യോ ഗോപീനർമോക്തിനിർവൃതഃ ।
ഗോപികാമാനഹരണോ ഗോപികാശതയൂഥപഃ ॥ 106 ॥
വൈജയന്തീസ്രഗാകല്പോ ഗോപികാമാനവർധനഃ ।
ഗോപകാന്താസുനിർദേഷ്ടാ കാന്തോ മന്മഥമന്മഥഃ ॥ 107 ॥
സ്വാത്മാസ്യദത്തതാംബൂലഃ ഫലിതോത്കൃഷ്ടയൗവനഃ ।
വല്ലവീസ്തനസക്താക്ഷോ വല്ലവീപ്രേമചാലിതഃ ॥ 108 ॥
ഗോപീചേലാഞ്ചലാസീനോ ഗോപീനേത്രാബ്ജഷട്പദഃ ।
രാസക്രീഡാസമാസക്തോ ഗോപീമണ്ഡലമണ്ഡനഃ ॥ 109 ॥
ഗോപീഹേമമണിശ്രേണിമധ്യേന്ദ്രമണിരുജ്ജ്വലഃ ।
വിദ്യാധരേന്ദുശാപഘ്നശ്ശംഖചൂഡശിരോഹരഃ ॥ 110 ॥
ശംഖചൂഡശിരോരത്നസമ്പ്രീണിതബലോഽനഘഃ ।
അരിഷ്ടാരിഷ്ടകൃദ്ദുഷ്ടകേശിദൈത്യനിഷൂദനഃ ॥ 111 ॥
സരസസ്സസ്മിതമുഖസ്സുസ്ഥിരോ വിരഹാകുലഃ ।
സങ്കർഷണാർപിതപ്രീതിരക്രൂരധ്യാനഗോചരഃ ॥ 112 ॥
അക്രൂരസംസ്തുതോ ഗൂഢോ ഗുണവൃത്യുപലക്ഷിതഃ ।
പ്രമാണഗമ്യസ്തന്മാത്രാഽവയവീ ബുദ്ധിതത്പരഃ ॥ 113 ॥
സർവപ്രമാണപ്രമധീസ്സർവപ്രത്യയസാധകഃ ।
പുരുഷശ്ച പ്രധാനാത്മാ വിപര്യാസവിലോചനഃ ॥ 114 ॥
മധുരാജനസംവീക്ഷ്യോ രജകപ്രതിഘാതകഃ ।
വിചിത്രാംബരസംവീതോ മാലാകാരവരപ്രദഃ ॥ 115 ॥
കുബ്ജാവക്രത്വനിർമോക്താ കുബ്ജായൗവനദായകഃ ।
കുബ്ജാംഗരാഗസുരഭിഃ കംസകോദണ്ഡഖണ്ഡനഃ ॥ 116 ॥
ധീരഃ കുവലയാപീഡമർദനഃ കംസഭീതികൃത് ।
ദന്തിദന്തായുധോ രംഗത്രാസകോ മല്ലയുദ്ധവിത് ॥ 117 ॥
ചാണൂരഹന്താ കംസാരിർദേവകീഹർഷദായകഃ ।
വസുദേവപദാനമ്രഃ പിതൃബന്ധവിമോചനഃ ॥ 118 ॥
ഉർവീഭയാപഹോ ഭൂപ ഉഗ്രസേനാധിപത്യദഃ ।
ആജ്ഞാസ്ഥിതശചീനാഥസ്സുധർമാനയനക്ഷമഃ ॥ 119 ॥
ആദ്യോ ദ്വിജാതിസത്കർതാ ശിഷ്ടാചാരപ്രദർശകഃ ।
സാന്ദീപനികൃതാഭ്യസ്തവിദ്യാഭ്യാസൈകധീസ്സുധീഃ ॥ 120 ॥
ഗുർവഭീഷ്ടക്രിയാദക്ഷഃ പശ്ചിമോദധിപൂജിതഃ ।
ഹതപഞ്ചജനപ്രാപ്തപാഞ്ചജന്യോ യമാർചിതഃ ॥ 121 ॥
ധർമരാജജയാനീതഗുരുപുത്ര ഉരുക്രമഃ ।
ഗുരുപുത്രപ്രദശ്ശാസ്താ മധുരാജസഭാസദഃ ॥ 122 ॥
ജാമദഗ്ന്യസമഭ്യർച്യോ ഗോമന്തഗിരിസഞ്ചരഃ ।
ഗോമന്തദാവശമനോ ഗരുഡാനീതഭൂഷണഃ ॥ 123 ॥
ചക്രാദ്യായുധസംശോഭീ ജരാസന്ധമദാപഹഃ ।
സൃഗാലാവനിപാലഘ്നസ്സൃഗാലാത്മജരാജ്യദഃ ॥ 124 ॥
വിധ്വസ്തകാലയവനോ മുചുകുന്ദവരപ്രദഃ ।
ആജ്ഞാപിതമഹാംഭോധിർദ്വാരകാപുരകല്പനഃ ॥ 125 ॥
ദ്വാരകാനിലയോ രുക്മിമാനഹന്താ യദൂദ്വഹഃ ।
രുചിരോ രുക്മിണീജാനിഃ പ്രദ്യുമ്നജനകഃ പ്രഭുഃ ॥ 126 ॥
അപാകൃതത്രിലോകാർതിരനിരുദ്ധപിതാമഹഃ ।
അനിരുദ്ധപദാന്വേഷീ ചക്രീ ഗരുഡവാഹനഃ ॥ 127 ॥
ബാണാസുരപുരീരോദ്ധാ രക്ഷാജ്വലനയന്ത്രജിത് ।
ധൂതപ്രമഥസംരംഭോ ജിതമാഹേശ്വരജ്വരഃ ॥ 128 ॥
ഷട്ചക്രശക്തിനിർജേതാ ഭൂതവേതാലമോഹകൃത് ।
ശംഭുത്രിശൂലജിച്ഛംഭുജൃംഭണശ്ശംഭുസംസ്തുതഃ ॥ 129 ॥
ഇന്ദ്രിയാത്മേന്ദുഹൃദയസ്സർവയോഗേശ്വരേശ്വരഃ ।
ഹിരണ്യഗർഭഹൃദയോ മോഹാവർതനിവർതനഃ ॥ 130 ॥
ആത്മജ്ഞാനനിധിർമേധാ കോശസ്തന്മാത്രരൂപവാൻ ।
ഇന്ദ്രോഽഗ്നിവദനഃ കാലനാഭസ്സർവാഗമാധ്വഗഃ ॥ 131 ॥
തുരീയസർവധീസാക്ഷീ ദ്വന്ദ്വാരാമാത്മദൂരഗഃ ।
അജ്ഞാതപാരോ വശ്യശ്രീരവ്യാകൃതവിഹാരവാൻ ॥ 132 ॥
ആത്മപ്രദീപോ വിജ്ഞാനമാത്രാത്മാ ശ്രീനികേതനഃ ।
ബാണബാഹുവനച്ഛേത്താ മഹേന്ദ്രപ്രീതിവർധനഃ ॥ 133 ॥
അനിരുദ്ധനിരോധജ്ഞോ ജലേശാഹൃതഗോകുലഃ ।
ജലേശവിജയീ വീരസ്സത്രാജിദ്രത്നയാചകഃ ॥ 134 ॥
പ്രസേനാന്വേഷണോദ്യുക്തോ ജാംബവദ്ധൃതരത്നദഃ ।
ജിതർക്ഷരാജതനയാഹർതാ ജാംബവതീപ്രിയഃ ॥ 135 ॥
സത്യഭാമാപ്രിയഃ കാമശ്ശതധന്വശിരോഹരഃ ।
കാലിന്ദീപതിരക്രൂരബന്ധുരക്രൂരരത്നദഃ ॥ 136 ॥
കൈകേയീരമണോ ഭദ്രാഭർതാ നാഗ്നജിതീധവഃ ।
മാദ്രീമനോഹരശ്ശൈബ്യാപ്രാണബന്ധുരുരുക്രമഃ ॥ 137 ॥
സുശീലാദയിതോ മിത്രവിന്ദാനേത്രമഹോത്സവഃ ।
ലക്ഷ്മണാവല്ലഭോ രുദ്ധപ്രാഗ്ജ്യോതിഷമഹാപുരഃ ॥ 138 ॥
സുരപാശാവൃതിച്ഛേദീ മുരാരിഃ ക്രൂരയുദ്ധവിത് ।
ഹയഗ്രീവശിരോഹർതാ സർവാത്മാ സർവദർശനഃ ॥ 139 ॥
നരകാസുരവിച്ഛേത്താ നരകാത്മജരാജ്യദഃ।
പൃഥ്വീസ്തുതഃ പ്രകാശാത്മാ ഹൃദ്യോ യജ്ഞഫലപ്രദഃ ॥ 140 ॥
ഗുണഗ്രാഹീ ഗുണദ്രഷ്ടാ ഗൂഢസ്വാത്മാ വിഭൂതിമാൻ ।
കവിർജഗദുപദ്രഷ്ടാ പരമാക്ഷരവിഗ്രഹഃ ॥ 141 ॥
പ്രപന്നപാലനോ മാലീ മഹദ്ബ്രഹ്മവിവർധനഃ ।
വാച്യവാചകശക്ത്യർഥസ്സർവവ്യാകൃതസിദ്ധിദഃ ॥ 142 ॥
സ്വയമ്പ്രഭുരനിർവേദ്യസ്സ്വപ്രകാശശ്ചിരന്തനഃ ।
നാദാത്മാ മന്ത്രകോടീശോ നാനാവാദനിരോധകഃ ॥ 143 ॥
കന്ദർപകോടിലാവണ്യഃ പരാർഥൈകപ്രയോജകഃ ।
അമരീകൃതദേവൗഘഃ കന്യകാബന്ധമോചനഃ ॥ 144 ॥
ഷോഡശസ്ത്രീസഹസ്രേശഃ കാന്തഃ കാന്താമനോഭവഃ ।
ക്രീഡാരത്നാചലാഹർതാ വരുണച്ഛത്രശോഭിതഃ ॥ 145 ॥
ശക്രാഭിവന്ദിതശ്ശക്രജനനീകുണ്ഡലപ്രദഃ ।
അദിതിപ്രസ്തുതസ്തോത്രോ ബ്രാഹ്മണോദ്ഘുഷ്ടചേഷ്ടനഃ ॥ 146 ॥
പുരാണസ്സംയമീ ജന്മാലിപ്തഃ ഷഡ്വിംശകോഽർഥദഃ ।
യശസ്യനീതിരാദ്യന്തരഹിതസ്സത്കഥാപ്രിയഃ ॥ 147 ॥
ബ്രഹ്മബോധഃ പരാനന്ദഃ പാരിജാതാപഹാരകഃ ।
പൗണ്ഡ്രകപ്രാണഹരണഃ കാശിരാജനിഷൂദനഃ ॥ 148 ॥
കൃത്യാഗർവപ്രശമനോ വിചക്രവധദീക്ഷിതഃ ।
കംസവിധ്വംസനസ്സാംബജനകോ ഡിംഭകാർദനഃ ॥ 149 ॥
മുനിർഗോപ്താ പിതൃവരപ്രദസ്സവനദീക്ഷിതഃ ।
രഥീ സാരഥ്യനിർദേഷ്ടാ ഫാൽഗുനഃ ഫാൽഗുനിപ്രിയഃ ॥ 150 ॥
സപ്താബ്ധിസ്തംഭനോദ്ഭാതോ ഹരിസ്സപ്താബ്ധിഭേദനഃ ।
ആത്മപ്രകാശഃ പൂർണശ്രീരാദിനാരായണേക്ഷിതഃ ॥ 151 ॥
വിപ്രപുത്രപ്രദശ്ചൈവ സർവമാതൃസുതപ്രദഃ ।
പാർഥവിസ്മയകൃത്പാർഥപ്രണവാർഥപ്രബോധനഃ ॥ 152 ॥
കൈലാസയാത്രാസുമുഖോ ബദര്യാശ്രമഭൂഷണഃ ।
ഘണ്ടാകർണക്രിയാമൗഢ്യാത്തോഷിതോ ഭക്തവത്സലഃ ॥ 153 ॥
മുനിബൃന്ദാദിഭിർധ്യേയോ ഘണ്ടാകർണവരപ്രദഃ ।
തപശ്ചര്യാപരശ്ചീരവാസാഃ പിംഗജടാധരഃ ॥ 154 ॥
പ്രത്യക്ഷീകൃതഭൂതേശശ്ശിവസ്തോതാ ശിവസ്തുതഃ ।
കൃഷ്ണാസ്വയംവരാലോകകൗതുകീ സർവസമ്മതഃ ॥ 155 ॥
ബലസംരംഭശമനോ ബലദർശിതപാണ്ഡവഃ ।
യതിവേഷാർജുനാഭീഷ്ടദായീ സർവാത്മഗോചരഃ ॥ 156 ॥
സുഭദ്രാഫാൽഗുനോദ്വാഹകർതാ പ്രീണിതഫാൽഗുനഃ ।
ഖാണ്ഡവപ്രീണിതാർചിഷ്മാന്മയദാനവമോചനഃ ॥ 157 ॥
സുലഭോ രാജസൂയാർഹയുധിഷ്ഠിരനിയോജകഃ ।
ഭീമാർദിതജരാസന്ധോ മാഗധാത്മജരാജ്യദഃ ॥ 158 ॥
രാജബന്ധനനിർമോക്താ രാജസൂയാഗ്രപൂജനഃ ।
ചൈദ്യാദ്യസഹനോ ഭീഷ്മസ്തുതസ്സാത്വതപൂർവജഃ ॥ 159 ॥
സർവാത്മാർഥസമാഹർതാ മന്ദരാചലധാരകഃ ।
യജ്ഞാവതാരഃ പ്രഹ്ലാദപ്രതിജ്ഞാപ്രതിപാലകഃ ॥ 160 ॥
ബലിയജ്ഞസഭാധ്വംസീ ദൃപ്തക്ഷത്രകുലാന്തകഃ ।
ദശഗ്രീവാന്തകോ ജേതാ രേവതീപ്രേമവല്ലഭഃ ॥ 161 ॥
സർവാവതാരാധിഷ്ഠാതാ വേദബാഹ്യവിമോഹനഃ ।
കലിദോഷനിരാകർതാ ദശനാമാ ദൃഢവ്രതഃ ॥ 162 ॥
അമേയാത്മാ ജഗത്സ്വാമീ വാഗ്മീ ചൈദ്യശിരോഹരഃ ।
ദ്രൗപദീരചിതസ്തോത്രഃ കേശവഃ പുരുഷോത്തമഃ ॥ 163 ॥
നാരായണോ മധുപതിർമാധവോ ദോഷവർജിതഃ ।
ഗോവിന്ദഃ പുണ്ഡരീകാക്ഷോ വിഷ്ണുശ്ച മധുസൂദനഃ ॥ 164 ॥
ത്രിവിക്രമസ്ത്രിലോകേശോ വാമനഃ ശ്രീധരഃ പുമാൻ ।
ഹൃഷീകേശോ വാസുദേവഃ പദ്മനാഭോ മഹാഹ്രദഃ ॥ 165 ॥
ദാമോദരശ്ചതുർവ്യൂഹഃ പാഞ്ചാലീമാനരക്ഷണഃ ।
സാല്വഘ്നസ്സമരശ്ലാഘീ ദന്തവക്ത്രനിബർഹണഃ ॥ 166 ॥
ദാമോദരപ്രിയസഖാ പൃഥുകാസ്വാദനപ്രിയഃ ॥
ഘൃണീ ദാമോദരഃ ശ്രീദോ ഗോപീപുനരവേക്ഷകഃ ॥ 167 ॥
ഗോപികാമുക്തിദോ യോഗീ ദുർവാസസ്തൃപ്തികാരകഃ ।
അവിജ്ഞാതവ്രജാകീർണപാണ്ഡവാലോകനോ ജയീ ॥ 168 ॥
പാർഥസാരഥ്യനിരതഃ പ്രാജ്ഞഃ പാണ്ഡവദൂത്യകൃത് ।
വിദുരാതിഥ്യസന്തുഷ്ടഃ കുന്തീസന്തോഷദായകഃ ॥ 169 ॥
സുയോധനതിരസ്കർതാ ദുര്യോധനവികാരവിത് ।
വിദുരാഭിഷ്ഠുതോ നിത്യോ വാർഷ്ണേയോ മംഗലാത്മകഃ ॥ 170 ॥
പഞ്ചവിംശതിതത്ത്വേശശ്ചതുർവിംശതിദേഹഭാക് ।
സർവാനുഗ്രാഹകസ്സർവദാശാർഹസതതാർചിതഃ ॥ 171 ॥
അചിന്ത്യോ മധുരാലാപസ്സാധുദർശീ ദുരാസദഃ ।
മനുഷ്യധർമാനുഗതഃ കൗരവേന്ദ്രക്ഷയേക്ഷിതാ ॥ 172 ॥
ഉപേന്ദ്രോ ദാനവാരാതിരുരുഗീതോ മഹാദ്യുതിഃ ।
ബ്രഹ്മണ്യദേവഃ ശ്രുതിമാൻ ഗോബ്രാഹ്മണഹിതാശയഃ ॥ 173 ॥
വരശീലശ്ശിവാരംഭസ്സുവിജ്ഞാനവിമൂർതിമാൻ ।
സ്വഭാവശുദ്ധസ്സന്മിത്രസ്സുശരണ്യസ്സുലക്ഷണഃ ॥ 174 ॥
ധൃതരാഷ്ട്രഗതൗദൃഷ്ടിപ്രദഃ കർണവിഭേദനഃ ।
പ്രതോദധൃഗ്വിശ്വരൂപവിസ്മാരിതധനഞ്ജയഃ ॥ 175 ॥
സാമഗാനപ്രിയോ ധർമധേനുർവർണോത്തമോഽവ്യയഃ ।
ചതുര്യുഗക്രിയാകർതാ വിശ്വരൂപപ്രദർശകഃ ॥ 176 ॥
ബ്രഹ്മബോധപരിത്രാതപാർഥോ ഭീഷ്മാർഥചക്രഭൃത് ।
അർജുനായാസവിധ്വംസീ കാലദംഷ്ട്രാവിഭൂഷണഃ ॥ 177 ॥
സുജാതാനന്തമഹിമാ സ്വപ്നവ്യാപാരിതാർജുനഃ ।
അകാലസന്ധ്യാഘടനശ്ചക്രാന്തരിതഭാസ്കരഃ ॥ 178 ॥
ദുഷ്ടപ്രമഥനഃ പാർഥപ്രതിജ്ഞാപരിപാലകഃ ।
സിന്ധുരാജശിരഃപാതസ്ഥാനവക്താ വിവേകദൃക് ॥ 179 ॥
സുഭദ്രാശോകഹരണോ ദ്രോണോത്സേകാദിവിസ്മിതഃ ।
പാർഥമന്യുനിരാകർതാ പാണ്ഡവോത്സവദായകഃ ॥ 180 ॥
അംഗുഷ്ഠാക്രാന്തകൗന്തേയരഥശ്ശക്തോഽഹിശീർഷജിത് ।
കാലകോപപ്രശമനോ ഭീമസേനജയപ്രദഃ ॥ 181 ॥
അശ്വത്ഥാമവധായാസത്രാതപാണ്ഡുസുതഃ കൃതീ ।
ഇഷീകാസ്ത്രപ്രശമനോ ദ്രൗണിരക്ഷാവിചക്ഷണഃ ॥ 182 ॥
പാർഥാപഹാരിതദ്രൗണിചൂഡാമണിരഭംഗുരഃ ।
ധൃതരാഷ്ട്രപരാമൃഷ്ടഭീമപ്രതികൃതിസ്മയഃ ॥ 183 ॥
ഭീഷ്മബുദ്ധിപ്രദശ്ശാന്തശ്ശരച്ചന്ദ്രനിഭാനനഃ ।
ഗദാഗ്രജന്മാ പാഞ്ചാലീപ്രതിജ്ഞാപരിപാലകഃ ॥ 184 ॥
ഗാന്ധാരീകോപദൃഗ്ഗുപ്തധർമസൂനുരനാമയഃ ।
പ്രപന്നാർതിഭയച്ഛേത്താ ഭീഷ്മശല്യവ്യധാവഹഃ ॥ 185 ॥
ശാന്തശ്ശാന്തനവോദീർണസർവധർമസമാഹിതഃ ।
സ്മാരിതബ്രഹ്മവിദ്യാർഥപ്രീതപാർഥോ മഹാസ്ത്രവിത് ॥ 186 ॥
പ്രസാദപരമോദാരോ ഗാംഗേയസുഗതിപ്രദഃ ।
വിപക്ഷപക്ഷക്ഷയകൃത്പരീക്ഷിത്പ്രാണരക്ഷണഃ ॥ 187 ॥
ജഗദ്ഗുരുർധർമസൂനോർവാജിമേധപ്രവർതകഃ ।
വിഹിതാർഥാപ്തസത്കാരോ മാസകാത്പരിവർതദഃ ॥ 188 ॥
ഉത്തങ്കഹർഷദാത്മീയദിവ്യരൂപപ്രദർശകഃ ।
ജനകാവഗതസ്വോക്തഭാരതസ്സർവഭാവനഃ ॥ 189 ॥
അസോഢയാദവോദ്രേകോ വിഹിതാപ്താദിപൂജനഃ ॥
സമുദ്രസ്ഥാപിതാശ്ചര്യമുസലോ വൃഷ്ണിവാഹകഃ ॥ 190 ॥
മുനിശാപായുധഃ പദ്മാസനാദിത്രിദശാർഥിതഃ ।
വൃഷ്ടിപ്രത്യവഹാരോത്കസ്സ്വധാമഗമനോത്സുകഃ ॥ 191 ॥
പ്രഭാസാലോകനോദ്യുക്തോ നാനാവിധനിമിത്തകൃത് ।
സർവയാദവസംസേവ്യസ്സർവോത്കൃഷ്ടപരിച്ഛദഃ ॥ 192 ॥
വേലാകാനനസഞ്ചാരീ വേലാനിലഹൃതശ്രമഃ ।
കാലാത്മാ യാദവോഽനന്തസ്സ്തുതിസന്തുഷ്ടമാനസഃ ॥ 193 ॥
ദ്വിജാലോകനസന്തുഷ്ടഃ പുണ്യതീർഥമഹോത്സവഃ ।
സത്കാരാഹ്ലാദിതാശേഷഭൂസുരസ്സുരവല്ലഭഃ ॥ 194 ॥
പുണ്യതീർഥാപ്ലുതഃ പുണ്യഃ പുണ്യദസ്തീർഥപാവനഃ ।
വിപ്രസാത്കൃതഗോകോടിശ്ശതകോടിസുവർണദഃ ॥ 195 ॥
സ്വമായാമോഹിതാഽശേഷവൃഷ്ണിവീരോ വിശേഷവിത് ।
ജലജായുധനിർദേഷ്ടാ സ്വാത്മാവേശിതയാദവഃ ॥ 196 ॥
ദേവതാഭീഷ്ടവരദഃ കൃതകൃത്യഃ പ്രസന്നധീഃ ।
സ്ഥിരശേഷായുതബലസ്സഹസ്രഫണിവീക്ഷണഃ ॥ 197 ॥
ബ്രഹ്മവൃക്ഷവരച്ഛായാസീനഃ പദ്മാസനസ്ഥിതഃ ।
പ്രത്യഗാത്മാ സ്വഭാവാർഥഃ പ്രണിധാനപരായണഃ ॥ 198 ॥
വ്യാധേഷുവിദ്ധപൂജ്യാംഘ്രിർനിഷാദഭയമോചനഃ ।
പുലിന്ദസ്തുതിസന്തുഷ്ടഃ പുലിന്ദസുഗതിപ്രദഃ ॥ 199 ॥
ദാരുകാർപിതപാർഥാദികരണീയോക്തിരീശിതാ ।
ദിവ്യദുന്ദുഭിസംയുക്തഃ പുഷ്പവൃഷ്ടിപ്രപൂജിതഃ ॥ 200 ॥
പുരാണഃ പരമേശാനഃ പൂർണഭൂമാ പരിഷ്ടുതഃ ।
പതിരാദ്യഃ പരം ബ്രഹ്മ പരമാത്മാ പരാത്പരഃ ॥ 201 ॥
ശ്രീപരമാത്മാ പരാത്പരഃ ഓം നമഃ ഇതി ।
ഫലശ്രുതിഃ –
ഇദം സഹസ്രം കൃഷ്ണസ്യ നാമ്നാം സർവാർഥദായകം ।
അനന്തരൂപീ ഭഗവാൻ വ്യാഖ്യാതാദൗ സ്വയംഭുവേ ॥ 202 ॥
തേന പ്രോക്തം വസിഷ്ഠായ തതോ ലബ്ധ്വാ പരാശരഃ ।
വ്യാസായ തേന സമ്പ്രോക്തം ശുകോ വ്യാസാദവാപ്തവാൻ ॥ 203 ॥
തച്ഛിഷ്യൈർബഹുഭിർഭൂമൗ ഖ്യാപിതം ദ്വാപരേ യുഗേ ।
കൃഷ്ണാജ്ഞയാ ഹരിഹരഃ കലൗ പ്രഖ്യാപയദ്വിഭുഃ ॥ 204 ॥
ഇദം പഠതി ഭക്ത്യാ യഃ ശൃണോതി ച സമാഹിതഃ ।
സ്വസിദ്ധ്യൈ പ്രാർഥയന്ത്യേനം തീർഥക്ഷേത്രാദിദേവതാഃ ॥ 205 ॥
പ്രായശ്ചിത്താന്യശേഷാണി നാലം യാനി വ്യപോഹിതും ।
താനി പാപാനി നശ്യന്തി സകൃദസ്യ പ്രശംസനാത് ॥ 206 ॥
ഋണത്രയവിമുക്തസ്യ ശ്രൗതസ്മാർതാനുവർതിനഃ ।
ഋഷേസ്ത്രിമൂർതിരൂപസ്യ ഫലം വിന്ദേദിദം പഠൻ ॥ 207 ॥
ഇദം നാമസഹസ്രം യഃ പഠത്യേതച്ഛൃണോതി ച ।
ശിവലിംഗസഹസ്രസ്യ സ പ്രതിഷ്ഠാഫലം ലഭേത് ॥ 208 ॥
ഇദം കിരീടീ സഞ്ജപ്യ ജയീ പാശുപതാസ്ത്രഭാക് ।
കൃഷ്ണസ്യ പ്രാണഭൂതസ്സൻ കൃഷ്ണം സാരഥിമാപ്തവാൻ ॥ 209 ॥
ദ്രൗപദ്യാ ദമയന്ത്യാ ച സാവിത്ര്യാ ച സുശീലയാ ।
ദുരിതാനി ജിതാന്യേതജ്ജപാദാപ്തം ച വാഞ്ഛിതം ॥ 210 ॥
കിമിദം ബഹുനാ ശംസന്മാനവോ മോദനിർഭരഃ ।
ബ്രഹ്മാനന്ദമവാപ്യാന്തേ കൃഷ്ണസായൂജ്യമാപ്നുയാത് ॥ 211 ॥
Recite with devotion and pure heart
Regular practice brings spiritual benefits